Tuesday, November 08, 2005

يوم الجمعه رحنا أنا و زوجي و صديقتي أم صفنه و زوجها فيلم السفاره في العماره....رحنا سينما الكوت...و قعدنا في آخر 4 كراسي....من صجي كانت آخر أربع كراسي...و احنا داخلين الفيلم سألني زوجي تبين شي؟ ما أدري ليش قلت له أبي فشّار حلو و مالح...مع أني مو زود مع الفشّار...المهم قعدنا و ما أدري شنو ياني...شان أقرر أني أخض الفشّار عشان يختلط المالح و الحلو...فاستجمعت كل قواي ......و خضيت....اللي أقدر أقولكم أياه أن اللي جدامنا تسبحوا...بالفشّار...طبعا أنا بهاللحظه...ما عرفت شنو أسوي.....وكالعاده غشيت من الضحك.....اللي معاي كلهم قاموا يتأسفون حق اللي جدّامنا... و أنا ماني قادره أتكلم من الضحك...بس لمحت نظرة الغضب من زوجي...و صديقتي أم صفنه لاحظتها أهيه بعد...شان تقول لي زوجك عصّب عليك...قلت ما عليه...أركب السياره معاه و يزفني...و هذا فعلا اللي حصل...ركبت السياره و انغسلت غسله...بس صدقوني الضحك اللي ضحكته كان يسوى الزفه

الفشّار=popcorn

27 comments:

Jan6a said...

i do that sometimes hehe. Key is, get 1 large caramel and 1 small salty, share the big one with your friends till you have enough space to mix in the small one in. Ma agu9 3alaich, there will be a mess bs inshala not "zafa-worthy".

bora bora said...

السالفة تضحك ، ما عندهم سالفة يعصبون
هذا فشار مو بيبسي

بس أهم شي في الموضوع ، شلون فشار حلو ومالح؟ تخلطين بو كراميل مع بوملح؟؟

nanonano said...

Jan6a:
والله خوش فكره راح أجربها

bora bora:
أي أخلط بو كراميل مع بو ملح...فيصير وناسه ما تدرين شنو راح يكون ريقك حلو و لا مالح مع كل أكله

chatterbox said...

لووووووووووول
موتيني من الضحك
هالسالفة على كثر ما تتكرر على كثر ما اضحك عليها كل مرة :)
وعجبتني سالفة الخلط راح اجربها :)

Mr.Tea said...

hahhahaha bas ma fahamt lesh zafech ?

ilbarda said...

nanonano

ma ityozeen min sewalfich. zain sawa raylech

Zaydoun said...

nano

الظاهر اني عاديتك بالثوالة، بعدين انا خبري اسمه نفّيش بالكويتي

:-P

nanonano said...

chatterbox:
جربيها راح تتولعين

Mr.Tea:
ببساطه شديده لأني ما تأسفت من اللي سبحتهم بالنفيش

ilbarda:
يا حافظ ليش زين سوا!!!أنا ما سويت شي مسموح للأنسان أن يكون شويه
clumsy

Zaydoun:
تصدق نسيت....ما أدري ما طرا على بالي

NYchick said...

نانو
بصراحة لو انا الي انتثر على النفيش كان عصبت
خاصة اني اروح السينما في الكويت مغصوبة و بعد جهود دبلوماسية من الاهل

ya3ni said...

9ij eni a7ebech o chethy,, bs lo ana mokanhom.. o sheftech teth7ekeen.. chan walla 7akeetech rashdi.. eli b3ad ma tegdereeen takleen el foshar 3ogba.. :s am sorry

Brava Valentia said...

تعيشين وتاخذين غيرها

nanonano said...

NYchick:
شي طبيعي أن الأنسان الطبيعي يعصب بس بعدين تقولين أشوه مو شي يوصخ...مو؟
يعني حظهم وايد زين....لو كنت قاعده أشرب بيبسي شان هني المشكله...لأني أصير النافوره الراقصه

ya3ni:
ليش
sorry
أخذي راحتك بس صدقيني لو أنا متأسفه شان السينما كلها اسمعتني من كثر ما أنا مو قادره أسيطر على نفسي

Mr.Tea said...

ahaaaaaaaa hhahahaahahhahahhaaahha elmohem eneech estanastay ebthak el yoom hahahh

scorpio said...

tkbureen o tnsean :s bs FUSHAAR hathi min wen m6l3atha allah yhadach in Q8 mangool chithee

Anonymous said...

نانو قمتي تردين ع الكل

Now i like you again :p


اخر مرة رحت السينما ماكان فيه فشار بالكاراميل جان اطنقر ما بغيت ادش الفلم .. بطينية رايحة عشان الفوشار ولا الفلم مادري !

Diver said...

عندي سؤال واحد ليش فشار مو نفيش أحنا في الكويت نسمية نفيش ؟؟؟؟؟؟؟

we;oiru;tigjdg said...

enty rylech zaffach bel sayyarah, ana lo rayly chan 6alla3ny mn el cinema jeddam el 3alam o radny el beit!! la o chan ma ye6la3 m3ay leeh sina jeddam :p
p.s. ya meleq kelmat fushar, lo gayla popcorn wayed abrak lech ;P
btw.. esh salfat el word verification??

Tareqish said...

Diver : atwaga3 coz yentefesh :)

JuSt Me said...

aham shai how is the movie? 3asa etha7ek? wedy aroo7lah bs madry if its worth it.

shosho said...

How come the mother of ancient kuwaiti dialect says fshaar and not niffaish?

الجاحظ said...

UmNaser

rayelha maskeen wena o ween el zaf... hatha etha mo ehya tzefa.. she even said e`7ezney wath7ak el thaher he looks funy when he does that :)

wafaa said...

لوووووووول نانو... انزين زوجج وصديقتج عصبوا.. بس الناس الي تسبحوا ماقالوا شي؟؟؟
جد ضحكتيني...

we;oiru;tigjdg said...

الجاحظ:
yes u r right, wel daleel 6al3een ehya o rayelha elyom marina mall wala chenna shai 9ar ;PPpPp
allah la y5leehom mn ba3a'6 enshallah ;)

nanonano said...

للكل:
والله العظيم يوم أكتب موضوعي هذا ما طرا علي نفيش...الله يعفي زيدون باشا اللي ذكرني...راحت عن بالي...لأني ما آكل نفيش...بس ذاك اليوم ما أدري شنو طرا علي

Anonymous:
والله مو قصدي...بس ماكو مقاقه

UmNaser:
مالي خلق اللي يحطون اعلانات عشوائيه على المدونه...

JuSt Me:
زوين...وايد مقطعين من الحوار

wafaa:
ببساطه شديده لأ لأنهم ما انصدموا من النفيش

Purgatory said...

next time shake yourself, that causes less vibrations in the surroundings.

W. said...

a7la shay lain elwa7d ghesha mn ilth7k wil mawqef mo7rej.. was3ee sadrek bs!

u remind me of my sister.. thak youm wa7da jayya btsallem 3alaina and she tripped on her way,, ma anathr illa ikhty mnba67a 3ala il arth mn ilth7k! which made ME laugh hysterically..which made the girl who wanted to say hi to us give us the finger and walk away... then we laughed harder

bs tsadgeen.. i think we just wanted to laugh 3ala ay shay.. ya beekhna bs

Anonymous said...

7anna7inno

تدرين عاد ؟؟

يا شقول شنووو مهضووومه انتي ودمج عسسسسل .. عسى الله يخليج حق ريلج ويتمم عليكم

 
template by Purplecious