Wednesday, December 17, 2008

ليش لأ؟!؟

تصدقون لو أنا من أصحاب القرار بالديره
.
جان قلت حق مستشاريني
.
في جماعه عندهم من عمرهم شطّه
.
و على بالهم يعرفون و يفهمون بأمور البلد أكثر منّا
.
ينقال لهم المدونين أو البلوغرز
.
ييبوهم خل نشوف شنو يطلع معاهم
.
خل نشوف شلون ممكن يسوون حكومه متجانسه
.
أصلاحيه ذات رؤيه
.
مو عشان شي
.
بس من باب التغيير على الأقل
.
و لأن أحنا أقصد المدونين معظمنا نعتبر شباب ناضج
.
و لحد ما عندنا رؤيه في أمور معينه
.
.
يعني بكل الأحوال راح نكون أحسن من
.
اللي راح يتم أختيارهم
.
و أهمه أي اصحاب القرار
.
راح يفتكّون منا و من لبحتنا عليهم
.
لأن أحنا راح نكون لاهين في مهام الوزاره

49 comments:

Broke said...

والله كلامك مقنع

يا ليت ..المدونين القدامى يطلع منهم

تذكرين هالبوست :

http://esetch.blogspot.com/2005/04/blog-post_05.html#comments

:P

Enter-Q8 said...

كان ثاني يوم هالحكومة بتستقيل
بتعرفين شنو السبب

السبب نفس اللي صار مع النصف

Shurouq said...

حنفي لا يحبذ

q8_el5air said...

يالله فوقه ...


انا ماعندي شغل !! بطالي !!


بس على شرط .. انا ابي وزارة

العدل :)

Purgatory said...

شكلج تبين تأكلين ويا الهوامير

علينا

;p

Eng_Q8 said...

هذا مو حلم

هذا حلم وانتي حالمانه انج حلمانه وحلمانه انج نايمه وحلمانه وحلمانه انج حلمانه

انا اقول اشلون الموظف المسكين الي انتي مديرته :p

Zaydoun said...

والله انا بصراحة ماني فاضي لهم

بومريوم said...

انا ارشح جون جيريمى حق وزارة الاعلام

http://www.pornnation.org/images/Ron%20Jeremy2.jpg

nanonano said...

Broke :

تخيّلي هالحجي صار له ثلاث سنين و نص و أحنا على نفس السالفه و نفس اللبحه..العالم صار وين و أحنا نفس الشي

nanonano said...

Enter-Q8:

ثاني يوم تستقيل؟!؟

يمكن بنفس اليوم ما يخلّص الأجتماع الا متفركش كل شي

nanonano said...

Shurouq:

أكيد حنفي لا يحبّذ

و لا جان ما صار كلالكيت خامس مرّه

nanonano said...

q8_el5air :

فوقه..فوقه

العدل؟؟؟!!؟

أشمعنى؟؟؟؟

nanonano said...

Purgatory :

لو أبي آكل

جان أكلت من زمان

ما أنطر وزاره و ديوان محاسبه و مجلس أمه

nanonano said...

Eng_Q8 :

يا باشمهندس..ما لكش دعوه بالموظفين بتوعي

حتى الحلم مشاغبني عليه..شالديره؟!؟؟

nanonano said...

Zaydoun:

بوالزيد..خبرك مع وضع السوق الحالي

أنا حدّي فاضيه..قلت أتسلى معاهم

nanonano said...

بومريوم :

بومريــــــــوم

يـــــــــوز

ZooZ ZaibG said...

اول ما بديت اقرا البوست قلت خوش فكرة يسوون لجنة المدونون والمدونات لاختيار وترشيح الوزراء والوزيرات

أثاري طلع عينج عالكرسي؟؟

الظاهر العموم عرباوي يحب الخضرررررر


;p

Mok said...

اصلج وزير

Eng_Q8 said...

اي ممنوع اتحلمين قانون المطبوعات ما يسمح

حسافتج يا كويت said...

نانو عزيزتي

شفيج ؟؟

مستعدة اتعاونين بحكومة تبيع وزراءها؟؟

مستعدة عوير وزوير يطعنون بشرفك وذمتك المالية؟؟

ولو حصل واستشاروا المدونين او حطوا واحد منهم وزير صدقيني بيقلب المدون علينا وبهاجم المدونين ومو بعيدة لا صار وزير المواصلات يحجب الموقع

وبعدين تعالي

مستعدة تصيرين مايونيزة او كاتشبايه او حتى خسَايه تحت امرة ماك بهالبلد غير هالولد؟؟؟

q8_el5air said...

انا اقولج ليش !!!

اولا:-

عشان اطبق اسم هالوزارة على ديرتنا ..!!

الي اتوقع واااايد ناس نسوا كلمة العدل !!!


ثانيا :-

في قولة تقول " لا تدوم دولة الاسلام مع الظلم .. وتدوم دولة الكفر مع العدل " ..

يعني اهم شي العدل !!

بعدين دور على الدولة !!


ثالثا :-

لاني قانوني .. !!



ويسلموااااااااااااااااا :)

EXzombie said...

بصفتي المتحدث السابق باسم المدونين الكويتيين، اقول يا حكومة بلوغرية كاملة يا بلاها و خلهم يطحسون

nanonano said...

