Monday, February 02, 2009

الرّادو أنفع

الناس المحيطين فيني..كلوا قلبي
.
أشتري لج أيبود..ييبي لج أيبود
.
و أنا مو مقتنعه..يعلّ ذاك اليوم
.
قبل شهر و نص دخل زوجي
.
شاري لي أيبود..طبعا هذا كان
.
ثالث أيبود مسكين أييب لي اياه
.
الأيبودين اللي قبل..أنا ما أتسخّر
.
لهم..و أهديهم حق أحد و أفتك
.
هالمره..قلت لأ..لازم أتبلتع شويه
.
و أجاري التكنلوجيا..أشتطيت..و حطيت
.
الأغاني اللي أحبها..و شريت وصلة
.
السياره..و قبل أسبوعين دشّنته
.
اكتشفت أني ما أحبّه..أحب الراديو
.
الراديو..فيه عنصر المفاجأه
.
ما أدري شنو راح أسمع
.
ما أدري شنو راح أضحك عليه
.
ما أدري شنو راح يطربني
.
ما أدري شنو راح يرفع ضغطي
.
أكتشفت أني أحب هذرة الراديو
.
أونس ألف مره..من الأيبود

82 comments:

Mok said...
This comment has been removed by the author.
Mok said...

انا لا اطيق الراديو ولا اتابع تلفزيون الا اذا علمت ان هناك امر يجب ان اشاهده

Shurouq said...

الآيبود اختراع لطيف ونبيل وجميل، بس آنا معاك، عنصر المفاجأة يرجح كفة الراديو

المشكلة انه ماكو محطات اذاعية زينة للأغاني الغربية والعياذ بالله

Broke said...

عجبتني سالفة عنصر المفاجأة

U r right !

صج أونس

بس مشكلة اذا افتريتي على الست محطات و لا قيتي أغنية تناسب المود


وآنا نفسج لي الحين ما فكرت أشتري آيبود
عايشة على الراديو و السي ديات

أحس نفسي دايماً متأخرة بالتكنولوجيا ... بس لي الحين ماني عارفة السبب بالضبط

lawyer said...

اشفيني اناااااا ما احب اشغل شي بالسياره احب الهدووء

وبعدين انا حمدلله و الشكر اسولف ويا نفسي بالسيااااره


عادي و اضحك و اعلق و ارد على رووووووحي



فماينفع وياي شي لاني انا مطربه نفسي بالقرقه


ولكن مرات ايييييييني مزاج جدا صعب الا وهو ابي اسمع محمد عبده
او اي مطرب معيييين ة اعلق فتلاقيني اترس الاي بود او الاي فون اغانيه
و انطططططططلق

بس هذي الحاله جدا نادره


مرات هذره الدوانيهبالمارينا صج تونسني بس متملقييييين هاليومين

KQ8 said...

الكبر شين

:)


قبل اول محطه اهي ٩٩.٧ الحين اول محطه البي بي سي

ومحطات الدقدقه بالاخير كلش

شفينا؟؟

nanonano said...

Mok:

عيل أنت مو من ربعنا

nanonano said...

Shurouq:

هلا والله

أزيّك؟

جربي 98.4

و لا الصبح..اللبنانيات سوالفهم ملح الدنيا

nanonano said...

Broke:

هــاج أنتي قلتيها

ما لقيتي شي أيوز لج

الســـــي دي

موجود

nanonano said...

lawyer:

أسم الله عليج

أنتي ما تحتاجين راديو

أنا عيل عكسج..ما أواطن الصخّه بالسياره

أنقمت

nanonano said...

KQ8:

هاهاهاهاها

السر عندك بالأمان

أنا المغارب ما اسمع الا مونت كارلو

عندهم برامج حواريه لطيفه

و 99.7 الحين ما أدري عنها

طايحه ب98.4

يعني صايده الحركه

JooJ o MaJooJ said...

صاجة واي جنج انا يتطنزون علي باسيارة ماعندي س دي كلا راديو أحب اوو ألحين هابين بالبلاك بيري بس يلربي ماحبيته ...
جووج

نون النساء said...

