Thursday, May 07, 2009

بدون تعليق

.
.
.
.
هذي صورة مادلين أولبرايت
.
لما راحت زارت قسم الأنتخابات
.
في وزارة الداخليه اللبنانيه
.
بس الله يخليكم شوفوا الموظفات
.
يشوقون
.
نظافه..و اللبس الرسمي الصحيح
.
و الوجه اللي مغسول صح..مو مدودم من المكياج
.
و الشعر المفلول عادي..ماكو تسريحات
.
.
مابي أقارنهم مع أحد
.
بس حبّيت أن أبدي آعجابي بمظهرهم
.

55 comments:

Blog 3amty said...

لو ينزلهم بدل أجار وخمسين دينار علاوةوأمية وعشرين دينار بدل غلاء وزوجية وعلاوت يهال وكادر وبدل شاشة وبدل طبيعة عمل وأوفر تايم عن دوام العصر والجمع صدقيني بيلبسون وبهولون :)

الطائر الحر said...

ما يحتاج تقارنين

كلنا عارفين البير وغطاه

Shurouq said...

شنسوي نانو.. الذوق ما ينشرى بالفلوس

هذا غير إن جينات اللبنانيات أحسن
الله يخليهم لأهلهم

حنطفيس said...

آنا اقترح بمجلس الامة القادم انشاء لجنة لمكافحة الهلاقه والويه المدودم

لتأثيرهم المباشر على نفسية المواطن وانتاجيته بالعمل

beezo said...

نانو

قبل نص ساعه رحت خلصت موضوع بأحد الوزارات على الكاونتر الموظفه حاطه فطيره يخر منها الجبن ويمها شوية مخلل (لزوم المزه) المهم.... يوم انا سلمتني الورقه اللي انا طالبها اكتشفت ان وراها....... زيييييييييت وبصمات اصابع

:S

يفشلون



ناهيج عن الخشبه اللي حاطه عليها ريولها وفاصخه الجوتي (وانتي بكرامه) و كريم جرجنز يمها من كثر ما تستخدمه قلتلها عطيني القلم حسيت انه بيزلق

Enter-Q8 said...

بعد من صجك حرام عليك يا نانو

خلف دميثير لو كان بالبنان غصب طيب راح تشوفينه جورج قرداحي

الجو و شحلاته يعني عوامل تصحر البشرة ما تدور عندهم

nanonano said...

Blog 3amty :

الذرابه ما تخربها الفلوس

nanonano said...

الطائر الحر:

أدري..لأن عارفين البير و غطاه

أدري أن ما فيهم طب

nanonano said...

Shurouq:

صاجه الذوق ما ينشرى بفلوس

بس النظافه

خو النظافه من الأيمان

و أهمه ما شاء الله عليهم أيمانياتهم طافحه

nanonano said...

حنطفيس:

مو لجنه

يبيلنا مرسوم بقانون..يجبرهم على النظافه

nanonano said...

beezo:

فطيرة جبن

مخلل

زيت

ريل محوحيه

كريم جرجنز

ويع..ويع..ويع

الله يزيد النعمه

nanonano said...

Enter-Q8 :

بو وليد أنا معاك أن عوامل التصحر لاعبه بحسبتنا

بس الذرابه و الذوق و النظافه

ما لها شغل بعوامل التصحر

بس ركضه يقلدون اللبنانيات

بتتفخ البراطم و تنفّش الكشيش؟

بومريوم said...

اللبنانيات جمال و ثقل طينة

مركبنا said...

ابية شوفي الناس السنع ياحول البساطه

تدرين لو موظفتنا جان اصلا اوبرايت
ماقدرت توقف يمهم
من الي حاطينه على روسهم

ولا حريم كلهم فلعين على روسهم

واي هل شكل ما ابلعه

الرسول صلى الله عليه وسلم
يقولكان على رؤسهم البخت
والبخت اهو سنام الجمل

واحنا بناتنا مو بس السنام حاطينه حاطين ذبيحة كامله

Bloggerista said...

