Monday, December 22, 2008

ما لنا الاّ بو فهد

أنا آسفه..بس أجد نفسي مضطره بالمطالبه
.
بعودة بوفهد للوزاره..و كوزير للماليه بالذات
.
لأن بعد مجهوداته الخارقه في موضوع رفع
.
حظر الفيفا..أجد لزاما علينا المطالبه بتحويل
.
مجهوداته الخارقه هذي..بأتجاه الأقتصاد الكويتي
.
أنا متأكده أن محد بأيده حل معضلة المحفظه الملياريه
.
الاّ بوفهد..و بعدين تشود الله و رحمته..لما يصير
.
بو فهد بالوزاره نفتك من اللعب اللي تحت الطاوله
.
و يصير كل شي فوق الطاوله..و تحت المجهر
.
و نرتاح

60 comments:

Fashionista said...

good thinking :P

abu eldestor said...

نرتاح

يا خوفي تبجون دم

اذا تبين شي على الطاولة
ماتاخذينه من بوفهد

كان ودي أعلق عليج بس انتي عزيزه
وميخالف راح يكون الرد في بوست مخصص له بس تخلص حرتي من تاجر الاكتتابات

nanonano said...

Fashionista:

والله من الضيم قمنا نحاول نشوف البدائل الأخرى

nanonano said...

abu eldestor:

عاد أنت بالذات لازم تكون فاهمني

و صدقني عارفه شنو اللي راح ايينا

منتظره ردك و باشوف شلون تكون ممكن فسرت بوستي هذا

يا أبوالدستور مو بوفهد اللي بيخلينا نختلف
مو؟

عثماني said...

لو اهو بخلونة وزير للمالية

جان حتى هدومنا ما نسلم عليها

:(

nanonano said...

عثماني:

هاهاهاهاها

من ناحية هدومنا اللي ما نسلم عليها..هذي وجهة نظر سديده..راحت عن بالي..عاد أنا كل شي و لا خلاجيني..أهم شي بالدنيا

nEo said...

hahahahahah

حسافتج يا كويت said...

نانو


تبين تكافأينة على نهاية خدمتة في تخريب الوضع وتأزيمة

هو سوى كل هذا علشان الناس تقول جذي

لا وألف لا شفيج يا نانو

ايام وزارة الطاقة كان يعلم بسالفة الإنقطاع وإن الصيف اللي وراة بتصير مشاكل خو يبين عندة وما سوى شي

كل همة النفط

ويوم مسك النفط

طلعت سالفة العداد الخربان

يعني بالله عليج ديرة اساس موردها نفط يخترب عدادها؟؟

إنزين واللي تسرب وين راح

وقضية هيليبرتن ليش إنطمت

وبعدين تعالي هني بقولج


شدعوة هو اللي حل الموضوع مال الرياضة

اهو مندوب قاضب رسالة والموضوع اصلا محلول قبل لا يروح

وبعدين تعالي شلون تطوف عليج هالسوالف

مو اخوه اللي نبر الموضوع ووصلة للفيفا

يعني الريال يلملم (----) اخوة




نانو

هذا الريال مايهيع وإن كان ولا بد بياخذ شي لا ياخذة الحين
على الاقل

وبعدين شنو موضوع الطاوله وتحت الطاولة
عزيزتي نوابج ردايه
كاهو عار عوره بالنفط والاعلام محد قالة أ

ويوم إنة طلع ليش وقام يخنبج علينا ورى محد وقفلة ؟؟

انانوووو
نانوو؟؟

ترى جني بقطع الهدنة اللي لين شهر 3 مالم تثبتين عكس ذلك

abu eldestor said...

أفا عليج
أكيد فاهمج

nanonano said...

nEo:

هاهاهاهاهاها
و
كااااااااك
و
LooooOOooL
و
كيع كيع كيع

كل أنواع الضحكات يحق لك تضحكها على جذي فكره

nanonano said...

