Friday, June 05, 2009

أم الدنيا

.
.






.
.
.
طبعا ما يختلف أثنين على مدى قوة و أنسانية خطاب 
.
الرئيس الأمريكي أوباما
.
اللي وجهه الى الأمه الأسلاميه
.
خطاب مو أنا اللي أقدر أعطيه حقه بالتقييم
.
.
.
بس أنا اللي لفت نظري بالزياره كلها
.
نظافة القاهره
.
شي ما صار
.
اللي و أنا قاعده أطالع الموكب
.
شكيت أن بالقاهره..على بالي  باريس
.
يعلكم العافيه
.
عندكم هالعاصمه الجميله العريقه
.
ليش بهذلتوها جذي؟؟!؟
.
يعني لما أشتهيتوا تنظفونها
.
سويتوها شي مو عادي
.
اللي اليوم حسيت إني قاعده أشوف
.
فيلم بالأبيض و الأسود
.
و الحين عمر الشريف راح ينزل
.
أعادوا بمجرد تنظيفهم الشوارع
.
جمال القاهره
.
سحر أم الدنيا
.
حرام ما يتم المحافظه عليها بهالصوره الرائعه

25 comments:

ZooZ "3grbgr" said...

ياااا سبحان الله

كنت توني اقرا بمدونه عجيبه عن هالزيارة

مو خبرج زووز ما تخلي ديرة ما تقرا منها

راح تنصدمين

انصحج تقرين البوست هذا والكل يقراه

شوفي مصر على اصول

الله يعينهم

http://ahmedelsabbagh.blogspot.com/2009/06/blog-post_03.html


على فكرة

وحشتيني انتي وبلوقج

:**

مـغـاتيــــــــــــر said...

والله إنج صاجة ! ألحين هذي مصر اللي نعرفها ؟ يتنظفون بس بالمناسبات لول

chandal/danchal!! said...

تصدقين قاعدة اشوف فيلم حق نجاة واحمد رمزي

بيتهم يم الهرم

شي يزوق اقصى القلب

كلها فلل وماكو هالعماير اللي تلفي القاصي والداني

وهالخضرة العجيبة


المشكلة بعامة الشعب يا نانو



الله لا يغير علينا

100 fils said...

صباح الخير

الجانب الايمن من عقلي يقول الله يتمم عليهم .. أما الجانب اليسر فيقول ماكو فايده متعلمين على الفوضى

للاسف ان الانسان يعيش هل ماساة ان يشوف بلده بصوره جميله لمن يكون الغريب فيها و بصوره قبيحه اخرى له
... والله تبين الصج قهر

:p

esTeKaNa said...

تصدقين انا بعد انبهرت
زوقت قلبي هالنظافه وكل شوي اقرا كايرو اقول علامكم ما سنعتو كايرو من قبل
!!
تدرين؟
مرة قريت كتاب يقولج الاعلام صور للجميع ان الثورة اجمل ما حصل في مصر والواقع ان الثورة كانت لها اثار سلبيه كثيرة ،فانتشر الفقر وصارت هاللويه بمصر ولا مصر من اوانها جميلة
:)
مير حنانينو اول حتى بناتهم جميلات
الحين وين راحو الجميلات؟
صارو شويه!!

lawyer said...

وااااااااااي شفتيها مووووووو صج


صاجه سبحان الله جنها باريسسسسسس


فجأه من وين طلعت هالقصووور وهالاعمااااار


علامنا من دخنه العوادم ما كنا نشوووفهم


و اللقطات عجيبه



فعلا كلام و خطاب اوباما لا يختلف عليه اثنين ...




قعد اشهر و فتره كبيره يعد هذا الخطاب
و استشار مسلمين و يهود و مستشارين روس لاعداد هذا الخطاب


بذل جهد كبير جدا و اجتماعات كبيره عشان يطلع لنا هذا الخطاب بهذا الشكل و الصوره



اذا دل على شي انما يدل على يقينه بان خطابه سيخلد و حط اعتبار لنا كمسلمين و للغرب كافه و العالم ...

