Wednesday, December 31, 2008

hApPy NeW yEaR


عام ٢٠٠٩ على الأبواب
.
حبّيت أني أقول لكم
ترا الحياة قصيره
.
وسعوا الصدر
.
سامحوا بسرعه
.
حبّوا من قلبكم
.
ضحكوا
.
و لا التحسفون على  شي رسم البسمه على وجوهكم
.
و طبعا
.
عسى ٢٠٠٩ تصير كلها
.
خير و صحه
.
و شوية فلوس..ما يضر
.
و متروســــه حـــــب
.
.
.
**********
.
.
و بمناسبة راس السنه
.
أهدائي لجميع أخواني و أخواتي من المدونين و المدونات
.
محمد عبده
.
على البـــــــــــــــال

 

72 comments:

lawyer said...

صباااااااحج ورد

عاااااد صج روعه على البااااال ويا هالغيم الي براااا


عسى اياااامج كلها حب انشاء الله

و عساها سنه خييييير





والكثييييييير من الفلوس الله يخليج مو شويه ...


ها شنو مخططااتج النهارظه بالليل؟


انا عن نفسي فجأه امس قررت احتفل اليووووم

وسووووويت يمعه و عزيييمه و طلبت مالت الصااااج ورتبت كل شي



مابيهاا تمر جذي بروووحي وانا نايمه و منسدحه و مجابله التيفي مثل كل سنه






:*

why me said...

صباحج ياسمين والنسمه الحلوه البارده اللي كل نسمه اتمر على خدج اتقولج صباحج ورد وياسمين


مشكوره على الاهداء الحلوو .. واختيار موفق

حلاتج ياحلو صباحاتج ..



واتمنى اتكون هالسنه


مترووووووووسه فلوس وحب



بل حدي طماعه
خو استاهل انا

مو ولا مو مو ؟
;p


:*

cozy said...

كل عام وانتي ابألف خير والله يجعل السنه اليايه سنة خير على الكل إنشالله وما إحلون المجلس أكثر من ثلاث مرات وبس اربع وزارات قولي امين :)

nanonano said...

lawyer:

صباحج ياسمين هندي يا أملح محاميه

ليش الطمع؟؟!!؟

شوية فلوس..و الله وايد زين

تصدقين أن لي الحين ما عندي أي خطه

متدودهه

من غير شر زوجي مسافر

و البنات بالشاليه

و أنا عوبه..ما أحب أنام بره البيت

و شرط زوجي أذا رحت حق البنات أني أنام ما أهايل بالليل

فلي الحين حوسه

بيني و بينج أنا أبي أحدر بالليل..عقب ما أستانس مع البنات..و أقعد أسمع على البال

لأن على البال لها مكانه خاصه عندي

nanonano said...

why me:

يا حلاتج أنتي و الله

يا ريت تصير سنة 2009 متروسه حقج فلوس و حب..بس أخاف عقب تموقين علينا..و تلهين بأدارة فلوسج

و بعدين حدّه مـــــــــو

تستاهلين كل خير

جنة الحواس said...

حلو كلامك
:)


2009

عساها سنة تغيير للأفضل على جميع الأصعدة


و كل التفاصيل ..عجيبة مع هالجو

nanonano said...

cozy:

هاهاهاهاهاها

أي والله صـــــاج

3-4

كـــافي علينا

لأن ما صار فينا حيل

كل عام و أنت بألف خير و صحه و حب..لك و لكل أحبابك

nanonano said...

Broke:

أن شاء الله سنة 2009 تكون حلوه علينا كلنا

بهالغيم و الجو المملوح لأن لا بارد وايد يعور..و لا حار يملل..يبيله شي زين.

عزيزتي
Broke

كل عام و أنتي بألف صحه و سلامه

Blog 3amty said...

علامج مطعجة جذي، جنّة حايشج شد عضلي !

كل سنة وانتي وعمتي بألف خير ..

nanonano said...

