Monday, March 29, 2010

لها الدرجـــــــــه؟؟!!؟

.
.
.
تحديث
.
.
الصحه: أستئناف العمل بأجراء
.
عمليات التصلب العصبي
.
من الأحد المقبل
.
.
.
شكرا جزيلا
.
و الله يعطيكم العافيه
.
*******.
.
تحديث
.
.
.
noura said...
.

العملية جدا بسيطة واذا ما فادت فمراح تضرالعملية
.
عبارة عن قسطرة ببنج موضعي يتم من خلالها فتح
.
انسداد في شريان مهم في الرقبة يوصل الدم الى المخ
.
وتركيب دعامة حتى يتوسع وما يتسكر حاله حال
.
عمليات قسطرة القلبلوحظ انه هذا الشريان منسد عند
.
جميع المصابين بالتصلب يرجى البحث عن مكتشف هذا
.
العرض اسمه دكتور باولو زامبوني
.
يوجد له فيديو في يوتيوب
.
*******
اليوم وصلتني رساله من أحدي الصديقات
.
كان نصها
.
.
غدا في قناة سكوب
.
من الساعه ٣ الى الساعه ٥ مساء
.
مقابله مع السيده أميره المشهود
.
نائبة جمعية التصلب المنشر
.
و ذلك لتوقف العمليات العلاجيه من
.
قبل بعض الأطباء
.
نبي فزعتكم يا أهل الكويت
.
.
.
دقيت على صديقتي اللي أدري أنها
.
تعاني من مرض ال أم أس
.
اللي أهوه بالعربي التصلب العصبي
.
و أهيه نفسها اللي دزت لي الرساله
.
أسألها..لأني ما فهمت أو مابي أفهم
.
أن دكاتره عندنا بالكويت
.
لها الدرجه انعدمت منهم الأنسانيه
.
و قاعدين يحاربون الطريقه العلاجيه
.
الجديده..اللي ردت الأمل حق كل مريض
.
يعاني من هالمرض
.
سألتها شنو الموضوع؟
.
فردت و أهيه كلها حرقه
.
تخيّلي..دكاترة الأعصاب عندنا بالكويت
.
هني حاربوا هالعمليه..عشان يستفيدون
.
تقول لي..هالعمليه اللي مسويه
.
ضجه و ثوره بالعالم هني بالكويت
.
منعوها أول أمس
.
لغرض في نفس يعقوب
.
اللي أهمه دكاترة الأعصاب
.
صديقتي هذي سوت العمليه
.
و أهيه تقول التحسن في حالتها
.
قاعد يصير بشكل يومي
.
و كانوا ٣ دكاتره شباب كويتيين
.
أهمه اللي قاعدين يسوونها في
.
مستشفى مبارك..ياهم أمر بأيقاف هالعمليه
.
من غير أي سبب
.
اللي أقدر أقول له
.
حرام عليكم اللي قاعدين تسوونه
.

18 comments:

مركبنا said...

سلامتها رفيتج وما تشوف شر

وحدة من صديقاتي تعاني من نفس المشكلة وتوها رادة من المانيا وبعدها قالوا عن العملية الجديدة لما دقت على دكتورها قالها اهيا ممنوعه عندهم وقال لها قولى حق حق المصابين عندكم ديروا بالكم من العملية !

دكتورها وااااايد ممتاز
وااايد خرعها وقال لها وخري عن العملية !

فريج سعود said...

نبي تفاصيل اكثر والي يرحم والديج

كويــتي لايــعه كبــده said...

شرحي أكثر
شنو هالعملية؟
وشنو فايدتهم من توقيفها؟

nanonano said...

مركبنا:

الله يسلمج عزيزتي

ممكن تكون عمليه جديده و في بعض الدول عليها تحفظ..بس اللي أعرفه أن مسموحه في وايد دول..و ترا العمليه بحد ذاتها مثل ما شرحت لي صديقتي مو وايد خطره..و حتى لو كان السبب الخطوره..خل يطلع وزير الصحه..و يتكلم يقول شنو أسباب المنع..ما يصير يعاملون البشر مثل القطيع..لازم يحترمون عقولهم و يفهمونهم

nanonano said...

فريج سعود
و
كويــتي لايــعه كبــده:

هذا الويب سايت اللي فيه كل معلومات العمليه

http://csvi-ms.net/en

أنا أدري أنكم مو من مشاهدين سكوب
بس يا ريت اليوم تسمعون من السيده أميره اللي أهيه أول وحده بالكويت سوت العمليه هذي

أنا ما أقدر أعطيكم تفاصيل أكثر من جذي..لأن أخاف أخوره..بس تشيكوا الويب سايت

جنة الحواس said...

اذا كانوا فعلاً خايفين من العملية كونها اكتشاف جديد ممكن نفهم خاصة إن أميرة المشهود يوم طلعت بمقابلة صباح الوطن قالت إن منظمة الصحة العالمية لي الحين ما اعترفت بالعملية و تحتاج وقت .. لكن يوقفونها عشان يستفيدون هذا اللي ما يدش العقل !

nanonano said...

