Monday, March 08, 2010

وينها؟؟؟؟

.

.
.
.
ليش كلمة..عيـــب
.
أختفت من القاموس الكويتي؟؟؟
.
.

46 comments:

أبو جيج مع الورقة البيضاء said...

من الديرة إنباقت بالنهار و لا أحد إتحاسب من السراق....مفهوم العيب.....سقط...و للأبد

Spicy Pepper said...

Its a shame really!!! I keep thinking what will my kids be like. I see it now in younger people. Makoo shay isma 7ayya, i do what i want and dont care of the consquences. Everything is 3addi. Wein ayam gabel. im only 34 but i feel its so much different with the 20 somethings, i think the younger ones are even worse. Allah yaster!

Enter-Q8 said...

عيب شهالكلام

MSMAAR said...

ضريبة الحضاره يمكن والهياته بالشوارع
الام مدرسة اذا اعددتها اعددت شعبا طيب الاعراق

قرمت said...

أهو في تربية بالأساس؟

صج لي قالوا إلي أختشوا ماتوا

M$N said...

أحنا من بعد الغزو ومع ودخول الثقافة الجديدة "أمريكان تشكن ناقتس" وأحنا مانعرف العيب

صرنا anti-3eeb

:P

كويــتي لايــعه كبــده said...

من القدوة الغير طيبة

الحرامية ومن ساندهم وصل
والمحترمين محاربين

الفساد انتشر بعد ما كان فقط سياسي الى اقتصادي ومؤخرا اجتماعي بعد ما تشرب الشعب هذا الواقع

بالكويت نفتقر القدوة الحسنة
العكس صحيح أي أن "الخربان" واصل والكل يشهد

جبريت said...

مفهوم العيب موجود ولا زال موجود

لكن اصبح كل من يفسره لحسابه الشخصي كما يفسر الحريه لحسابه الشخصي ويستخدم الفتوى لحسابه الشخصي

ولا كلمة عيب موجود

reemas said...

والله استخدمها وايد مع عيالي
بس لا حياة لمن تنادي

او لا حياء لمن تنادي
هم تنفع

فريج سعود said...

عيب مين والناس نايمين

nanonano said...

أبو جيج مع الورقة البيضاء:

والله يا أبا الجيجاء..يا خوفي أن هالبوقه..صارت الشماعه اللي نعلق عليها كل سلبياتنا

nanonano said...

Spicy Pepper :

أتفق معاج..بالنسبه لي آخر خمس سنين صار أنحدار مو عادي

اللي عنده يهال..صج الله يساعده..لأن راح يكتشف أنه مهمة التربيه كل ما لها و تصير وايد أصعب

nanonano said...

Enter-Q8:

شنو يعني عيب؟

nanonano said...

MSMAAR:

صح..بس هم وين دور الأبو في الموضوع؟؟؟

أول لي دخل الأبو البيت الكل يفز أحتراما..الحين الأبو ما يدخل الا نصايف الليل

nanonano said...

قرمت:

كان أكو..و الله لي الحين أكو..بس مشكلتك..تربي و تتعب و تغرس مبادئ..بس أقليه اللي قاعدين يسوون جذيه

nanonano said...

M$N:

أي مو كــــول أنك تقول أو تفكر أن هذا عيب

nanonano said...

كويــتي لايــعه كبــده:

و هني تيي الخطوره..لما نوصل مرحلتنا هذي في الفساد الأجتماعي

nanonano said...

جبريت:

موجوده؟؟!!؟

وين؟

الريال اللي يقط زبالته بالشارع..ما يفكر أن عيب اللي قاعد يسويه؟

البنت اللي ترقم شاب بشارع الحب..ما تفكر أن عيب؟

المطار اللي يخترق الصف بكل بجاحه و عين قويه..ما يفكر أن عيب؟

اللي بالمجمع يقعد خز وحده مع زوجها و عيالها..ما يفكر أن عيب؟؟

nanonano said...

reemas:

مو بس أنتي..وايد ناس..لأنكم تحاولون تعلمون شي..من يبتدي الولد أو البنت يفهمون..يكتشفون انهم أقليه اللي يتصرفون بهالطريقه

لازم تصير حمله بين الأهالي كلهم..بس منو تحاجين..العموم يبون يطشون..و ما لهم خلق حتى يفكرون

nanonano said...

