Tuesday, December 13, 2005

يا جماعه أنتو مو ملاحظين حالة التسيب و اللامبالاة بين الشباب الصغار...أنا أقصد اللي تتراوح أعمارهم بين 14 و 18 سنه...أول أمس كنت قاعده مع أخوي المراهق...اللي ينتمي حق نفس الفئه السنيه هذي...ما تتخيلون شلون طارت بوهتي....مو معقولين المصبنه...و مساكين مدرسينهم...مع الأخذ بالاعتبار أن أخوي عنده نوع من الخوف حق أمي و أبوي....هذا و اهو يخاف جذي!...أنا اقترح الغاء النظام الثانوي للبنين و تحويلها جميعا الى مدارس عسكريه...عشان على الأقل يتعلمون الأنضباط و الجديه في الحياة...مو مثل الحين

هوي هوي يا ناقتي

10 comments:

Diver said...

والله المشكلة مشتركة و منتشرة والي ملاحظة ان الشباب حاليا ما عندهم احترام حق أحد يكونون بمكان عام و تشمعين السبات الي بالي بالج(من السر و نازل) علنا و بصوت عالي و يكون الواحد مع مرتة و عيالة
بس صدقيني الموضوع مرتبط بالتربية بالبيت لاني شفت قلة قليلة من الشباب المحترمين لان عوايلهم مراقبينهم زين
الفكرة كلها بان الجهد اللازم عشان يطلع الشاب سوي هلاايام اكبر بكثير من الجهد الي كان مطلوب سابقا
والعوايل الله خير هلايام كله مشغولين عن لعيال فشتبين منهم يطلعون

nanonano said...

Diver:
أنا معاك العبء الأساسي يقع على البيت هذي مافيها كلام...بس الولد يقضي تقريبا 8 ساعات من يومه بالمدرسه مع نوعية طلبه و آسفه نوعية مدرسين لك الله عنهم

Diver said...

كلامج مضبوط 100% ومن أهم الأمور الي الواجب ان الأهل يتابعونها الصحبة و مثل ما يقولون الصاحب ساحب و انا اعني هني حتى معرفة من اصحاب الولد او البنت بالمدرسة انا اعتقد ان بهذا الوقت لازم يكون الوالدين عندهم جهاز إستخبارات مصغر معني بمصلحة الأولاد و انا هني ما اتغشمر لازم يكون عند الوالدين طرق لجمع المعلومات عن الأولاد و اصحابهم و الأوقات الي يقضونها بعيد عن البيت
أما عن المدرسين و خاصة في المدارس الحكومية فهذا موضوع يفتح جروح كبيرة و كثيرة حادثة وحدة كمثال وهي ان احد المدسين حاليا من جنسية عربية يتغشمر مع الطلاب و سبونة و سبهم لا و السبات تعور لو تسمعينها (ما اقول الا الله يرحم اساتتذتنا) و الله كريم

nanonano said...

Diver:
عليك نور أنا هذا قصدي الأساتذه....على قولتك الله يرحم مدرسين أول

بومريوم said...

المدرسين شنو يقدرون يسوون؟
يقدر مدرس يزف طالب؟ مانى قايل يطقه

بعدين تخيلى مراهق..مليان طاقه و فلى مرحلة تغيير
وين ممكن يفرغ طاقته؟

و اذا كان الوالد نايم 18 سنه و فجاه يكتشف ان الولد كبر و يبيله تربيه

المشكله الاساسيه محد يبى يبذل جهد بالتربيه

Purgatory said...

It will fix itself soon, just wait and see, things change in cycles, and this cycle is bound to be done soon and a newer, dark cycle will engulf all.

Shurouq said...

نانو
اخوي عمره 22 سنة وبعده في مرحلة التسيب واللا مبالاة اللي تقولين عنها

الوالدة تقول آنا اللي دلعته

Zaydoun said...

انتو ناسين ان وايد من هالمصبنة أهلهم تربوا على التسيب أصلاً

chatterbox said...

النظام العسكري لازم يبتدي من مرحلة الطفولة مو من الثانوية لان وقتها يصير ماكو فايدة
الله يعينا

Babby said...

eeeeh wallaaaaaaah 9AJJA !!!

allah yaster men el ajyal el yaya .. o0 yaster 3ala e3yalna ma yendara eshloun eb ye6le3oun :(

 
template by Purplecious