Thursday, December 25, 2008

متفرقات ويكنديه

أذكر و أحنا صغار أنا و خواتي
.
أمي أتضوط فينا كل مكان من غير مربيه
.
و لي فتره مو وايد بعيده ما كانت هالظاهره
.
وايد منتشره..الحين وين ما أروح..لازم المربيه
.
مع الأم و الأبو واليهال..يعني أنتي يا الأم
.
و الأبو لها الدرجه ما تبون تهينون حالكم..و تجابلون
.
عيالكم؟..مثلا ذاك اليوم شفت أزواج و الظاهر عندهم
.
توأم..مو يايبين معاهم مربيه و حده..و لا ثنتين
.
ثلاث مربيات..ليش؟؟ كل وحده شايله جنطه من
.
جناط اليهال..و الثالثه تدز العربانه..يوم أنكم عيازى
.
لها الدرجه..ليش مطلعينهم؟..و لا الموضوع
.
شحاطه و بس
.
.
.
**********
.
.
فيني طبع..و ما أقدر أسيطر عليه
.
أذا سمعت شي يضحكني..أضحك..وياما مرات
.
في حلجي شي..و اطشر اللي بحلجي..الأمور
.
سهالات عندي..المهم ما أشرق..فالبنات عارفين
.
هالموديل..أذا صار شي يضحك..و أحنا قاعدين
.
ناكل أو نشرب..العموم يغطي ويهه..ذاك اليوم
.
مديرنا الله يهداه ما تدري متى بيخوّن فيك..فعطانا
.
كسره جذي بواحد من الموظفين..الحين كلنا عارفين
.
السالفه الصجيه..و وجه الموظف..لما سمع المدير
.
ما عبّرت على روحي..سبّحتهم..لأني كنت قاعده
.
اشرب ماي..طبعا السكبه طارت راحت
.
لا و تعالي برّري للمدير ليش ضحكت
.
.
.
**********
.
.
عندنا مقوله دارجه بشلتنا مالت البنات
.
بو مهدي ينّيت؟؟!!؟
.
و اللي قالت هالجمله كانت تتعامل مع جماعه
.
و كبير هالجماعه قال جمله وايد غبيه..جان
.
تطلع منها..بو مهدي ينيت؟؟!؟
.
المهم أحنا الحين كل ما صار شي غريب
.
و سخيف..وغبي..نستعمل هالجمله
.
فأول أمس أول ما شفت المقاله المشوره في جريدة
.
الدار و قريت الخرابيط اللي فيها..هذي كانت
.
ردة فعلي..بو مهدي ينّيت؟!؟
.
.
.
**********
.
.
المود هالأسبوع
.
عبدالله رويشد
.
لي حسّيت
.
.
عطله سعيده للجميع

39 comments:

Mok said...

وهل في شك :)

انا اذكر قبل الغزو البنات الصغار يطلعون مع مربيتهم دون الاب والام

لكن الان اصبحت العائلة مع الخدم

قد شحاطه وفد مالهم خلق ويبون راحتهم

لما ادخل القفص الذهبي اقولج

:))

enter-q8 said...

مالوم هالجيل لما يقولون عنه تربية خدم
لأن من الصغر اذا الطفل مع امه و ابوه
و ياخذ الكلام من راسهم على تصرفاته مثل المنع و المدح و العقاب و الثواب
اكيد بتتغير سلوكياتهم
مو مثل ما احنا شايفين اللحين

اشوه اني ما اداوم معاك


انا ما الومه الوم الميانيين اللي معاه و يطبلون له و يكتبون

أبو جيج يدور نعاله said...

