Tuesday, July 18, 2006

مبروك للكويت

أنزين....الحين خلّصنا...و طخّينا نوعا ما عن اللويه اللي كنا فيها....بس حسافه خلّص الفيلم مبكّر....أنا شخصيا حاسّه أني مفهيه....الحين عطوني مقترحات حق الصيف...شنو يقزره علينا....و خاصة أن موضوع الزرقه مال لبنان اللي متعوده أسويه كل سنه مو وارد الحين....والجو مو راضي يقرر شنو يصير.... لاهو صاير غبار على وجه و لا هو صاير حر على وجه...على الأقل عشان نعرف نطلع الشاليه و لا لأ....المهم اللي عنده مقترحات للترويح السياحي الكويتي يعطيني أياها....مابي أحد يقول سافري لأن موضوع السفر مو وارد نهائيا

34 comments:

Zaydoun said...

الله يهداهم الجماعة سافروا وما عطونا مفتاح اليخت نتمشى فيه

nanonano said...

هاهاهاهاها بوالزيد...أي والله...بس السعلو راح يكون موجود من أول أغسطس فأنا ما راح أحاتي

G.Q.™ said...

انا اقول روحي اشتركي في كل باقات الفضائيات و جابلي التلفزيون مثل ما انا سويت ...و عندج بعد قعدات القهاوي المغرب للسوالف والحش احسن طريقه لتضييع الوقت ...انا من ناحيتي بروح جزيره بوكيت مع ربعي الشهر الياي ...حره :)

Kuwaiti said...

قضي وقتج حداق او غوص انا افضل الغوص كل صيف اقضيه غوص ليمن يطلعلي خياشيم :) او امممم حطي حرتج بالاكل :)

D said...

get a gym membership and try a new sport or take lessons in things u like.

nanonano said...

G.Q.:
ترا بوكيت كلش ما تحر...أنا أصلا مو من أنصار أي شي في الشرق الأقصى...بالنسبه لي ما تسوى العنوى...رطوبه...وطيران متعب...و بعدين أنا مو من ربع القهاوي المغارب..أحب وجبة العشا

nanonano said...

Kuwaiti:
مو أنا مابي أحط حرتي بالأكل...مالي خلق أسمن..و تعال عابل عقب سو رجيم...و الحين مع الكبر...الكيلو ما ينزل براحه

nanonano said...

D:
قاعده أفكر جديّا بهالأقتراح...و المشكله عندي عضويه بنادي...بس..ماكو مقاقه..الظاهر لازم أبتدي أضغط على روحي

layal said...

أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
اتمني ان ندون مدونه واحد بتاريخ 27/07/2006
كلنا كمدونين نكرر عباره واحده
كلنا مع لبنان وفلسطين ضد اسرائيل والمحتلين
بالعربي بالانجليزي المهم نسمع صوتنا للعالم
وان لم نستطيع حمل السلاح فالنحمل الكلمه
وبأي لغة نستطيع نشرها
بالإنجليزية
We are with Lebanon and Palestine against Israel and occupiers
والفرنسية
Nous sommes avec tous le Liban et la Palestine contre l’Israel et les occupants
والألمانية
Wir sind zusammen mit dem Libanon und Palästina gegen Israel und Besatzer
والإسبانية
Somos todos con Líbano y Palestina contra Israel e inquilinos
والصينية
我们都是同黎巴嫩和巴勒斯坦对以色列占领者
واليابانية
私達はイスラエル共和国および占有者に対してレバノンおよ
びパレスチナとのすべてである
تحياتي للجميع

Bo Jaij said...

أنا مرابط بالبلد طول الصيف و راح أغطى فعاليات الصيف الترويحية فى مدونتى


صيف الكويت....أونس

Fuzzy said...

يا حلو الديره بالصيف رايقه يوم غبار ويوم رطوبه ويوم مكس يصير طين
عموما مقترحات سياحية للي يبي يصير تورست
جدول سياحي ليوم كامل
1- بداية ريوق باجه بشرق
2- زيارة المتحف العلمي ومشاهدة الحوت
3- حديقة الحيوان مشاركة القردة بكش الذبان
4- زيارة بيت دكسن
5- جوله في السوق الداخلي واكل باجله


وخلصنا وكان الله غفور رحيما

Hanan said...