لا تلفاز
ولا رادو
ولا ايبود



92.5 على طول الخط

واذا يالي مزاج ملاقة
حطيت عالمارينا اسمع الدغيشم واهو يستملق ويقول
ألاااااي كأنه بنيه


:)

nanonano said...

JooJ o MaJooJ:

هاهاهاهاها

لأ..أنا عندي بلاك بيري

بس والله من زمــــان

صار له فوق السنه عندي

مو مع هبّة اليهال هذي

بس هذا أنصحج فيه

عجيــــب

أنا الحين ما أقدر أستغنى عنه

عثماني said...

نفس الحالة

الظاهر ان عامل السن عامل عمايلة و انا اخوج

الكبر شين

:)

تذكرين الرادو الادعم اللي كل يداتنا كانوا يلصقونة باذونهم ... كانوا ما يغيرون المحطة .. محطة وحدة .. اذاعة القرآن الكريم من المملكة العربية السعودية

مادري ليش ما كانوا يسمعون القرآن من اذاعة الكويت .. يمكن يحسبون ان قرآن السعودية غير قرآن الكويت ...مادري عنهم
:)

nanonano said...

نون النساء:

قمّة الصخّه

يا بختج

يا ريت أقدر على هالصخه

92.5

حق السمفونيات..لأ..آسفه

ما أعبّر

أنا القناة الصج المفضله عندي
98.7

حق الأغاني القديمه

nanonano said...

عثماني:

هاهاهاهاها
هاهاهاهاها
هاهاهاهاها

أي صح

بس أنا كان عند يدّي الله يرحمه

أذكر سمعت خبر وفاة

عبدالحليم حافظ منه

مبيوق said...

أنا نفسج شريت آيبود وعطيتة هدية لاحد الاقارب


ما عجبني وبغيت أدعم وانا افرفر فية

ومليق

وما يعطيني متسع من الحرية

أنا من عشاق محطة الغناء القديمة

وساعات افرفر على البيبي سي
او القناة الثانية

ومايمنع إذا صكت فيني الدنية افتح على مرينا

يطلع منها ساعات بس مشكلتها ملاقة الدغيشم الجنووووس

اللااااااااااااااااااااااه

نون النساء said...

شسويييييي
لازم استمتع لأخر قطرة من الصخه متوفرة

مايندرى بعدين يمكن أطرها طرارة
في حياة اتخليج اتطرين حتى قناة راديو سنعه



:PpP~

Sweet Revenge said...

اشوه مو بس انا
احب الرادو وايد
ياليل انام والسماعات باذوني
واحب برامج للحين اسمعها
اخبار جهينة
ادري عتيجة بس ياربي احلي من التلفزيون
لان مو بس فيه عنصر المفاجاة
ممكن تخلصين شغلج وانت تسمعين فتقدرني تسوين شغلتين بوقت واحد
مو مثل التلفزيون

nanonano said...

حسافتج:

التفرفر يدوده

لأ و تعال أقرا الأسم..و حوله عربي

شالله حادني

أذا أنت من عشاق قناة الأغاني القديمه

فلا تطوفك الساعه 3.30

أصوات..مسكته

مع طلعة الدوام

nanonano said...

نون النساء:

عزيزتي..اذا الصخه تريحج و تسونج

عليج بألف و ستمية عافيه

و بعدين

لا تحاتين بعدين

لاحقه خير

nanonano said...

Sweet Revenge:

تصدقين أكتشفت شغله

أخبار جهينه..وايد في حلقات معاده

الله يهداهم ما يدرون أن لي الحين في مستمعين للبرنامج
و لي الحين نثبت

Diver said...

كلامج صحيح الرادو احسن بس الايبود يصلح للسفر

nanonano said...

Diver:

ممكن حق السفر زين

بس عندي أيبود زوجي حق السفر

;)

maqhor said...

انا عندي ايبود
وحاط فيه درب الزلق و العيال كبرت

nanonano said...

maqhor:

تبيعه؟؟

حط سعرك

shahad said...

