7anna7inno: محّد دق

Monday, December 15, 2008

محّد دق

من أعلنوا عن قبول أستقالة الحكومه

.

و أنا ناطره

.

لي الحين محّد دق علي

<

.

هل يُعْقلْ؟!!؟

49 comments:

الدســتور said...: شغلي نفسج بالبيت اليديد
:); 7:05 pm
KQ8 said...: لا تستعيلين

كلها كم يوم ويدقون; 7:42 pm
100 fils said...: بما ان الاختيار يا ابيض
يا اسود
انا اختار الفوشي الملكي

ان حطيت اغنيه اربع سنين انتطالع بالعيون على الفويس ميل,على اساس اذا دقولي ما ارد و احرهم..لان صار لنا سنين نبي انشوف حكومه او مجلس يكملون مدتهما الاربع سنوات و ينتجان

:); 7:53 pm
Kaadi said...: 3yaal ana dagaaw 3leey bss refaaatht :p

mo kafoow ata3eb nafsi 3shaan such 7kooma :P; 8:14 pm
nanonano said...: abu eldestor :

مو أنا قاعده أنطر شي يلهيني عن البيت

طــــــــــــــاح حيلي; 8:39 pm
nanonano said...: KQ8:

عاد أنت أذا دقّوا عليك لا تنساني; 8:40 pm
nanonano said...: 100 fils:

تصدق أفتكيت

خـــوش فكّيره

خل أروح أغير الأغنيه اللي حاطتها

كنت حاطه

زعلان الأسمر ما يقول لي مرحبا

أخاف ياخذونها بحساسيه و يهونون عني; 8:43 pm
nanonano said...: Kaadi :

يا حــــــــــــافظ جان عطيتيهم أسمي قبل لا تسدين النليفون بويوهم; 8:44 pm
enter-q8 said...: يقولون دقوا عليك من خط ارضي و انتي ما شلتيه عبالك بتنحسب عليك المكالمة

بشوف هالمرة شنو نوعية الوزراء اللي بيختارونهم; 8:58 pm
Blog 3amty said...: يدقون بي هيــــل !

شسوي ليمة الحين متأثر بسالفة بوش :P; 9:08 pm
Mok said...: تستاهلين وزارة الاوقاف
:P; 9:19 pm
Q8EL5AIR said...: اخاف عندهم رقمج القديم :)

!!!!!!!!!!!!!!!!!!!

بس يقولون ان دقوا بس اليهال شالوه ..

وقالولهم : يبه خلاص هونت ماتبي وزارة !!

تقول التدوين واااايد احسن :); 10:45 pm
Gee™ said...: ما عندهم سالفه اذا ما دقو والله
المنه عليهم; 10:51 pm
EXzombie said...: انتي الحين مو معاي بدور الثمانية

شحقه مستعيلة

انا دقوا علي و قالوا لي طلعت باي بس عطوني وزارة التربية لكن رفضت لأني طالب و مو حلوة امسك وزارة و الكل يدرسني فيها

فقلت لهم عطوني وزارة السياحة و السفر و العلاج; 10:59 pm
EXzombie said...: اقول توهم دقوا علي يقولون كل الي راح يقدمون على الوزارة راح يعطونهم دورة دفاع عن النفس و دورة اسعافات اولية

تزهبي; 11:00 pm
nanonano said...: Enter-Q8:
وييييييييييييي

لا تقول
:(((

لا تنطر و لا تتريى شي..كل شي بيرد على حطة أيدك

و نرجع حق المسلسل التركي

أزمــــــــــــــــها يا وليدان; 11:08 pm
nanonano said...: Blog 3amty:

اللـــــــــــــــه

مرّيت بيكم حمد..و أحنا بقطار الليل

ما ألومك

بس أذا دقّوا عليك..أنسى السالفه الله يخليك..ما لنا خلق نعابل فيك; 11:21 pm
nanonano said...: Mok:

جـــــــــــــان زين وزارة الأوقاف

في أحد يعوف شئون القصّر; 11:22 pm
Snow White said...: ما كان ودي الحكومة تستقيل لكن الله يجازي اللي كان السبب..لأن لم تعطى الفرصه الكافية لنرى انجازاتها وهذا حالتنا كل ما شكلوا حكومة يحدث تأزيم ومن ثم تستقيل ويتم إعادة تشكيل حكومة جديدة! ويأتي وزير ويذهب وزير ولا نرى أي حلول جذرية للمشاكل المستشرية في قطاعات الدولة

منو يبي يصير وزير الحين؟! كل ما حطوا وزير قالوا استجواب! أنا مو ضد الإستجواب لأنه حق دستوري لكني ضد استخدامه لتحديات شخصية ولهدف الإبتزاز! الموضوع صار كأنه لعبه أو مسرحيه والشعب بالنهايه هو الضحيه!

