نشوفكم بالندوه أن شاء الله

.

.

رساله من عمّي عبدالله

.

.

اخواني واخواتي الاعزاء, شبابنا الخيّر, وأهلي – أهل  الكويت جميعاً- من أجل وطن غالٍِ ينعم بالاستقرار, وطن كنا ولانزال وسنكون دوماً على العهد معه أوفياء, بأمل المخلصين الاحرار, وطن شرفت بتمثيله يوماً في سلطته التشريعية, وبعد فترة غياب لم انقطع فيها برهة عنه وعن قضاياه, مرتبطا به ارتباط ام حنون بولدها، فهي الكويت التي لم تبخل علينا يوماً بحبها ولا بعطائها الفياض, في ظل نظام حكم ديمقراطي كفله لنا دستورنا، دستور لم يفرق ابدا بين اطياف شعبنا.

ولاننا ملك لهذا الوطن، الذي يحتاج منا بذل الغالي والنفيس، فانه لا شك يحتاج منا الكثير لكي نقدمه له، من تسامح وتفاؤل وترابط وتنمية وتصحيح واجتهاد، محافظين على مؤسساتنا الدستورية، متحلين بالصبر والعزيمة والاصرار، للوصول به الى بر الأمان والاستقرار، رأيت في نفسي، وبعد اصرار ورغبتكم، ألا اتأخر او اتواني عن خوض ركب الاصلاح المأمول لتصحيح مسار انحرف عن اتجاهه الصحيح، فقد حان وقت العطاء بلا حدود، بعد زمن الصراعات والتشتت والتزمت ، وبعد ان تملكنا الإحباط ، وسيطر علينا الخوف من العودة الى الوراء في وقت نحن في اشد الحاجة فيه للسير الى الامام.

...بأمل واصرار وتفاؤل سنعمل جاهدين حتى اخر رمق في حياتنا جميعا، تحت راية عالية خفاقة هي راية الكويت، كويت الدستور والديمقراطية والعدالة والحرية، كويت الجميع بعيدا عن أي تصنيفات قبلية او طائفية او مجتمعية...

 

لأننا ننتمي ... سنبني

 

 

                                                         

                                                             أخوكم/ عبدالله محمد النيباري

يا ملق...ك

.

.

.

.

أنا لما أكون متملله..أتعسّر

.

و أول كنت لما أوصل هالمرحله..آخذ أجازه

.

لو يومين..أغير جو و أرجع

.

الحين اللي صاير..هالحل ما يفيد

.

لأن طبعا غير الوضع السياسي اللي أحنا فيه

.

و أفلام الأكشن اللي قاعده تصير..اللي لي الحين

.

بالنسبه لي أفلام مقاولات

.

غير هذا متعسره.. من الشغل

.

ما أقدر آخذ يوم أجازه

.

بس مضطره أني أتعامل مع ناس

.

في خلاف بيني و بينهم

.

و لي الحين ما برّدت قلبي فيهم

.

.

فسمحوا لي أني أفضفض شويه

.

تشود..تخف عسارتي

.

.

هذا واحد مو كويتي..على باله أن فطحل زمانه

.

و أذا قعد  وحط ريل على ريل و قام ينظّر

.

تقول أنّه وارن بافيت الحبيب

.

مشكلته..أني لاحقه عليه لما أول ما تعيّن 

.

مو بالشركه اللي أهوه فيها الحين

.

لاحقه عليك..لما ما كان يسوى ترس أذنه نخال

.

بالمكان اللي قبل..بس لأن ممتاز في مسح الجوخ

.

وصل بهالمكان المنصب اللي وصل له

.

أنا على خلاف معاه من زمان

.

و وجوده من عدمه ما يهز صرصوخ أذاني

.

اللي حارني

.

أن تم استعباطي..و خلّوني أسوي له فضل

.

لو أدري أن حقّه.. لو ينقز ما سوّيته

.

لأني أنقذته من خساره محقّقه

.

جان صج الأداره..عرفت شنو موديله

.

طبعا أنا موديل سو خير و قطّه بحر

.