ZooZ ZaibG:

آآآآآآآآآآآآآه..بلّشنا؟

حشى والله مو حاطه عيني على الكرسي

على فكره ترا أنا وايد أستحي..لا تحطيني جدام أوادم ما أعرف أتحجى و لا حجوه..و كلّه أتخشش..ما أواطن أصير تحت المجهر

nanonano said...

Mok :

شكرا جزيلا

nanonano said...

Eng_Q8 :

ما شاء الله عليك..قانون المطبوعات سامح لك بكل شي..الموضوع لما أيي عندي..يصير ممنوع..أنا متأكده أن راعي الفحما مضبطك مع الرقيب

abu eldestor said...

انا امتنع

nanonano said...

حسافتج يا كويت:

للأجابه على تساؤلاتك

أشفيني: مشتهيه يقومون من حالة السبات العميق اللي نايمين فيه و يشوفون شنو قاعد يصير يتلفتون ينتبهون..طبعا أنا قاعده أخرف بيابس أدري بس والله العظيم
مليــــــــــــــــــــــــــــــــــــــــــــت

السؤال الأول: لأ

السؤال الثاني: لأ

و آخر شي: موضوع ماك بهالبلد غير هالولد؟؟
يخســــــــــــــــــــى

nanonano said...

q8_el5air:

أصلا من يقرون تعليقك هذا راح يقولون ما نبيه..هذا يفهم وايد..و خبرك عدوهم اللدود اللي يفهم

nanonano said...

EXzombie:

هـــــــــــــــو أكيــــــــــــــد

يا نطحس سوا..يا ما نطحشسي سوا

nanonano said...

abu eldestor :

وااااااي

ليش تمتنع؟؟!!؟

أنت شوف قبل منو راح يقبل من المدونين و المدونات و عقب قرر

من الحين معترض..ذكرتني في بو مساعد

حسافتج يا كويت said...

نانو
هههههههههههههه

ماجوبتيني اتهين اذا مدون صار وزير مايحاربنا ويجعمنا؟؟؟

q8_el5air said...

مو انتي من اصحاب القرار !!!


خلاص اكيد راح تضبطين اخوج الصغير !!


ايد وحده ماتصفق !!!


:):):)

nanonano said...

حسافتج يا كويت:

هو أشفيك قلت يا كلنا مع بعض يا ولا واحد منا..و أحنا كمجموعه ما أعتقد ورانا تخوينه

مو؟

nanonano said...

q8_el5air:

وي يا ريـــــــت

صيت الغنى و لا صيت الفقر

بس أفا عليك

حاضرين

اجار الدين كشمش said...

والله شوفي انا راي انج انتي وشروق

وبنت الشاميه ووايت وينق

واااايد احسن من كذا وزير مروا على الوزاره

انتوا من المؤكد اكثر علم وثقافه من هذال الوزير السابق والوزير الميع اللي الان ناااائب رئيس المجلس

انتوا عينه من المدونات

اما اناااا عند عمري احسسسن من

تشيرشيل

ها وهذا انا مو من المدونين

بس معلق !!!!ََ000
فمالله

حسافتج يا كويت said...

أصابعج ماهي سوى

اعرف بلوقرية يخونون من اول اسبوع

nanonano said...

اجار الدين كشمش:

شالتواضع؟؟؟!!؟

ما قصّرت..طلعنا أحنا أحسن من هذال و الميع؟

من تواضعك ما أقدر أرد عليك

هذا و أنت أسمك أجار الدين كشمش الله يعين لو أسمك
كافيار الدين كابرز؟

nanonano said...

حسافتج يا كويت:

بذمتك اللي بيخون مو بتصير من قرادته؟

حسافتج يا كويت said...

إلا من قرادت الكويت فية والله

Fankooshy said...

لو تصيرين من اصحاب القرار الاول
راح يتغير كلامج صدقيني لول
شكرا اختي :)

Fahad Al Askr said...

أنا مو ناضج، أنا أعتبر نفسي بالسياسة مديم ول، بس ممكن أعطيج توكيل تحضرين عني الجمعية العمومية

nanonano said...

Fankooshy:

ما راح يتغير موقفي..أنت اللي صدقني
:)

nanonano said...

Fahad Al Askr:

أنت مو ناضج؟؟؟؟!!؟؟

مابي توكيلك..أبيك بكبرك تشرّف..لسانك اللي يغرّد محتاجينه

mosan mosan said...

What position will you give me ?

Alia said...

البلوغرز خل يتفقون على راي عشان يتفقون على وزارة

وبعدين ترى .. مو شي
LOL

بنت الشامية said...

انا ابى وزارة الاشغال ...ما ادري ليش احبها....يمكن لا كل موظفينها يطلعون الساعة 12....وطول اليوم ما عندهم شغل......والمناقصات فيها على قفا من يشيل......انا ما ارضى الا فيهاااااا
هههههههههههه

nanonano said...

mosan mosan:

راح نسوي وزاره مخصصه لك لأدارة شئون الرياضه بالكويت..عاد أنت عارف الشله كلها..من الماضي..دبر أمورك معاهم

nanonano said...

Alia:

مو مهم يتفقون على راي..المهم يصير في أحترام لأراء الآخرين

مو؟

nanonano said...

بنت الشامية:

يمّا منّج..عشان تضبطين نفسج و نواب منطقتج بالمناقصات؟؟!!؟

طالع واكل نازل واكل

 
template by Purplecious