و لا عزاء... للمال العام

مايكل جاكسون...مات

.

تحديث

.

.

.

شخصيا..ما أدري ليش..بس ضاق خلقي

.

مايكل جاكسون..كان لي ذكريات وايد مع أغانيه

.

بيلي جين..ثريلر..و جاكيته الأحمر الجلد

.

طيرة بوهتنا فيه و برقصه

.

كل هذا...خلاص

.

و أهم حيثيّه

.

جيلي بدا يتحتحت

*******

.

علشان ولاّده و أم الجنادل

.

لما أقول جيلنا

.

مو قصدي أن أحنا نفس السن

.

قصدي اللي كانوا يمثلون شي 

.

بوقتنا بدوا يتحتحتون

.

.

خو الكل يدري أن

.

أنا و ولاّده و أم الجنادل

.

مواليد التسعينات

;)

.

لا..لا..لا..لا..لا

.

.

.

.

.

قويــــــــــــــــه

.

قويـــــــــــــــه

.

قويــــــــــــــــه

.

.

ما أدري شلون تطري عليه هالمطالبات؟؟؟!!!؟؟

.

.

وايـــــــــــــد ضحكت

.

لأن يتفنّن بالمطالبات الهايفه

شكرا للعم بو عبدالعزيز

.

.

.

.

لمدة ثلاث سنوات و أنا في حالة ريبه من

.

 النائب مرزوق الغانم

.

لأن كانت عندي قناعات أتجاهه..بس أدائه في المجلس

.

و أسلوبه و طريقته..خلت الشك يراودني..صار عندي

.

second thoughts

.

بس من بداية الفصل التشريعي هذا

.

بديت ألاحظ..أن فكرتي عنه كانت صحيحه

.

لما قام العم بوعبدالعزيز و تكلم عن قسم النائب

.

خالد السلطان..كلنا شفنا مرزوق لما قام يصارخ

.

أنا أول..أنا أول

.

من ذاك الوقت و أنا قاعده أقول في نفسي

.

أشفيه؟؟؟!!؟

.

عقب اللي صار أمس..وايد أرتحت

.

أن قناعاتي فيه كانت صحيحه

.

و طلعت شخصيته الحقيقيه

.

اللي نجح..بالنسبه لي على الأقل

.

بتغليفها بخطبه العصماء

.

و أدائه التمثيلي خلال حملاته الأنتخابيه

.

بو علي أمس صلّع

.

.

.

طبعا النائب علي الراشد..هذا قصه ثانيه

.

اللي اليوم و أنا أقرا جريدة الجريده

.

و هذا بالضبط اللي كان مكتوب

.

.

و دخل النائب علي الراشد على الخط بدون مايكرفون

.

مناصرا الغانم و منتقدا السعدون: ما يجوز هالكلام

.

كل شي مؤامرات و الناس عندك خونه

.

ما خليت لك صاحب

.

.

أنت يا علي الراشد تتكلم عن ما خليت لك صاحب؟!؟

.

العم بو عبدالعزيز ينقال له هالكلام

.

ترا..الطبع اللي بالبدن ما يوخره الاّ الكفن

.

و ما راح أزيد عن هالمثل 

.

.

.

فشكرا للعم بو عبدالعزيز

.

بمواقفه الصلبه..طلّع حقيقة ناس وايد

.

.

.

كلمه أخيره

.

أضرب الحطب بالحطب..ضعيف الحطب ينكسر

أم الدنيا

.

.

.

.

.

طبعا ما يختلف أثنين على مدى قوة و أنسانية خطاب 

.

الرئيس الأمريكي أوباما

.

اللي وجهه الى الأمه الأسلاميه

.

خطاب مو أنا اللي أقدر أعطيه حقه بالتقييم

.

.

.

بس أنا اللي لفت نظري بالزياره كلها

.

نظافة القاهره

.

شي ما صار

.

اللي و أنا قاعده أطالع الموكب

.

شكيت أن بالقاهره..على بالي  باريس

.

يعلكم العافيه

.

عندكم هالعاصمه الجميله العريقه

.

ليش بهذلتوها جذي؟؟!؟

.

يعني لما أشتهيتوا تنظفونها

.

سويتوها شي مو عادي

.

اللي اليوم حسيت إني قاعده أشوف

.

فيلم بالأبيض و الأسود

.

و الحين عمر الشريف راح ينزل

.

أعادوا بمجرد تنظيفهم الشوارع

.

جمال القاهره

.

سحر أم الدنيا

.

حرام ما يتم المحافظه عليها بهالصوره الرائعه

كل سنه و أنتو طيبين

.

.

.

حبيت أهديكم هالأغنيه

.

لأن صار لي أسبوعين

.

قاعده أفكر بأجابه لهالسؤال

.

اللي عنده الأجابه خل يفيدني

.

أفادكم الله

.

و اللي ما عنده

.

خل يستمتع بالأغنيه

أنتو شنو سويتوا؟

.

.

صباح الخير..و آسفه أني غطّيت الفتره اللي فاتت

.

بس كونيكشن الأنترنت كان حاط دوبه و دوبي

.