Common_Sense said...

اول واخر مره :)

أبو الدســتور said...

هههههه
ملاحظة قيمة

حسافتج يا كويت said...

يجب أن ترجع مصر ملكية

nanonano said...

ZooZ "3grbgr":

زووووووووز

أنا في قمة سعادتي لما شفت تعليقج

ترا وايد لج فريه


راح أقرا المدونه اللي حطيتي لي أياها

عقب ما أخلص رد على التعليقات

شكرا على النقصه

:***

nanonano said...

مـغـاتيــــــــــــر:

أبد كلــــــــــــش مو القاهره اللي خابرينها

الظاهر عندهم الناس مقامات

;)

أهلا و سهلا فيج/ك في مدونتي

nanonano said...

chandal/danchal!! :

و الله حرام عامة الشعب ماكلين هوا

شنو يسوون بعمرهم

صج الله لا يغير علينا

تصدقين عقب أمس قمت أقدر أتخيل قاهرة العز أيام الملكيه

nanonano said...

100 fils :

مساء الورد

لا صدق الجانب الأيسر من عقلك

ما راح التم هالنظافه و الزرافه

من ناحية مساكين فأهمه صج مساكين

كل شي جدامهم و ما يقدرون يطولونه

nanonano said...

esTeKaNa :

غميضه على الملكيه

كان عندهم ظلم

بس الحين وضعهم وايــــــــــد أسوء

كنت أعرف عايله الملك فاروق يروح يسير عليهم بالهرم عشان يشرب شاي ساعة المغرب

لاحظي المزاج...حالتهم الحين تعور القلب من الفقر


و ما عليج في لي الحين حلوات..بس ما نشوفهم

لأنهم بطرانين لهم أماكنهم الخاصه

روحي الساحل الشمالي و شوفي و تطمشي

nanonano said...

lawyer:

خطاب أوباما على قولة زوجي

صعــــــــــــــب

من قوته

و العماير و البنايات كلها موجوده بس ما تبين من هالأميم اللي يدبون فيها

أنتي شفتي الهرم اشحلاته

حتى صحراء الهرم قامت تلق

nanonano said...

Common_Sense :

حســـــــــــــافه

أدري والله..ودي أروح اليوم عشان ألحق عليها جذي

nanonano said...

أبو الدســتور:

حاضريـــــــــــــــن

;)

nanonano said...

حسافتج يا كويت:

أهيه الحين ملكيه

بس برئيس دوله مو ملك

ZooZ "3grbgr" said...

بعد عمري انتي

شكلج بتكتبين بوست من الصدمة

لي قريتي هالولد شكاتب

:")

Enter-Q8 said...

لان ما يمديهم يخلوها نظيفه
اذكر انهم يصكرون الشوارع و التنظيف يتم قبلها بساعات قليله بس

اللي يضحك اكثر ان الواحد يكره حياته بزحمة مصر و هالمره اذا صكروا الشوارع بعد يا ساتر

فريج سعود said...

الظاهر كانوا مسوين حظر تجول

Q8EL5AIR said...

ماهو المخرج عاوز كده ..


وتحياتي ...
ويسلمواااااااااااااااا :)

Blog 3amty said...

يا عيني على جمالج يا مصر !

Blog 3amty said...

يا عيني على جمالج يا مصر !

Fahadinho said...

اتوقعون حطوو له اغنيه اركب الحنطور ..؟ وبعدين هالكلام وهالسوالف حتى ربعنا منوو شاف يوم القمة العربية .. وحطوو ثيل صناعي صوب قصر بيان قووي الثيل الصناعي او ورد نايلووون لي الحين موجودين خلوو على الله ومافيش حد احسن من حد :)

 
template by Purplecious