Tuesday, May 05, 2009

كويتيّتنا

.
.
صار لي فتره ما أكتب شي في مدونتي
.
بس أسيّر على المدونات
.
وايد ضايق خلقي من الصيحه اللي صايره
.
تقريبا معظم المدونات ما لها سالفه
.
يا صالح و طلآّبة صالح
.
أو أسيل و يا طلاّبة أسيل
.
ليش تم أختزال تجرتنا الديمقراطيه
.
في هالشخصين؟
.
كأن بالكويت كل شي ماشي على
.
حسب الأصول
.
وما عندنا أي مشاكل الاّ هالمرشحان
.
ترا تجربتنا الديمقراطيه المفروض تكون أعمق من جذي
.
ما نضيّع الوقت نتناجر على المرشحين
.
في أشياء أهم
.
بس أعتقد أن أعداء الديمقراطيه
.
نجحوا في شق صفنا..و خلّونا ننسى كل
.
شي..و ركّزنا على أظهار محاسن و مساوئهم هالأثنين
.
أنزين و بعدين؟
.
نجحوا
.
 صالح و أسيل..الله يوفقهم
 
 وعسى الله يعينهم على المسئوليه
.
سقطوا
.
tough luck
.
try again
.
ترا الكويت محتاجتنا..كلنا
.
و العمل من أجل الكويت ما يقتصر على 
.
أن الواحد يكون نائب في مجلس الأمه و بس
.
و الباقي يتطمشّون
.
لازم كلنا..أقصد كلنا ككويتيين مؤمنين
.
بالديمقراطيه..نحترم أختلافاتنا
.
و نحط التجربه الديمقراطيه الكويتيه جدام عيونا
.
لأن هالتجربه الشي الوحيد اللي يخلينا نفتخر 
.
بكويتيّتنا
.
.
.
.
.
.
=======
.
.
عتاب
.
دكتوره أسيل الله يهداج..أذا أنتي قدمتي بلاغ ضد مدونه
.
عيل غيرج شنو ممكن يسوون فينا؟؟؟؟؟!!؟
.
المدوّن العزيز 
.
كويتي لايعه جبده
.
كتب في تعليقه.. و يسمح لي راح أبوق من تعليقه
.
لأن لو شنو ما راح أقدر أصيغ اللي أبي أقوله مثله
.
.
ما تفضل به العم أحمد السعدون بلقائه البارحة
.
  سبب عدم رفعه لأي قضية ضد أي شخص تعرض لفكرة أو أساء
.
 له ومنهم من وصلت به الى الشتيمة مع الأسف ولمدة طالت ال34 سنة
.
ايمانا منه ليس فقط بمبدأ حرية الرأي والذي لها استثناءات طبعا
.
 لكن لايمانه بتعزيز الحريات بالكويت لا العمل على تقليصها
.
 بأي شكل من الأشكال وصنع السوابق بعكس الاتجاه المرغوب
.
.
.

========
.
لا يطوفكم 
.
الكويت ضميرك..الجزء الأوّل
.
العنصريه
.
على يوتيوب
.
و سامحوني ماني عارفه أحط اللنك
.
بس زملائي
.
مقهور
.
و كاسك يا وطن
.
و أزيولايك الأزيولايكي
.
و كراكتاو (بوطارق) كلهم حاطيّنه





40 comments:

Shag7a said...

ana ma3ach 100%!!

bas ham ly 3atab 3alaich , awal shay el 3atab 3ala aseel eb hal wagt enaqeth ma tefathalty fy bil moqadema thany noq6a 7oreyat el ray shay .. oo el esa'a el shakh9iya oo el ta7wer shay thany ! oo etha ay shakh9 sekat mo ma3nata inta3alam minna nasket bil 3aks ! , law kan lehom ay ta3leeq aw wejhat nathar 7ayahom allah

bas ese'a oo lazem nasket ! ghareba oo mistaghreba shloon fy akthar min shakh9 egool nafs hal fekra ely jad mo gadra afhamha !

3omoman asfa 6awalt oo akeed tebga wejhat nathar !

nanonano said...

