Tuesday, March 22, 2005

ألي أبي و أمّي مع التحيه

أمس كان يوم الأسره..بس أحلى شئ في الموضوع كان أذاعة 103.7 طول اليوم كانت تذيع أغنية الى أبي و أمّي مع التحيه..تذكرون هالمسلسل..ما أعتقد في طفل أو طفله..مراهق أو مراهقه ما تابعوه..والغريب أني أمس من سمعت أغنية المقدمه قمت أغني معاها..ما نسيت الكلمات..وكلمات المقدمه على بساطتها حلوه..يا أبونا و أمّنا يا سند بيت الهنا..أحنا ما ننسى فضلكم
أول شئ فكرت فيه كان أني أتصل على أختي و هذا اللي سويته..قلت لها ليش ما تشترين حلقات الى أبي و أمّي مع التحيه عشان بنتها تشوفه منها المسلسل يقوي لغتها لأنها تعودت و للأسف ما تشوف ألا كرتون للأطفال بالأنجليزي و بنفس الوقت مسلسل يونّس..وكلنا راسخ في ذاكرتنا هالمسلسل..مو صح؟

15 comments:

ولاّدة سابقاً ... رانيا السعد ...رانية المنيفي حسب الأوراق الرسمية said...

نانو
ماكو مراهق ولا مراعقة!!!
نانو من فئة عمرية معينة وإلا جيل الثمانينات ..زملاءنا في العمل حالياً لم سمعوا بهذا المسلسل


ولكن ذلك لا يمنع كونه خفيف طينة أيام كنا نعجب بهدي حسين العقل

الحين ما يجيب راسنا إلا بروس ويليس وأنتي رايحة....صرنا أصعب

مبتدئ said...

الله!

لم أكتشف هذا المسلسل إلا بالثانوية..

تخيلي كانوا يحطونه على القناة الرابعة أول ما اطلعت.. الساعة 3 الفجر

وكنت أسهر أشوفه بعدين أنام

بعد كل حلقة يجيني احساس بالتصفيق الحار لمن شارك في هذا المسلسل..

واغنية المقدمة روعة

True Faith said...

Never heard of it ??!!!

nanonano said...

True Faith:
اعتقد أن أنتي و زوجي الوجيدين في الكويت اللي ما سمعتوا عن هالمسلسل..كانوا يعرضونه بالصيف

Jelly Belly said...

allaaaaaah nanonano...7ayat AlFahad o Khaled AlNefaisi abda3o fel mosalsal...I used to love watching it...another favorites are abla Emainera...o 7ababa..nesait ishloon tabdee e7zayatha...al9owani tedor ma adree shino...hahahahhaa...9ij thekrayat 7elwa....your last post shawagteni 3ala aflam so3ad 7osaini o al7een 3ala mosalsalat gabel...eeh those were the days!

nanonano said...

Jellio:
حمدالله على السلامه...شلون سفرتك؟؟ولهت عليك؟؟؟بشري شاخبار نيويورك؟؟

Zaydoun said...

تذكرون الحلقة اللي حلمت فيها حياة الفهد ان زوجها تزوج السكرتيرة عليها؟ كانت تموت من الضحك

وتذكرون جارتهم الملقوفة اسمهان توفيق؟

Nooni said...

i dont know this musalsal?!! although i am not that young!

True Faith said...

nanonano,

Add nooni to us :)

nanonano said...

زليخه العزيزه..يا ريــــت أتدزين صورتك بالوقت الحالي بالدراعه

nanonano said...

يا جماعة و الله زليخه مو قاعده تكذب هذا شكلها صج..حجاب و عباة و سيارتها رياضيه غاليه جدا..أقول التناقض شلون صاير؟؟

AnGeL said...

alaaaaaaaaaaaaa wala a7la mosalsal , oo lo y3eedona alf mara a6al3a oo ana mistansa oo mindamga>

wala hathy il mosalsalat il san3a, mo mosalsalat fajir il si3eed ;/

2 Second Club ® said...

أنا بعد ما عرفه

*The Don trying to pass as young here* LOL

nanonano said...

الى جميع اللي ماتعّرف على مسلسل الى أبي و أمّي مع التحيه..طافكم

;-)

esetch said...

أشوه مو بس آنه الشايب

 
template by Purplecious