أ..ج..ا..ز..ه

.

.

.

لنا عوده بعد الفاصل

.

الوعد ١ مارس..أن شاء الله

.

.

فُتّكُم بِعافيه

يالله لك الحمد و الشكر

.

.

يالله لك الحمد و الشكر

.

لما بطّلت عيني اليوم الصبح

.

الاّ الشمس شقاقيه

.

الجو اليوم بالكويت يعقّد

.

رحنا نتغدا بالأفنيوز

.

الاّ الناس كلها مستشرحه

.

و الكل مستانس

.

كنّا فين..و بئينا فين

.

شعور أينن

.

و بعدين شنو هال

.

Dean & Deluca

.

طار بصري..و تدودهت

.

كل شي فيه موجود عندنا

.

بس طريقة العرض..و أجوائه تشوّق

.

عموما

.

طلعت يا محلا نورها

.

شمس الشموسه

.

.

.

******

أم الجنادل..ترا قلّدتج

.

و شريت نفس شايج الفوشيا

.

يوم أن مو حاصل لنا..نشربه شاي

.

أحســـــــــــن

متفرّقات ويكنديه

..

.

تحديث

.

غُبْــــــــــــره...هــــــاجت

.

أعزائي و عزيزاتي

.

.

أم الزوز

.

و حسافتج

.

و المقوع الشرقي

.

و أم الجنادل

.

ترا المدونه مدونتكم

.

لا يردكم الاّ أصابعكم

.

.

**********

.

أمس و أنا قاعده أسمع نشرة الأخبار الجويه

.

بقناة الوطن..قالت المذيعه و أهيه بمنتهى السعاده

.

باجر أول يوم بفصل الربيع

.

والله العظيم خنقتني العبره

.

أذا ربيعنا بلّش جذي..صيفنا شلون بيصير؟

.

.

**********

.

.

.

تكلّمني أختي الصغيره اليوم بالتليفون

.

تسألني أمس طلعتي؟

.

طبعا كانت أجابتي بالنفي..لأن الجو خانق

.

ضحكت..جان تقول

.

أمي كانت سعيده..تقول..الله يعافي هالغبار

.

اللي خلاّنا نشوفكم..و قعّدكم بالبيت

.

أشوه..طلع في أحّد صج مستانس من الجو

.

.

**********

.

.

.

بس خلاص هالأسبوع تشبّعت من كلمتين

.

مابي أسمعهم

.

حدس و فالنتاين

.

.

**********

.

.

.

المود هالأسبوع

.

سعاد حسني

.

الدنيا ربيع

.

.

عطله صافيه للجميع

أشدعوه؟!!؟

أشدعوه..أشصاير؟

.

على قولة واحد من الزملاء

.

وين قاعدين؟

.

برالي دكّار؟

.

التربه من كل صوب تدخل علينا

بس بطّلت

اليوم ياني أمر من الجهات العليا

.

بالبيت عندي..تمنعي من مشاهدة

.

القنوات الفضائيه الكويتيه

.

.

اللي صار يا محفوظين السلامه

.

دق علي اليوم الصبح زوجي..و

.

سالني عن صداعي النصفي..

.

فقلت له أن مثل ما أهوه..و أنا

.

مستغربه ماني قادره اصيد سببه

.

هالمرّه..قال لي ما فيج الاّ حرات

.

القنوات الفضائيه..اللي صايره

.

هوايتج أتطالعينهم بالليل..و تنامين

.

حمقانه..عشان جذي راسج مو قاعد

.

يطخ..و بناء على هالأستنتاج..قرر

.

زوجي أن يمنعني خوفا على صحتي

.

.

.

و خوفا أن عقلي الباطن يبتدي يختزن لغة

.

حوارهم..و مع الوقت ابتدي أتكلم مثلهم

في شيْ بدّو يصير..في شي عمْ بيصير

.

.

هاليومين الكل قاعد يتكلم أن في شي راح 

.

يصير قريبا جدّا

.

