Tuesday, March 28, 2006

في مدونّة العزيزات بلا و نيله يايبين طاري الأمهات و اليهال....ما أدري ليش طرت على بالي هالسالفه مع أن مالها علاقه...أول أيام لما الواحده في عز شبابها و عز عدم تثمّن الكلام....صديقتي العزيزة جدّا رايحه الجمعيه...و شافت ياهل جيكر و معاه مره...أشباهها من الشرق الأقصى....وقف يمها عند الكاشير...جندست عليه صديقتي و قالت له....يا حلاتك ما شفت من الحلا اشعره....ما وعت الاّ أمه تقول لها....لو سمحتي احتفظي بتعليقك حق نفسك....البنت ما بغت الاّ نفسها من الفشله...و لي الحين من أذكر السالفه أضحك...هذي اللقافه و ما تسوي

12 comments:

bora bora said...

نانو

welcome back :):)
مكانج كان خالي
محد قاللنا انج رجعتي
كان لازم زيدون يحط اعلان

Sheba said...

ur friend is SO MEAN!

Anonymous said...

LOOOOOOOOOOOOOOOOOOOOOOOL 7ad om al fashla..
by the way bo mariom emsaker bloga.. chethbat ebreeeeeeeel? wela sij ya tora:P

ZORT said...

OUCH!

neelaah said...

مبرررررررررروك العودة
احنا ترى و الله ما درينا
الا اليوم

و الله سعادتنا كبيرة


اما صاحبتج ما عليه لاتزعلين مني
بس صج ملقوفه
تحمد ربها انه الام نزرت بأدب

بس احسن عشان ما تعااااااااادوها

كسرخاطري الياهل

Purgatory said...

ana 3arf shno gasdech :P

Broke said...

LOL !

His mother was so polite , If I were her I would ask at least min 6alab rayech !

balah said...

عيل سمعى هالسالفه

نوبه وانا اتمشى ويا ريلى شفت ذاك الياهل اللى يشوق من حلاته كالعاده طبعآ..مسحت على شعره قامت أمه جان ترمقنى بذيك النظره وتقولى

من فضلج ماحب احد يلمس ولدى..طبعآ حقدت على ريلى لأنه بط ضحك وانا وايد مادرى شارد

بس مثل ماتفضلتى هذى اللقابه وماتسوى

لمياء الحالمة said...

Nano

أعتقد فهمت قصدج
:)

Shurouq said...

lol
يمكن الكلمة قاسية شوي، بس آنا أحب الناس اللي ما يخشون شي.. اللي بقلبهم على لسانهم

اللقافة تونّس

نانو، عودا حميدا
وكثري من الآيس

Zaydoun said...

bora bora

انا اللي اداوم في البناية اللي جنبها ما دريت، ولا حتى رفعت التلفون وقالت لي

Anonymous said...

حمدالله على سلامـــــــتج
يالغالي يابو الموقه

 
template by Purplecious