حسافتج يا كويت:

أشفيك!!!!!!!؟

ليش مو فاهميني

لا يكون صدّقت أن من صجّي؟؟!!؟؟

حسافتج ينّيت؟

nanonano said...

abu eldestor:

أشوه خرّعتني

حسافتج يا كويت said...

نانو

ما ادري ماشفت شي منج يوحي للطنازة


يمكن جان القصد بقلب الشاعر

يمكن


بس انا ما احب اطق الطار مقلوب

بو الخنافس المدهنة ما نبية ما نبيييييية



واشونة مو من صجك ولا جان صج بضيق خلقي


-------
الحين اقدر اشرب قهوتي وانا مرتاح

nanonano said...

حسافتج يا كويت:

أشوه أنك فهمت..ترا أنا هذا موديلي

لما أتطنز أكون في قمة الجديه

++++++

أشرب قهوتك بالعافيه

و خل بو قفّه يولي

KQ8 said...

إئيييييي شو عليه

اهو ويا خوانه واللي يعز عليهم ما ظل بيها

هي خاربه خاربه

nanonano said...

KQ8:

أييييييي..ما أشبه شي

لا وفوق البيعه اليوم حاطين فهد ولد بوفهد بلش مشوار التكريم الرياضي

واللي مو عاجبه..يتنقّع

شكلنا كلنا بانتنقع طال عمرك

bo bader said...

جدامنا٢٠-٣٠ سنة بنظل نسمع عنه وعن أخباره اهو وإخوانه !

العمر له حكمه والزمن من صالحهم مقابل كبار السن من أفراد الأسرة الآخرين .

واقع مزري ولازم نعيشه للأسف الشديد !!

LiL ALiEN said...

فال الله ولا فالج

بوفهد وزير الماليه؟


لايبا .. وألف لا


الماليه مايمسكها ويسنعها الا "بورميه" .. الله يخليه ذخر لنا ان شاء الله

وعاش بوخالد

nanonano said...

bo bader:

بو بدر السؤال اللي يطرح نفسه

ها أها..وينهم؟

وين كبار الأسره عنه؟

مو معقوله كلهم مجمعين و متقبلين سلوكياته

nanonano said...

LiL ALiEN:

ويــــــي انا آسفه

طلعت من ربع بوخالد؟؟!!؟

أقدر أفهم وجهة نظرك

بس آسفه..الحمدالله و الشكر أسنانه تلوع جبدي ما أقدر على المطالبه فيه كوزير

كشّة بو فهد أرحم

Yang said...

يصير اللعب فوق الطاولة والبوق أشكره :)

nanonano said...

Yang:

ونفتــــــك

من التزغلط اللي قاعد يصير تحت الطاوله

ZooZ ZaibG said...

من البوست اكتشف السر































































السر



















































بالطاولة!!! لووووووووول

الطائر الحر said...

صج ما لنا الا بوفهد واخوانه............. وما ننسى سعود بوحمد وياهم

shahad said...

يابو فهد فيني غدا الشــــــــــوق!!


الله إهداج شفي الويك أند عفس مخج


شوفي أنا اقول

ما إلنا إلا هيفا

100 fils said...

GooD evening ;)


شكله البوست
مفعوله سحري ماشا الله الفليم "المحفظه الملياريه" يبلش باجر الساعه التاسعه صباحا و باوامر عليا
السوق غدا تفائل ان شاء الله

و اي اي اي على السوق حتى اشعار اخر
:)~

Q8iya said...

فعلا فهو الان البطل المغوار...خربها و يبي يقعد على تلتها

nanonano said...

ZooZ ZaibG:

هاهاهاهاهاهاهاهاهاها
هاهاهاهاهاهاهاهاهاها
هاهاهاهاهاهاهاهاهاها
هاهاهاهاهاهاهاهاهاها
هاهاهاهاهاهاهاهاهاها

طحتي على السالفه يا عسل
;)

nanonano said...

