Wednesday, December 03, 2008

الخزّه

أنا أيي من جيل الخـــزّه كان لها دور كبير
.
في حياتنا
.
و استعمالات الخـــزّه كانت لغرضين
.
.
الغرض الأول: غرض تنبيهي أو توبيخي
.
فكانت الخـــزّه تيينا من أمهاتنا
.
في حالتين اذا حمقت الأم من تصرّف
.
سويناه جدّام الناس..أو لقافه و بطّينا برمة
.
سالفه ما المفروض نتكلّم فيها
.
فكانت تيينا ذيج الخـــزّه اللي أتطيرنا
.
من المقعد
.
المشكله أن كبرنا و لي الحين من تيينا
.
هالخـــزّه..نتدوده
.
.
الغرض الثاني: غرض المغازل
.
على وقتنا..أيام المراهقه..ما كان
.
أكو موبايلات و الوسائل الحديثه مالت
.
المغازل..فكان الشباب حدهم يخـــزون
.
كوسيله للتعبير عن شعورهم..عاد أهمه وحظهم
.
كنا نطلع من الثانويه..نلاقي الشباب اللطيف
.
كلهم قالبين عتاويه من كثر ما يخـــزون
.
.
.
و بعدين لما كبرنا و بدينا نستوعب أمور الحياة
.
أكتشفت غرض ثالث للخـــز
.
كنّا نستشف مدى رضى السلطه على السياسيين
.
كانت وسيله جيده لتوصيل رسائل معينه
.
و كنا نقدر نخمّن شنو ممكن يصير
.
الفرق الحين
.
أن غالبية السياسيين و القياديين الموجودين
.
على الساحه الحين ويوهم وايد عريضه
.
لو ينخـــزون من اليوم لي باجر
.
هم ما توصلهم الرساله

36 comments:

عثماني said...

ويوهم عريضة

و ما عندهم دم بعد

:)

أبو لطيف said...

مو كل خزه خزه

راحوا اهلها

الله المستعان

Anonymous said...

@@

شرايج بخزتي؟؟؟



شتفسرينها؟؟

Zaydoun said...

ذاك اليوم عطيت صاحبنا اللي انتي خابرته خزة بنت كلب،، خليته يتدوده... فوق ما هو مدوده أصلاً

الدســتور said...

لا بعد فيه خزة رابعه
وهي بالمعنى
نسينا ماكلينا
:)

كويــتي لايــعه كبــده said...

الخزة السياسية انتهت مع راعيها المرحوم الشيخ سعد عبدالله السالم

وقتها كان للخزة معنى

الله يرحمه يخز واحد عشرة اللي يخافون

ولاّدة سابقاً ... رانيا السعد ...رانية المنيفي حسب الأوراق الرسمية said...

أيااااام كانت الخزّة مؤثرة

nanonano said...

عثماني:

والله أبتلشنا فيهم

nanonano said...

ابو لطيف:

يقول لك

راحوا رياييل الدروازه وبقى أهل المطنزه و العازه

nanonano said...

حسافتج يا كويت:

أنا وحده حياويه

ما اعرف أفسر خزتك هذي

nanonano said...

Zaydoun:

هاهاهاها

يا كرهك لي خزّيت

تروالي صار الوضع

دور بيها يا الشمالي

nanonano said...

abu eldestor:

أيـــــــي

صـــــــــح

نسيتها

هذي عاد وايد قديمه

nanonano said...

كويــتي لايــعه كبــده:

أيـــــــام

الله يرحمه

nanonano said...

ولاّدة:

ذيج الأيام كل شي كان مؤثر

الحين العموم تتمسح

Anonymous said...

نانو


ههههههههههههه


وانا ماني قليل ادب

خزتي هذي تنذرج إنذار نهائي بعدم العبث مع الرجال


ويوزي عنا
ترى اللي فينا مكفينا

Unknown said...

عندي واحدة إذا " خزتني " بعيونها أحس إنها تعطيني إحساس إنها " تمتلكني " و مسيطرة علي و مالي أمل أفلت منها ..لوول ! حسبي الله عليها طايحه فيني تخررررع بعيونها

:C

بس بغيت أشوف عينة* من خزة زيطون نشوف هالموديل شلون صاير يمكن أخرع اللي عندي بيها ..لوول

nikon 8 said...

حنا في زمن إطعم الجيب أنواط تستحي العين

nanonano said...

حسافتج يا كويت:

يا عمّــــــــــــــــــي

خل نضحك شويه

خو مابقى لنا الاّ الضحكه الحلوه مع الناس اللي نحترمهم

مو؟
;)

nanonano said...

محاسبة في شركة صابون:

أنا الخزّه الوحيده اللي لي الحين أخاف منها خزّة أمي

ويــــــــــــــــــــه

صدقيني ما تبين تشوفين نمونه من خزّة بوالزيد

nanonano said...

nikon 8:

يا كره هالزمن

كل شي صار بالفلوس و بس

الأنسانيات أنتهت

honey said...

خزت الأم تصرقع الله لا يرد هالأيام

و طال عمرج حتى مع التطور اخزون الشباب كاكوا فايدة العرج دساس


السياسيين بعفسة مايدررون الخزة عين سخط و إلا عين رضا

enter-q8 said...