فريج سعود:

الناس بغيبوبه أصلا..ما يدرون شنو نتيجة أستهتارهم هذا

جبريت said...

انا قلت لج يجير الكلمه لحسابه اذا الشي يضره عيب ما يضره مو عيب وهذا الحال في الكويت تقنين الكلمات لحسابنا لضرب خصومنا

SHOOSH said...

اختفت

!!!


يا لهووووي

!!!

أبوووي يقول كلمة عيب باليوم 6000 مره

nanonano said...

جبريت:

لما يخترق الطابور..ممكن يعرض نفسه للأهانه..لما يقط الوصخ بالأرض..يعطي فكره عن نفسه أهوه..ما صار في أحترام النفس

nanonano said...

SHOOSH :

أي كلنا أبهاتنا و أمهاتنا يقولونها 6000 مره

بس الرك الحين على الأبهات و الأمهات اليدّد يقولونها و لا القرعه ترعى؟

خادم العترة said...

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته


تحياتي

نعيب زماننا والعيب فينا وما لزماننا عيب سوانا

مفهوم العيب موجود ولكن لا يوجد من يستخدمه أو أن يجعله صالح للعمل


فالحضارة أن تلغي بعض المفاهيم والأسس التي تربى عليه المجتمع الكويتي

إلى أن أصبح مجتمع شبه منحل ولا أعلم هل انحل بالكامل أم يوجد بصيص أمل

حيث هجرت الأماكن وهجرت الساعات وهجرت كل ماهو معيوب

حقيقة المرء يحزن حينما ثقافته يتم مصادرتها وتتداخل عليه ثقافة جديدة ثقافة مغلفة بورق هش سرعان ما يتلاشى وسرعان ما يذوب في بحر من اللاأخلاقيات

كل ذلك يحدث ونحن صامتون قابعون متقوقعون في زنازين الماضي وجماله الذي لن ينسى

والعيب كل العيب في هذا الصمت والسكوت عن هذا الغزو الجديد

قيل سابقا إن الكويت وبعض الدول المستعمرة قد استقلت وتحررت من براثن الاستعمار

لكن ذاك الاستعمار استعمار عسكري مكلف مهدد للموارد البشرية والمالية ويكبّد الدول خسائر تلو الخسائر

بينما الاستعمار الثقافي ليس به أي خسائر مجرد بث الفكره في مجتمع جاهل متخلف يقلد كل ما هو جديد بدعوى التحضر والتطور

وما أتى هذا الاستعمار الثقافي إلا ليجردنا من ثقافتنا ومن تربيتنا ومن أخلاقنا ومن ماضينا الذي لا نراه إلا في أحلامنا

فمتى ننتفض على هذا الاستعمار ؟ كفاية استعمار كفاية استهتار ؟

فعلى الكل أن يبدأ بنفسه ومن حوله فالكلام سهل ولكن الصعب أن نطبق ما خطته أيدينا

ختاما
قال تعالى : إن الله لا يغير ما بقوم حتى يغيروا ما بأنفسهم

تحياتي

خااالف تعرف said...

لان من امن العقوبة
اساء الادب

سواء العقوبة الاجتماعية او غيرها

عثماني said...

انا اقولج و انا اخوج

لان كلمة عيب راحت مع الناس اللي يعرفون العيب

:(

الزين said...