Shag7a :

أهلا

أنتي قلتيها عزيزتي

حياهم الله

ما أروح أقدم بلاغ للنائب العام

عيل جان صالح الملا مقدّم من أسبوعين بلاغ ضد الطارق

جان مثل ما تفضّلت ولاده..جان قدم فيها ناصر الصانع العام بلاغ


و عاد ذاك الوقت تعالي عابلي

ترا الموضوع مو استعراض قدرات و لا تكسير مجاديف

أحنا في سفينه

و نبي نخلي هالسفينه تمشي

Shag7a said...

akeed 6ab3an , bas shoofay 7etta el madonat ana mashoof inna min 7ag'hom egoolon ely yaboona oo yamshoon etha feha ghala6 3ala nas oo 6ab3an tebeli, a3teqed la 9ale7 walla el sani3, 7ash'hom el 7ash aseel min hal you tube , oo tara ohwa 6alab ta7qeq la 7ajb madona walla la 3elaqa bil madonat asasan oo nafs ma gelna ely yasket mo ma3nata el 7ag ma3a oo mo ma3nata nefta7 el bab 3ala awsa3 abwaba oo ma7ad eta7acha la'anha 7oriyat ray

nanonano said...

Shag7a :

عزيزتي..ما راح نوصل حق نتيجه

أنتي تعتقدين أن اللي سوّته الدكتوره أسيل صح

و أنا أعاتبها على هالتصرّف

المعترك السياسي دربه وعر

و اللي ما يعبّر عليه

لا يدخل فيه..الكل ممكن يتعرّض للي تعرضت له الدكتوره

بس هذا مو معناته لأن الدكتوره أهيه اللي قدمت البلاغ يصير بردا و سلاما على

قلوبنا و لو أحد ثاني من فريق الضد..نقعد نصارخ نطالب بحرية الرأي

alaa said...

plzz elma3lona lazem ete9ala7 Dr.Aseel marfa3at qatheya wala shakwa 3ala leblog, plzzz check the news ta3awadna 3ala elma3lomat e9a7e7a mnkom.

Shag7a said...

nanonano ..

maykhalif bata3bich ma3ay shway bas hal te3taqdain enna el you tube el qa9 oo lazg 7oreyat ray ?

beghath el nathar 3an mota6alabat el 3amal el seyasi

nanonano said...

alaa :

أن شاء الله راح أتأكد

بس حبيت أقول لج أن مصدري جريدة الآن الألكترونيه

nanonano said...

Shag7a :

مابي أتطرق حق موضوع اليوتيوب

لأني علقت على هالموضوع عند الزميل

كاسك يا وطن

kuwait61.blogspot.com

بتاريخ ٥/٣

Purplecious said...

لووووول نانو الحين أدزلج ايميل اعلمج شلون
:*

و د. أسيل ما قدمت بلاغ... مجرد اشاعه

sologa-bologa said...

للأسف الكل انشغل بالحرية السياسية
اللي هي الديمقراطية
ونسوا أن الحرية الإنسانية هي أكبر وأشمل من الديمقراطية
وجان زين الديمقراطية بمفهومها الشامل
لكن اكتفوا بمجلس الأمة على انه مثال الديمقراطية
الديمقراطية مو بس مجلس الامة
الديمقراطية أكبر وأشمل من المجلس مع الحفاظ على المجلس طبعا
أما الحرية الإنسانية فهي أكبر وأشمل من الديمقراطية
أي الحرية السياسية

nanonano said...

Purplecious :

شكرا جزيلا عزيزتي

أنا لما كتبت هالموضوع ما كان أشاعه

و تقدرين تشوفين الزميل عاجل

بالكويتي الفصيح و تشوفين توقيته

و عقب ما قريتها عند عاجل

هم مسكين ما صدقته

و قعدت أدور زياده

و لقيت الخبر محطوط في جريدة الآن

الحين صار الموضوع أشاعه

هذا شي ثاني

nanonano said...

sologa-bologa :

يسلم بؤّك عزيزتي

بالنسبه لي أن المواطن الشريف اللي يحكّم ضميره بكل شي قبل لا يسويه
سواء بالبيت.. بالعمل.. بالمجتمع
هذي أكبر خدمه ممكن يسويها المواطن للكويت

Q8EL5AIR said...