لوووووووووول إحنا ايبود واحد دار على البيت كله كل واحد اقطة عالثاني

انا من ربع الراديو على أقل إفكرون بدالج شنو اكو اغاني

بس يبيلة محطة اغاني قديمة سامريات و إلا حزة معينة باليوم

nanonano said...

shahad:

هاهاهاها

لاحظت في شغله بروّاد مدونتي الأعزاء

كلهم ما يواطنون التكنلوجيا

و من سمّيعة محطة الغناء القديمه

ولاّدة said...

تبين ضيقة الخلق! صديقتك ما تحط أغاني في الآيبود أحط كتب وأسمعها بالطريق

أعتقد أني خربت الآيبود

مبيوق said...

نانو

أنا أخلص دوام 4

وهم الحق

استانس على الأصوات

من 5 ايام حطوا مر بي واحترش

وذكرتج

عاجــل said...

عادي كل الشياب يفكرون شذي

كويــتي لايــعه كبــده said...

بالفعل الآيبود مو شيء
و"راندوم" ما تسوي شيء

انتي بس عطينياه وافتكي منه
وهذا الكلام ساري مستقبلا على الموديلات الجديدة أيضا

:)

أنا بالبيت شوتايم لأني ما اتحمل القنوات الكويتية (الحكومية والتجارية) وبالسيارة الآيبود لنفس الاسباب. ما احب الملاقة والاستشراف

فوق الـ8000 اغنية بالراندوم يعني تدرين شنو؟
يعني مراويس الدوخي بعدها
2Pac
الراديو يعطيك هالكثر مفاجأة؟
:)

بالدروب الطويلة اغصبي نفسك (واللي وياك) انكم ما تطوفون "أي" اغنية تطلع مهما كانت ومسكو بطكم من الضحك. جذيه لي رحنا الشاليه والا البر

100 fils said...

مساء الخير

انا اتفق معاج ان الايبود يفتقد عنصر المفاجأه..لكن عن نفسي فاستمتع فيه خاصه لان محسوبج يسمع اوبرا و فيروز الصبح فلهذا استخدمه و حاط فيه
الاغاني الي احبهاعربي واجنبي
وتكون سهله ان اختار بينهمامتي ماحبيت و اعتقد هذه هي ميزه الايبود

اما الراديو فلا استغناء عنه
مثل "الهوم ثيتر والسينما" السينما لها طعم و جو خاص و بخاصه ريحه
pop corn YumMMmy..

:)~

abu eldestor said...

اي والله راديوا
ومحطة
87.9

Cat said...

3ad ana gbel 3 days sharya wa7ed ..

me 2 .. ekteshft eny a7eb el radio more !

a7ibich yl KWT said...

انا من زماااااااااان بخاطري اييب لي واحد و احط فيه ام كلثوم و باجي الشلة
بس ما اقدر مو متقبله الفكره
احب اقعد على مكتبي و احط يمي رادووي الصغير و مثبتته على محطة الغناء القديم
لان مرات في اغاني ناسيتها و احب اتذكرها ويييييييييييييييه و اعيش فيها و أغنيها

صج الرادوو أنفع

مبيوق said...

نانو


الجماعة كلهم مايحبون الآيبود

لو يدرون عنج آبل جان علوووووم

أحمد الحيدر said...

قديم .. الراديو ;p

ANGEL HEART said...

انا بعد ماشريت ايبود ولا استخدمه

الراديو له سحر خاص

واتفق معاج في عنصر المفاجاه

تحياتي :)

شـقـــــران said...

الغالية نانونانو

مساء الاخبار السعيدة والجميلة
:)



غاليتنا وش لك بالآيبود..الراديو أنفع



أنا مثلك في الاهتمام بالراديو..ومن عشاقه
:)




تقبلي مني خالص التحية المعطرة

chandal/danchal!! said...

اذا في آي بود اييب شيخة البرامج الاسرية "عايشة اليحي" جان ترسته تراس واكتفيت فيه عن الراديو


يا شينه من جهاز.... ممللللللل يعيد ويزيد بنفس الاغاني

عثماني الله يهداك انت مسلط علي... انا مديم اسمع اذاعة القرآن الكريم "حقت" السعودية:( ولا ادري عن اذاعة الكويت... كلا عل سعودية... تعلمت عليها... الله يستر علامات الشيخوخة كلها بدت تظهر علي

فريج سعود said...

