Sunday, November 20, 2005

بو مريوم يوز عني

بو مريوم الله يهداه أعلن الحرب علي و السبه اليقط....يا جماعه طول عمرنا نعرفه يقط مو أقط...و تبون الصج أهوه شي ما يسوي النجره عليه....الله يزيد النعمه...حليب غنم مجفف...و على قولة ماد م كأنه حجر جيري....و فيه ريحه تشمها لو أنت على بعد كيلو...هذا غير الوصخ اللي يطلع منه أذا حطيته بحلجك....بصراحه شديده ما أعبّر
عليه...فيا جماعه...أنتوا تعرفونه باليقط و لا الأقط؟

23 comments:

Tareqish said...

el "eg6" heya kelma gadeema yatadawalha kebar el sen yadee o yadetee wa hathee el mada 3ebara 3an 7aleeb khayes entahat sala7eeta kan e7aloon feeh eshloon madree bedal el kakaw wel "yege6" testakhdam men el jeel elee ba3ad ajdadna ! hatha kel elee a3arfa .

nanonano said...

Tareqish:
تبي الصج مساكين من فقر البيئه أول...يحلون باليقط...أنت ما تسمعهم اشلون يتحلون على البمبر بعد...و اهوه ماده لزجه مرّه ما تنوكل بس هذا كان حدود امكانياتنا قبل النفط

بومريوم said...

هم ما جاوبتى على الاسئله

بعدين لا تستهينيين بالاقط..
فى أسر كثيره يقوم أقتصادها علة التداول بالاقط و مشتقاته

True Faith said...

أقط

it stinks I don't know how my grandmother likes it..laa o ba3ad mashed with dates.

الله يديمها نعمه

nanonano said...

بو مريوم
ولا راح أجاوب...لأني ما أعرف الأجابات...و لأني مو مبلتعه مثلك
:p

بومريوم said...

TF
mashed with dates
يسمونه بثيث..و هى اكله فرنسيه مشعوره لا تقدم الا فى المطاعم الراقيه

نانونانو
أنا مبلتع؟:(
انا و الله أمشى يم الساس
زين منو يتبرع يجاوب و له منى 1/2 كيلو أقط بالمكسرات؟

SaS said...

ماعرفه شنو هذه؟

كله انسى said...

أقط؟ انا اللي اعرفه يقط :)

نون النساء said...

لالي اعرفه يقط

ويسوونه من الحليب عن طريق طبخة

يصير المادة الجامده فيه ابروح والماي ابروح

ويجففونه بالشمس

:P


امي اتسويه مع انواع مختلفة من البقوليات

يسمونه سليق

O_o

Diver said...

والله احنا نعرفة اقط بس فيه ناس يسمونة يقط
ترى مو فارقة الظاهر انه قبل أهل شرق يسمونة أسم و أهل جبلة اسم ثاني بس الحين نفس الشي اقط و يقط

esetch said...

يقط

NYchick said...

الكشك مو يقط؟انا احب الكشك( فطاير الكشك بالتحديد)


بومريوم
هى اكله فرنسيه مشعوره لا تقدم الا فى المطاعم الراقيه

مشعورة يعني متروسة شعر؟
:P

Alia said...

i think it's يقط

بومريوم said...

متروسه شعر..و ساعات أظافر محنيه:P

Anonymous said...

أعتقد بان التسمية الصحيحة له هي: اليقط

هو عبارة عن لبن وملح, يخلونه لما يتخثر, عقبها يحطونه بقماش خفيف يسمونه ململ, هو نفس القماش اللي كانو يسوون منه دشاديش حق اليهال لما يطهرونهم, طبعا بزمان أول

ويعلقون اللبن بالقماش, ليمن يقطر منه كل الماي اللي فيه, ويصير جنه عجينة, وبعدين ياخذون قطع صغيره منه ويكورونها, ويخلونها تنشف


طبعا وجود الشعر والبقايا البشرية, شيء عادي, ويزيد بالنكهة والفليفور

معاكم الشيف رمزي


Kuwaiti_Man

Anonymous said...

ذكرتوني بالخريط

أحد منكم يعرف وين أحصله؟

3afoor said...

أهل شرق و جبلة يسمونه يقط
إقط غلط مثل وايد كلمات تغيرت طريقة لفظها مع الوقت لكن انا سمعت وايد ناس يقولون اقط بس اهيه محرفة 100%
و بالنسبة للخريط فمرة شريته من سوق اليمعه بس ما ادري اذا على طول موجود والا كان صدفة

Anonymous said...

شكرا يا اخ عافور على المعلومة

بس أنا عندي مشكلة بروحة سوق الجمعة, أغلب الموجودين هناك حرامية, وتنبعث منهم طاقة سلبية قوية, تتعبني فأحس بان جسمي تعبان وأصدع وأحس بإكتئاب

جربت أحمي الهالة عندي عن طريق ال
Aura shield
وهي صج تنفع, لكني أصير جني أنا معزول عن العالم وعن اللي حوالي


Kuwaiti_Man

بومريوم said...

بس:)
تكفه حطى بوست يدي:)
فضحتينى فى الاوساط البلوجيه

Brava Valentia said...

اليوم قريت الاسم على الكيس طلع

أقط !! والله أعلم
;-p

bo7athreb said...

بومريوم
تكفه غلط.... حق البنت تكفين
نانو
بطلي موضوع يديد على هالااساس
:p

chatterbox said...

اللي اعرفه يقط
بس شرح بومريوم لوع جبدي اظافر محنية وييييييع
( مع الاعتذار لبو مريوم)

mishari26 said...

لا يقط و لا أقط

الصح هو إقط

 
template by Purplecious