حكم يا حناحينو والله :)

صح لسانج :)

بس عندي نقطة بسيطة ودي اوضحها بعد اذنج :)

عدل كلامج بالنسبة للمرشحين سواء الي ذكرتينهم او غيرهم .. وموغريبة هالايام الحديث بهالكلام خصوصا في وقت اختيار الافضل والاكفا من وجهة نظر كل واحد فينا ..

ولكن الشي الغريب والغير صحي هو في نقطتين - باعتقاي- :

1. الكلام الحاد والي قد يصل الى حد البذاءة والانحطاط في الحوار ، وهذا يخلي كل واحد صاحب وجهة نظر تطغى عليه نزعةانتصار النفس اكثر من العقلانية بالتعامل مع صاحب الكلام البذيء .. وهذا في كثير من الناس الي لايحسنون امساك اعصابهم .. الا اللهم من رحم ربي سبحانه!!!


2. ان وانا اخوج في بعض الزلات الي من النواب ما تطوف .. الشق عود عندهم .. ويقطون خيط وخيط ويناقضون انفسهم .. هذول بالله عليج شتسوينلهم .. مولازم - باعتقادي - تنبه الناس لهم .. خاصة بهالمرحلة الحرجة في حسن الاختيار !!



اتمنى ماطولت بالتعليق :)



وعسى الله يبعد عنج ضيقت الخلق ويرجعج كما كنتي بالنفس الي عهدناهه عليج :)



وتحياتي ..
ويسلمواااااااااااااااااااااااا :)

Mok said...

نانو

للحين زعلانه؟

كويــتي لايــعه كبــده said...

واضح ان رايي من رايك

وبوقي اللي تبين يا يبا
كلي لك


كويــتي لايــعه كبــده حتى النخاع

Hashemy said...

عدل كلامج نانو للاسف قعدنا نركض ورا قضايا بعض المرشحين ونسينه الاهم وهي الكويت اللي تجمعنا كلنا والمفروض نكون ايد وحده خاصة هالايام

واثرتي نقطه مهمه عن الدكتوره ان المفروض مو شخص مثلها يرفع قضيه واستشهدتي بالعم بو عبدالعزيز

يعطيج الف عافيه

nanonano said...

Q8EL5AIR:

عزيزي أنا يؤسفني أن ما قرينا شي عن

كمية المرشحين اللي نازلين بالدائره الثانيه و الثالثه مثلا

و تأثير هالسالفه على تشتيت الأصوات

الموضوع الثاني مثلا شلون صارت الدائره الثانيه محتكره تقريبا

و هالأحتكار صار عامل طرد للمرشحين بحيث قامو ينكبون على دوائر أخري

علّ و عسى يحالفهم الحظ

nanonano said...

Mok :

زعلانه من منو؟؟
و ليش؟؟

nanonano said...

كويــتي لايــعه كبــده:

شكرا جزيلا

ما نستغناش طال عمرك

nanonano said...

Hashemy :

الله يعافيك

مثلا..أمس سمعت عن تحالف بين المسلم و الطبطبائي

قعدت أدور من البارحه لي اليوم

أحد كاتب عن موضوع مهم مثل جذي

ماكو شي


الدائره الثالثه فيها وايد صراعات و حسابات

ليش ما يصير تركيز على هالأشياء

Enter-Q8 said...

الوضع جدا عادي
قبل كانت اقشر بس ما كان في استخدام التقنيات و كان المنشور يتداول من ايد لايد حتى حبرة يصبغ على ايدك

nanonano said...

Enter-Q8 :

أوكي بو وليد

الوضع طبيعي



بو وليد ما راح أدخل بأيراد و مصرف معاك

أنت تشوفه عادي على راحتك

و أنا أشوفه مو عادي..هم على راحتي

أنت تعرفني

ما أعبّر على اللبحه

Enter-Q8 said...