أم الحنيناء


ظاهرة غريبة


مجلس إدارة بنك الخليج ...حاطيلهم شى بالماى؟


خالطين بقهوتهم الصباحية شى؟


قاطين على روسهم كراتين دفاتر شيكات؟


يعنى طلع لنا بو عمر و كان دمه خفيف و روحه مرحه لدرجة أرعبتنى...خفت يسوى عرض سيرك و ينطط صحفى داخل طوق من نار


و الحين طلع لنا الثانى...بو مهدى

و طاح فينا سب و تجريح بألفاظ ما سمعناها حتى من الوطن أيام حملة نبيها ...خمس المباركة
أخاف عباله إحنه إللى وقفنا عنه الديريفيتفز


أخاف بعد يطلع لنا واحد ثالث من البورد فى بنك الخليج و يقول عن نفسه...سبايدرمان ...و يتعلق بالأبراج



الله يستر على هالبلد وشعبه المسكين






بس للتنويه...خبالى طبيعى و لست عضو
بمجلس إدارة بنك الخليج

@alhaidar said...

والله الخدم يا اخيتي صاروا شهر لا بد منه ..


وبالنسبة لضحكج الله يديمه بس كلش مو فضيحة انتي ;p

LiL ALiEN said...

اختاه

مقارنة بأيامنا وجيل هالأيام .. قبل ماعندنا غير حديقة الشعب اللي كلها حديقة بدون العاب .. والمدينة الترفيهيه .. ونحن والأطفال .. البر والبحر
الام والاب كانوا يلحقون علينا لأن في مواسم لهالشغلات

الحين محد ملحق مع الياهل انتي حدج مشغوله .. الياهل يكبر بسرعه .. المجمعات ترس البلد يبي يطلع .. البر والبحر اختفوا من الوجود .. والياهل صاير وايد حركي

الله يخفف علينا امور الدنيا ويخلينا شوي نجابل عيالنا

اما بالنسبه تتطشيرة الماي فلا تعليق .. ومثل ماقال اخوي أحمد الحيدر انتي فضيحه

وأخيرا الديره ملها ماشيه على "بو مهدي ينيت؟؟!؟" فتعودي عليها

الدســتور said...

العرف الموجود الحين
لكل ياهل مقابله خدامه

Anonymous said...

نانو

موضوع المربيات هذا فعلا غريب
وصدقيني هو شويه شحاطة على شوية كسل وخمال

وهم صدقيني الله حارمهم من الحب والحنان

الياهل ياخذ الحب والحنان والذكريات الحلوة مع امة وابوة في هذي الاوقات .. اوقات الطلعة معاهم

فهذيلة سلمج اللة ربي حارمهم

..
في ناس اتزوج برستيج وناس تييب اعيال برستيج

ضنتي والله هذيلة منهم

إلا من عندة عذر قاهر


هم لا يعلمون ان في ناس يتمنون الابناء علشان يحطونهم فوق روسهم ولفون الكويت كلها وونسونهم

بس اللي يدري يدري واللي ما يدري يقول عدس

----------------

أما بالنسبة للطبع اللي فية تطشر على الاوادم من الضحك


فهذي قوية ولكن بنفس الوقت المنة عليهم ويحصل لهم ماي الورد اللي طشر عليهم او كسرة البخورة اللي طقتهم إن جانة اكل


-----------------------------


يبدو لي انج وصديقاتج عندكم حس قوي وذهن صافي لانكم تعرفون أن بو مهدي ين قبل لا تصير السالفة

يا ريت لو تنمين هذي الموهبة مع صديقاتج وتعرفين لنا بو منو اللي بين هاليومين اللي ياين؟؟

-------------------

المود عجيب

وانا اقولج

لي توايهنا بتحاشى واصد

عشان ما اطشرين علي ماي ورد :p

lawyer said...

1

وااااااااي والله صاجه هذا تعليقي
بس خليني اقولج شي

البنات هالوقت لا يهمها لا عيال ولا احد المهم ريلها و الناس مو مهم اتكون ام زينه بس المهم تكون زوجه مراقبه جدا لنظرات ريلها بالموول
يعني اهي في المطعم تجابل ريلها و البنات الي يخزونه ما تقدر تركز في اليهاااااااال


الشي الثاني و اهو الاهم الي صعقني
وحده من البنات مرا قالتها اشكرا
انااااااااا ادفع في النيرس 300 دينااااااار اكيد بخاذها وياي وين ما اكون
يعني جست شووووووو اوف


2-
انا نفسج بس على عطسه و بماااا اني منشوله هالايام فاحد المستشارين الله يااااجره تسبح في سناسيني و سعابيل عطستي



3-
هذي الجريده حتى ما ترتقي ان الواحد يعطيها من وقته و ينقدهاا .. لانها اصغر بكثير من مستوا النقد






هاف نايس ويك اند هن
اذا رحتاي جوجل و حطيتي جملتي راح يكون ترجمتها
have a nice weekend hun ;)

شقران said...

