Monday, July 06, 2009

سوّوا نفسي..ضحكــــــــوا

.
.
.
.
.
اليوم قمت الصبح..مو معقول كميّة التكسّر اللي أنا فيه
.
طبعا أنا متأكده أن هالتكسّر..مو من قل نوم
.
من قل أوكسجين بالجو
.
و رحت الدوام أير روحي ير
.
مو بس عشان عيزانه..بس أصلا الأجواء العامه 
.
تضيّق الخلق
.
فتح السوق..و هم ما قصّر فينا..من أمس لي اليوم
.
نزول حُر
.
فعلى ما صارت الساعه ٢ و كنت توني
.
 خالصه أجتماع معصبه فيه
.
و داخله أجتماع ناس راح يقرقون فيه
.
كنت ناضيه 
.
فجأه..صارت شغله..بيننا..أحنا البنات..صديقاتي
.
سوء فهم..على لقافه
.
تعال سوّي محادثه بين ٨ بنات
.
و كل المحادثه يا مسج ..يا بي بي أم
.
أحنا أذا تيمعنا..ويهنا بويه بعض..ما نسمع بعض
.
هالمرّه مسجات..الضحك اللي ضحكته من زمان 
.
خبري فيه..و البنات و ردود أفعالهم..خلّوني أقهقه
.
فجأه..حسّيت..الله وناسه..حلو الشعور
.
 أرتفعت معنوياتي..حسيت أني نشيطه
.
و لأول مره..تصير الساعه ٣ و قت الغدا
.
 و ما أحس أني راح أموت من اليوع كالعاده
.
كل هذا
.
بسبب ضحكه و قهقه حقيقيه
.
فأنصحكم..صدّوا شويه
.
و دوروا ناس تحبونهم و ترتاحون معاهم
.
و استمتعوا بوقتكم معاهم
.
.
و سلامكتم

34 comments:

أبو جيج مع الورقة البيضاء said...

الحين عرفتى؟

حسافتج يا كويت said...

عليج بالف عافية


بس يا ربي ماكو شي يضحك حوالي

بيلي صدة وسفرة مع الربع

ومو اي احد من الربع

يبيلها ناس معطيا الدنيا بالصرمة الاديمة

nanonano said...

أبو جيج مع الورقة البيضاء:

صاحب المعالي..يا هــــــــــلا..و مسهـــــــــــلا

و الله العظيم كلامك كلّه صح

و أنا مؤمنه فيه

بس كل مرّه أقول حق نفسي

حاول مرّه أخرى



هالمرّه...عرفتي مضبـــــــــــوط

nanonano said...

حسافتج: بالضبــــــط

واحــــــــــد من الربع

و صح..لازم يكون ضارب الدنيا

لأن اللي مطنشين و معطين طاف حق العالم

أهمه اللي فاهمين لها مضبوط

و أقول لك شي

سبب سوء التفاهم

وحده من البنات اللي ضاربه الدنيا

عشان جذي

صار الموضوع كوميدي

Blog 3amty said...

الحل أنج توسعين

http://filesplus.abunawaf.com/2008-07/item-ksRQJKte01.jpg

وأدعيلي

Nikon 8 said...

والله صاجة
يا زين الصده عن المغثات
ويا زين الصحبة الحلوة والضحكة من قلب
الله يديم عليك كل هالأشياء الحلوة
:)

lawyer said...

اقوووووووووووووولج شي ما تصدقينه


من الي فيني و القممممممممممته و وضع الدوااااااام


ووضع كل شي شي مأزمني


ولاني ما اقدر اروح سويس لان الله باليني في مدير مطششششششششششششر مخي بالينووووون

وانا بالعه موس و ساكته


فشنو تتوقين سويت


بنحااااااااااش مصر اربع اياام
ماراح اطلع مكان بس بروووووووووح اضحك
و افصصصصصصصصصصصصل من الدنيا و ارد



اروح اصد في مرسى علم والا قوارب القاهره اركب ويااا صعايده
و يصفقون و يستانسووووووووووون و اشووووووووووووووف ناس مرتاحه اشحن رووووووووووووووحي طاقه ايجابيه

و احسسس ان الدنيا فيها شي حلوووووووو




متنا من الغلقه استغفرالله




امس هسترت صراااااااااااخ
بعدين استوعبت اانا ليش مسويه بروحي جذي !!

lefobserver said...

Hello from GREECE!!!
Could you visit my blog http://lefobserver.blogspot.com/, in order that the flag of your country, will be added to the index of my visitors?
Thank you in advanced.

أبو الدســتور said...

المشكلة ختى اللي اروحلهم ابي اضحك معاهم
يسئلوني عن الخرافي

ولاّدة said...