صج يشوقون

عطاهم ما عطانا

nanonano said...

بومريوم:

أنا ما ييت صوب الجمال

عجبتني بساطتهم و نظافتهم

و اللبس الصح بالمكان الصح

nanonano said...

مركبنا:

هاهاها
هاهاها
هاهاها

وايد يازت لي

حان أولبرايت ما قدرت تقرب صوبهم من اللي حاطينه فوق روسهم

nanonano said...

Bloggerista :

الي عندنا يقلدون اللبنانيات بكل شي

ليش ما يتعلمون من بساطتهم؟

U know WHO said...

NanoNano
مسا الخيرات

تصدقين عاد هذا الموضوع مؤرقني من زماااااااااااااااان

المشكلة عندنا ما يفرقوون بين لبس الصبح والعصر والسهرة
عادي أي شي بأي وقت

يعني ترتر الصبح ماتشوفينه إلا في الكويت
لا ودوام بـ تريننج سوت؟؟ ليش


ولا الميك أب
حدث ولاحرج
تييج من الصبح تقولين مفترسة ياهل
ولا طبقات يص على الويه تقولين
طوفة توها ماسحينها
لا ولا أثار فاونديشن ولا جلوس على الحجاب أو بالقولة ( لغير المحجبات ).. أبيييييه

أنا أقترح يعطون الموظفات اليدد كورس في أسلوب اللبس والمكياج الصباحي ويعطونهم
Dressing code
يالله لعل وعسى يفيدهم

كويــتي لايــعه كبــده said...

أفهم من كلامك تنهوص حليمة بولند وميكياج دشتي للاعراس والحجاب بو سنامين مو ذرابه؟

KQ8 said...

الكويتيات ماكو فايده فيهم لو يلطون لط من هالكريمات ومساحيق التبييض هم ماكو فايده الركب محوحية والكوع متشقق..لازم يكون في الكويتيه عرج براني سنع ولا ما تطلع صح

nanonano said...

U know WHO:

مساء النيرات

ال
DRESSSSSSSSSS COOOOODDDDDDE

ما يدور

المشكله أن اللخبطه هذي صايره عند الكل

حيثيتج مالت الفاونديشن صــــــــاجه فيها

أن يضيق خلقي من أسلم على وحده

قولتها محوحيه

nanonano said...

كويــتي لايــعه كبــده:

لأ كلّش..ملّش

لا تنسى اللوك مال إيمان نجم بعد

و لا فؤاد الهاشم ببرنامجه

lawyer said...

السااااااااااااعه ست الصبح حاطه المكيااااااج و قووووووطين رووووب

و الكارديجاااااان المسفط تسفط على البطن و طبقاته



وودي اسأل سؤاااااااال
لما الوحده تلف راسها بستييين طبقه من الشوارفسكي اشلووووووووون تسسسسسسسمع الاسم


ياااااربي فشلتونا صرنا مطنززززه حق الاوادم

nanonano said...

KQ8 :

هاهاهاها
هاهاهاها

بو طارق..جنّك تبي الشاره؟؟؟؟

nanonano said...

lawyer :

و يا ريت هاللي حاطته بو الشواروفزكي

نظيف و ريحته خنينه

تلاقين أطرافه كلّها تلطط الفاونديشن

أبو جيج مع الورقة البيضاء said...

جينيا هم مختلفين عنا

و بالتالى تبقى المقارنة ظالمة


يعنى مثلا لو لبست اللبنانية تنورة قصيرة و كشفت عن رجليها...الأمور راح تكون طبيعية و لن يخترع أحد أو يصاب المشاهد بالغثيان و محد راح يتصل بالمطافى


(بعض) ربعنا إذا حاولوا ...مجرد محاولة التقليد و لبس التنورة القصيرة...للأسف تعود لنا ذكريات الغزو بظلامها الحالك

و على وجه التحديد كارثة البحيرات النفطية و الخوض فيها لمستوى الركب

يعنى الأخت تبى تكشف عن السيقان بعد معالجتها بالليزر..و السيقان للأسف تتعارض مع الذوق العام...و مقاييس التلوث العالمية...و شكلها قابلة للإشتعال من كثر دعكها بكريمات و مواد تبييض كيميائية

معلش ..كلامى عن بعض...بعض العينات

فهناك الكثيرات و لله الحمد من يعرفن أصول الستايل الراقى و التعامل مع جميع الظروف المناخية بحنكة و القبول الكامل بما رزقهم الله من خلقة

nanonano said...