.

.

المهم

.

أنا لي الحين ترن في أذاني كلمة

.

العم حمد الجوعان

.

في ندوته..لما أجاب عن تساؤل واحد من الحضور

.

.

أنتو شنو سوّيتوا؟

.

.

موجها سؤاله للشباب و الشابات

.

أعتقد أن بتواجدنا باجر

.

.

 يوم الأربعاء في

.

ساحة الأراده الساعه ٧.٣٠

.

.

عشان نعلن للكل أن أحنا.. الشباب و الشابات الكويتيات

.

مستائين من الطريقه اللي يتم التعامل فيها

.

مع موضوع رئاسة مجلس الأمه

.

و عشان تكون مرتاحين مع أنفسنا

.

أن حاولنا..و أشتغلنا..واخترنا

.

 والحين وصلنا الى النهايه

.

 اللي السياسيين بالبلد

.

خلونا نوصلها

.

الأعلان عن أستيائنا

.

.

و نقول كــــــــــافي

السيد عبدالرحمن الراشد...مع التحيه

.

.

.

.

سيّدي العزيز

.

كنت أتمنى أنك تشوف المظاهره الديمقراطيه

.

اللي صارت الليله في

.

.

.

.

عشان أسمع رأيك 

.

بديمقراطيتنا الكويتيه

.

الكويت ضميرك..و معايير أختيار النواب

بدون تعليق

.

.

.

.

هذي صورة مادلين أولبرايت

.

لما راحت زارت قسم الأنتخابات

.

في وزارة الداخليه اللبنانيه

.

بس الله يخليكم شوفوا الموظفات

.

يشوقون

.

نظافه..و اللبس الرسمي الصحيح

.

و الوجه اللي مغسول صح..مو مدودم من المكياج

.

و الشعر المفلول عادي..ماكو تسريحات

.

.

مابي أقارنهم مع أحد

.

بس حبّيت أن أبدي آعجابي بمظهرهم

.

كويتيّتنا

.

.

صار لي فتره ما أكتب شي في مدونتي

.

بس أسيّر على المدونات

.

وايد ضايق خلقي من الصيحه اللي صايره

.

تقريبا معظم المدونات ما لها سالفه

.

يا صالح و طلآّبة صالح

.

أو أسيل و يا طلاّبة أسيل

.

ليش تم أختزال تجرتنا الديمقراطيه

.

في هالشخصين؟

.

كأن بالكويت كل شي ماشي على

.

حسب الأصول

.

وما عندنا أي مشاكل الاّ هالمرشحان

.

ترا تجربتنا الديمقراطيه المفروض تكون أعمق من جذي

.

ما نضيّع الوقت نتناجر على المرشحين

.

في أشياء أهم

.

بس أعتقد أن أعداء الديمقراطيه

.

نجحوا في شق صفنا..و خلّونا ننسى كل

.

شي..و ركّزنا على أظهار محاسن و مساوئهم هالأثنين

.

أنزين و بعدين؟

.

نجحوا

.

 صالح و أسيل..الله يوفقهم

 

 وعسى الله يعينهم على المسئوليه

.

سقطوا

.

tough luck

.

try again

.

ترا الكويت محتاجتنا..كلنا

.

و العمل من أجل الكويت ما يقتصر على 

.

أن الواحد يكون نائب في مجلس الأمه و بس

.

و الباقي يتطمشّون

.

لازم كلنا..أقصد كلنا ككويتيين مؤمنين

.

بالديمقراطيه..نحترم أختلافاتنا

.

و نحط التجربه الديمقراطيه الكويتيه جدام عيونا

.

لأن هالتجربه الشي الوحيد اللي يخلينا نفتخر 

.

بكويتيّتنا

.

.

.

.

.

.

=======

.

.

عتاب

.

دكتوره أسيل الله يهداج..أذا أنتي قدمتي بلاغ ضد مدونه

.

عيل غيرج شنو ممكن يسوون فينا؟؟؟؟؟!!؟

.

المدوّن العزيز 

.

كويتي لايعه جبده

.

كتب في تعليقه.. و يسمح لي راح أبوق من تعليقه

.

لأن لو شنو ما راح أقدر أصيغ اللي أبي أقوله مثله

.

.

ما تفضل به العم أحمد السعدون بلقائه البارحة

.

  سبب عدم رفعه لأي قضية ضد أي شخص تعرض لفكرة أو أساء

.

 له ومنهم من وصلت به الى الشتيمة مع الأسف ولمدة طالت ال34 سنة

.

ايمانا منه ليس فقط بمبدأ حرية الرأي والذي لها استثناءات طبعا

.

 لكن لايمانه بتعزيز الحريات بالكويت لا العمل على تقليصها

.

 بأي شكل من الأشكال وصنع السوابق بعكس الاتجاه المرغوب

.

.

.

========

.

لا يطوفكم 

.

الكويت ضميرك..الجزء الأوّل

.

العنصريه

.

على يوتيوب

.

و سامحوني ماني عارفه أحط اللنك

.

بس زملائي

.

مقهور

.