الطائر الحر:

و فواز السمّار..وين راح؟؟؟؟؟

nanonano said...

shahad :

لا والله مو الويكند اللي عفس مخي

الصج

الصج

الصج

الصج

وقعت بغرام كشة بوفهد

nanonano said...

100 fils:

أفا عليك

ما أمداه رجع من اليابان

جان يقول الحين الأزمه الرياضيه و حليناها

شنو عندكم بعد

قالوا له الأزمه الأقتصاديه

فسّر عن سواعده و دخل مع الشمالي وقام يعدون الفلوس

لين خلّصوا من عدها اليوم العصر

الحمدالله راح يحولون الفلوس عقب باجر

و عاش بوفهد

nanonano said...

Q8iya:

والله يا ريت يايه على خربها بس

الا لعن خيرها و خيرنا معاها

الله كريم

Enter-Q8 said...

قلنا من زمان قالوا من ربعهم
قلنا خل اللي اللعب يصير على المكشوف و عن القيل و القال
و كل شي يصير مكشوف
و كل واحد يحدد موقفه و تنعرف الرييايل

bof-10 said...

هههههههههههه والله صج صج صج ضحكتيني ... هههههههههههههههههههه ..... والله لو اعطيج اسألهوتسألينه شخصيا ...اتوقع راح اتصير كارثه .....! هههه
المهم .....اتمنى انج تتأكدين اكثر من ما كتبتيه .... وترا عكس اللي كتبتيه اهوا الواقع

bof-10 said...

اها توني استوعب انها اطنازه ..... اتخيل حكم دولي عريييق ..... شالو منه اشارته الدوليه ...ليش ماصوتلهم بالأنتخابات وقف ضدهم ... ...والله مسكين ابوي.... انا راح اتم احارب اشاكله لين يوم القيامه

EXzombie said...

احمد الفهد لرئاسة الوزراء قلبا و قالبا

EXzombie said...

و ماني قايل لوووووول

خل نشوف شراح يقولون لنا

فريج سعود said...

تبين تحفّينا انتي ؟

Miznah said...

lol على بالي صج!! يايه بنهد

!السالفه حتى بالغشمره مو شي

شـقـــــران said...

العزيزة نانونانو
صبحك الله بالخير طال عمرك وعمر محبيك


بوفهد أصبح يحل كل شيء!؟

وبيني وبينك اتفق معك في إحتمالية أن يكون اللعب فوق الطاولة ،فنرتاح من سالفة عموميات الكلام مثل

فساد ، اصلاح ، صراع حكم ، تنفيع ، نائب مدزوز ، استجواب ذو خلفية تكعيبية!؟


ليكن اللعب على المكشوف ونرتاح من هذه الاشارات والغمزات التي أشغلتنا خلال السنتين الماضيتين


كما أن لي موضوع سأعرضه غدا إن شاء الله يتحدث عن رأيي المتواضع في هذا الصراع الرياضي القائم وفرق الردح والتطبيل التابعة لكلا الطرفين


تعبنا كثيرا يا أختي الكريمة من هذه الجعجعة التي نراها كل صباح فنتهرب منها بعدم قراءتها ، ومن ثم تلحقنا إلى مجالسنا التي نتسامر بها فتقلقنا وترهقنا


الله يعين يالغالية






مع أطيب الأماني وأرقّـها

nanonano said...

Enter-Q8 :

صح..أنت قلت من زمان..بس ذاك الوقت كان الوضع غير..أعتقد الثلاث أشهر اللي فاتت وايد قناعات تغيرت..و بدت تتضح الصوره أكثر..بس ترا أنا مو من صجي..بس من المغثه اللي منغثتها قمت أهذري

nanonano said...

bof-10:

أشوه أنك أستوعبت الموضوع..لأن ضاق خلقي.. أنك ما فهمت الموضوع صح

عزيزي..ما يت على الحكم بس..الديره كلها خلوها توقف لأن مو صافه معاهم

nanonano said...

EXzombie:

محد راح يقول لك شي..لأنهم متأكدين أن هاليوم راح أيي قريبا جدا..اذا ما صار تحرك حقيقي وجذري من العائله

nanonano said...