Blog 3amty:

عميمه..قاعده أتدلّع

حتى الدلع مشاغبتني عليه

كافي وقفتي بختي..و عنست..وقعدنا متجابلين أنا و ياج بالحوش

العزيز
Blog 3amty

أن شاء الله 2009 تكون سنة خير لك و لي عميمه..و عسى الله يهدي سرك مع أبا الوليد..و تعلنون الهدنه و تفكونا من سالفة منو مع منو..لأني ودي أكون معاكم أثنيناتكم

LiL ALiEN said...

ولو اني زعلان لأنج طنشتيني ومارديتي على في البوست اللي طاف .. بس كل عام وانتي بخير

Anonymous said...

ههههههههههههههه

شتان بين موضوعي وموضوعج


عموما يمكن لان الرجل اكثر واقعي من المرأة

وهم لازم ماننسى
تفاؤلوا بالخير تجدوه


وحنا بنتفائل إنشاء الله

وتكون سنة خير عليج وعلى الكويت والعالم كلة

ونولج يا كريم في هذي السنة على قد نيتج واكثر شوي

واللي ما صار في 2008
يصير في 2009

من امنياتج طبعا مو من إستكمال مسلسل الإنهيارات


صباحك 2009 معطر

nanonano said...

LiL ALiEN:

لا والله حشى

ردّيت

عاد كل شي و لا أنت

خو أنت عارف معزّتك عندي

و اللي ماله أول ماله تالي

و الله العظيم أني رديت حتى قبل لا أقرا تعليقك هذا

و أنت بألف و صحه و سلامه و حب

KQ8 said...

كل عام وانتي والعائله الكريمه بالف خير

وان شاء الله تكون سنة ٢٠٠٩ سنة خير وبركه على الجميع

nanonano said...

حسافتج يا كويت:

هاهاهاها

شفت شلون

أصلا أنا مبدئي بالحياة

تفائلوا بالخير تجدوه

و بعدين الصج..شنو بيصير أسوأ من وضعنا الحالي

خو سنة 2008 بدّعت فينا..و أعتقد أحنا الحين

تعوّد على الصقعات قلبي

فكل شي بيصير معقول نوعا ما

يعني مثلا اليوم آخر يوم بسنة 2008
السوق لي الحين طايح 218 نقطه

زوجي من غير شر..صار شي طارئ و اضطر أن يسافر

يعني أنا اليوم
HOME ALONE

و ما عندي أي خطّه..خير شر..و هذي من الأشياء النادره أني أهيت روحي من غير اي مخطط

عموما..ما أدري ليش أعور راسك بقرقتي

كل عام و أنت و العائله الكريمه بخير و صحه و سعاده

nanonano said...

KQ8:

آمين..أجمعين

أيها الزميل

lawyer said...

انا نفسج لو ارد الصبح بس انام في مكاني


ممممممممم

ماينفع المساااااحل؟


راس السنه يساحلوووووووون اليوم وايد

ههههههههههههههههه

nanonano said...

lawyer:

الصج..كلش مالي خلق أساحل و أندقر

ما تشوفيني أقول لج..أبو التدوده

100 fils said...

صباح الخير

اتمنالك سنه حلوه
وسنه تحقيق الاماني
و سنه فرحه و ابتسامه
و سنه حب و سلام وراحة بال ان شاء الله

مشكوره على البوست الحلو
HaPpY NeW YeaR :)

nanonano said...

100 fils:

صباحك ورد

أتصدق باللي قلته كله

أهم شي عندي تمنيك لي براحة البال

هذا اللي صج ودي فيه..أن أطخ شويه..و أبطل أني أصير قلقه

عموما

كل عام و أنت محاط بكل الحب اللي بالعالم

Someday said...

كل عام و انت بالف خير

wish you a beautiful year full of pleasant surprises:*

nanonano said...

Someday:

:-*

SAME TO YOU DEAR

:-*

Anonymous said...

نانو

ماني عارف ليش مسوية الوضع هوم الون

عادي اليوم ترى مثل كل يوم

وصدقيني انا عمري ما احتفلت فية
امطنشة ليش إن هذا اليوم فية احداث وايدة فلازم مايطوفني منة شي
واحسن شي اشوف التلفزيون واخلي الغالم كلة ييني مو انا اروحلة

lawyer said...