ضحكي
وضحكي
أوسعي الأيام غيظاً ضحكا كما يقول غازي القصيبي

وضع سياسي تعيس: طــــز
سقوط حر للبورصة:إذا سلم العود الحال تعود

t.q8 said...

اضحك تضحك لك الدنيا


زان شاء الله دوم الضحكه
:)

100 fils said...

مساء الخير نانو

ان شاء الله دوم مستانسه و تضحكين..لا تعورين راسج و ريحي بالج..و نسي نفسج ولي ما يعجبه يضرب راسه بالطوفه.. اذا على السوق فهوه مولي لي رمضان و بعيد يصير خير

Wish You all the HapPyz in the world to you and your family and keep the smile Up :)

عاضّه said...

صراحه الضحك مطلوب هاليومين.

nanonano said...

Blog 3amty :

هاهاهاهاهاها

عاد كل شي و لا عيال قبيلة الشاكازولو

الحين يقولون عنّا قبليين و عنصريين

عاد تعال فجّج

nanonano said...

Nikon 8:

من بساطة السالفه

و من لقافة وحده

و من تعربك المعلومات

بينّا

ما تتخيلين شلون صار تخمبق

صج الصحبه الحلو

أهيه اللي توسع الصدر

nanonano said...

lawyer:

خل أقول لج نصيحه..القاهره مسكته خل توسّع الصدر

بــــــــــــس

يوم روحه و يوم ردّه و ٤ أيام تغيرين جو و بس

أي يوم زياده

ما أضمن لج النتايج

nanonano said...

lefobserver:

i will

u r welcome

nanonano said...

أبو الدســتور:

اللي يسألك عن الخرافي

أعتذر منهم

و قول لهم هذا تخصص بو حمود

nanonano said...

ولاّدة:

أحلى شعور لما تقررين تقولين

خلاص

طــــــــــــــز

والله أنج صاجه

nanonano said...

t.q8:

ترا أنا مؤمنه بهالمقوله

بس شنو نسوي ساعات من التلاهي الواحد ينسى

تسلم

nanonano said...

100 fils s:

مســـــــــــــاء النور

أهلا و سهــــــــــلا

لو الواحد يقدر يتحكم بمشاعره و نفسيته..جان صارت الحياة وايد أسهل

بس عيزت و أنا أعلم في روحي

بس كل مره أنسى

بس هالمره راح أكون أكثر صرامه مع نفسي


thanx a lot dear...and wish u all the best too
;)

nanonano said...

عاضّه:

حـــــــــــدّه

لأن النفسيات واصله الحضيض

فريج سعود said...

عسا دوم

عندي سؤال من زمان ودي اسأله بس مستحي

أسأل ؟


آسأل على قولة عبدالحسين في فرسان المناخ


صورة منو هذي الي بمدونتج

ابي الاجابة من غير ما تنعتيني بالرجعية وخلوي من الثقافة المحلية والعالمية

nanonano said...

فريج سعود:

صباحـــــــــو

أشـــــــــدعوه؟؟!!؟

أنا أنعتك بالرجعيه؟؟

لا كان و لا بيكون..أصلا

الله يسلمك هذي ممثله أسمها

أودري هيبورن

و كا اللنك حطيته لك عشان تعرف زياده عنها


http://ar.wikipedia.org/wiki/أودري_هيبورن

KQ8 said...

انا عطيتها صده...اريح

عثماني said...

شورتج و هداية الله

بسويها

:)

esTeKaNa said...

واي يا زين الصورة تزوق القلب
:)
عسى ربي يديم الضحكة عليج
يا زين الرفيجات اذا تحاوطوج ووسعو صدرج عسى ربي لا يحرمج منهم
يبيلنا نصد بهالصيف
بسنا تعب
!

nanonano said...

KQ8 :

بس أنت صدّتك كانت مبجر

عطها أسبوعين و راح يطير مفعولها

nanonano said...

عثماني:

أخيّي..هذا دواك و على الله شفاك

طويل العمر

nanonano said...

esTeKaNa:

حدنـــــــــــا عيازه

يا زين الصديقات

يو سعون الصدر

أحمد الحيدر said...

الله يديم الضحك والوناسة :)

Enter-Q8 said...

خو من زمان وانا اضحك على اللي قاعد يصير حولنا بهالديرة بس ما صار نفس اللي صار معاك مادري ليش
عسى الله يديم هالضحكة عليج

nanonano said...

أحمد الحيدر:

آميــــــــــــن

أجمعيـــــــــــن

nanonano said...

Enter-Q8 :

أنت صد عن اللي قاعد يصير بالديره

و صدقني راح يصير معاك نفس الضحك

 
template by Purplecious