Monday, July 24, 2006

فيني عساره...فيني ضيقة خلق...فيني حالة غثيان...من كل شي...من كل الأشياء اللي تدور في العالم...وايد حاز في نفسي أن الأنسانيه يستهان فيها لها الدرجه...وايد حاز في نفسي أقحام السياسه في كل شي...وايد حاز في نفسي أن صرخة طفل ما قامت تأثر...أنكسار أم ما قام يأثر....و أحنا لاهين في صغائر الأمور...و مخلين الأنسانيه تهدر بهالطريقه...فسمحوا لي


11 comments:

Shopaholic Q8eya said...

يا صباح الخير

أنا العسارة فيني صايرلها كم يوم بعد

Zaydoun said...

لبناااااااااااان

كلنا متكدرين يا نانو، ووالواحد يحس انه ضعيف وما بيده حيلة

nanonano said...

Shopaholic Q8eya:
أشرايك نسوي أحتفالية عساره...و نتجمع كلنا اللي فيه عساره يتفضل

nanonano said...

Zaydoun:
بوالزيد أنا مو محترّه الاّ من حالة الضعف اللي أحنا فيها و شلون ما بأيدنا حيله...و المشكله ما راح يصير بأيدنا حيله....اللعبه وايد وايد وايد أكبر منّا

ولاّدة said...

نانو

اليوم عايدوك بعيدية 200 دينار
مو معقولة لي الحين متعسرة..ما يعجبك شي؟ الله يهديك

خلاص فرحي وغني: عساكم تعودونه كل سنة وتصومونه..عساكم تعودونه كل سنة وتصومونه..عساكم تعودونه كل سنة وتصومونه


الحمدلله إحنا بخير ونعمة ونحب بعض والمعارضة عندنا من نوع متسامح وإيجابي وروحهم رياضيةوقدرتهم على استشراف المستقبل فائقة لذلك تجدينهم يبوسون راس السلطة صباح ومسا...شي ما بينتسى...ماكو شي يزعل صديقتي
:)

nanonano said...

ولاّدة:
أقــــــــول...أنا جزء من عسارتي أن للأسف ما وصلنا لمرحلة أحترام أختلافاتنا...هذا اللي مضيّق خلقي...يعني يا تمدحونا 24/7
يا بنزعل...مانبي نندقل...حسافه أنا على بالي ارتقينا عن جذي

Fuzzy said...

صرنا مثل أم ناصر ، لسان طويل ، وحيل قاصر

Chai-7aleeb said...

حبيبتى


تعالى البلوغ مالتى ووسعى صدرك ببيالة شاى حليب مع شوية هيل وبسكوت مارى مال المطاحن للتغميس

Brava Valentia said...

ana mi7tara inna israel hal dawlah il "nitfah" mo khayfaa mn il watan al 3arabi ajma3 ... w bush bat chabdi ba3ad ... w lebnaan w falasteeen w mu7akamat saddam w il min7aa elle malha salfa wala nadree shwaraha w .. w .. w .. sakatkum leghliga wela akamel ??

me said...

( كحة ) !!

dilli o milli said...

تبرعوا بالمنحه تخففوا المحنه

Post


والله أنا مفتشله من هالحكومه أتصدق على الشعب أب 200 دينار في هالضروف اللي امكدرتنا لما لبنان لا يزال يتعرض للقصف العشوائي على الأطفال والنساء
هالأموال لو أتحسبونها راح أتكلف الدوله 200 مليون دينار مو أبرك هالمبلغ يرسل لأخوانا اللبنانين خاصه أن اليوم أعلنت الأمم المتحده لحاجتها ل 150 مليون دولار كدفعه أوليه لمساعدة 800 ألف نازح لبناني

آآآه..قلبي يعتصر على لبنان

 
template by Purplecious