و كاسك يا وطن

.

و أزيولايك الأزيولايكي

.

و كراكتاو (بوطارق) كلهم حاطيّنه

العنصريّه

هم..نشوفكم باجر بالندوه

.

.

.

.

.

يتشرف عبدالله النيباري

.

بدعوتكم لافتتاح مقره الأنتخابي

.

بمشاركة صالح الملّا و شروق مظفّر

.

الأحد 05/03/09 الساعه ٨ مساء

.

ضاحية عبدالله السالم ق٤ ش سيد علي سيد سليمان 

نشوفكم بالندوه أن شاء الله

.

.

رساله من عمّي عبدالله

.

.

اخواني واخواتي الاعزاء, شبابنا الخيّر, وأهلي – أهل  الكويت جميعاً- من أجل وطن غالٍِ ينعم بالاستقرار, وطن كنا ولانزال وسنكون دوماً على العهد معه أوفياء, بأمل المخلصين الاحرار, وطن شرفت بتمثيله يوماً في سلطته التشريعية, وبعد فترة غياب لم انقطع فيها برهة عنه وعن قضاياه, مرتبطا به ارتباط ام حنون بولدها، فهي الكويت التي لم تبخل علينا يوماً بحبها ولا بعطائها الفياض, في ظل نظام حكم ديمقراطي كفله لنا دستورنا، دستور لم يفرق ابدا بين اطياف شعبنا.

ولاننا ملك لهذا الوطن، الذي يحتاج منا بذل الغالي والنفيس، فانه لا شك يحتاج منا الكثير لكي نقدمه له، من تسامح وتفاؤل وترابط وتنمية وتصحيح واجتهاد، محافظين على مؤسساتنا الدستورية، متحلين بالصبر والعزيمة والاصرار، للوصول به الى بر الأمان والاستقرار، رأيت في نفسي، وبعد اصرار ورغبتكم، ألا اتأخر او اتواني عن خوض ركب الاصلاح المأمول لتصحيح مسار انحرف عن اتجاهه الصحيح، فقد حان وقت العطاء بلا حدود، بعد زمن الصراعات والتشتت والتزمت ، وبعد ان تملكنا الإحباط ، وسيطر علينا الخوف من العودة الى الوراء في وقت نحن في اشد الحاجة فيه للسير الى الامام.

...بأمل واصرار وتفاؤل سنعمل جاهدين حتى اخر رمق في حياتنا جميعا، تحت راية عالية خفاقة هي راية الكويت، كويت الدستور والديمقراطية والعدالة والحرية، كويت الجميع بعيدا عن أي تصنيفات قبلية او طائفية او مجتمعية...

 

لأننا ننتمي ... سنبني

 

 

                                                         

                                                             أخوكم/ عبدالله محمد النيباري

يا ملق...ك

.

.

.

.

أنا لما أكون متملله..أتعسّر

.

و أول كنت لما أوصل هالمرحله..آخذ أجازه

.

لو يومين..أغير جو و أرجع

.

الحين اللي صاير..هالحل ما يفيد

.

لأن طبعا غير الوضع السياسي اللي أحنا فيه

.

و أفلام الأكشن اللي قاعده تصير..اللي لي الحين

.

بالنسبه لي أفلام مقاولات

.

غير هذا متعسره.. من الشغل

.

ما أقدر آخذ يوم أجازه

.

بس مضطره أني أتعامل مع ناس

.

في خلاف بيني و بينهم

.

و لي الحين ما برّدت قلبي فيهم

.

.

فسمحوا لي أني أفضفض شويه

.

تشود..تخف عسارتي

.

.

هذا واحد مو كويتي..على باله أن فطحل زمانه

.

و أذا قعد  وحط ريل على ريل و قام ينظّر

.

تقول أنّه وارن بافيت الحبيب

.

مشكلته..أني لاحقه عليه لما أول ما تعيّن 

.

مو بالشركه اللي أهوه فيها الحين

.

لاحقه عليك..لما ما كان يسوى ترس أذنه نخال

.

بالمكان اللي قبل..بس لأن ممتاز في مسح الجوخ

.

وصل بهالمكان المنصب اللي وصل له

.

أنا على خلاف معاه من زمان

.

و وجوده من عدمه ما يهز صرصوخ أذاني

.

اللي حارني

.

أن تم استعباطي..و خلّوني أسوي له فضل

.

لو أدري أن حقّه.. لو ينقز ما سوّيته

.

لأني أنقذته من خساره محقّقه

.

جان صج الأداره..عرفت شنو موديله

.

طبعا أنا موديل سو خير و قطّه بحر

.

حق ناس ما يستاهلون..ما أواطنه..لأني مو حليوه

.

الحين أنا محتره من شغلتين

.

أني طلعته من دقّه..و أن تم أستعباطي

.

.

فحـــدّي محتره

.

و باموت أني أسوي فيلم

.

عاد لينتقم

.

بس ماني عارفه شلون

.

.

الحين..ماني قادره آخذ أجازه

.

عشان أصد عن هالبايخ

.

و لاني بارد قلبي فيه