Monday, April 03, 2006

هفّة صغار المستثمرين

أمس كنت رايحه البورصه عندي شغل.....عقب ما خلّصت رحت مرّيت على الشباب صنّاع السوق اللي يقدمون خدمة الآجل....المهم و أنا أسولف معاهم معطيه ظهري حق قاعة التداول....اللي يفصل بينها وبين الشباب زجاج و باب...ما وعيت الاّ صوت هبده....و أنا قاعده ألتفت صوب الصوت شفت غتره....واللي قاعد يسولف معاي اللي كان مجابلهم....غشيان من الضحك...شالسالفه...المستثمر الصغير...من هلّي يحوسون بقاعة التداول....قاعد يسولف مع صاحبه و اهوه مبوبز....ليش ما تسنّد...على باله متسند على الزجاج...طلع الحبيب متسند على الباب....و ييك خبايب....عندنا...المهم شال غترته اللي طاحت و سلّم علينا...و تمشى على البراد

16 comments:

Ba7aR said...

lol.. maskeen fashla;)

mishari said...

تصير باحلى العوايل و مع كل الحلوين والجياكر

Purgatory said...

Do you give them duckie banks to save their small investment earnings?

Alia said...

مسكين والله فشلة

بس عادي صايرة فيني قبل

hathra said...

خنت حيلي

هذا تاثير الاسهم يابته قاع قاع


ونقول لج عودا حميدا

وهالاغنية اهداء لج

http://song.6arab.com/hayfa-wahby_wawa-ba7.ram

لمياء الحالمة said...

ماعليه, يكبر وينسى

nanonano said...

يا جماعه في حيثيه أنتو مو فاطينين لها....الريال قاعد امبوبز....شاخبار التبوبز...الأخ جنّه قاعد بياخور

Purgatory said...

when do we ever understand you, you talk in code!

لمياء الحالمة said...

يا جماعه في حيثيه أنتو مو فاطينين لها....الريال قاعد امبوبز....شاخبار التبوبز...الأخ جنّه قاعد بياخور

nano

أعتقد إن الريال حر بأي وضعية يحبها, حتى لو واقف على راسه

ما أدري عن اليواخير وقعداتها, إنتي ابخص

nanonano said...

لمياء الحالمة:
ليش أنتي تعتقدين أن التبوبز وضعيه مناسبه حق رجل محترم يقعدها في مكان رسمي...و طالما هالشخص في مكان رسمي لازم يلتزم بآداب الجلوس لأن اهوه مو قاعد في بيته...ما أدري أنا متعلمه على جذي

Zaydoun said...

لمياء... أتمنى أن لا يكون قصدك ان نانو أبخص بقعدات الجواخير اللي بالي بالك

ترى عيب

Broke said...

لمياء الحالمة

مع إن تعليقاتك ما تدل على الصفة

إنتَ شنو يبي من نانو ؟


ترى ديري بالك احنا ما نرضى أحد يمس لها طرف

لمياء الحالمة said...

نانو, زيدون, بروك

الظاهر فهمتوني غلط, هذي مشكلتي مع التعبير, إللي يخونني دايما

أسفة لسوء الفهم

Anonymous said...

lol, sooooooo funny knowing you 7anna7inno mittay min ithi7ik :)

gahwah said...

Hi nanonano,

hope join my blog

7ayyach

ZORT said...

لمياء الحالمة

LOL!

!و الله انك قرأتي أفكاري

هذا جزاء التبوبز اللي في غير محلّه

!كلعته

مسكين :-)

 
template by Purplecious