Monday, January 17, 2005

يا ماشي

اليوم قعدت من النوم و أنا أدندن أغنية عبدالله رويشد..يا ماشي درب الزلق لا تآمن الطيحه..حب يرفعك سما و حب يقطك قاع..مع أن أنا مو هذا ذوقي بالأغاني بس "حب يقطك قاع" بديت أفهمها ..لأن تأثير الشخص اللي تحبه على مسار حياتك وايد قوي فاذا كان هالحبيب أنسان غير مسئول.. و ماله أي هويه..آسفه مو قصدي هويه كل انسان عنده هويه..ماله أي خط سير.. هوائي..فبأمكانه أن يسحب الشخص الآخر الى الحضيض معاه..ما أدري فهمتوا شنو قصدي و لأ!!؟؟

9 comments:

Shurouq said...

فهمنا نانو
بس من وين طلعتي الاغنية الله يهداك؟
عالعموم.. ما تنفع اللي غرق الونة والصيحة، صح؟

cosimfree911 said...

eeeeee walaaa akoo 7ob eyge6k gaa3 ooo es2al emjarb

fee nas et3rfhom b3d modaa ooo et7saf 3alaa kel degeagaa kent ma3ah lalasaf fee nas tafhean wayed bel kwt sorry bs albnat saraw wayed sa67eyan

alaah eyjazee elly kan alsbab

laaa lazem anazel ale3'nyaa
see yaaa

cosimfree911 said...

hathaa lik 7ag ele3'nyaaa


http://www.rowaished.com/ram_file/darb-elzalag.ram

have fun

nanonano said...

Sherouq:
أنا مو وايد شريه ولا وايد حليوه بس أنا قاعده أنطر مقطع.. ما تنفع اللي غرق الونه و الصيحه

Cosimfree911:
حياك الله في مدوناتي و مشكور على الأهداء..بس أنا أتفق معاك الجيل الجديد سواء الشباب أو البنات فيهم درجه غريبه من السطحيه

bora bora said...

ماله أي هويه"
"ماله أي خط سير


كأنهم يمشون في خط متعرج
مرّة يمين و مرّة يسار ، ما تدرين شنو اللي يحكمهم
أهواءهم أم دينهم أم عاداتهم وتقاليدهم
صار من الصعب إني أقول " أعرف هذا الإنسان حق المعرفة
لا الزوجة تعرف زوجها ولا الإخت تعرف أخوها ولا الأم تعرف عيالها !

people are becoming unpredictable

nanonano said...

borabora darling:
و حياتك ما يحكمهم أي شئ..الشئ الوحيد اللي صار شغلهم الشاغل الحين أهوه الوناسه

bora bora said...

nanonano: soooooooo true

ولاّدة said...

اسمحي لي نانو أن أختلف مع فكرة الأغنية ... ففكرتها حب يرفعك سما وحي يقطك قاع

في حين من خبرتي الطويلة في عالم العشق الصادق أجد أن نفس الحب يرفعك سما في يوم ويقطك قاع في اليوم الآخر لا لعيب في الحب أو الحبيب ولكنها طبيعة البشر وتقلبات الحياة

ويبقى السؤال من وين طلعتي الأغنية ؟

nanonano said...

ولاّده العزيزه قلت لك قعدت من النوم أغنيها يمكن عقلي الباطن قاعد يفكر في غدا سانتقم..الفيلم طبعا
;-)

 
template by Purplecious