Wednesday, November 30, 2005

السلام عليكم...أشلونكم....لا تواخذوني...بس أنا كنت في أجازه قصيره مع بعلي...رحنا بيروت...أدري بتقولون يا حبك حق بيروت...بس من صجي من أوصل هناك...أستفل...مو عن شي...بس كنا أنا و زوجي محتاجين تغيير الجو هذا...المهم رحنا و استمتعنا و أحلى ما كان بالرحله المجموعه...كانت خوش مجموعه...أنا أول مره أروح بيروت شهر نوفمبر...وايد يازت لي...وايد رايقه...ما فيها ضبّة خليجيين...و اللبنانيين الموجودين نفسهم أهل بيروت...لأنهم عادة في الصيف يكونون مسافرين ... تدرون شنو اللي لفت نظري في السوليدير...كان العموم أم و أب و أطفالهم...و الأطفال تتراوح أعمارهم من سنه الى 8 سنين...يعني عز اللويه ما كان معاهم شغّالات..مو مثلنا الشغالات أكثر من اليهال في مرينا كرسنت...عموما خوش سفره...و ولهت عليكم


7 comments:

Diver said...

الحمد لله على السلامة

meWHO! said...

welcome back..was there also..
العوايل مع يهالهم يلعبون بالقواري شكلهم كان يونس

nanonano said...

Diver:
الله يسلمك...شكرا

meWHO!:
really!!!! i hope u enjoyed your time too
مو كان يونس...sooo healthy

esetch said...

حمدالله على السلامة

إشيبتيلنا حلوى ورهش

8-)

Shurouq said...

وآنا أقول الديرة كانت ظلمة

ببيروت، بالكويت.. عسى دوم مستانسة نانو

Alia said...

الحمدالله على السلامة
أنا معاج بيروت وايد حلوة في هذا الوقت

*ولو إنني احبها دايما وفي اي وقت

Broke said...

عليكم بالعافية

حتى احنا ولهنا عليج

 
template by Purplecious