توقّعاتي تقول أن الشي أذا بيصير

.

راح يكون الاسبوع الياي

.

يوم ١٠ فبراير

.

لا أسبوع بو أنس

.

و لا ٦ أسابيع حدس

.

يوم ١٠ فبراير راح يتم عرض 

.

خطة الأنقاذ على مجلس الأمه

.

و اعتقد أن الصعقره راح تبلّش 

.

من ذاك الوقت

.

.

فلي الثلاثاء اليايه راح تلاقوني هذا

.

موديلي..قاعده على باب بيتي

.

و أهتم بالحيوانات الأليفه اللي عندي

.

و أنطر نتيجة الجلسه

الموبايل+الطياره=مالها سالفه

.

.

.

أمس بيمعتنا البناتيه..قررنا 

.

ما نبي أنييب طاري الأزمه الأقتصاديه 

.

و لا الأزمه السياسيه اللي أحنا مقبلين عليها

.

فتم فتح موضوع الموبايلات

.

ترا شي مزعج الحين شلون الموبايلات

.

سيطرت على حياتنا

.

و أذا صار بالشبكه شي..تنشل حياتنا

.

طبعا غير أزعاج الناس..و عدم أحترامهم

.

لخصوصيات الآخرين..و يعطون نفسهم

.

حق أنهم يدقون بأي وقت..و على غير سالفه

.

المهم

.

وايد أستئنا من قرار بعض شركات الطيران

.

أنها تسمح باستخدام الموبايل بالطياره

.

و قلنا الحين الله يساعدنا على الأزعاج

.

فطرحت على البنات سؤال

.

شنو الشي اللي وايد مهم اللي

. 

يخلي الشخص لازم يفتح الموبايل بالطياره؟

.

و أذا في حاله طارئه..شنو يسوي بعمره؟

.

ياخذ باراشوت و يطب فيه؟

.

عاد جان تقول وحده من البنات

.

جذيه الا و أهوه طاب بغابه

.

قلت لها و حظّه الأقشر

.

يطب جدام بيت الأسد

.

جان ترد صديقتنا الثالثه

.

و يطب فوق ظهر الأسد و تلجحه لبؤه

.

طبعا هالسيناريو ما ياز لنا

.

فحاولنا نلاقي مكان ثاني الواحد يطب فيه

.

هم يرد يتدخل الحظ الأقشر بالحسبه

.

و يطب بالباراشوت على قبيله آكلين لحوم البشر

.

و أهوه مجبّل بالباراشوت يلجح الجدور قاعده 

.

أتسخّن..هني قالت وحده من البنات

.

أنا وحده باحشم روحي..و آخذ جزرتين

.

و أطب بالجدر بكرامتي

.

.

و بعد نقاش حامي..وصلنا لنتيجه

.

أن حتى لو ياك تليفون طارئ جدا على الطياره

.

ما راح تقدر تسوي شي

.

فانثبر بمكانك..لما توصل

.

و من هنا نأتي للنتيجه النهائيه

.

الموبايلات ما لها سالفه بالطيارات

الرّادو أنفع

الناس المحيطين فيني..كلوا قلبي

.

أشتري لج أيبود..ييبي لج أيبود

.

و أنا مو مقتنعه..يعلّ ذاك اليوم

.

قبل شهر و نص دخل زوجي

.

شاري لي أيبود..طبعا هذا كان

.

ثالث أيبود مسكين أييب لي اياه

.

الأيبودين اللي قبل..أنا ما أتسخّر

.

لهم..و أهديهم حق أحد و أفتك

.

هالمره..قلت لأ..لازم أتبلتع شويه

.

و أجاري التكنلوجيا..أشتطيت..و حطيت

.

الأغاني اللي أحبها..و شريت وصلة

.

السياره..و قبل أسبوعين دشّنته

.

اكتشفت أني ما أحبّه..أحب الراديو

.

الراديو..فيه عنصر المفاجأه

.

ما أدري شنو راح أسمع

.