نانوو
ممممممممم



لي الليل انشاء الله يصير خير

Q8EL5AIR said...

اوووه الظاهر المزاج هالايام عبده !!!



الكبير .. يبقى .. كبير :)



وكل عام وانتي بخير وصحة وعافية ..


مع تمنياتي لج بالتوفيق الباهر .. والنجاح الخاطف .. والانجاز المثمر!!!!!!

:) :) :)




وتحياتي ..

ويسلموااااااااااااااااااا :)

nanonano said...

حسافتج يا كويت:

لأن صج..كان راح يصير هوم ألون

لا حواره و لا حماره

بس تغيّرت الحسبه الحين

بنام بالشاليه عند البنات

أوعدوني بيعطوني غرفه بروحي..مالها شغل لا من قريب و لا بعيد بعيالهم و صيحتهم

أشرايك بالعساره

nanonano said...

lawyer:

ابشرج

أنحلت

باخذ أغراضي

و انا و وناستي

اذا ياز لي الوضع و ماخلصت الليله مبجر بانام

و اذا شبعنا مبجر..سريت

nanonano said...

Q8EL5AIR:

يعل أيامك و سنتك و السنين اللي يايه كلها خير و بركه

و أن شاء الله فالنا من أسمك
كويت الخير

الله يسلمك
:)))

Unknown said...

Happy new year and have a wonderful time

and I miss you 2

say hi to everyone

cheerz

Unknown said...

oh and to all stay positive

nanonano said...

mosan mosan:

I WILL DEAR

CHEEEERS

TAKE CARE OF YOUR SELF

:-*

Anonymous said...

لووووووووول
عليج بالعافية

بس تدفي عدل ترى ياي سحتني بدش بالعظم


وسلميلي على التفاؤل لا شفتية

SKY said...

كل عام وانتي بالف خير وانشاء الله تكون سنة حلوة علينا كلنا ;**

Unknown said...

فستان برشوت تحفه لوووووول

و سامحوني يا حبايبي يا حلوين لو " رزلت " عليكم ترى طيبة أنا بس أحب أرزل شوي لوووووووول

و أكيد عرفتيلي لأن ما أدخل مكان يصدح فيه محمد عبده أبداااااااا

:I

أهديكي عزيزتي أغنية

إنت طيب ..حليووو

:)

يله عاد بتفتكون مني الحين , هذا آخر تعليق لي هنا حتى حين , تشاااااااااااااااااااااااااااو

nanonano said...

حسافتج يا كويت:

الله يعافيك

أفا عليك لا توصي حريص

راح أسلم على التفاؤل و أبلغه سلامك الخاص

nanonano said...

SKY:

و أنتي بكل صحه و سلامه عزيزتي

nanonano said...

قطة مقطقطة:

تشــــــــــاووو

و على فكره..أنتي مو رزله كثر ما أنتي مشاغبه

و هم على فكره..ترا أنا كل موديلي باراشوتي

ما أواطن الترصرص

عاجـل said...

سمــــــــــــــــــــــــايل

nanonano said...

عاجــل:

ان شاء الله الأبتسامه ما تفارقنا كلنا

الدســتور said...

صباحج نور و سرور
وكل عام وأنتي بخير

nanonano said...

abu eldestor:

و أنت بصحه و سلامه يا ابونا كلنا

باللقب بس..حرام أظلمك

ZooZ "3grbgr" said...

يسعدلي مساج يالغالية

عسى البسمة ما تفارق قلبج

ويرزقج ربي باللي تتمنينه وخير لج

ويقر عينج باللي تحبين

وشويه فلوس خير ونعمه مع القزمة الاقتصادية

:")

nanonano said...

ZooZ "3grbgr":

يا هــــلا
و مسهــــلا

بالعقر بقر كله

هاهاهاهاهاها

وايد يازت لي القزمه الأقتصاديه
والله صاجه

آمين أجمعين
:-*

nanonano said...

Shaaby Q8y:

تشرفت بوجودك و بوجود صورة العم بوعبدالعزيز في مدونتي

كل عام و أنت بخير

و حياك الله

LiL ALiEN said...

