Tuesday, March 22, 2005

طاير من الفرحه طاير

اليوم عقب ما سكّر السوق..و أنا اهني أقصد سوق الكويت للأوراق الماليه..و صار وقت أعداد الأعمال المكتبيه للتداول اللي تم..أكره جزء من اليوم..المهم و أنا قاعده أستعد حق هالجزء الممل..رن تليفوني و أشوف أسم زيدون..ها بو الزي أشعندك؟؟ شـــــــــان يزف لي بشرى..أسمك طلع بالمحضر..جاوبته أي محضر؟؟..قال لي دخلي ساحة الصفاة وراح تعرفين..
المهم دخلت...هـــــــــــــــــــــــــــــــــا(المقصود هني شهقه) بو راكان يقرا مدونتي!!!!!ما أقدر أوصف لكم السعاده اللي أنا فيها..بالضبط..بالضبط شعوري الحين طاير من الفرحه طاير..لأن ما أقدر أوصف شلون أنا معجبه بو راكان و أيام الجامعه كذا مرّه أشوفه بس ما أجرؤ أني أكلمه.

5 comments:

Zaydoun said...

نانو... ما قلتلكم من زمان ترى بو راكان يتابع وكلها كم يوم ويأسس مدونته الخاصة؟ وانتي كله تقولين لي أهدي اللعب لا يجروني المخفر؟

شرفت ونورت يا بوراكان، وأنا ناطر أوتوغراف عندي بعد

nanonano said...

هلا و الله..أسفرت و أنورت..والله العظيم أن شرف لي توقيعك على مدونتي..و حتى قعدت أقول حق زيدون والله فشله..بو راكان يقرا هالخرابيط اللي أكتبها..بس عموما أهلا فيك في مدونتي المتواضعه جدا

:-)

Zaydoun said...

استانسي وانتي ساكتة.... أنا انزفيت

nanonano said...

me personally can't wait till Burakan's blog comes out...because will be benefited from he's experience

Purgatory said...

So you are actually saying you did some work :)?

 
template by Purplecious