Monday, December 01, 2008

ما أقدر أقول الاّ شي واحد


لي طبع محملك...دوس على ترّيجه

33 comments:

kazmawy said...

قبل اسبوع قاريها مقالة بالقبس
لى طبع محملك دوس على تريجه
الله يستر علينا

الدســتور said...

لووووووووول
قالوها البدو
مايهذر المهذري الا من حر الصخونة

Anonymous said...

لووووووووووووووول


ودي أدوس على تريج الحكومة



يا نانو كل اللي أقدر اقولة


وين تشوفين بر يا كويت دام هذي بحريتج

100 fils said...

هذه الكويت صلي على النبي..هذه

حكومتناومجلسنا وفيهم الي مانبي


;p

bo_sale7 said...

سؤالين اذا ممكن ؟

1- هل هي تلفظ تريجه " سهلة " ولا ترَيجه " مشددة " ؟

2- شنو معناها في كل الاحوال ؟

تحياتي :)

أبو لطيف said...

ههههه

اي ترّيج

ما يبين منه شي ابد

راح المحمل قوع

والله المستعان

Blog 3amty said...
This comment has been removed by the author.
Blog 3amty said...

ما ضل بيها تريج :P

nanonano said...

kazmawy :

صح كان كاتب بنفس العنوان وليد الغانم

بس هذا مثل كويتي قديم

nanonano said...

abu eldestor :

والله اللي فيني مو صخونه

فيني واهي من حرتي من نوابنا السنعين

nanonano said...

حسافتج يا كويت:

ليش تدوس على ترّيج الحكومه؟!؟

اللي لازم ينداس على تريجهم النواب ..اللي ساكتين على تصريحات النوخذه الرئيس الخرافي

nanonano said...

100 fils:

شكرا جزيلا

أخيرا في أحد حط اللوم على المجلس..لأن ما وصلنا لهاالمرحله الا بسبب تخاذل النواب و خوفهم على كراسيهم و مصالحهم

nanonano said...

bo_sale7:

أهلا و سهلا

تريجّه مشدده

و معناها مؤخرة القارب

nanonano said...

ابو لطيف:

عندي أحساس غريب أن المحمل ما راح يردّه الا تحرك قوي من الشارع الكويتي..و تصريحات الخرافي كانت بالونة أختبار..فرد فعل النواب..عطاهم راحه..لأن الحبايب خاموش..الحين باقي الشارع..هذا الشي الوحيد اللي معطيني أمل أن نقدر ننقذ المحمل

nanonano said...

Blog 3amty:

راح نقدر ننقذ المحمل بكبره..أذا عرفنا نتحرك صح

Anonymous said...

وايد عطيتيه أكبر من حجمة؟؟؟

نوخذة مره وحدة


بن عيدان أحسن منة

قولي نهام المحمل

تباب المحمل

نوخذة!!!

قوية

nanonano said...

حسافتج يا كويت:

بذمّتك مع جذي حكومه و جذي نواب..ما يخب عليهم جذي نوخذه؟

Anonymous said...

إلا يخب ونص

بس الشرهة على اللي وصلوة ولا هو مايعرف كوعة من بوعة

وعلى قولتهم دردبيس مايعرف يمعة من خميس

والمصيبة هو اللي يصرح بقبول استقالة الحكومة


مو قلتلج قبل المخرج عاوز كدة

Miznah said...

آه
ودي ادوس على وايد اشياء

من وين ابدي.. ولا اقول

أخاف عزكم الله الجوتي يتوصخ

شقران said...

العزيزة نانونانو
صبحك الله بالخير


الخلل أكبر من الطبعه

الخلل في فكر أهل الحل والعقد..وكيفية تعريف الدولة!؟


أما الشخوص فما هي إلآ آليات زنبــركــيّـــة تتغير حسب حاجة النظام لها في تسير مالا يسيّـر طواعية!؟



مع وافر الاحترام وصادق المودة

Fahad Al Askr said...

يدوسون على التريج علشان يطبع كل المحمل

والتريج أعلى نقطة على سطح السفينة، ويقال وفقا للأسطورة الكويتية القديمة إن الدوس على التريج عادة ما يفضي إلى أن المحمل سرعان ما يرتفع فوق سطح البحر، أو يروح غبة، وفي كلاهما خير

والله أعلم

nanonano said...

حسافتج يا كويت:

رئيس المجلس فلوسه وصّلته

بس الشرهه على النواب الثانين اللي أحنا أعتقدنا أن راح يحدثون تغيير

اللي فجأه صاروا الشواذي الثلاثه
لا أرى
لا أسمع
لا أتحدث

nanonano said...

Miznah:

ابدي من الترّيج..عقب يصير خير

nanonano said...

شـقـــــران:

صبّحك الله بالنور

طبعا أنا ما عندي نفس بلاغتك بالطرح

بس ردّي راح يكون بالعاميه فياريت تستحملني

خل أقول لك شي..شنو وصّل النظام لها الدرجه من الأستهتار و عدم أخذ موضوع الديمقراطيه بجديّات و أن وجود الديمقراطيه شي أساسي من مقومات الدوله؟

ببساطه أحنا
و أنا لما أقول أحنا مو قصدي أنا و ياك و حاكي عقالي و الشله هذي..أحنا الشعب الكويتي..لما يتوفر للسلطه شخوص ضعيفه بس عندها طموح للسلطه مع توفر العنصر المادي لديهم..مستعدين يصيرون عبّود للنظام عشان يوصلون للمواقع اللي يبونها في الدوله..لما أييك واحد بثروة جاسم الخرافي و أهوه يدري أن قدراته الشخصيه متواضعه..بس عنده طموح سلطوي..و يستعد أن يطلق كل بالونة أختبار و تصير الصكه فيه..ما راح تستانس السلطه؟

العزيز شقران..السلطه ماشيه على المثل الكويتي

اللي ما يستحي منّك لا تستحي منه..و خلّه يصير مشّة زفر..يوم أن أهوه راضي

nanonano said...

Fahad Al Askr:

شكرا جزيلا على المعلومه..و منك نستفيد

وفي كلاهما خير

أكيد؟؟!!؟

ما أظن

KQ8 said...

لا تعورين راسج

المرحله الحاليه والقادمه مرحله السخريه والتطنز على الاثنين الحكومه والميلس لازم نقلب الوضع من المحاتات الى التمسخر والنكته احسن لنا نفسيا على الاقل

Unknown said...

ما ينفع الدوس والهوس

طابع طابع

خاااالص خاااالص

nanonano said...

KQ8:

صباح الورد..تصدق أنك مو أول واحد يقول لي هالكلام

على قولتهم قعدي و تكعكعي..و خل نشوف هالفيلم شلون بيخلص

فيالله

نتطمش و نضحك..و نستمتع بالجو

nanonano said...

Mishari:

يوم أنها

خاااالص خاااالص

عيل نسوي أقتراح المدون العزيز

KQ8

و نقلب الوضع من المحاتات الى التمسخر والنكته

enter-q8 said...

قولي وايد

nanonano said...

Enter-Q8 :

كلام الصج يزعّل

و أنا مابي هالناس يزعلون مني

bo_sale7 said...

شكرا على التوضيح

مع اني ارى انه شرح الاخ فهد العسكر هو الاقرب للصحة
تحياتي

nanonano said...

bo_sale7 :

أتفق معاك و هم أشكر

العزيز

فهد العسكر

لأن توضيحه مقنع جدا

 
template by Purplecious