أبو جيج مع الورقة البيضاء:

صاحب المعالي

أنزين مو جينيا

هاللباقه و النظافه و الترتيب

تشتهي تروح تخلص معاملتك عندهم

بس باذكرك أول ما ترجع من السفر

و تدخل مطار الكويت

و توصل للجوازات

شنو تشوف؟

lawyer said...

و ريحه الامطططططططه راس خايسسسسس مدهن

:pPPpP

lawyer said...

KQ8

الحييييييين العياااااااب على الي ماعندهم ذووووووووووووووق


ليش صاااار عيابك يشششششمل الكويتيااات هااااا



اشفيهااااااا كيعاناااااااا



اي سووووووده و محوحيه و شهبببببببه بعد

nanonano said...

lawyer
و
KQ8 :

وااااااااااااي
هاهاهاها
هاهاهاها
هاهاهاها

بو طارق تعال فجّج الحين

ياك الموت يا تارك الصلاة

هاهاهاهاها
هاهاهاهاها
هاهاهاهاها

KQ8 said...

لوووووووووووووول

لوير

كيعانكم لونها مثلات دقوس الصبار لي صبغت مالج امل يروح اللون

وبعدين في البعض ريحة الصنه حميسه ومن كثر ماهم معفنين ينزل منهم ودج كل نقصه اكبر من الثانيه

يبيلهم مكينه جلخ يمكن يمكن ينظفون

====

نانووو

مالج شغل فيها...دواها عندي

انيهااااااههااايييي

حسافتج يا كويت said...

انتي شوفي إسمها اول

إذا اللي ياية اتجيك عليهم اسمها اولبرايت


اوول برايت

يعني كلها تبرق

شلون ما يصير شغلهم حلو

Jelly Belly said...

awal shay nanonoa 7abebty ishloonich? its been a while :*

o thani shay ee wala farag ana awal mara aroo7 nadawat o awal tajroba lee min radeet... bas awal reaction kan 9adma min banatana ismallah 3aleehum... 9ij fashion show alwa7ed yero7 alnadwa 3ashan yesma3 bas you can't help being distracted by the girls!!

Hashemy said...

يا حلاتهم ;pp

نانو انا اتصور ان الثقافه تلعب دورها هني فالعمل عندهم عمل له احترامه وبرستيجه اللى يحتاج الرسميه والجديه من كل النواحي خاصة المظهر

اما احنا عندنا العمل شي شكلي جنك رايح السوق او زواره والبعض عنده جنه رايح حفله او عرس

ماكو شي يخص العمل من مظهر رسمي

وهم لاننسى دور الذوق يلعب وايد

اما عن النظافه اتصور شمسنا والغبار والرطوبه عندنا ما تعطي مجال الواحد يبين نظيف ولا شرايج

m$n said...

أنا أتفق مع الاخوان الى يقولون أن للثقافة دور فى تحسين الذوق العام

بنسبة للذى يقول ماعندهم جلحان وغيرة أقولهم غلطانين لأنة الثقافة العامة فى لبنان هى ثقافة فرانكفونية يعنى الذوق فرنسى %100

وهذا لم يؤثر على الشعب الفرنسى والذى بسبب هجرة ملايين من المغاربة الجلحان والافارقة تغيرت تركيبة فرنسا الديمغرافية حتى لو تلاحظينهم صاروا الاغلب شعرهم أسود

لكن لم يؤثر على حسن ذوقهم ونظافة هندامهم ، مثل ماقلت الثقافة لها دور فى تحسين

jibla said...