نانو
اهو يعتمد على اللي يخز
يعني لو رئيس مجلس الوزراء يخز مني لباكر
لو الخرافي يخز مني لعقب باكر
مالها تأثير او بالعربي ما يعرفون يخزون
اتذكر مسلم البراك
لما قال
مو انا اللي يحمرون العين عليه
لوووووووووووووووووووووول

Anonymous said...

نعم صدقتي واللة

اللي نحترمهم مثلج وشرواج نضحك معاهم

واللي مو محترمين وامثالهم وايد بالديرة نضحك عليهم


واللة يستر من تالي الضحك هذا

عسى ما يطلع علينا عايدي

أبو جيج يدور نعاله said...

الخز يعنى محاولة لإيصال رسالة سريعة دون إستخدام الموبايل أو اللسان أو حتى كف اليد...و البعض يقول (فنقر) من القدم


طبعا مو كل محاولات الخز ناجحة و مو كل الناس قادرين على إستقبال كميات الخز و فلترتها و تفسيرها و فهم طلاسيمها


كلمة الأسبوع

طلاسيم


طلاسيمى راح أطلعها بمدونتى بس عطونى شوية وقت


نرجع لموضوع الخز


مو كل واحد أو وحدة يصلح لهم الخز


مثلا إللى تلبس نظارات قاع بطل عصير عنب روخ....إذا خزت و بققت عيونها راح إتكون جنها موظفة بمختبر و قاعدة تكشف على عينة من سندويتش روبيان و حلوم من أحد محلات شارع المطاعم

و نفس الشى بالنسبة للشخص إللى يفتح فمه بشكل توافقى مع عيونه...يعنى إذا خز على طول شرع حلجه و بده يسعبل و
كأنه طفل طالعتله أسنان لأول مرة

و طبعا فى أنواع أخرى من ممارسى رياضة الخز

إللى إتخز من وراء نظارة شمسية بوقت العشاء

إللى يخز و ينقف كتمويه

إللى بس إتخز أقدام الرياييل


إللى بس يخز صدور النساء

إللى بس إتخز الأعضاء الذكورية

إللى بس يخز مؤخرات الناس...نساء و رجال


أكمل؟


طلاسيمكم إطلعت؟؟


معلش

وراى سعى


باى

nanonano said...

shahad :

أشوه يعني أنتي مثلي خابره خزت الأم

nanonano said...

Enter-Q8:

هاهاهاهاهاهاهاهاها

صـــــــــــــــــح

طلع فيها مسلم ذاك اليوم

nanonano said...

حسافتج يا كويت:

بناء عن خبره شخصيه

كل ما ضحكنا على الدنيا و مشينا الأمور..راح تمشي معانا..و أذا تعسرنا راح أيتعسر كل شي علينا

فخل نضحك الحين
و رب البيت كريم
نشوف شنو يصير بعدين
بس لا نخلي خوفنا من بعدين يعكنن علينا الحين

enter-q8 said...

نانو شوفي الفيلم مالك
انتاج فريج سعود

nanonano said...

Bo Jaij :

المعلّم الكبير راح أنتظر موضوع

طلاسيمك على أحر من الجمر
========

شكرا لتحديدك أماكن الخز لكلا الجنسين

و بعدين بالنسبه لموضوع الخز ما يصلح مع كل من
صح أنا أتفق معاك..عشان جذي قلت..أنت و حظك
لأن وايد مرات يكون الأنسان اللي قاعد يخز داخل في مرحلة تسبّه و البنت تشتط و على بالها أنها قاعده تنخز..يطلع الشاب اللطيف مو قصده..و كان مشتهي يصفن
=========

وراك سعي؟؟!!؟

تقبّل الله

دعائك لو سمحت
مابي شي
بس أن رياييل الكويت يصحون من العسل اللي أهمه نايمين فيه
و يحسّون على دمهم و يقررون يسوون شي لأنقاذ البلد

nanonano said...

Enter-Q8 :

مساء الورد

أبدعت..والله العظيم أنك أبدعت

هاهاهاها

7amee elDyar said...

فعلا في الثقافة الاجتماعية الكويتية


الخز له عدة استخدامات وعدة غايات


تحليل حلو

nanonano said...

7amee elDyar:

شكرا جزيلا

تحليلي على قدّي

بو عبدالرحمن said...

الخزه قبل غير الحين

خزة الأم لبنتها والأب لولده هي خزه بجميع الألوان الصارخه والهادئه

وخزة هاليومين متروسه حليب نيدو وما تطلع من العين إذا كانت مو لابسه بامبرز

لغة العيون أو الخز لايفهمها إلا قله من الناس

وسلامتج وتعيشين

chandal/danchal!! said...

غاسلين ويوهم بشسمونه!!! هذيله يبيلهم خزه من الطراز البازوكي... عيونهم تندب فيها بازوكا يا مال البقة اللي تاخذهم جمعاء

nanonano said...

بو عبدالرحمن:

الله يسلمك

وجهة نظر تستحق التفكير فيها

حياك الله

nanonano said...

chandal/danchal!! :

آميـــــــــــــــــــن

أبتلشنا فيهم

حياك/حياج الله

 
template by Purplecious