Wednesday, May 18, 2005

يا جماعه لازم أشوف لي صرفه مع خوفي من القطاوه...مو معقول..وأهمه القطاوه قاعدين لي قعده..وين ما ألتفت تطلع لي وحده...بمـــــــــــوت....أوّل أمس و أنا ويا صديقتي النسره تذكرونها و زليخه طالعين من البيت...و أنا غشيانه من الضحك لأن النسره كانت قاعده توصف لي دبغتها...و زليخه كانت وراي...و أنا توني فاتحه باب السكّه..الاّ قطاوه يتعافرون...وحياتكم أنا اللي أذكره أن زليخه داخل البيت و النسره بالسكه طايحين بالأرض من الضحك على تعابير وجهي و شلون ركضت و دخلت......و قفلت الباب..صديقتي النسره...تقول لي أنزين ليش تقفلين الباب ...يعني القطوه بتفتح الباب؟
مالـــــــت عليــــــــك
أمس أنا مسويه روحي مستعجله و بروح البيت...و قلت حق البنات أووووه أنا ما راح أنطركم..خذيت جنطتي..و تمشيت عالبراد...توني فاتحه باب السور....شان ألشح قطوه جايه تركض...اكتشفت روحي عقبها بالدور الثاني عند البنات...أول ما شافوني...قطوه؟
ما أدري شنو أسوي

23 comments:

Bo-tariQ said...

انزين اول شي قوليلي هالفوبيا اللي فيج شمنه يعني لازم صارلج موقف خلق الشعور بالخوف من هالقطاوه...!!

وبعدين في حل بسيط..حطيلج صورة عتوي على المنظره مالت التسريحه...وكل يوم الصبح طلي فيها وقولي حق نفسج ترا كلها صوره

ومع الوقت لما تشوفين قطوه بالشارع قولي حق نفسج كلها صوره..ومع الوقت اتعودين...!!

هذا دواج وعلى الله شفاج


واذا مانفع مايردج الا ( الجوي)

True Faith said...

My sister used to raise cats she had five cats; until one of them attacked her; and now she is like you with cats :/

فيلجا said...

من صجج حنانو

يوم انا ياهل كنت أربي قطاوة عندي

بالبيت وكنت سوبر بيبي الفريج

للقطاوة الجائعه واللي من غير مأوى

هههههههههههههههه


جربي تربطين نفسج واتخلين احد اييب قطاوة صوبج وصارخي صارخي وطلعي الخوف اللي فيج

وادعيلي

nanonano said...

فيلجا:
يا حلوش بس

True Faith:
شفتي...يعني خوفي مو من شويه

bo-tariq:
أنا اذا رحت المباركيه أبخ الجرسون عشان يوقف فوق راسي و يكش القطاوه

Bo-tariQ said...

ائ صح ذكرتنيني بالمباركية انتي عيل لما تروحين دلق سهيل شسصير فيج...اتوقع اتييج نفاضه لوول..

nanonano said...

bo-tariq:
خو الجرسون اللي بخيته في دلق سهيل

Bo-tariQ said...

زين اقول..شرايج تأجريني انا مستعد اوقف على الطاولة واللعن آبو اي عتوي يقرب يمج بس بحبحي الجيله شوي

Kuwaiti_Man said...

نانو
بقولج سر بس عاد لاتفضحيني بالمدونات

أنا أخاف من الزهيوي, خصوصا اللي يطير

هل فيه حل لمشكلتي؟

nanonano said...

Kuwaiti_Man:
أفـــــــــــا زهيوي..أنا مرّه قمت من النوم حسيت أن أكو شئ يمشي علي..مسكته بأيدي..و قعدت زوجي من النوم...و قلت له أكو شئ يأيدي راح أقطّه بالأرض و أنت زهّب النعال...و تم أغتيال الزهيوي

فيلجا said...

انزين انا أخاف

من الدرج الكهربائي بالمجمعات

اوقف عنده ساعه وانطّر الأوادم وراي

ايلين انا بعد الصراخ احط ريلي وانط

عشان اصعد فيه أو أنزل

مو حلو كلش منظري

احرااااج

على الاقل نانو وانت ياكويتي عندكم اسباب وجيه

مو انا

Bo-tariQ said...