العزيزة نانو نانو
صبحك الله بالخير

قضية الخدم وأخذهم الى السوق فعلا ظاهرة عجيبة آرستها أطباع بريستيجية ،حتى الأطفال لهم جانب نفسي سيء من استمرارها...ففي المجتمع الذي يكون فيه الزوج والزوجة مشغولين في أعمالهم الصباحية وأحيانا ينقلون أعمالهم للبيت فأغلب وقت الأطفال يكون بين يدي الخادمات

والوقت الوحيد الذي يكون من المستلزم أن يمرح الطفل ويلهو بين يدي والديه هو أيام الإجازات والعطل..ولكن حتى في هذا الوقت يكون الطفل بين يدي الخادمة


الله يعين هالأطفال على البرستيج الفارغ!؟


-----------

صحيفة الدار لم تأتي بشيء جديد لأن التهم والتزوير والتدليس أصبحت مهنة دائمة للصحف الكويتية


ولكن هل نسمح لهذا الأمر أن يستمر؟

لابد من وقفات مع ماتفعله الصحافة حيال هذه الأمور وكشف زيفها وتملقها على حساب الكلمة الصادقة والتي لايقولها في أيامنا هذه سوى المدونون...أما الصحافة وكتّابها فقد مسهم جنون الكذب والتدليس بعد أن تآكلت المصداقية على حساب المادية


يجب أن نمارس أبسط الإيمان بأن نكتب الكلمة الصادقة حتى لو صمّ الآخرون آذانهم





لك مني أجمل التمنيات الطيبة في هذه الإجازة

honey said...

وعلية انا امي و ابوي إطالعونا ويا أطفال العايلة كلهم !!

تبين أحد احس على دمة و اطلعنا مرة مجاملة ماكو كلة فوق راس امي و أبوي و لا خدم و لا زحير معنة الله ما كثرهم بالبيت بس حق التنظيف من نوع بيت وسواس
بس العيال عيال ليش اتكودونهم اذا ما تبونهم

مو الحين اليهال صارو مدوكرين ما يعرفون اسون شي من هالخدم

Eng_Q8 said...

مممممممم

الموضوع الاول اعتقد اني بوستي الي كتبته يرد عليه

**

رغم ان ويهي يقول ان هالانسان ما يضحك بس انا نفسج تقريبا وياما سويتها :p

**

انزين انا بعرف منو هالجماعه ؟؟

honey said...

حطيت بوست نفس موضوعج الاول أمس صاراتلي السالفة حدي مستشرة

----
توني استوعب سالفة الضحك ، حمدي ربج مصائب قوم عند قوم تهون ، انا كبعي كل ما دخلت مكان اهبد على ويهي
جان زين علتي مثلج

بس يا ربي راح زمن الهيبة مني و منج

----
المود بيونس
يمكن نضعف وياها
;p

ولاّدة سابقاً ... رانيا السعد ...رانية المنيفي حسب الأوراق الرسمية said...

نااانووو

ولهت عليك
:*

تعرفين رأيي في موضوع الخدم...وعلى الطاري
عيد ميلاد ولدي كنت دايماً أسويه في المدرسة-أيام الحضانة -يكون طول اليوم الدراسي عيد ميلاده ..ومرات يكون عيد ميلاده رحلة

أحلى ما في الموضوع وجود أطفال وااايد مع المدرسات وبدون خدم

الولد كبر..والمدرسة ما يسمحون بعيد ميلاد مجرد نص ساعة وكيكة وخلاص

خلاصة الموضوع بأسوي له عيد ميلاد بشرط ممنوع الخدم إما الأم أو الطفل بروحه...زوجي يقول محد راح يجبل عليك...أنا أتوقع أصفى على 10 أطفال...إشرايك !صعبة؟

nanonano said...

