Sunday, April 24, 2005

طريق الشاليهات

* دعمت ضب...الأخ واقف و لا هامّته السيارات في الطريق السريع..و أنا قاعده أسوق أشوف شئ بيج من بعيد..علي بالي كرتون...لمّا تقريبا وصلت حق الكرتون أكتشفت أن ضب...شان أحاول أني لمّا أمر عليه يكون بنص السياره عشان ما أفرمه...يا حليله.... دفففففففف....حسيت بالطقه من تحت السياره..شان أطالع بالمنظره..الحبيب أنسدح و رد قعد شنّه ما صار شئ...وهم ما تحرّك من مكانه..حليو
**الظهر يوم الجمعه كان وايد حروأنا أسوق مرّيت على وانيت...المسكينه الشّغاله حاطها ورا أبهالقايله و أهوه الرجال متسمت يسوق داخل الوانيت بروحه...يعني أكو وايد مكان بالسياره...يعني الظلم أشلون صاير..تحسفت يا ليت شايفينه حقوق الأنسان
*** و أنا حادره بالليل الطريق يونس لأن نوعا ما هادي...فيه مجال عشان الواحد يستمتع بسرعة السياره...شفت من بعيد لايتات دوريتين...شان أبطأ...يعني خفت...يحليلهم لمّا مريت عليهم ألاّ الدوريتين فارشين الأرض..و حاطّين مطارة الشاي و الأستكانات...و مستمتعين بالجو و بالقعده...أنزين عليكم بالعافيه بس يوم أنكم بتريحون شذي أشخانة الفلشر اللي شابينه

10 comments:

ولاّدة said...

القصة الأولي

تعليقي بيت لأحد الشعراء الظرفاء

مسكين يا ضب على القار مدعوم
لا شافه المترف صرخ: واي تمساح


القصة الثانية
ودي شغالاتي يشوفون الشغالة هذي علشان يقدرون النعمة ...كل وحدة لها غرفة نوم بروحها 3*4 متر وطباخ يطبخ لهم ويومهم ينتهي الساعة 8:30 بالليل ومو عاجبهم

القصة الثالثة
السبب يخوفون الناس
ونجحت الخط، بدليل تخفيف السرعة
:)

BloBoz said...

أهو أكو حقوق إنسان , إهيه ظلت فيها إنسانية , المفروض نسوي لجنة إنسميها جمعية حقوق الإنسان من الجنقلستان ..

Purgatory said...

hahahahahahaha back to your usual self I see :)

Judy Abbott said...

9ij mojrema ...inzain ya7ny 7ata law kan carton ham etdoseenah?? yemik kan feeh shay ya3ney allah yehadach al wa7ed ma ye6eer o yedoos kil shay bil share3 mo 3adlah///

za3alteeney walla

nanonano said...

*@@* nooni:
ما صار فيه شئ...تلاقينا لي الحين واقف بمكانه...و بعدين زوجي قايل لي أذا طلع لك شئ بالطريق لا تغيرين مسارك لأن ممكن تأذين روحك

Purgatory said...

baby thub killer :P

Jewaira said...

Meskeen poor dhub :(

Please take care driving Nano especially road from Chalet :)

kuwaitigirl said...

ارحموا من فى الارض يرحمكم من فى السماء وين الرحمه والانسانيه ما ايشوف انها بشر من لحم ودم منظر محزن ومؤلم

stich 'N' match said...

Interesting post,
Imagine if it was one of those drunk birds that suddenly decide to take the plunge against your window shield?
That would be terrifying:))
In london, Police cars would be speeding by regularly at 6 pm each day, while their flash lights are on and they attempt to squeeze between trrafic, the cars allow them to pass by while drivers teethe with envy ;"its tea time".

stealth said...

على طاري الظب انا قمت بدراسه من جم سنه عن تصرفات الضبان من هالدراسه عرفت انه الضب لمن ايوقف بالشارع وايجابل السيارات ايكون توه ماخذ شووور ويبي الهوا مال السياره ينشف جسمه حبيت افيدكم بس

 
template by Purplecious