أنا مسافرة شهر 8 فيرجى تأجيل أي مشاريع ثورية أو لاثورية إلى شهر 9

و مبروك على الكويت

Wild Shuwaikh said...

آنا كان على بالي إني راح أقعد بالكويت بروحي، ردت فيني الروح

KuwaitVoice said...

الصيف ماتقزر الا عالافلام .. روحي فيرجين واشتري كل اسبوع 10 افلام وقزريها نفيش وناتشوز ..

او كلش كلش نامي طول الوقت ..

White Wings said...

البحر ولا غيره
ممتاز للأغنياء أصحاب اليخوت وللفقراء الي يسوون شندويشات ويقعدون على الشاطئ مع شمسياتهم
:)
لكلا الفريقين، يظل البحر كما هو

nanonano said...

Bo Jaij:
أنزين الله يخليك أذا خبرت فعاليات تسوى قول لي...قبل الناس...لأني مالي خلق أروح و أتقلقص بالزحمه

nanonano said...

Fuzzy:
الحوت لي الحين موجود؟؟!!؟؟

nanonano said...

Hanan:
حنّون آسفه...ما أقدر أوعدج أن ما راح نسوي شي...هم بتسافرين و هم ما تبين يطوفج شي

nanonano said...

Wild Shuwaikh:
أفا عليك حاضرين...أخذها وعد منّي أنا و بوجيج بنقزّر عليك الوقت

nanonano said...

KuwaitVoice:
لو أهوه على الأفلام...عندي بالبيت مليون فيلم ما شفته لي الحين...أذا تبي أقدر أسلفك...بس المقاقه حق شوفة الفيلم

nanonano said...

White Wings:
أنا معاك البحر أحسن حل....بس ان شاءالله الله يعطينا على قد نيتنا و يتسنّع الجو...المهم مو غبار

neelaah said...

اعطيج رقم ساتيش
هذا هندي
ايي للبيت معاه جنطه افلام و مسلسلات يديده
النسخة واااااااااضحه تهريب ماليزيا

اخذي لش منه
لوست
ودسبرت هاوس وايف
و برزن بريك

وجم فيلم و تقزر

و الصبابيح
طيحي بالهجم
والمساجات وتنظيفات البشرة
و الحمامات المغربيه
و بالليل الله ما كثر المطاعم

Sheba said...

خيطي دراريع وبيعيهم حق الشهر الكريم

nanonano said...

neelaah:
لوست شفته خلّصت...بس الحين زوجي منزل بريزون بريك باجابله...و الصبابيح مو مشكله عندي دوام...بس المشكله بالمغربيات ما أواطن الصخّه

nanonano said...

Sheba:
هاهاهاهاهاهاها...عاد لقيتي اللي لها البلوكّات...مره وحده تبلتعت وقلت باخيّط...قصّوا علي...وفشل الخياط

LiL Alien said...

جربي تقرعين

Its an adventure

Яeema said...

بيت لوذان يسوون دورات بيانو
فخار
تصوير

معهد الفنون التشكيلية
يدرسون تصميم داخلي
رسم رصاص
وايد أشياء حلوة

يقولون حتى لو ما عتدج موهبة الرسم
copying

;)

bOnaViita said...

NEELAH . chaM raqam il hindi ? *.*

3afoor said...

اخذي دروس سالسا في الهيلتون ..شي عجيب

Alia said...

آنا أؤيد الهيلتون بعد
تاخذبن دروس سالسا
تقضين اليوم
تأجرين لج غرفة أو شاليه في الويك إند
خوش مكان
بما إننا شكلنا كلنا منثبرين هني وماراح نسافر

Fuzzy said...

Salsa classes hehehe cool

بنت الشامية said...

its the best thing to do STAYIN Q8!
but watch out from the heat and try to memorize some quran while ur at it

FREEQ8 said...

أنا أقول لك شنو تسوين
أقرأئي البوست اليوم عن الاغاني والمعاني...وبعدين أقرئي اليقبله ...وهوالدعاء...ولاتنسين تقرئين الشعر عن لبنان...وبعدين غوصي في الذكريات...صدقيني ما راح تتحسفين...وراح تشكريني
مري وشوفي

will said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

 
template by Purplecious