Sunday, April 10, 2005

الثلاجه

من الأشياء اللي تمللني..لمّا أفتح الثلاجه و ألاقيها فايضه من الأغراض..مو معقول قدرة الكويتيين على ترسة الثلاجه..كأنهم داخلين تحدي مع الجمعيات..مهما كبر حجم الثلاجه..يترسونها..ليش؟؟ ماني عارفه..بالنسبه لي الثلاجه دليل على مدى تحضر أصحاب البيت..أنا ذاك اليوم رايحه بيت أبوي و ما أدري شنو أبي من الثلاجه..فتحتها أبتهرت من الأغراض..هونت ما خذيت منها شئ..الأسبوع اللي فات رايحه مع أصدقائنا الشاليه هم فتحت الثلاجه..لقيت مركز سلطان كلّه فيها..و أنا ثلاجتي مافيها غير 3 أنواع جبنه من ضمنهم جبنه بيضاء طبعا.. و حليب خالي الدسم...و نوعين خس حق السلطه..وروبة فواكه..و فواكه...و لحوم بارده..وبس..و أيدامنا يوم بيوم نشتريه...ليش العفيسه ما أدري

28 comments:

بومريوم said...

يعتمد كم شخص ساكن بالبيت...
يعنى ثلاجتى مرت بمراحل عديده..من مرحلة الثلاث انواع جبن و عصير مثلك
الى الان..
ممكن تعيش أسره من سبع اشخاص لمده شهر دون الاعتماد على اى مشتريات خارجيه

nanonano said...

في البيت أنا و زوجي بس مو هذا قصدي بيت أبوي فيه أبوي و أمي و أخوي بس الثلاجه فايضه

Bo Jaij said...

مو كل الناس هياكل عظمية

تونى قاط 100 دينار على كاكاو باونتى وثمان ستيكات و دريسنغ و كرتونين مانجا ألفانسو من مركز سلطان

و هذا بس حق إستعمالى الشخصى لمدة ثلاث أيام

قولى ما شاء الله يا نانو تره الأكل حلال مو حرام نتمتع فيه

nanonano said...

Bo Jaij:
ما شاءالله..مالت عليك ماني رادّتها عنك..من قال الأكل مو نعمه و لا زم نتمتع فيها..بالعكس أنا أموووووت على الأكل...بس أختلافي مع الناس على الكميات يعني أنا لو رايحه مركز سلطان شان شريت منجا بس كرتون بس عشان ما يخترب...طبعا الكاكاو 4 أكياس تويكس و كيت كات و سنيكرز و أم اند أمز بس و الستيك اللي أشتريه حق غدا باكر بس و ماشلة عزيمة باكر أدز السايق باكر و يشتري الأشياء عشان يصير كلشي طازج...النقطه هني أني ما أحتاج أكوّد

Bo Jaij said...

نانو

التكود مسألة نفسية فالعيون أضيج من مواقف مركز سلطان السلمية

و لا تنسين أن سياسة مركز سلطان هى لحق ما تلحق يعنى اليوم فيه جبل مانجا باجر و لا حتى إتشمين ريحته و هذا ينطبق على جميع البضائع المستوردة و أنا من يزهب الدوه قبل الفلعة دائما فأذا وجدت كورن فليكسى المفضل مثلا على طول خميت المعروض كله و كودته بالعربانة و طلعت أضحك و كاننى وجدت كنز علاء الدين أو كأننى أمريكى راد من العراق

ما رأيك بمن يطلب المينيو كله فى المطاعم و بعدين ما ياكل إلا بطاط و كتشب و يقوم

Bo Jaij said...

نانو

شلون منجا ألفانسو تخترب ؟

أهيه إتلحق تطلع من الكرتون علشان تخترب

على طول تتغسل بماى جارى بارد وثم تنعض

nanonano said...

Bo Jaij:
هذا أنت اللي تخلص الأشياء..أشرايك كرتون المانجا يتم عندي في البيت أسبوع لأن محّد ياكله غيري..بمعدل مانجا وحده بعد نومة الظهر

Crappy_Nappy said...

nanonano
thalajtich ily khalyaa o ma teshtereen shay 7ag beetkum .

wela il wa7id shloon yethil ethe3eef

ba3deeen khaleeehum yeshteroon mn sultaan 3aleehum bl 3afyaa . kil shay wala Sahaamnaaaa 3aad 2.380 wohooooooo


baby malat 3ala omich o ma abeech

nanonano said...

Crappy_Nappy:
يا مالــــــــــــك الشقاق أنت مرّه ييت عندي و ما كليت....ما تطلع الاّ شبعان و مغديتك و معطيتك حلو بعد..مع وجهك...أسأل زيدون

Zaydoun said...

Zaydoun to the rescue!!

Crappy... yooz 3anha! I still dream about the foie gras in the pan from last month!

بس ترى انا من النوع اللي اتكدر لما أفتح الثلاجة والاقيها خالية، بس هم بعد ما أحب الدثرة.. أحبها متروسة بس على مزاجي.. شوفوني لما أروح الشاليه بروحي شلون ثلاجتي هناك.. ما يجي الجمعة الا كل شي طاير

EsTeKaNa said...

ترس الثلاجة احدى الهوايات الكويتية وانا اخيتج:)
اهو غلط..بس لما تفتحين الثلاجة وتلقينها مليانة تحسين براحة نفسية عسى اللة لا يغير علينا:)
اكبر غلط نسوية روحة الجمعية وانتي يوعانة كل شي تشترينه اللي تحتاجينه واللي ما تحتاجينة واكبر دليل ترس الثلاجات برمضان وزحمة قبل الفطور:))

Zaydoun said...