خلاص مسموحه

كسرتي خاطري :P


ان شاء الله الاحتفال بالسنه الجديده راح يكون بالبيت الجديد؟

لأن الوزير بوجيج لازم يقص شريطه افتتاح البيت .. وانا لازم اييب الشامبانيا اللي على قد حالنا ((ايفا)) تفاح

nanonano said...

LiL ALiEN:

أفا عليك..ما طلبت شي..شامبانيا تفاح..أحسن أكيد من ال

saudi champaign

Unknown said...

nano
وإنتاي إبصحه أسلامه

honey said...

كل عام و انتي بخير و مستانسة بأحلى التفاصيل

و دايم على البال

Technogal said...

Happy New Year 7anna7inno :) "3la elbal kel halesneen elee marat 3la el bal"!

بنت الشاميه said...

كل سنة وانت طيبه
وعساها سنة خير ومحبة وامن وامااااان
يارب

enter-q8 said...

الساعة11.56 بروح اقز بالمطار

Bloggerista said...

نانو

كل عام و انتي بخير يا حلوة

و انشالله تكون السهرة بالشاليه على مزاجج و صيحة اليهال ما عسرتج :)


hope all you wished for comes true and more :*

oh and hope the global markets are kind to us this year :P

Gee™ said...

اي والله شوية فلوس ما تضر
كلش كلش نهائيا ما تضر
الله يسمع منج
حدي مفلسه ها ؟
الله كريم
;p

كل عام وانتي بخير ;*

Q8Sky said...

عسى ماشر اشفيج مغلقه ؟
بيعينا بالسوق افا عليج :)

nikon 8 said...

كلام جميل ومن فمك لباب السما إنشاء الله وكل عام وأنت بألف خير
:)

mantovani said...

كل عام و انتي بخير

اتمنى ان هالسنة تكون سنة سعادة للجميع


مانتوفاني

Eng_Q8 said...

هابي نيو يير

Fankooshy said...

`كل عام وانتي بخير :)

nanonano said...

احمد سالم:

شكرا جزيلا

nanonano said...

shahad :

و أنتي بصحه و سلامه

و أن شاء الله سنة ٢٠٠٩ نستمتع بكل تفاصيلها

nanonano said...

Technogal:

same to you dear
:-*

و بأحلى التفاصيل بعد
;)

nanonano said...

بنت الشامية:

يـــــــــــــا رب

أجمعين

و يهدي سرنا

nanonano said...

Enter-Q8 :

عاد يمدحون الكاونت داون اللي بالمطار

nanonano said...

Fashionista:

my dearest Fashionista i think what ever is coming next financially going to be worse
بس على قولة اللبنانيين..تمسحنا

والله أستانست مع البنات..حلو الواحد أن يقضي مثل جذي ليله مع ناس يحبونه و يحبهم

شكرا على السؤال
و ترا كنت لابسه كعب..و طول الليل ما فصخته

تيرّعت

nanonano said...

Gee :

و أنتي بصحه و سلامه

الفلس ضارب الجميع و حياتج..بس الزين بالموضوع

حشر مع الناس عيد

:-*

nanonano said...

Q8Sky:

كلّش مو مغلقه

أشتريك يا الغالي

:))))))

nanonano said...

nikon 8 :

و أن شاء الله سنتج تكون أجمل و أجمل عزيزتي

:-*

nanonano said...

mantovani:

أجمعيـــــــــــــن

لأن بسنا تلجّم يا سعد

nanonano said...

Eng_Q8:

سيم تو يو يا باش مهندس

nanonano said...

Fankooshy:

و أنت بألف صحه و عافيه...و رومانسيه عزيزي

ولاّدة سابقاً ... رانيا السعد ...رانية المنيفي حسب الأوراق الرسمية said...

تمنياتي لكِ بسنة -على كيفك- تفصلين دقائقها كما يروق لكِ
تملئين رزنامتها بأحداث مبهرة لا تنسى

كل عام وصداقتنا متجددة
:*

Kaadi said...

كل التفااااااصيل ...على البال و احلى التفااصييييييل :)

صج انشالله تكون مـــــــتروووســــة حـــــــب !

أمين

 
template by Purplecious