بح

راحت مع اللي يعرفون العيب

:)

برأي ان العيب مقياس نسبي يتغير مع تغير المفاهيم وازدياد التعليم والثقافه

عندج مثلا المره قبل عيب تطلع من غير عباية

الحين اللي يلبسون العباية صاروا الملتزمين او الحريم الكبار وبعد مو كلهم

العباية تتعلق بالكبت لمواجيب العزا اسم الله عليج

باختصار اكو شغلات وايده كانت عيب
والحين صارت عادي

وفي شغلات ثابته
كانت عيب ولازالت عيب

يعتمد على البيت
والتربية
والبيئة

:)

The Simper said...

this is very generalization, each individulas 3eeb is different than the other.. maybe a lot maybe little.

the question is, who deems certain matters as 3eeb? and to what and which standards?

if we take certain issues from each chapter of living (religion/culture/politics/work..),then we can really trace the roots of this 3eeb-less acts.

one point to be noted, is 3eeb location-environment-time specific?? or it is applicable to every time and place??

is it that what is in the morning is different than at night?? and what is in this place is diferent than that place??

mtfa2el said...

لأن احنا مجتمع سلبي و بسرعة يمل

يعني حتى اللي يعرفون العيب بينا ملوا من الكلام

لأنهم بكل بساطة
سلبيين
:)

nanonano said...

خادم العترة:

و عليكم السلام و رحمة الله و بركاته

الظاهر أن هجرك للأماكن وايد طال..لأني متأكده أنك لو تطلع الحين راح تحس بغربة شديده..و أزيدك من الشعر بيت..الكل سعيد في روحه..فلا تتوقع أي مبادره من الناس أنهم يغيرون من أنفسهم
بالنسبه لي الوضع
Tooooo late

nanonano said...

خااالف تعرف:

شلون تقدر تحدد العقوبه؟؟

صعبه

الأنسان لازم منه و من نفسه أهوه اللي يعرف حدوده

nanonano said...

عثماني:

أخوي عثماني..و هذا اللي أنا مستغربه منه..ليش بهالسهوله..راحت كلمه مهمه جذي؟؟!!؟

nanonano said...

الزين:

أنا قصدي عن ثوابت العيب..أقط زبالتي بالشارع..في طابور أيي و أقصه من النص و ما أحترم اللي واقفين

هذي الأشياء اللي أنا أقصدها أحترام النفس قبل لا أحترم الآخرين

nanonano said...

The Simper:

يا ريت تقرا تعليقي اللي قبل هذا عشان تعرف شنو قصدي لما أقول وين راحة كلمة عيب

nanonano said...

mtfa2el:

صح..شعب ملـــــــول

ما نبي شي يدقلنا

حسافتج يا كويت said...

اللي أختشوا ماتوا

nanonano said...

حسافتج:

لأ أشدعوه؟؟؟!!؟

في سبيلهم الى الأنقراض

;)

bent el deera said...

معاج 10000000%

مس يور بوست :>

نبراس said...

احنا الحين سرنا بزمن " ان لم تستحي افعل ماشئت"

حسافه بس ..
قيم شكثر طاحت من القاموس الكويتي !


خوش مدونة يعطيج العافية

nanonano said...

bent el deera:

:)))))

شوي..شوي..و ترجع البوستات أن شاء الله

بيني و بينج..البلاك بيري مو مخلي الواحد يهيع..و يركز
;)

nanonano said...

نبراس:

الله يعافيك..أحنا بزمن الكل قوت عينه

نبراس said...

يسلمج ربي

بس انا بنت ,فتاة ,انثى
لوول :):)

nanonano said...

نبراس:

ويـــــــــــــي

مـــــــــــــي ســــــــــــوري

سامحيني..بس المخ مع الكبر صاير ما يثبت كلش

Deema said...

لأن خربوط نقل نقطة الباء من تحت إلى فوق، فصارت عين، و بدال لا يخشون العيب، قاموا يصكون العيـــــن

عاد وينه أبو الحروف؟

SheWaShi said...

eee walla 9ajjaa ;/ .. kelman 9ar 3ndaah 3adii .. allah i3eeenah 3alla il mostaqbaal .. oo ya36eeich il 3afya ;*

 
template by Purplecious