ما أدري شنو راح أضحك عليه

.

ما أدري شنو راح يطربني

.

ما أدري شنو راح يرفع ضغطي

.

أكتشفت أني أحب هذرة الراديو

.

أونس ألف مره..من الأيبود

خلل فني

أعتذر من روّاد مدونتي الأعزاء

.

أني لم أتمكّن من الرد على تعليقاتهم

.

الظريفه في موضوعي السابق

.

بالأضافه أني ما قدرت أعلّق على

.

مواضيع زملاء التدوين

.

لحدوث خلل فني في الويكند في بيتي

.

و جاري العمل على تجنّب مثل هذه الحوادث

أحمدك يا رب

طق يا مطر طق

.

بيتنا يديد

.

مرزامنا حديد

الزوجه مالها رب

أبي أفهم...ليش بهالديره كل شي بأيد الزوج

.

تجديد جواز الزوجه..الزوج لازم يجدد

.

تجديد أقامة السايق...الزوج لازم يجدد

.

ألغاء أقامة الشغاله...الزوج لازم يلغي

.

واللي زوجها 24 ساعه مسافر

.

تنشل حياتها؟؟؟؟

.

خلال بطبق

.

.

.

وايــــــــــــــــــــد لـــويه

.

من كل مكان تصريح

.

بكل مكان صيحه

.

أنا ما راح أقول شي

.

بس أبيكم تتطمشون معاي

.

على تصريحات ال24 ساعه اللي فاتت

.

ما أدري شلون ما تفتر مخوخنا

.

.

بورميه: حمله أعلاميه ساخنه لتسخين الشارع في قضية القروض

.

الله يعافيك لا تسخّن و لا شي

.

الشارع شاب ضو من غيرك

.

.

المطير: الأقتصاد الكويتي دخل مرحلة المرض

.

توّه دخل؟؟!!؟ أشوه

.

.

العبدالجادر: تم جمع تواقيع 15 نائبا لجلسه خاصه

.

ما شاء الله..ياييب اليهده

.

.

العوضي: يؤكد تعاون السلطتين لمعالجة الأزمه الأقتصاديه و تردي الأوضاع

.

التعاون موجود..بدليل طلعة النائب مرزوق أمس من اللجنه حمقان

.

.

الخرافي: ينتقد بطء الحكومه في معالجة الأوضاع

.

ما أدري ليش بوعبدالمحسن على باله الحكومه روود رنر

.

.

الغانم: أنسحابي من الماليه كان لعدم تقديم الحكومه أي تصور للأزمه

.

الأقتصاديه

.

بو علي عيل ليش يايين و مقابلينكم أذا ما عندهم شي

.

.

الدويله: كفى تفريط في الوقت فما يحدث سحق للأقتصاد الكويتي

.

مو عادتك تصرح عاد

.

.

.

بس قلبي قام يعورني

.

و يتني رقعه من تصريحاتهم

.

و لي الحين محنا عارفين وين الله حاطنا

.

و لا راح نعرف

.

بالضبط صايرين

.

خلال بطبق

.

توّه ينفذ صبرك؟

كويت نيوز:  النائب الغانم: صبرنا نفذ

.

و لن نقف مكتوفي الأيدي تجاه تبخّر مدخرات المواطنين

.

و انهيار الأقتصاد

.

.

.

الله يا بو علي..توّه صبرك ينفذ؟

.

عقب شنو؟ عقب ما صار ال

.

Damage is too big to be handeled?

.

بو علي..الأقتصادي جاسم السعدون عيز و أهوه يقول

.

و ينبّه..و قال سنة ٢٠٠٩ راح تكون أسوأ من ٢٠٠٨..و 

.

كانا في بداية السنه..و السنه بيّنت مواريها

.

يا بو علي..أحنا اللي صبرنا نفذ 

هذا بعد شنو يسمّونه؟

.

.

مساكين الكويتيين واصلين حاله من الملل و الزهقان مو عاديه

.

اللي قاموا يقطون خيط و خيط

.