نانو
قصدي انه يحدث و انه مو غريب
لا تصير نفس السعدون حارة وايد العود بروحه صار هادي صيري نفسه

Blog 3amty said...

عمتي قاعدة تساسرني وتقول:

آخر الفلم تطلع أسيل مدعومة حدس !

nanonano said...

Enter-Q8 :

بو وليد

أنــــــــــــزين

فهمت
:(

nanonano said...

Blog 3amty :

الحين أنا باساسرك

ودّك؟؟؟

حسافتج يا كويت said...

إحباط عام
وشلل تام

Blog 3amty said...

أكيد وتلع أهي ناصر الصانع !

نفس زكيا زكرية لما يتنكر !!

lawyer said...

اي والله يا نانوووووو


جنه الكويت الحين ماعندنا اي شي بالدنيا غير الهوااش



الله يسامحهم

وايد وايد وايد في امور في الانتخابات اهم من فلان و فلنتاان

الطاقه الي موجهينها انكم تنبروووون ممكن تختزلونها في انكم تطلعون التاريخ البرلماني لفلان و اداائه و ماله و ماعليه من التزامااات سياسيه تجاه هذي البلد



ليش همهم ربعهم مو الكويت؟؟



مظيعه وقت والا شنو؟؟

nanonano said...

حسافتج:

ويـــــــــــــــي

عاد أنت زاهب حق دشة القوري

ما عليك منّا

كل شي زين

بس لا التعسّر

و ترد تحتجب

ما صدقنا طلعت

nanonano said...

Blog 3amty :

هاهاهاها
هاهاهاها

جنّه..صــــــــــــادوه

أضبط

nanonano said...

lawyer :

لا والله مو مضيعة وقت

بس

الظاهر ما يطلبه المستمعون

ولاّدة said...

أتفق

هناك نبرة تسطيحية للمرحلة التي نمر بها وكأن الحل السحري هو وصول إما هذا المرشح او ذاك

هناك مراهقة سياسية تشبه التشجيع الكروي عرباوي وقدساوي ...ويجب على العرباوي أن يقبل بكل اللاعبين في فريقه ويبجلهم ...وينتقد لاعبي الفريق المضاد
كما يفعل القدساسوي الشيء ذاته
وإلا يعتبر منشق

nanonano said...

ولاّدة:

تصدقين أنا على بالي أن تجاوزنا هالمرحله

بس للأسف أتضح

مكانك سر

المقوع الشرقي said...

على طاري حبيب ألبى الطبطبائى لا يفوتج
حبته لراس العساجر
أجبسو لبعض
يأطع
المصلحة شو
بتزل
:))
وعندى أمنية
عقب الويكند
ما نشوف موضوع أسيل
طفحنا
:(

nanonano said...

المقوع الشرقي:

قالوا لي عن الصوره لي الحين ما شفتها

بس يقولون شي أوريجنال
===

ويـــــــــــــــي

طلع من نخاشيشي هالموضوع

صار أبو الطفوح عندي

حتى توّه عند

كراكاتاو

عقب ما علّقت

قلت خلاص

عـــــــــــــــــــوع من هالسالفه

ما راح أعلق عن أي شي في هالموضوع

fatto said...

مادري اشفيهم هالناس .. بس بدورون الزله بدون لا يتأكدون من مصدرها او اي كان .. مايسير بس هذا همكم .. في اشياء اهم على قولتج من جذي .. الله يهداهم


شكرا على البوست الحلو :)

nanonano said...

fatto:

أهلا و سهلا فيج

أنا ما أحب موديل

شد لي و أقطع لك

عشان جذي

عندي ما ياز لي الشي و من ناس ما يعنون لي شي

أعطي الموضوع طــــــــــــــــــــاف

لأن بالحياة في وايد أشياء أهم

أهل شرق said...

مادة (6 )

نظام الحكم في الكويت ديمقراطي
السيادة فيه للامة مصدر السلطات جميعاً

فهموووووووووووووووووووووووو

nanonano said...

أهل شرق:

أنزين فهمنا

و منو عيّا أصلا؟؟؟!!!؟

 
template by Purplecious