Sunday, May 15, 2005

حمارة القايله

دخلنا بنقاش ذاك اليوم أنا ويا البنات...طبعا كلهم عندهم مشاكل مع عيالهم...اليهّال وايد تبلتعوا...ردودهم وايد صارت قويه..و صريحه..فمثلا قاعدين نقول شلون أول أهلنا لين صارت القايله...خو ما كان في قنوات فضائيه مثل الحين...و قايلة أول كانت قايله...صخّه..و أهالينا يرجعون من الشغل يبون يرتاحون شويه...فكانوا يخرعونا بحمارة القايله...عشان ما نطلع بالحوش و نزعجهم..المهم كنا نخاف و مصدقين أن أكو حمارة قايله...منتهى السذاجه...الحين لو أقول حق بنت أختي أم أربع سنين عن حمارة القايله..يمكن ترد علي
what's that????!!!
يعني
Beast
راح تغشي من الضحك...و تعطيني نظرتها...عن الخرابيط...
منو فيكم يعرف ياهل الحين ممكن تخرعه بحارة القايلة و ما يرد عليك بجواب ممكن يحرجك؟

12 comments:

Shurouq said...

يا ريت عندنا سينما ونسوي أفلام رعب عن حمارة القايلة والطنطل.. إحياء للتراث المحلي :)

Tayha said...

ام الدواهي
مادري منهو هذي، بس كنت وايد أسمع فيها، كانت من أدوات التخرع، يعني vampire:p

LiL Alien said...

ليش ما تورونهم صور منيره عاشور ؟؟

we;oiru;tigjdg said...
This comment has been removed by a blog administrator.
we;oiru;tigjdg said...

ana ley yomkom a5aaf mn e7marat el gyla! bs ma jarrabt a5are3 weldy feeha lel7in! bs I think enna ra7 ete9arwa3!!

مصرول said...

كان في فريجنا أول شيخوة العضاضة، بس مع الأسف ما كانت مخلوق خيالي، كانت بنية مسكينة متخلفة عقليا راسها صغير و ضروسها طالعة بره. كانت تهوهي بالفريج حزة القايلة و تصارخ و الأهل كانوا يخرعونا فيها. قمة التخلف.

Kuwaiti_Man said...

نانو
الحمدلله على السلامة
والله إشتقنا لسوالفج الحلوة

nanonano said...

Kuwaiti_Man:

الله يسلمك...والله حتى أنا ولهت عليكم

بومريوم said...

امس حمود يايينى يقول
يبا خلاص ما نبيك..نبى نرجعك اندونيسيا
و تقولين لى حمارة القايله:)

nanonano said...

بو مريوم:
LooOOooL

أنا ودّي أعرف هاليهال اشعرّفهم...شلون صاروا شذي

Sheba said...

i was not scared of 7marat il gaylah, kint abi adawrha, so they had to tell me it was make believe LOL

stealth said...

بقولكم شي بس اخاف اتقولون صاروخ
كنت في تكساس في مدينه اسمها لبك من اسنين هالحجي وسمعت من شيابهم سالفه نفس سالفة حمارة القايله بس اهم يسمونها afternoon donky

 
template by Purplecious