Mok :

غريب شلون كان كل شي قبل الغزو غير

و أن شاءالله..الله يبلغنا فيك معرس

nanonano said...

Enter-Q8 :

تدري مساكين هاليهال..تايهين
===

يا حافظ ما تبي تشتغل معاي؟
===

لا تصدق الدور اللي قاعد يسويه

nanonano said...

الوزير الإصلاحى الشاب الدكتور أبو جـيـج:

صاحب المعالي

أبا الجيجاء

الطيور على أشكالها تقع

مو؟

nanonano said...

أحمد الحيدر:

المشكله أن الشغالين بالبيوت ما تقدر تعيش معاهم..و لا نقدر نستغني عنهم
====

حدي فضيحه..مره أنطردت من الصف بالثانويه عشان هالسبب

nanonano said...

LiL ALiEN:

بذمتك هالجيل الجديد صار مدوده من شويه؟
====

على الفضيحه..مسكينه أمي ياما فشلت مني على هالسالفه
====

كارثه لما البلد يصير المتحكمين فيها ناس بعقلية بو مهدي

nanonano said...

abu eldestor:

مو بس اليهال..حتى الكبار

nanonano said...

حسافتج يا كويت:

تصدق في ناس ما يعرفون يحمدون ربهم على جذي نعمه
====

ويــــــــــــــــــه ما سمعوك الينات

يسمونه الجاثح
====

لا والله..مو لأن عندنا نظره..بس لسانا شايخ علينا
====

لي حسيت لحنها فيه لمسه هنديه

بس الله يخليك لا تصد

ما أحب أحد يصد عني

ما أواطن الدقره

nanonano said...

lawyer :

والله مساكين هالبنات..الله قاردهم
====

عاد لا يحوشك العطسه..التطشر من كل مكان
هاهاهاهاها
====

أي والله صاجه
====

سيم تو يو دير

nanonano said...

شـقـــــران:

المعلم العزيز شقران

مساك الله بالنور

العمر يخلص و الشغل ما يخلص..لازم نحط هالمقوله جدامنا

اليهال يكبرون بسرعه و تطوفنا أحلى سنين عمرهم..و الصج..الصج..الصج..نوعية الشغالين ملوت أول وايــــــــــــــد أحسن من الحين..الحين حتى نوعية العماله المستورده لهالأغراض وايد قلت
====

بوجودكم يا المدونين..أن شاء الله راح نقدر نحدث الفرق

nanonano said...

shahad :

والله صــــــــــــــاجه

اليهال أنثولوا و قعدوا

حتى العربي قامو يحجون مكسر من تأثير المربيات
====

هاهاهاها..حده راح زمن الهيبه

هاهاهاهاها

شهد آسفه..بس أذا شفتج بمكان و لابسه كعب..راح أضحك..و أكيد راح أسبح اللي معاي
====

تونسج العافيه أن شاء الله

nanonano said...

Eng_Q8 :

الحين باقرا موضوعك
====

عيل ما حلاتنا نجتمع بمكان واحد
====

;))))

don't underestimate me

nanonano said...

ولاّدة:

حمدالله على السلامه

بولاده اليابانيه

أنا بعد أكثر
:-*****

أنتي وجهة نظرج بهالموضوع عارفتها وايد زين

مكانج فاضي

KQ8 said...

للحين اطلع مع الفامليا من غير خادمه

احسن احس اريح

nanonano said...

KQ8:

أهلا و سهلا بالزميل

والله برافو عليكم أنت و زوجتك..هذي الناس اللي تفهم

Anonymous said...

حنا ماندقر احد


بس اسوي روحي تشني مشغول بشي واوخر عن الجاثح

bo_sale7 said...

والله شكله ين
الغريبة انه بوق وقلم لمن كنا مجبورين ان نصدق انه راح يصلح ويرمم ويعيد تأهيل السكراب اللي متاذين منه
الله المستعان

Kaadi said...

يا جماااعة مو شرط شحااااطة !!