لازم يصير عندج اي بود علشان شكلج يصير شكلج كووول مو بعض الناس ليلحين معجعجين بالراديو الادعم

nanonano said...

ولاّدة:

لا والله أنتي ما خربتي الأيبود

خربتي علاقتنا

ليش تسوين في روحج جذيه؟

nanonano said...

مبيوق:

مرّ بي و أحترش

عجيبــــه

;)

سمعتها ذاك اليوم بعد

nanonano said...

عاجــل:

أشوه أنك من سنايني

nanonano said...

كويــتي لايــعه كبــده:

الكسره بين بو فهمي و
2PAC
ما ممكن و لا محطه اذاعيه تعطيني أيها

nanonano said...

100 fils:

الله

شوقتني حق البوب كورن (فشّار) و لازم يكون مخلوط مالح و حلو

nanonano said...

abu eldestor:

طلعنا كلنا من رواد 87.9

nanonano said...

Cat:

أهوه أكيد له ميزه..بس لي الحين أنا و ياج ما طحنا عليها

nanonano said...

a7ibich yl KWT:

أصلا أونس شي..لما تتفاجئين بأغنيه قديمه

و تعيدين الذكريات

و لا لما أتفاجئ بعبدالحليم

أكيّف

nanonano said...

حسافتج:

الجماعه كلهم من الجيل القديم

هاهاهاها

مدونتي لازم أغير أسمها

لمدونّة الشياب و العييّز

nanonano said...

أحمد الحيدر:

اللي ماله أول ماله تالي
;)

nanonano said...

ANGEL HEART:

أهلا و سهلا

نصيحه..وفري بيزاتج

بالنسبه لي..لي الحين ما طافج شي

nanonano said...

شـقـــــران:

المعلم العزيز

صباحك ورد..و شمس مشرقه..ترد الروح

أنا مالي بالأيبود

اللي دار مداري يبوني أرتقي بمستواي التكنلوجي

لو علي جان لي الحين مسجله أم أشرطه

nanonano said...

chandal/danchal!!:

أحبّج و أموت عليج..بس قناة القرآن الكريم السعوديه؟؟!!؟؟

ليش؟

nanonano said...

فريج سعود:

ماشي..صرنا كول..و بعدين؟؟!!؟

خو ريل و عندي

و ربع و عندي

ليش اصير كول؟

mosan mosan said...

No need for you to bother with I pod as long as I am around, I have all the amr diab and a9eel and even 3aysha el mar6ta songs and more that u need to listen...

so tell your husband as long as mosan is around no need to waste his money for an I pod

PS

I was thinking of buying a new 1

Barrak said...

يقولون والعهده على الراوي

ان علامات الشيخوخه سماع الراديو

nanonano said...

mosan mosan:

أنزين و الشغل

هدّيتني بروحي

شنو أسمع و أنا بالمكتب؟

nanonano said...

Barrak:

و الله من علامات النضج..أن الواحد يكتفي و يسمع الراديو

ولاّدة said...
This comment has been removed by the author.
ولاّدة said...

;)

دمي ثقيل أدري

mosan mosan said...

eee walla I wish we were still working together you were an inspiration.
plus you can always listen to live at 5 and Manchester united news with T ...looooooool

please say hi to him

Q8Sky said...

في حل خليه شفل ؛)

nanonano said...

ولاّدة:

صديقتي العزيزه ماله شغل بخفة الدم

ليش هالكثر جد؟؟؟؟؟

nanonano said...

mosan mosan:

T says hiiiiiiiiiiiiiiiiiii

long time

nanonano said...

Q8Sky:

أوكي...شنو يعني شفل أصلا؟

احمد سالم said...

أنا أموت على أخبار جهينه

nanonano said...

احمد سالم:

أنا بعد أحب أخبار جهينه..بس أكتشفت وايد مرات يعيدون حلقات

:(((

mosan mosan said...
This comment has been removed by the author.
mosan mosan said...

tell him hi from me too

and please inform him that jihad quit looool

Enter-Q8 said...

نانو
خلاص بمر فرع جمعيتكم تلاقيني هناك
وانيت لونه أخضر فيه خطوط بنفسجية غمارتين

قطيه علي و اتبرع لك فيه

ايبود كلش مو مستسيغه
بس اذا ببلاش مو مشكل

chandal/danchal!! said...

