بمناسبة نهاية الأسبوع...و بمناسبة بداية أقفالات نهاية الربع الأول...البورصه اليوم مرتفعه و في تداول نقدر نقول نوعا ما جيد....المهم و أنا مندمجه أتابع السوق...ما وعيت الاّ...صرصور طايح من السقف على مكتبي...طبعا أنا شلت الدباسه و قتلته بمنتهى البرود و عقب مسحت الدباسه...و ويبت كلينكس و شلت الصرصور....خلّصت كل هذا....شان طرت جنّي صوفه حق مكتب المدير.....جان يبتدي فاصل العوابه....قلت حق المدير اسمعني....روائح طبخ بالمكتب و مشيتها...مكاتبنا جنها مخزن عود و مشّيتها....بس توصل مرحلة الصراصير.....هذي قويه حبّتين...طبعا و أنا مشتطه و اهوه طاقته البهره...يمكن 4 مرات عاد علي كلمة ذبحتيه...و أنا أول له أيـــــــــي ذبحته...تهقون ليش مبتهر؟ |
مالي حظ
4 hours ago
15 comments:
طلع مو زهيويى ...طلع صعفق
هاهاهاهاهاها....بوجيج!!؟؟
Lool bu jaij!
والله زين ذبحتيه .. أثنين ما أحبهم بالدنيا .. صدام والزهيوي .. أشوفه على بعد كيلو أتصرقع.
تدرين لو انا مكانج, جان دشيت على المدير وقدمت استقالتي
يطلعلي اسد بس زهيوي لا
خيرا مو عملتى
قلب جامد
مو كنت اتوقع فتاة تستطيع تعمل كدة
ربنا يوفقك
الى الامام
واي توني أدري إنج رجعتي ولكم باك دارلنج
o ana ba3ad tawny adry ur back! 7amdilla 3asalama!
lol 3ajabny buroodich o wasfich lil a7daath feech 3irj ijraamy btw! ;P
انتي اصلا دودهتي الزهيوي .. كونه متعود ان طب على بنت ابتعتفس ..
لووووول
فقير مو حاسب احساب ان اللي جدامه ما راح اتفكر بوعي
يالله خطاج السووو .. ويعافي هالبورصة اللي قوووت اقلوووبكم
When I read ur post on tha7akt men galb ..
Ma haget ennech qaweya chethy mashallah ! specially this part :
و قتلته بمنتهى البرود و عقب مسحت الدباسه
We3 ..
Bas al7een abyyy a3aref ur boss laish mebteher ?!!!
Jandeef:
أنا اتصدق ما أخاف من الحشرات...و لا يهزون صرصوخ أذاني
The Doctor !i:
شكرا جزيلا بس ما أحب أدخل منافسه مع الآخرين
anonymousah:
يا حافظ اشدعوه....ممكن أقدم استقالتي أذا دخل علي قطو
tamer:
ترا أنا ما سويت شي ذبحت صرصور...ما دخلت حرب...بس شكرا على كل حال
kuwaiti-jeans:
رجعت صار لي اسبوع...ثانك يو دالنج
Q:
أنا فيني عرج مجرم!!!؟؟؟؟...يصير خير...هيّن
3afoor:
كاظمه عاد!! لأ سوليدير أحسن
Broke:
أنا تحليلي الشخصي أن الحين قاعد بينه و بين نفسه قاعد يقول أنا ابتلشت فيها هالسعلوّه
!!مجرمة
Anonymous 1:
لا تخاف قلبي قوي...تعوّد على الصقعات قلبي
Anonymous 2:
ليش الأصرار على أني مجرمه...عطيتوني أحساس أني محمود المليجي...يا حافظ
ZORT:
هلا والله.....أنا بالديره...أنت وين؟
اولا الحمد الله على السلامه .. محد قالي انج رديتي...
حرام عليج انا اشوف الزهيوي ابجي والله جد .. اموت خوف منه يعني ما عندي مشكلة اشوف اسد بس زهيوي لأ وايد ما اقدر...
عزيزتى المدير مبتهر لان مشكلتنا مو متعودين مرة تذبح زهيوى ان كانوا يقعدونى من النوم علشان اذبحه :(
بس عفارم يابطلة
وبعدين اى اقفالات سوقنا الحين مال سحارتين طماط وكرتون عنب و ربطة دلاغات ونبيع
اشوى ان ما طبعت طبعة جايدة
مرة ثانية اذا شفتي زهيوي اخذي ولاعة وأي بخاخ مضغوط قابل للاشتعال
ولعني والديه وحرقيه
Post a Comment