حق ناس ما يستاهلون..ما أواطنه..لأني مو حليوه

.

الحين أنا محتره من شغلتين

.

أني طلعته من دقّه..و أن تم أستعباطي

.

.

فحـــدّي محتره

.

و باموت أني أسوي فيلم

.

عاد لينتقم

.

بس ماني عارفه شلون

.

.

الحين..ماني قادره آخذ أجازه

.

عشان أصد عن هالبايخ

.

و لاني بارد قلبي فيه

حديث للعم أحمد السعدون في جريدة الأنباء

.

.

.

.

www.alanba.com.kw

حصيلة اليوم...جويهل..و الصبّاغين

.

.

.

مراسلنا من الشويخ السكنيه

.

و بالأخص من أدارة الأنتخابات

.

دز لنا صورة المرشح الجويهل مع جنطته

.

اللي فيها الفلوس

.

.

.

هذا شنو قاعد يسوي؟؟؟؟؟

.

.

.

.

.

.

.

********

.

.

هذي الصور من مراسلتنا في أحدى المستشفيات

.

الحكوميه..أي نفسها صديقتي

.

الأسبوع اللي فات..كان الثيم

.

حشرات في غرفة الأنعاش

.

.

هالأسبوع الثيم

.

نصبغ الممر اللي يم غرفة الأنعاش

.

و نحشر الأوادم..و نصك روسهم

.

لأن ما فيهم الاّ العافيه

.

و قاعدين بغرفة الأنعاش...دلـــــــع

.

ما قدرت أقاوم..هالصوره..تحديث..درب الزلق 2009

.

.

.

.

.

أشدعوه..أشصاير؟؟!!؟

.

.

وصلت حق قناعه أن احنا ككويتيين ما نحب بعض

.

العموم مبدّي سوء النيّه

.

نظرية المؤامره أهيه اللي سائده

.

عسى ما الواحد قال ب..ردّوا عليه عشره بعينك ألف وبا

.

العموم قاعد على الوحده

.

ينطرون الزلّه

.

العموم قاعدين يحفرون حق بعض

.

العموم مبدّي مصلحته

.

.

أشدعوه؟!!؟..أشصاير؟؟!؟

.

.

من متى أحنا بهالنفسيّات؟

.

من متى نبدّي الشينه قبل الزينه؟

.

و ليـــش و صلنا هالمواصيل؟

.

.

.

اعتقد أن ما لازم نحط اللوم على أحّد

.

لازم نلوم أنفسنا

.

لسبب بسيط

.

من تغيّرت نفسيّاتنا..تغيّرت البلد

.

*******

.

.

و أنا قاعده أكتب هالموضوع 

.

طرت علي أغنية 

.

و أهيه أهداء مني حق الكل

.

مخلص النيّه

.

عبدالله رويشد

للتوضيح

.

.

.

أنا وايد أستغربت من الكلام اللي قاعده أسمعه

.

بما أن المرشح خالد الطاحوس عضو من أعضاء

.

التكتل الشعبي..فالتكتل الشعبي كلّه يأيده..بما فيهم

.

العم أحمد السعدون

.

فحبّيت أوضّح بعض النقاط اللي أعرفها..و متأكده منها

.

.

.

المرشّح خالد الطاحوس ليس عضوا في التكتل الشعبي

.

و لا يمثله

.

.

العم أحمد السعدون ضد دعوة المرشح خالد الطاحوس

.

أبناء القبائل لانتخابات فرعيه و تحريضهم على المؤسسات

.

الأمنيه

.

.

و كما أنه ضد أحتجاز المرشح في أمن الدوله بل يفترض 

.

أن يتم تحويله للنيابه العامه لاتخاذ كافة الأجرائات القانونيه

.

المناسبه

.

. 

.

و شكـــــــــرا 

علشـــــــــان الكويت

.

.

آسفه..بس ما أعرف حق التكنلوجيا

.

بس اللي يبي يساهم

.

خل يضغط على اللنك

.

شكـــــــــــرا جزيــــــــــلا

.

.

support.for-q8.com

آخر مرّه

.

.

تدرون شنو هالصور؟

.