.

الله يسلمكم..أييني تليفون من واحد أقرع

.

المتصل:...أبي أسوّي تريتمنت حق شعري..وين؟

.

أنا: هــــو ينّيـــــت؟!؟ ما عندك شعر

.

المتصل: أنزين في أمان الله

.

أنا: في أمان الكريم

.

.

تهقون شنو الوضع النفسي اللي واصل له هذا الشخص

.

اللي يبي يسوي اي شي..بس عشان يغيّر مزاجه

I WANT MY MONEY BACK

.

.

عندي صديق..من الناس اللي أغترّوا بأحد الشركات الأستثماريه

.

و حط تحويشة العمر عندهم..مؤخرا قاعدين نسمع وايد كلام عن

.

أحتمال تعثّر هذي الشركه..و أنا ألبح عليه من بديت أسمع الكلام

.

روح لهم و شوف شاللي لك عندهم..أخيرا..راح..عاد أمس كان

.

قاعد يقول لي شنو صار معاه

.

.

صديقي: رحت لهم و قعدت مع مسئولة محفظتي و قلت لها

.

أنا أبي أعرف شنو قاعد يصير بمحفظتي عندكم؟ ليش جذي

.

قاعد تتناقص قيمتها بصوره سريعه و مخيفه..يقول قالت

.

وايد أشياء..و يمكن أهيه أستغلت أن خبرتي بمجال

.

وايد ضعيفه..حسّيت أنها قنعتني..بس الشي الغريب

.

بالموضوع كلّه..أنها و أهيه قاعده تبررلي سبب أنخفاض

.

المحفظه..ما يابت طاري حق الأزمه الأقتصاديه..كلش..جان أقول

.

لها..كلامج كلّه معقول..بس وين الأزمه الأقتصاديه العالميه

.

بالسالفه كلّها؟

.

.

تدرون شنو ردّت عليه الموظفه..اللي المفروض عندها خبره في مجال

.

الأستثمار؟؟؟

.

قالت له أوباما راح يتسلّم الحكم 20 يناير

.

طبعا أنا ما نطرت صديقي يكمّل كلامه..صرخت..أوبــــــــاما؟

.

ومت من الضحك..لها الدرجه..يبون يستغفلون الناس؟

.

صديقي: كان قاعد يضحك معاي..و قال نطري..ما كمّلت

.

قالت له..أي أوباما لما يستلم راح تستقر الأوضاع..و يرتفع

.

النفط..و أذا أرتفع النفط راح تتحسن الأسواق..(الأخت بسّطت

.

و سطّحت الأزمه كلها) بس أنت ليش وايد مستعيل على الفلوس؟

.

محتاج لها الحين؟ يقول على بالها باستحي..رد عليها..لأ أنا

.

مو محتاج لها الحين..بس أبي فلوسي..أبي أحطها تحت الكاشيه

.

في بيتنا..أنا غلطان أني وثقت فيكم..و على بالي أنكم راح تديرون

.

أموالي أحسن مني..بس للأسف ما كنتو على مستوى الثقه..السوق

.

أرتفع و ما بعتوا لي..و الحين السوق قاعد ينزل..و هم ما بعتوا

.

لي...متى بتيبيعون لي؟؟

.

I WANT MY MONEY BACK

.

.

طبعا في مثل صديقي آلاف من المواطنين اللي فضّلوا أنهم

.

يحطون تحويشة عمرهم لأنهم ما يقدرون

.

و لا يعرفون شلون يستثمرون أموالهم

.

و حطوها في صناديق و محافظ عند شركات

.

أستثمار..المفروض من هالشركات أنها تكون

.

أمينه على أموال الناس..لأن أدارتها المفروض من

.

الناس المشهود لهم بالكفائه

.

.

و للأسف خانوا ثقة الناس فيهم

متفرقات ويكنديه

.

.

متفرقاتي اليوم..أستياء

.

.

.

النواب الأفاضل

.