جنة الحواس:

شكرا..المفروض..يطلعون و يخاطبون الناس و يفهمونهم..أذا صج يعتقدون أن هالعمليه خطره أو غير مضمونة النتائج..و بعدين..خل المريض يقرر أذا يبي يسويها و يخاطر و لا لأ

جنة الحواس said...

U are so right ..

العملية فعلا شعاع أمل بالنسبة لهم لأنها العلاج الوحيد لمرض الله يكافينا الشر لا مفر منه .. صج الله يعينهم عليه
أنا تعرفت على معاناتهم و قريت عنه أكثر من خلال مدونة يوميات متصلب عصبي كويتي

U might like to share these link with ur friend

http://q8msblog.blogspot.com/

http://q8ms.blogspot.com/

noura said...

العملية جدا بسيطة واذا ما فادت فمراح تضر

العملية عبارة عن قسطرة ببنج موضعي يتم من خلالها فتح انسداد في شريان مهم في الرقبة يوصل الدم الى المخ وتركيب دعامة حتى يتوسع وما يتسكر حاله حال عمليات قسطرة القلب

لوحظ انه هذا الشريان منسد عند جميع المصابين بالتصلب

يرجى البحث عن مكتشف هذا العرض اسمه دكتور باولو زامبوني يوجد له فيديو في يوتيوب

nanonano said...

noura:

أخت نورا..شكرا جزيلا على المعلومه

Abeer said...

نانو

الموضوع عامل ضجة في العالم كله
وكثير من أطباء الأعصاب رافضين الاعتراف فيه لأنه ينسف كل النظريات اللي صارلهم سنين يعتقدون فيها حول هذا المرض


href="http://www.nytimes.com/aponline/2010/03/22/health/AP-US-MED-HealthBeat-MS-Bad-Veins.html?_r=1" link

Abeer said...

نانو

لم يثبت ان كل المرضى يعانون من انسداد الشريان

ارجو تصحيح المعلومة حفاظا على عواطف المرضى


http://news.bbc.co.uk/2/hi/health/8509106.stm

bent el deera said...

حسبي الله عليهم

why me said...

ليش الموضوع مسوي ضجه بالعالم؟؟


اكتشفوا شي غلط؟


ولا شسالفتهم؟


!!


أبي أفهم أكثر

nanonano said...

why me:

عزيزتي أقري تعليق الأخت عبير راح تفهمينه..لأنها أهيه شارحته بطريقه وايد بسيطه

عاجـل said...

ليش نروح نتعالج في الكويت؟؟

الجواب

عشان نموت

---

سلامات

حسافتج يا كويت said...

اولا ماتشوف شر رفيجتج

ثانيا الدكاترة الشاب بالكويت يعتمد عليهم

الدور والباجي للدكاترة الكبار ومو كلهم طبعا

ماخذينها تجارة


ومع الاسف لو معاشات الدكاترة عالية جان ما فكروا يطمعون

اعتقد وما احط بذمتي

بس يبون يسوونها بالمستشفيات الخاصة

ليش إذا صارت بالصحة طاح سوقهم

N/A said...

السلام عليكم
:) ضيعت اسم مدونتي وانا ابحث عنها بالقوقل لقيت الاخت جنة الحواس ذاكرتها بالنقاش حول ال CSSVI !

وانا اليوم وبعد توقف سنه ونص ادرجت موضوع عن المهزله اللي قاعده تصير بالكويت بخصوص عملية القسطره!

تمثيلية مريعه مايحدث من قبل اعضاء الجمعية اللي انا ساهمت بانشاءها ولكن الشكوك بتسييس الجمعية جعلني ابتعد عنهم !
عموما .. راجعوا ماكتبته في مدونتي اليوم http://q8msblog.blogspot.com

وكذلك في منتدى الام اس القطري
http://www.mssq.org/vb
واللي اشبعنا فيه عملية القسطره بحثا وردحا!

القصه باختصار كذبه صدقها اعضاء الجمعية
بينما عدد المرضى اللي يتكلمون عنه اهو 17 ألف ..
نجد العدد هو 524 فقط لاغير كما اعلن في مؤتمر الاعصاب في الكويت وبحضور اعضاء الجمعية !!

العملية مسيسه بالكامل .. ومايحدث هو اهانه لمرضى التصلب بالكويت لأنهم يبونهم فيران تجارب
وماأستبعد بصراحه من العمولات بهالموضوع!

انا مريض بالام اس من 92 .. وشخصت في 2005 .. وبحثت ومازلت ابحث عن العلاجات الجديده وعن حالة المرضى على مستوى العالم واللي كثير منهم اصدقاء لي ..

ويهمني مستقبل اخواني وخواتي المرضى .. ومابي دكتور الاشعه التداخلية يتدخل بكل وقاحه بتخصص بروفيسورات الاعصاب في الكويت

لاتنسون ان في حالتين توفوا بسبب العملية نتيجة خروج الدم بقوه!

الكلام كثير في تعرية متسلقي القسطره

لكن ماأضحكني هو كلامهم بسكوب ان مريض الام اس يكلف الدوله 12 مليون دينار بالسنه !!!

قويه :)

من استمرأ الكذب في عدد المرضى .. يستمرؤ الكذب في أشياء أخرى

تحياتي

 
template by Purplecious