صور لحشرات في العنايه المركزه

.

بأحدى مستشفياتنا الحكوميه

.

.

والله العظيم قايله ما راح أتحلطم

.

و والله العظيم قايله بشوف الدنيا بنظره ورديه

.

و هم والله العظيم قايله بصير أيجابيه

.

.

مصدر هالصور..صديقتي..اللي بنتها بالعنايه المركزه

.

يعني أنا متأكده من مصدر الصور

.

أذا صار لها بالعنايه المركزه ..اليوم ثالث

.

و اليومين اللي فاتوا بمعدل حشره باليوم

.

و أذا بالعنايه المركزه..هذا الوضع

.

بقية المستشفى شلون وضعه؟؟؟

.

.

ودّي أقول أن هذي آخر مره باتحلطم

.

بس عارفه روحي..ما أقدر أسكت على الغلط

.

فرجاء استحملوني

ليش يعني؟؟؟

.

.

لاحظت هبّه يديده هابين فيها النواب السابقين

.

كل من طق عمره شلاله..و راح العمره

.

عشان يستخيرون

.

شالموديل اليديد..بتروح العمره..روح

.

بس ليش الأعلان؟

.

و بعدين أنت بتدخل حرب؟

.

أذا عندك شك..خلّه بينك و بين نفسك

.

و أذا حاس أنك ما راح تقدر على الأمانه

.

اللي الناس راح تؤتمنك عليها

.

خلك في بيتك

.

لأن هالدعايات اللي قاعدين تسوونها حق نفسكم

.

جنكم مغصوبين راح تنزلون..بايخه..و ممجوجه

.

و الله يخليكم

.

 لا تحملونا جميله ترشيحكم

يوسف وهبي و أندريا بو تشيللي

.

.

.

الأسبوع اللي فات كان أكو حفله موسيقيه في أمارة أبوظبي

.

للمغني الأوبرالي الأيطالي أندريا بو تشيللي

.

رحنا أنا و زوجي..و مجموعه من أصدقائنا

.

طبعا أنا وقعت في غرام هالأماره الصغيره

.

بعكس دبي..مرتبه..هاديه..مريحه

.

و طبعا لأنهم هناك ناس حضاريين

.

 تبدي الحفله الساعه ٨ و تنتهي ١٠

.

مو مثل هلا فبراير..جنّه قاعدين في ملاهي الهرم

.

ما يبلشون الاّ الساعه ١١ و يخلصون ٣ الفجر

.

بدا يغني أندريا بوتشيللي..و الصج كنت حدي 

.

مستمتعه و مندمجه

.

لما و صل حق أغنية مّامّا..أهيه أغنيه تتكلم عن الأم

.

أهوه بلّش يغني..و أنا أكركر..أول شي خزني زوجي

.

يعني سكتي..ما قدرت..عقب نغزتني صاحبتي

.

مستغربه ليش قاعده أضحك

.

.

لأن من قال أندريا بوتشيللي..مّامّا

.

طرا علي يوسف وهبي في فيلم أشاعة حب

.

لما يعلّق على ولد أخت زوجته..اللي قاعد يحاول 

.

يغازل بنته..و يغني لها مقاطع من الأوبرا الأيطاليه

.

فولد الأخت يقول..مّامّا...و يكمّل بالأيطالي

.

و يرد عليه يوسف وهبي..يا روح أمّــــــــــك

.

.

فطول الأغنيه كان ودّي أرد على بوتشيللي

.

يا روح أمّـــك

.

بس احترمت نفسي

الأختيار الأول و الثاني و الثالث و الرابع

.

.

دخلت بنقاشات طويله عريضه

.

بأهمية الدماء الشابه بالمجلس

.

و أهمية الوجوه الجديده

.

كل هذا على عيني و على راسي

.

بس بالنسبه لي..أحنا داخلين على مرحله صعبه

.

مرحله يبيلها حنكه

.

مرحله يبيلها قوه

.

مرحله يبيلها مواقف 

.

مرحله يبيلها خبره

.

و كل هالصفات ما تتوفر الا بشخص

.

.

أحمد عبدالعزيز السعدون