الناس لاعت جبودهم وين الإصلاح..وين التنمية؟! للأسف هذا آخر ما يفكرون فيه ولا هامهم!; 11:24 pm
nanonano said...: q8_el5air :

لا مو عذر..هذا رقمي من طلّعته

بقيت أصغّر روحي

و أقول من ما انولدت
هاهاهاها

بس يمكــــــــــن يهال الفريج

ملاقيف..عسى ما يسمعون تليفون أحد يرن

قاموا يتراكضون من كل صوب و ينطون طوف عشان يجاوبون

الحين من أسأل فيهم; 11:25 pm
nanonano said...: Gee :

هذا راي شقيقتي؟!؟

خلاص..وكيلة وزاره بأذن الله
;); 11:27 pm
Eng_Q8 said...: اتصلت على مصادري الخاصه قالوا دقوا بس رد عليهم هندي وزفهم :p

الظاهر مغيره رقمج

خلاص راحت عليج لحقي على روحج ودزيلهم ايميل; 11:28 pm
nanonano said...: EXzombie :

مو مستعيله..بس مليت و أنا أنطر

و شايفه جم بدله..خوش شي حق القسم

و خاصة بالمجلس لأني راح أكون ملتزمه باللباس الشرعي

درورة الدفاع عن النفس و الأسعافات الأوليه ماخذتهم من أيام المرشدات
هاهاهاهاها

حدي عتيجه..أي لاحقه على الزهرات و المرشدات بعد; 11:30 pm
nanonano said...: Snow White:

من صجّج كنت متوقعه شي من الحكومه اللي فاتت؟؟!!؟

أنتي شفتي شلون تم أختيارها أصلا؟

و لا شلون أكو ديره المشرع و الوزير و رجل الأعمال كلهم أخوان من نفس الأم و الأبو و بنفس الفتره
واحد يرفع و الثاني يشبس حق الثالث

حكومه ممثلينها من الجماعات ما تلتزم بقراراتها..ولائهم حق جماعاتهم سواء الدينيه أو العائليه أو القبليه

و أنا من الحين قاعده أقول لج..لا تتريين شي أذا بيصير الأختيار بنفس الطرق السابقه; 11:35 pm
nanonano said...: Eng_Q8 :

هذا أكيد

بابو

السايق..ملقوف و عصبي و أنا أظن أن كان مهراجا سابق من كثر ما أهوه عنده شي من روحه..الظاهر أزعجوه..دقوا وقت قيلولته

تهقى ال أس أم أس ما تفيد؟; 11:37 pm
شقران said...: العزيزة نانونانو
عمتي مساءا طيبا

أعتقد والله أعلم إن السبب في شبكة زين..أظن لو تقلبين الخط فيفا

فراح يكون الفيفا فالك...وفالك البيرق
:)

مع وافر التحايا الطيبة; 11:45 pm
nanonano said...: شـقـــــران:

المعلّم شقران..عمت مساءً

مشكلتي الحقيقيه

ترا من صجّي..ما أحب الاّ المحلي..تقدر تقول أني عنصريه بأي شي أيي صوب الكويت..و كلّه هذي حجوتي..ما أحب الا المحلي..و بما أن زين أهيه الشركه الوحيده للأتصالات اللي ما زالت كويتيه بالكامل..فأنا معاهم..بس اليوم اللي يفكرون ملاكها أنهم يبيعونها..راح أحول

بس بالوقت الحالي أنا مستانسه بفالي الزين معاكم

تصبح على ورد; 11:54 pm
Anonymous said...: تبين الصج

ما عندهم نظر; 11:59 pm
فريج سعود said...: النظام الجديد تطرشين مسج

وتحطين س او اس

وتدخلين السحب; 12:01 am
nanonano said...: حسافتج يا كويت:

ويــــــــــــــــــي

عاد ما شفتني أشحلاتي هاليومين

مع كشّة الشماله

النفنوف البازه..و الجواريب الصوف و العباة الشال

و

UGG Boots

أقول لكم أني متزهبه حق جلسة القسم..بس محد مصدقني; 12:21 am
nanonano said...: فريج سعود:

مو بشاره
:(((

أنا لو بالسحب بروحي..هم ما ينسحب أسمي

و بعدين محد قال لنا عن هالطريقه اليديده
ال
أس أو أس
غير عن
ال
أم أم أس؟; 12:23 am
Anonymous said...: نانو

