أمريكا أنسانيه ها؟؟!!!؟؟؟؟

اسرائيل تحمل حزب الله المسئولية وتتهمه باستخدام قانا لاطلاق صواريخ51 قتيلا بينهم 22 طفلا في مجزرة اسرائيلية جديدة في قانا لمجتمع الدولي يدين الجريمة الإسرائيلية إلغاء زيارة رايس إلى بيروت بعد المجزرة

الفلفل

أمس يمعتنا الأسبوعيه....واي...نشوّق...اللي فيها أنفلونزا و داخله بجيسها أشكبره علينا...واللي دازه السايق عشان أييب لها زرتك من الصيدليه حق الحساسيه...واللي معدتها ما أدري أشفيها و ما يبقى تحليل مو مسويته...واللي...واللي...واللي...شي ما يونّس كلش...على قولة وحده من البنات ليش قاعدين متجابلين...خل كل وحده تعطي ظهرها حق الثانيه أحسن لنا...المهم و تكمل الحسبه و ينحط العشا....أحنا عادة أول ما نبتدي نتعشا...نبتدي بالسلطه...دارت السلطه علينا و كلمن نجب له...بدينا ناكل.. الاّ السلطه...عباره عن جرّاغي..(ألعاب ناريه)..أثاري الحبيب الطباخ متبلتع و حاط فلفل و خالطه بصلصة السلطه....بغينا نموت من الفلفل...أي خلاص هدوها لا تاكلونها...محنا قادرين نوقف...اللي و أحنا ناكل بقّينا من الحر..بس ما كان عندي فكره البقّه اللي كنا فيها من الفلفل و لاّ من بوادر المونوبوز..المشكله أنها كانت سلطه صح...الخضره و الصوص مالها وايد لذيذين...بس المشكله بالفلفل...المهم ما خلصنا من العشا..الاّ الغالبيه حايشهم حارج...فكملت حسناتنا

فيني عساره...فيني ضيقة خلق...فيني حالة غثيان...من كل شي...من كل الأشياء اللي تدور في العالم...وايد حاز في نفسي أن الأنسانيه يستهان فيها لها الدرجه...وايد حاز في نفسي أقحام السياسه في كل شي...وايد حاز في نفسي أن صرخة طفل ما قامت تأثر...أنكسار أم ما قام يأثر....و أحنا لاهين في صغائر الأمور...و مخلين الأنسانيه تهدر بهالطريقه...فسمحوا لي

مبروك للكويت

أنزين....الحين خلّصنا...و طخّينا نوعا ما عن اللويه اللي كنا فيها....بس حسافه خلّص الفيلم مبكّر....أنا شخصيا حاسّه أني مفهيه....الحين عطوني مقترحات حق الصيف...شنو يقزره علينا....و خاصة أن موضوع الزرقه مال لبنان اللي متعوده أسويه كل سنه مو وارد الحين....والجو مو راضي يقرر شنو يصير.... لاهو صاير غبار على وجه و لا هو صاير حر على وجه...على الأقل عشان نعرف نطلع الشاليه و لا لأ....المهم اللي عنده مقترحات للترويح السياحي الكويتي يعطيني أياها....مابي أحد يقول سافري لأن موضوع السفر مو وارد نهائيا

أحنا عسل.....وياسمين

ياس