Monday, March 27, 2006

فرسان المناخ

ما أدري شنو أسمي الوضع اللي قاعدين نمر فيه....انتحار الحيتان...فرسان المناخ...درب الزلق لما سعد و حسينو خسروا كل فلوسهم....الكل قاعد يسأل وين بيوصل السوق محد عارف....كل هذا بكوم و التشبرت اللي صاير بين الناس بكوم....محّد طايق نفسه....الزوجات يشتكون من أعصاب أزواجهم...الأمهات خايفين على عيالهم...والله.. معاي واحد بالدوام...و صغير بالسن مسكين....من الأسبوع اللي فات لي أمس لحيته أنتشرت فيها الشيب....و التسبّه اللي حايشني هذا بروحه سالفه...أمس قاعده أسولف مع صديق...قال لي أنتي أشفيك!!؟؟ ركزي مو قاعده أتجمعين...الأسبوع اللي طاف صديقتي قاعده تسولف معاي قاعده توجّه الكلام حقّي و اهيه تسولف قمت عنها و خليتها...مسكينه....مت من الفشله...قالت لي وين رايحه قاعده أحاجيك...تصدقون عقب فطنت أنا شنو سويت و تأسّفت...أمس....بمنتهى الخداي بروح مكتب زميلي... و طبعا و أنا أمشي ما أضبط المسافات....دعمت بالمكتب....بغيت أموت من الألم من كثر حرّتي خنقتني العبره....طبعا أهوه ما يبكي بس متدودهه...و ضايق خلقي...و محتره

12 comments:

Q said...

ilmushkila ma77ad 3aarif shissalfa!

Everytime I get to that stage ur in, I keep telling myself -
"ilkhasaara bil3umur, moo bilfloos"

money comes and goes, aham ilshay ur health....dont lose it bcz of money!

nanonano said...

q:
ما قلنا شي المهم الصحّه و العافيه و الستر....بس هم يدوده و يخدّي الموضوع...عدم القدره على فهم الموضوع اتدوده

Anonymous said...

nan0 if some1 like u dont understand whats going on who does then?

esetch said...

Nano

أشوه ما أفهم بالسوق

كل إللي عندي 300 سهم إتصالات راع أبيعهم عقب الجمعية العمومية

nanonano said...

3afoor:
أنا اللي مدودهني...أن لي متى؟؟صح السوق لازم يصحح لأن بآخر 5 سنين ارتفع بمعدل 570% بس وين راح نوقف


Anonymous:
اعتقد أن التصحيح اللي قاع يصير تتلاعب فيه قوى أكبر من أن احنا الصغار نفهمها

nanonano said...

esetch:
الجمعيه العموميه مالتهم يوم السبت...و ترا على فكره حتى أنا ما عندي أسهم أشوه حاطّه كل فلوسي بالخلاجين و الذهب بس عندي فلوس محافظ أديرها

Sheba said...

la o a7la shay lema yosal il message il sakheef min il ostoura 3an il taftee7a il jadeeda!

Anonymous said...

ما يحصل في السوق ما هو الا مرواغات سياسية و ضرب تحت الحزام بين اجنحة محددة بعضها له وجود مباشر في السوق و بعضها الاخر غير مباشر و التوقعات بنزول السوق الى7500 نقطة.

nanonano said...

Sheba:
والله صـــــــــــــاجّه
نفس شعوري بالضبط

Anonymous:
صح كلامك مئه بالمئه

Purgatory said...

sushi

Sheba said...

7500 :(

A3sab said...

gilna conspiracy theory bas cha3amtoona :-<

 
template by Purplecious