اعتقد انتي وايد ارقى من وزارة

وبعدين يعتمد على اسمج

إذا اسمج معصومة...موضي... نورية ...طيبة...غنيمة..بزة... وضحة...لولوة...شيخة او شريفة

ابشري بوزارة

اما إذا إسمج

منى... شهد...ندى...جنان..هناء... هيفا... زينة... مي...الطاف...سنا...صبا...ابرار...
اسيل...داليا... دانة... جنى

فمالج امل بوزارة; 12:51 am
أبو جيج يدور نعاله said...: أول علامات قرب الإتصال

حكة بالأظافر و نشفان بالحلج ....و تلبك بالطلسوم الأعور

إذا طلسومج تلبك ..إبشرى...بو خضور دزلج المسج مع مقدار البونص السنوى; 2:03 am
Fahad Al Askr said...: غيري الجهاز يمكن قاعد يدقون على الجهاز الثاني; 3:06 am
nanonano said...: حسافتج يا كويت:

أذا على أسمي..مالي أمل كلش

لأن أسمي فتكــــــــــــــات; 9:15 am
nanonano said...: Bo Jaij :

وااااااااااي بوجيج

:(((

تلبّك الطلسوم الأعور فيني خلقه..فمو مقياس

و ذكرتني بالبونس...أيــــــــــــــام

هذي أيام البونس...و الأظرف المتروسه

راحت هالأيام..الحين يالله الواحد يحاتي ما أييه كتاب الأستغناء

المهم

بوخضور شلون الواحد يوصل له؟ و يترزز جدامه؟
تشود الله و رحمته; 9:20 am
nanonano said...: Fahad Al Askr :

فاتحه الخطّين..و الحين ودي أروح أفتح لي خط فيفا و أدزّه لهم بال
أس أم أس
عشان ما يصير عندهم عذر; 9:22 am
العاصي said...: نبي وزير متخصص في البيرة

cheers; 9:53 am
Anonymous said...: توهم دقوا علي

وسألوني عنج

طرشت لهم أسم مدونتج

تريي باقر يكتب لج تعليق على مدونتج يعرض عليج وزارة يديدة يقول اسمها وزارة الاجازات والعطل الرسمية; 11:34 am
عاجـل said...: راح تنطرين وايد
وغيرك صارك أشار; 1:46 pm
ZooZ "3grbgr" said...: يقولج من كثر الزف وكلمة لأ ماعوزكم
قاموا يدزون رسايل عالبيت
مكتووووب جواب
خط بيد ساعي البريد
عاد انتي غيرتي عنوانج شالحل؟
يبيلج ناطور عالبيت القديم; 2:19 pm
nanonano said...: العاصي:

عاد هديت كل المشروبات الروحيه و رحت ركضه على البيره؟؟!!؟

الموجود حاليا ناس متخصصين في المرقدوش..غير جذي ما يدور; 7:07 pm
nanonano said...: دروازة:

باقـــــــــر لي الحين ما علّق

و بوخضور هم لي الحين ما علّق

:(((

عموما أنا أبي وزارة الأعلام غير جذي ما ينفع..مو بس أهمه اللي يتشرطون..حتى أنا عندي شروطي

أي و المنّه عليهم بعد

ويـــــــــــــــي ما أدري ليش عصّبت و اشتطيت

يمكن من الحره و النطره; 7:11 pm
nanonano said...: ZooZ ZaibG:

الناطور و واقف عند البيت القديم

و السايق واقف عند البيت اليديد

و طباخ بيت ييرانا موقفته على العاير

و أنا بكبري واقفه جنّي بيرق بسطح بيتنا

ثلّجت من النطره; 7:13 pm
nanonano said...: عاجــل:

آسفه..آسفه مو قصدي أخطرك
=====

عاد أنا أشعلي من غيري؟؟!!؟

أنا أصغر منهم

أهمه أكيد بيصيرون أجار..أنا بعمر الزهور تو الناس على أني أصير أجار; 7:16 pm
@alhaidar said...: :); 8:19 pm
Technogal said...: Trin Trin.. Trin Trin!!! 3aiazna ndig ma tsheelenah!!? @@; 10:29 pm
nanonano said...: الإعلامي أحمد الحيدر:

أهلا و سهلا..حياك الله; 12:21 am
nanonano said...: Technogal :

مليت من النطره..قلت خل أسلي وقتي و أكوي هدوم باجر..تسلّطتوا علي و دقيتوا لما قمت; 12:23 am

Subscribe to: Post Comments (Atom)

template by Purplecious