بس عاد...لوّعتوا جبدنا..بهالمستوى اللي أنتو فيه

.

عيل المفروض ما نستغرب أن الشعب كل ماله

.

و ينحدر مستواه..أذا نوابه هذي طريقة حوارهم

.

وعّــــــــــــــــوه عليكم

.

.

.

**********

.

.

قناة سكوب..سواء نتفق أو نختلف مع طرحها

.

بس ودّي..من صجّي أعرف..لي أي درجه

.

تقبّل الناس لها؟

.

يعني أنا أعرف وايد ناس يتابعونها عشان يضحكون

.

و في ناس يتابعونها عشان يرتفع ضغطهم

.

و في ناس يتابعونها لأنها تبرّد قلبهم

.

و في ناس ما يقبلون على نفسهم أنهم يطالعونها أصلا

.

بس الفاصل السخيف اللي سوّوه

.

أمس..عيـــــــــب

.

ليش قاعدين يطلعون أسوأ ما فينا على الفضائيات؟

.

و الألفاظ..و المعاير..و الردحه حق بعض

.

بــــــــــس عــــــــــاد

.

.

.

***********

.

.

.

المود هالأسبوع

.

شادي الخليج

.

لي خليلٍ حسينْ

.

.

عطله بعيده عن المنغصّات للجميع

أنا ربّيت و لغيري صفيت

معظمنا كبر مع الأفلام المصريه

.

وفي الثقافه المصريه..الحماة اللي أهيه أم الزوجه

.

تلعب دور قوي..و كلّه أهيه المتسلطه و الشريره

.

بس الوضع عندنا بالكويت غير

.

لأن المثل السائد عندنا

.

أنا ربّيت و لغيري صفيت

.

اللي يعطي كل الأمتيازات لأم الزوج و كأن الزوجه

.

قامت بسرقة الأبن

.

طبعا أنا قاعده أتكلم عن شعور الخالات اللي أهمه

.

أمهات الأزواج بالغبن

.

و اللي في حالات كثيره مو صحيح هالشعور

.

لأن و من واللي من خلال خبرتي هناك قلّه قليله

.

من الخالات اللي يحتوون التشّنه..و يعاملونها كأنها بنتهم

.

بس العموم ما شاء الله عليهم

.

ينحطون على الجرح يورم

.

يحطون دوبهم دوب تشناينهم..و في أنواع من هالخالات

.

في خاله مالها سالفه الا تربط العصاعص بين التشناين

.

وفي خاله تغار من تشنتها

.

وفي خاله تدخل بناتها في منافسه مستمره مع التشنّه

.

عاد و المسكينه اللي تصير خالتها حنّانه و عوبه

.

طبعا أنتو يا الرياييل ما راح تفهمون وجهة نظري

.

لأن كلّه عندكم أمهاتكم غير

.

و لأن الخالات عمرهم ما يبينون حقيقة شعورهم تجاه التشنه

.

جدام أولادهم..كل شغلهم من تحت لي تحت

.

المسكينه الزوجه اذا يت تكلّم زوجها..يبتهر..و يبق عيونه

.

و يقول لها..أمّي؟؟؟ و لا خواتي؟؟؟ و لا ممكن

.

المشكله أن الزوج كلّه على باله أن الزوجه

.

تبي تفتح جبهات..و ما لها سالفه الاّ الدحره

.

و هذا كلش مو صحيح..لأنهم بالنهايه أهل الزوج

.

و مالها غنات عنهم

.

فنصيحتي للزوجات..اللي يعانون من خالاتهم.

.

لا تعورين قلبج..و راس زوجك..و تشتكين له

.

لأن ما راح يبرد قلبج..و يمكت تضيقين خلقه

.

لأن راح يكون عاجز أن يسوي شي

.

لأنهم بالنهايه أمه و خواته

.

و أتبعي سياسة...أسحن و أداوي

.

و كسري حمرتج..و نفشي شوشتج..و روحي سيري عليها

.

متأبطه ذراع زوجك