Monday, December 19, 2005

عندي صديق يمتاز بخفافة الطينه....دمّه شربات....صار لي كم يوم ما أدري عنّه....اليوم دقيت عليه عشان أتطمن عليه...قلت ها يابو فلان وينك عسى ما شر.....شان يقول لي أي ما شر أنتي ما تشوفين السوق؟

السوق نازل

ضغطي نازل

سكري نازل

أنا بس أبيك تروحين الساعه 12.30 و توقفين سيارتك عند بنك الخليج و قهوة سكوند كب و شوفي وجه الرياييل لمّا يطلعون من البورصه....كل واحد وجهه اشطوله كأنه مطّاعه و طايره بوهتهم....متخدين و قاعدين...خليها على الله....الله كريم


6 comments:

Diver said...

الدنيا كما قال الحكيم أحمد عدوية حبة فوق و حبة تحت
و الناس مو راظية تنطر لين يرتفع السوق يبونة كله فوق ماكو سوق بالعالم كله فوق
ثانيا اذا في ناس تخسر يعني في ناس تربح لفلوس بالسوق ما تختفي
والشاطر يربح حتى و السوق نازل أو الشاطر ينزل السوق عشان يربح
شرايج

Anonymous said...

Diver, المسألة جان زين مسألة نزول السوق المسألة هالتلاعب اللي قاعد يصير و انعدام الشفافية..شوف اشصار بسهم الأهلية مو حرام؟؟ احنا شنو ذنبنا؟؟
شنو ذنب اللي على الله و على هالجم بيزة اللي يطلعها علشان يشتري نفانيف العيد حق عياله ما اقول الا حسبي الله ونعم الوكيل..طلعت حسبتي غلط للمرة الأولى

Diver said...

Reema
خليني أقولج ذنبج عن طريق مثلين كويتيين توارثناهم إحنا الفقارة و هم يبينون العقلية الكويتية من الممكن وايد راح يعارضوني لكن يالا و الأمثال أهم
أولا: الفقير ولد عم الجلب
ثانيا: الفقير فوق لبعير و عضة الجلب
عرفتي ولا لأ

esetch said...

أشوة ما عندي أسهم

مو ناقص ضغط وقرحة

Sheba said...

thag6 & sukar nazil,, CHAN ZAIN!

Anonymous said...

شوف اشصار بسهم الأهلية مو حرام؟؟ احنا شنو ذنبنا

حرام

 
template by Purplecious