بس ترا اليهاااال يبيييلهم بارظ !! يعني مزاااج و خلق و طاقة !!

ماينقدر عليييهم لووول لازم خدم !

chandal/danchal!! said...

يقال ان سر نجاح الزواج "الناني"

و اعرف وحده تقول حق زوجها
اهيا"الناني" الداشة وانت الطالع!!

بعدج ما شفتي شي!00 عسى ما ينخسف فينا من الفسق!! واللي تسافر مع الريل وتخلي اليهال يطحسون مع الخدم بروووحهم بالبيت لا حنيس ولا ونيس!! مادري ليش يايبينهم!! وتصدقين هالطخة من الحريم ييبون يهال كود! مو شقيانين فيهم!! شي يطير بصرج!! ما اقول الا اداد حق هالخدم!!!ولا اللي تمشي وراها المربية شايلة جنطتها!! ما يطري علي الا الأرتست والمساغدة مالتها! مادري شعادين روحهم!! زبيدة بنت مروان

nanonano said...

حسافتج يا كويت:

أقول لك خل يسوون من أستنساخ مو راضي

أنت عين السيح

المشكله بالدقرات اللي تيي من ناس ثانين

هاهاهاهاهاهاهاها

أتشاقى معاك

nanonano said...

bo_sale7 :

أخذها مني..هالريال ما راح تستفيد منه الكويت بولا شي

nanonano said...

Kaadi:

شالأم و الأبو اللي ما يقدرون على مثلا ثلاث يهاهيل؟؟

كــــــــــــادي..خل نعترف الموضوع صار شحاطه أكثر من أن تعب

nanonano said...

chandal/danchal!! :

هاهاهاهاهاهاهاهاهاها

والله صاجه

أنا ما راح أتميلح..أحنا طول عمرنا كان عندنا مربيات..الهنود ملوت أول..يعني مربيتي قعدت عندنا لما صار عمري ٢٠ سنه و لما توفت..بس ما أذكر مره طلعنا مع أمي و كانت معانا..و لما صرنا ٣ بنات و لأن أمي تشتغل يبنا الثانيه..مسكينه أمي..كانت تودينا النادي تخيلي ٣ بنات عشان نتعلم السباحه و تقعد بالحر الموت تنطر و عقب تطلعنا و نسبحنا و تبدلنا و تعشينا كل هذا من غير لا التميلح و تييب وحده منهم..لأن كان هذا الوقت اللي أهيه تبي تقضيه معانا..الحين اللهم يا كافي..بنات هالوقت بس يبون يسكبون و يخلون القرعه ترعى..و الله العظيم ذاك اليوم صايره سالفه جدامي..الأبو عياله بوحده من المدارس الخاصه ما يدري بأي مدرسه..تخيلي..و الأم مكبره المخده..و مسكين المندوب يدور من مدرسه لي مدرسه يسألهم عيال فلان عندكم و لا لأ..لما عقب دق على الناني على قولتج

فريج سعود said...

كنتي تشتغلين بمصبغة ؟

nanonano said...

فريج سعود:

أي بمصبغة بو مهدي أند سونس ليميتد

ZooZ "3grbgr" said...

رحت الافنيوز هالويكند

الزحمة كانت غير كل مره

تدرين ليش؟

رحت يوم اليمعه

والزحمه كانت من كثر الشغالات والمربيات

وحده منهم شفتها تمشي مع بنيه صغيره

وشكلها توها طالعه من المطبخ لوعه

قلت الله يعين البينيه مسيجينه شنو تشم

تدرين أموت قهر لي شفت الياهل يشم الخدامة

ويييييييييييع

يعني ليش الولد ما يعرف ريحة أمه وأبوه

:\

nanonano said...

ZooZ ZaibG:

وااااي

أنا بعد كنت هناك..والله المربيات و لشغالات كانو أكثر من الأهل

سكتي على الروائح..والله وحده..يمكن نفس صاحبتج..هفتني بريحه اللي ابتهرت شلون مخلينها مخدومينها تطلع معاهم جذي

 
template by Purplecious