اعتقد ان هذه العادة من مخلفات الغزو، لما تراكضنا للجمعيات خايفين لا يخلص الأكل

Judy Abbott said...

اها يعني انتي عشان جذي عصله ثلاجتج وايد مافيها شي ينوكل مو زين جذي وايد صحيه

والله مو مهم الثلاجه فاضيه ولا متروسه المهم لما اي اليوم الي اقرب فيه يم
الثلاجه الاقي شي ينوكل

عاد مو نفس الاكل الي ابثلاجتج خضار و اشياء صحيه لا لازم يكون فيها lefovers
احلى شي
لا و لما تفتحين الثلاجه و اتلاقين جلي كل الالوان و لا ساجو و لا حليب بالفراوله شغل بيت
الله
ولا سلطتج من المطعم الي رحتيله امس
و لا سلطه تونا بالجيلي
ولا
nuttela cupcakes or cup cheese cake , yummmmmy

oo a7la shay lama you go on and you r hungry and you find your birthday cake filled with soften chocolate and marzepan


allllah
جذاب الي يقول انا مويوعانه :)

Bo Jaij said...

zaydoun

من مخلفات المتـن قصدك

Shurouq said...

توني مبطلة ثلاجتنا
كنت أبي أشرب شي بارد.. بس من الزحمة نسيت البارد وأكلت زيتون أردني

نانو آنا معاك
اللي يطري على باله شي يروح يشتريه.. التخزين ماله داعي والحركة بركة

Zaydoun said...

Bo Jaij

والله أنا مو متين، وعمري ما كنت متين والحمدلله.... بس مفجوع وأحب الأكل

نانو.. قولي له

Crappy_Nappy said...

ever opened the fridge and its so full . but nothing you want to eat from it . now this is called DANA3A

nanonano La adrii kheerich Sabij 3aleena kilina

bs il the3d mn ween yayech ?

LiL Alien said...

nanonano
انتي كل بيت تدخلينه تطلين بثلاجاتهم؟ بعدين الله يهداج وصفج حق ثلاجتج جنها ثلاجة عزابية.

انا اذا ما ابطل الثلاجه واشوف فيها الوان .. ما ارتاح .. ماحب اشوفها باللون الابيض.

بس طبعا كل شي بحدود .. في ناس تشتري حق 3 سنين جدام .. انا حدي اسبوعين.

Bo Jaij said...

نانو

شنو أهم شكل الثلاجة و لا عمقها

KiTTy_Q8 said...

والله يا حناحينو يا وخيتي إذا الثلاجه مو متروووسه أكل والخير كله فيها وبسنع وبترتب تنفتح نفسيتج حق الطباخ والتفنتق بالأكل *_*
هذي عاده بكل بيت بالكويت
وبيني وبينج ماكو أحلى من الأكل ;)

(F)
*_ KiTTy _*

LiL Alien said...

بو جيج

مكان البيض اهم

Judy Abbott said...

زيدون الرئيس تعال ثلاجتنا اتناديك

رشيد الخطار said...

ماكو على ثلاجات عزوبية أمريكا،،
أغلب ثلاجات الشباب تصفر إلا من بيبسي و بيتزا ليلة الأمس..
أما أنا، فتعودت منذ عدة أشهر أني أترس الثلاجة..

مع إني ما أحب الزحمة.. بس الله يسلمكم لا حاشتك تفليسة آخر الشهر (واحنا عندنا التفليسة تبتدي من أوله) تفيدك الثلاجة، فتعلم أنك ماراح تموت يوع..
أيام اللي الحالة المادية جيدة أكلي كله في الخارج.. مع زيارة للجمعية لتخزين المؤونة لآخر الشهر.. و أيام التفليسة أتفرغ للطباخ، مما يعني أني أيام التفليسة آكل أكل أفضل بكثير من أيام الفلوس :P

Kuwaiti_Man said...

أنا لاحظت هذا الشيئ, وهي إن الكويتيين صار من طبعهم التخزين, وكأن فيه قحط راح يصير بالكويت, وهذا الشيئ إبتدأ من أيام الغزو العراقي الغاشم لدولتنا الحبيبة الكويت, بلا بلا بلا بلا
هذي الكويت صل على النبي

Zaydoun said...

رشيد... ذكرتني بأيام التفليسة الشهرية الله لا يعيدها

Q80-Chill Girl said...

العين تاكل :> قبل البطن

Bo-tariQ said...

انا ثلاجتي مافيها الا فحمه..!!!

Kuwait passion said...

هذا طبع متأصل بالكويتيين شوفوهم برمضان بعد العصر بالجمعيات ومحلات الحلو وخاصة اللي تبيع إشطة بالفزدء على قولة المصريين تلقونهم يتلمظون ويشترون اللي يكفي عائلة اجنبية شهر ونص من السعرات. الشغلة الثانية ومثل ما تفضل أحد الاخوان انه بسبب الغزو الغاشم وما واجهه اهلنا من صعوبة فازدادت عادة التخزين والمخامط برفوف الجمعيات واذكر ايان الحرب الأخيرة شاهدت كويتي يطب على سلة الخبز اللي بالجمعية مثل الطرابلسي بعزه وخذا كل اللي بالسلة وانا متأكد انه استهلك واحد والباجي بالزبالة الله يهديهم

 
template by Purplecious