الغالية نانو

عيل لو اقولج ان غرامي الصبح اسمع صلاة الفجر بالحرم بمكة المكرمة وتقريبا عندي جدول باسماء الائمة و كل فجر من زامة يصلي فيهم لوووووووووول

الواحد بكل الامور يحاول ياخذ منها الزين و يخلي الشين... اذاعة القرآن الكريم السعودية تحتكم على ائمة و مقرئين تؤثر فيني و احب اسمعها بعكس اذاعة الكويت... بدون ذكر اسماء بس احس تشني قاعدة بجمعية الاصلاح... كلها ادعية و اناشيد دينية و حتى معظم مقرئين الكويت الحديثين... اكرر الحديثين.. وايد تأثروا بهالاناشيد... ما اتحمل اسمعهم... ما فيهم الهوية او النغمة الكويتية او بمعنى ثاني ما اشوف فيهم روح الكويت... انا وايد احب قراءة الشيخ حمد سنان... بس ما صدف سمعته بالاذاعة.... الذوق مع الاسف تغير يا نانو.. صارت الناس وايد تحب الخبة و غصب طيب ابجوا!!! قلت اش لي بهالطلايب اسمع الروح الحجازية وايد ابرك

بس للامانة اذاعة الكويت فيها جم برنامج حلو... لا يزعلون علينا

الأولوب عند بعضيها بالمحبة... للاه فللاه احبج و اعزج... وربنا يديم المعروف
:)

killie thiqqa said...

عيل لو تشوفين بيتنا كله ماشي على التكنولوجيا :)

الكل عندة أيبود ولا أي فون لولا نانو .. إلوالدة كل شغلها في أيبود توج أحسن وأحفظ واااايد أفلامها أغانيها نوتاتها ملاحظاتها الأرقام المدنية والأرقام السرية كل شي كل شي بالآبود .. والله يا حبوبة آنا قبل مثلج مومجارية البيت بالتكنلوجيا بس الحين لا تعودنا وااايد أفضل

وعلى الراديو ماحب القرقة العربية فلسفة زايدة كوبي بيست :\ أسمع الأفـ أم بس من وين لي وين .. أحب أسمع أجنبي

وعلى المود الراديو مو مود واحد يلقيله إعتبار :\ آنا مزاجية :)

يا حلوج والله بس لا تحاتين لو إحنة وياج بالسيارة قعدتج ماتنمل :) رفقتج حلوة سوالفج تونس

nanonano said...

mosan mosan:

done my dear

nanonano said...

Enter-Q8 :

أفــــــــــــــا عليك بو وليد

ما يغلى عليك

kuwaitawy said...

اي اي اي اي اي




والله انج صاجه


انا عندي ايبود وحاط وصلة السيارة

وكل الاغاني اللي اسمعها وما اسمعها موجوده فيه



بس بعض المرا احط الراديو


لأنه على قولتج فيه عنصر مفاجأة

nanonano said...

chandal/danchal!!:

الشيخ حمد سنان راح أحاول أييب لج تسجيلاته أذا تبين

بس ما شاء الله

i'm impressed

فيج..متدينه..و حليوه..و سوالفج مملوحه..،فوق هذا كله دمج عسل

nanonano said...

killie thiqqa:

أقول لج شي

بيتي في قمة التكتلوجيا

أصلا أذا قعدت بالصاله

والله العظيم ما أعرف أشغل التلفزيون

و السبب زوجي

غرام و أنتقام مع التكنلوجيا

بس أنا ما يهزّك ريح

اللي أنا عليه عليه

أصلا مسكين أحسّه صج يحتر من بقارتي

nanonano said...

kuwaitawy:

بذمّتك مو أونس شي

لما تسمع أغنيه من زمان مو سامعها و تتفاجئ فيها؟

و تعيد الذكريات

متعه

chandal/danchal!! said...

الله يسلمج انتي اللي شربات

ومشكورة عالتسجيلات... سويت سيرج و لقيته بالنيت و ام بي 3 بعد لوول

:)

 
template by Purplecious