اليوم أنا عافره فيني الحساسيه....فبالدوام اضطريت أني آخذ حبة الحساسيه....مشكلة هالحبه أنها تدوّخ...قلت ما عليه أتصبّر لي ساعه على ما أروح البيت....المهم ما مرت نص ساعه من أخذة الحبّه الاّ أنا ماني قادره أبطّل عيني....أحنا أدارتنا عباره عن غرفه كبيره و كل واحد له كيوبيكل....أنا لكيوبيكل مالي مدعوس....المهم قلت حق زميلي العزيز جدّا....الحليو جدّا....أنا بنام ماني قادره أبطل عيني....بس شويه....قال لي يعني ما نزعجك....قلت لو سمحت.....شوي الاّ زميلي: فلانه أنا: نعم زميلي: وي نسيت أنتي نايمه أنا: أي....طبعا كل هذا و أنا ما رفعت راسي عن المكتب أنا: أشتبي زميلي: لأ بس كنت بعرف لي متى بتنامين أنا: قلت لك خل بس أغمض عيوني شويه.......هني بطّلت عيوني و رفعت راسي عن المكتب....الا مسكينه....عندنا سكرتيره جديده....واقفه على راسي تبيني أوقع أوراق.....خنت حيلي و مستحيه تطلع أي صوت.....الله يا أنا مت من الفشله.....طبعا زميلي كان يقهقه من الضحك....تعذرت من السكرتيره....و وقّعت....ماني عارفه شلون انتقم منّه