نانوه : انتي قبل تحبلين وعندج شداخه؟؟

فيلجا : لالالا ماتوقعتج تخافين من الدري..تدرين اجريلج وحده عليها العافيه وكل مارحتي السوق وجابتلي هالاسانسير خليها تسويلج عكيكه وتنزل فيج ولا تصعد فيج لووول

Kuwaiti_Man said...

نانو
إحنا بالبيت تخصص, وعندنا تبادل منفعة

المدام ماتخاف من الزهيوية, لكنها تخاف موت من البريعصي, وأنا بالعكس أحب البريعصية وأحب أصيدهم وأحنطهم, خصوصا اللي نوعة إكسترا لارج

فكل واحد فينا يحمي ظهر الثاني

Purgatory said...

Meeoooooooow

يعقووبوو said...

انا غير عنكم لا قطاوه تهمني ولا زهيويه ولا بريعصيه بس طفارتي الـ دود اكرره شي في حياتي لما اشوف دوده احس ان تخنقني العبره و ودي ابجي ويكش شعر ينبي (:

وشكراً للمساحه
ودمتم سالمين ... (:

LiL Alien said...

قطاوة هالايام غير بشكل موطبيعي. اول تطلعين من البيت تشوفين قطو قاعد بنهاية الحوش قاعد عند الباب .. تكشينه!! .. تلاقينه يشفط عند الباب ماكو شي مايدعم فيه على مايطلع من البيت. والحين تشوفين القطو جنه دب قاعد يم الباب بينج وبينه متر .. تكشينه!! .. يطالعج من فوق لي تحت ويتثاوب شوي بعدين يقوم على كيفه وبكل برود يتمشى واذا فلعتيه بنعال (حشاكم) تلاقينه يسرّع خطواته شوي بس مايركض.

Kuwaiti_Man

الحال زي بعضو مع الزهيويه. اذا شفت زهيوي في البيت يصير فيلم جوراسك بارك عندنا.

يعقووبوو said...

انا ليش مرات اكتب تعليقي ما يطلع ):

Q80-Chill Girl said...

Kuwaiti_Man

نفس الحاله .. اموت خرعه و بالذات الطيار اينشف دمي ولو ان لي محاولات علشان اقتل الخوف اللي فيني منه اني اذبحه بنفسي الا اني ماتبت للحين اخترع منه بسبة موقف سواه فيني اخوي العود الله يسامحه و من كان عمري 5 اسنين ما نسيت هالموقف و للحين اخاف من الزهيويه :(

نانو @@

مخترعه من قطوه و تحملتي تمسكين زهيوي بيدج وااااااااااااااي و الله اخترعت من الفكره اشلون قدرتي اتحسين فيه ايتحرك بيدج و شواربه مادري قرون استشعاره و رجوله اترقوص بيدج @@ بيييدج

انا عندي القطاوه و اي شي يمشي على 4 اهون من الزهيويه .. عموما حاولي اتواجهين لج قطوه و تكشينها و خلي حمايه حولج في حال صار شي منيه مناك :> و دايما فكري ان القطوه بتخترع منج انتي الأكبر مو العكس

Zaydoun said...

انا أخاف من الفيران الكبار
Rats

Drunk'n'Gorgeous said...

NanoDarling - Why don't you buy a kitten? Raise it yourself, o shwaya 3ala shwaya you'll surely come to love cats!

Ya3ny ana 6al3a feeha ;)

Shopaholic Q8eya said...

Cats are great! I love them. heheh I agree with D&G, nano try getting a small kitten. I can give you one of my kittens ;P

EsTeKaNa said...

ترا شي طبيعي جداا جدااا:)
عندي وعندج خير..اذا شفت قطوة انسى روحي واللي جدامي ما يهمني حزتها الا انها تروح بعيد عني بأي طريقه
مادري شنسوي:(

kuwaity_ra7al said...

سلام عليكم
أول مرة أشارك و بقط ويهي بس استحملوني
أنا أقول موضوعج علاجه صعب بس من عقب رمضان اللي فات وأنا أكتشفت أن كل مشكله ولها حل

أنصحج بعسل العويد
www.kuwaityra7al.bolgspot.com

Graffitti Lloyd said...

Hi all
i am a new user here..
mm 3n salfat el Foobya.. my parents and siblings have fobias from cats and dogs.. its hard to face them.. but the only thing my sister did.. she always ignored them.. so just ignore and don`t feel that you are afraid from them.. thats all.. no need to face them or even deal with them.. how many cats are in kuwait? million? no less than that..
So IGnoration!


Lloyd

 
template by Purplecious