فريج سعود:

أشدعوه الحين ما صرنا حفّاي؟!؟

nanonano said...

Miznah:

هاهاهاها

لا لا تنهدّين

relax dear

i think u would know me better

بس السالفه لا غشمره و لا صج..كله تضيق الخلق

nanonano said...

شـقـــــران:

المعلم شقران..صبحك الله بالنور

في حال تواجد بو فهد في مجلس الوزراء لازم يكون بالمقابل تواجد لنواب في مجلس الأمه من فئة الرجال..و بعد الأحداث اللي صارت الأخيره و المناوشات واللغوه..قمت أشك في وجود هذه الفئه طبعا أنا أستثني..كذا نائب من هذا التعميم..راح أحتفظ بأسمائهم حق نفسي..عشان ما يصير زعل
;)

و دمت أيها المعلم

احمد سالم said...

nano
على قولة إحسينوه :
والله لوما أحبج جان عظيت خشمج

nanonano said...

احمد سالم:

لا يحوشك..عاد راس مالي خشمي

lawyer said...

اشفيييييييييه بوفهد اشفيييييييه

ياااااحافظ يهبل


سسسسنع منع

شعره بريسسسسسسسم

عصاته السحريه تسوي كل شي











يانااااااس اشفييييييييكم على نانوووووو


حساااااافتج طخ عنها شوي ياااااربي


المراااااا توها نازله بيتها

و بووووفهد و اهله هذولاااا خبول
يمشووووون و الفرد بمخباااتهم


مانبي نوووووودر رفيجتناااا





انا معااااج يا نانو علامه بو فهد علامه





(( زميييييت الحلج على كتر و قلت وعوووو))

nanonano said...

lawyer:

وه..وه..وه

هاهاهاها
هاهاهاها

الحين حتى لو ما كانوا بيسوون لي شي..عقب تعليقج هذا بيحطونا بالصفاة أنا وياج و بيلسبونا

أحمد الحيدر said...

والله عبالي من صجج :)

Fankooshy said...

بذمتكم يعني مو مبين انه فلم هندي
حتى اللحظة الاخيرة عشان يبين صاحبنا انه بطل قومي ومنقذ الازيرق
والله واضحة ولا كانو يقدرون يحلونها من اول

اهم شي لعب فوق الطاولة لوووول
الا ياخذ الطاولة ويحطها بالبيت عنده
شكرا نانو :)

kuwaitawy said...

وييييييييي


كاتب تعليق امس ومادري وين راح



باختصار

خرعتيني وصدمتيني

واكو ناس حسبالهم احمد الفهد بطل قومي

nanonano said...

أحمد الحيدر:

لا تخاف بقى لي خليتين بمخي

لي الحين ما ضربت فيوزاتي لها الدرجه

nanonano said...

Fankooshy :

أهلا و سهلا..والله ما أدري متى راح يبطلون هالأفلام

متى راح يفهمون أن الشعب الكويتي وايد أذكى من جذي

الله كريم

و بندورها طاوله أن شاء الله

nanonano said...

kuwaitawy :

و لا يهمّك..تصير في أحسن العائلات

أقرا تعليقاتي و راح تفهم شنو قصدي الحقيقي يا كويتاوي ياللي المفروض عارفني زين

Alia said...

وليش تتأسفين؟؟

أصلا هذا اللي راح يصير
مخلص الأمة والبطل الهمام يايكم
ابشروا

nanonano said...

Alia:

لأن ما ودّي

أعتقد أن الموضوع الحين صار

بالميه ألف أنه راد

كويــتي لايــعه كبــده said...

ما إلك الا هيفا ابرك منه

فال الله ولا فالك

nanonano said...

كويــتي لايــعه كبــده:

أذا بو فهد بيطلعك من سباتك الشتوي

باكتب عنه كل يوم

أكيد فالله و لا فالي

لا يحوشك

 
template by Purplecious