Tuesday, April 05, 2005

رحلتي للرياض

الأربعاء: وصلنا مطار الرياض..صديقتنا أستقبلتنا و وصلتنا الفندق الفور سيزن..طبعا الجو هناك وايد أحر من هني..وصلنا الفندق..و قعدنا نسنع أغراضنا و بعدين يونا البنات..رحنا تعشينا في مطعم أيطالي أسمه سبازيو..طبعا المطعم ما يعطيك أحساس أنك بالرياض..بالدور 77 من مجمع المملكه..الأجنبيات قاعدين من غير العبي و اللفات و شفت كذا وحده لابسه حفر..طبعا أبتهرت لأن أنا خبري بالرياض في الغزو..والله استانسنا مع البنات في المطعم
الخميس: قمت الصبح..طبعا أنا فزّاعه..طلبت الريوق و قعدت أشوف فيلم على ما يقومون اللي رايحين معاي..بدلت..ونزلت مجمع المملكه..عندهم طابق كامل للنساء فقط..البنات نزلولي و رحنا تغدينا في مطعم صغير في المجمع..و الله مملوح..و بعدين بدت التجهيزات حق العرس..يتنا مالت الشعر و بعدين مالت المكياج..على الساعه 8 صرنا زاهبين..بس ها العرس يبدي الساعه 12..بيني و بينكم تمرمرت..بموت من العيز..ما أدري شلون طار الوقت..و رحنا العرس..العرس كان خيال..والعروس من أجمل العرايس اللي شفتهم في حياتي..أنا طلعت من العرس الساعه 6 و هذا عندهم مبكر
الجمعه: قعدت من النوم لاني حوضي و لا ني روضي...يعني مالي موديل..راسي كأنه بيضه ماريه..ما سوينا شئ طول اليوم..لي العزيمه..اللي أهيه حفلة العرس اللي يسوونها أهل المعرس..يسمونها تحوال..أستانست في هالحفله لأن طول اليوم كنت مريحه
السبت: كان يوم التسوق...خبّوني سوق الرياض و سوق الرياض ما شفت شئ يسوى..هارفي نيكلز وايد حلو..و بعدين رحنا تغدينا...طبعا على هالهيله..طبيعي يعفر فيني راسي..صداع نصفي..و يصكني راسي صكّه..اللي اندعست بالفراش و مستعسره..بس أنطر يصير الصبح وارجع الكويت
الأحد: رجعت الكويت
:-)

18 comments:

Q80-ChillGirl said...

وناسه :> .. على الرغم من الموجز اللي سمعته اليوم الا ان هالبوس
juicy :D

صحيح مجتمع مغلق و الرياض حدها ان خبيتي عمرج يومين او 3 بس هم وناسه اهلها يونسون و طبيعة حياتهم حيل غير

أبو جيج يدور نعاله said...

sounds like you went to the Land of the Amazon women...Women rule..men are used for breeding and kept in dungeons

Ma sema3t wala kalma 3an the other sex...maybe thats why you had a headache...ma7ad 7awel eraqmich for a whole week....which is unheard of for a Kuwaiti girl..must been tough on your mentality...

Anyways...I hope you are feeling better now...and the Kuwaiti Passport cop...did his duty and tried giving you his number

God bless Kuwait and its Rahash

Nooni said...

nawerat al kuwait nanooosha welaht 3aleech

nanonano said...

Bo Jaij:
How many times i said I LIKE LOCAL MEN and i don't pay any attention to any other nationality..that's why i didn't notice any emgazal...

Purgatory said...

Welcome back, missed you

LiL ALiEN said...
This comment has been removed by a blog administrator.
Shurouq said...

نانو
الحمد لله على السلامة..
متأخرة شوي سامحيني، توني أدري :)

عسى الصداع راح؟
ما تشوفين شر

LiL ALiEN said...

Welcome back sis.

سؤال اذا ممكن على طاري المغازل .. يقولون ان البنات امسح واربح هناك كلها اسود بأسود وانت وحظك شنو يطلعلك بعد الترقيم. فهل هذا الكلام صحيح ؟

nanonano said...

LiL Alien:
my friends weren't covering thier faces but the others wear a very thin veil..u could c all thier features through..but the boys thier have a very big torche light and that what happened to us they pointed it to the car so they can c everything...creative

Purgatory said...

al7eeen kateb lech comment agoolech missed you wo ma etrdeen 3alay, .. malat 3aleeech :P

Nooni said...
This comment has been removed by a blog administrator.
Zaydoun said...

نانو

ولكم باك... وديري بالج ترى بورغ شايش هاليومين

كان لازم تطبين على الأرض وتبوسينها مثل ما سوى الأمير لما رجع من حكرة الطايف، أقصد لما تحررت الكويت

True Faith said...

A wedding party starts at 12 !!!!!

Purgatory said...

Z, she claims she can handle me on her own, I doubt it :)

LiL ALiEN said...
This comment has been removed by a blog administrator.
LiL ALiEN said...

tarzanq8ty

احنا لو عندنا بنات على كوكبنا تعتقد راح نطيحله قز فوق كوكبكم؟

nanonano

قصدج شبابهم هناك يتمشون جذي؟

Jewaira said...

that's funny lil alien thanx for providing explanationw the photo

welcome back nano again, and the wedding sounded v exciting. but what is the reason to start so late. the poor bride :(

nanonano said...

Juwaira darling that's thier life style thier visits start @ 11 pm..so 3ady the bride comes @ 2 am

LiL Alien:
this is much more civilised torche light compared to the one was pointed to us ...hathak kan mal mala3eb

 
template by Purplecious