ماني شايف بالصورة شيء زايد

بعدين اكيد رازين لها احسن الموجود

اذا تحجين عن الشكل العام فعندنا اللي يصكون على اللي بالصورة و يكترونهم
دشي اي بنك او شركة خاصة و شوفي

بس الجينات الواحد ماله ذنب فيها
هذي خلقة رب العالمين
خلق و فرق

ومثل ما عندهم هالثنتين اللي كاشخين فيهم,عندهم ربع ...اللي ريحتهم وصنانهم اشهر من نار على علم

أبو الدســتور said...

ههههههه
قصدج معروف

ولاّدة said...

أهم شي الوجه المغسول..اللـــــــه

فاونديشن البنات الرمادي اللي يبقع مع الحر ويحبب مع الغبار و ينقط على الأرض مع الرطوبة!!قاعد يتعبني نفسياً

أطالب أعضاء المجلس القادمين إذا الله وفقهم يتقدمون بمشروع بقانون لفرض ضريبة استيراد إضافية على الفاونديشن الرمادي

من جهة محبين الفاونديشن الرمادي ما نحرمهم منه..ومن جهة أخرى أموال الضريبة تذهب لعلاجنا من التلوث البصري

chandal/danchal!! said...

أنا بس أفكر باصفرار الاسنان وانعكاسها على الوجه الملطط


أنصح بالمضمضة بماء وملح خشن وبالمرة يسوون سكرب حق ويووهم بذات الملح

nanonano said...

حسافتج:

هذي ما طرت علي

هاهاهاها

وجهة نظر معقوله جدا

nanonano said...

Jelly Belly:

مو
its been a while
its been ages

looooong time dear

موضوع البنات و المقار الأنتخابيه

مابي أتطرق له..لأن ممكن وايد ناس يزعلون

fatto said...

جان زين الي عندنا جذي يصيرون

why me said...

عجيب والله


ناس تعرف تلبس

Pangion said...
This comment has been removed by the author.
Pangion said...

يازين البساطة
ناس تشتغل وعندها أولويات
مو مثل ربعنا أولوياتهم تفاهات

nanonano said...

Hashemy :

مو بس يا حلاتهم

أنا أصلا شهادتي مجروحه بلبنان

صح كلامك

الثقافه تلعب دور كبير

و بعدين في شي وايد مهم

يتعبون على ما يوصلون حق المنصب

المنافسه مو سهله عندهم

مو مثل اللي خبرك

بتلفون يكون حاجز الوظيفه

nanonano said...

m$n:

خل أقول شي..عموما بلاد الشام يمتازون بالنظافه

مثلا

أنا رحت سوق الحميديه في دمشق اللي أهوه سوق تراثي

و رحت خان الخليلي في القاهره

اللي هم سوق تراثي

شوف الفرق

nanonano said...

jibla:

حلو..مثل ما تفضلت/ي

اللي يشتغلون بالقطاع الخاص و البنوك

أنا حاطه صوره حق موظفات بوزارة الداخليه اللبنانيه

يعني قطاع حكومي

nanonano said...

أبو الدســتور:

أدري معروف

بس أخاف أقول..ياكلوني

nanonano said...

ولاّدة:

أنا لي الحين ماني عارفه ليش

في حريم يبون تنقلب سحنتهم رماديه؟

nanonano said...

chandal/danchal!!:

أم الجنادل

و فوق الوضع هذا كلّه

لما تروحين لها تبين تسوين معامله

اتطالعج بنص عين

يعني فوق شينها قواة عينها

nanonano said...

fatto :

يـــــــــا ريت

بس ويـــــــــــن

أنتي لي دخلتي عليهم

يطالعونج من فوق لي تحت

كأنج نازله عليهم من المريخ

nanonano said...

why me :

ناس تعرف تلبس

و متى تلبس

و وين تلبس

nanonano said...

Pangion :

ناس ببساطه.... جادّين

 
template by Purplecious