Wednesday, March 03, 2010

تساؤلين..بس

.
.
.
.
.
ليش الرجل الكويتي ما يخلي الطرف الآخر
.
 يكمّل جملته؟؟!؟
.
.
و ليش المرأه الكويتيه تقفز الى النتائج..و يطلع
.
 أستنتاجها خطأ؟؟!؟


40 comments:

Fahad Al Askr said...

هذا جين اللقافة

معروف الجين هذا بالإنسان الكويتي، مثل جين البرودة مال الأسكيمو

مرتبط بسكان هالبقعة الجغرافية

وأتوقع أهو سبب بقائهم لين الحين على قيد الحياة فيما انقرضت كائنات اخرى كانت تسكن نفس المكان

وما أبي أقول منو علشان لا أحد ايي ويقول عني عنصري

nanonano said...

Fahad Al Askr :

ما أدري أذا أنت مار بتجربة..تجمع أزواج و زوجات..و طُرِح موضوع للنقاش..أقبض سوء تفاهم..شي مو طبيعي

و اللقافه..قاتله بالتجمعات..منو قصدها؟؟ هالزوجين أكيد متهاوشين قبل لا يدخلون..و روح بهالأفلام

عثماني said...

بعد كويتيين

شتريين منهم؟؟؟

:)

( شكلي بنسب سب على هالتعليق)

:)

مؤيد لما تفضلت به نانو تماما

اعتقد انها مشكلة بثقافة تلقي المعلومة و توصيلها

أبو جيج يدور نعاله said...

على حسب كلام العم العود فرويد...هذا التناحر سببه عدم التوافق الجنسى بين الزوجين....يعنى مو متفقين بالفراش ينعكس هذا على حياتهم اليومية و من ضمنها النقاش العام....الزوج يحاول أن يفرض إرادته و الزوجة بطبيعة الحال ترفض و تتظاهر بالصداع ...و من المعروف أن العم فرويد يربط كل حيثية فى حياة الفرد بالجنس...و قد يكون محق بذلك و لو كان فرويد متواجد بيننا لقال بأن الحسد أو العين هو سبب هذه الصراعات







ملاحظة هامة: حجابى بنفسجى و مستوحى من حجاب الدكتورة فوزية دريع

nanonano said...

عثماني:

لأ..رواد مدونتي حليوين..محد يسب
;)

بس ما تتخيل أشكثر الموضوع يتعب أذا خذيته بجديات..بس أذا بتقعد كمتفرج..بس التطمش على الوضع..يقلب فيلم كوميدي

بالضبط..بالضبط..تلفون خربان

nanonano said...

أبو جيج مع الورقة البيضاء:

أبا الجيجـــــــــاء..ليش؟ ليش؟ قلبت الموضوع بهالطريقه..المشكله مو بس بين الأزواج..أدخل ديوانيه أو يمعة بنات..نفس الشي..كله السالفه تنتهي بأكمل الفراغ..تحاول التذكر شنو خلص النقاش عليه..ماكو شي..أبيض..لأن أصلا الموضوع ما خلص

mtfa2el said...

مجتمع يفتقد للباقة الإنصات مع شوية شوفة نفس و بهارات سبع صنايع و البخت ضايع

النتيجة
فلم هندي

why me said...

يعني انا ريال
وانا اللي كلمتي تمشي





وهالحجي ينطبق
على الاخ والزوج


لاني اعاني من اخوي
لوول

nanonano said...

mtfa2el:

يبتها صــــــــــح..الكل على باله أن أهوه اللي يفهم..أو أهيه اللي صايده الحركه

و ترا يمكن أنا منهم..بس مو حاسه في نفسي

nanonano said...

why me :

ترا الريال يحب يتشيحط أكثر جدام الرياييل..فلا يضيق خلقج على روحج..اللي يسوي أخوج معاج هم يسوي مع ربعه

;)

جبريت said...

من العيله الي فيهم

ومرض الفهاميه المتوارث

EXzombie said...

محد يبي يفهم
بالكويت الناس تبي تفهم على كيفها
و تبي تعصب على كيفها
و تبي تتحلطم على كيفها

مَـــــعْــــمَــــعَـــــه said...

طال عمرج هذي الامور من قوانين الطبيعه

nanonano said...

جبريت:

العيله...صح..الشعب كلّه ما يوهّلك تبلع ريجك

nanonano said...

EXzombie:

و تبيك أنت أو الطرف الآخر..يرد..صح كلامك..بدون معارضه أو نتفة تعقيب

nanonano said...

مَـــــعْــــمَــــعَـــــه:

الطبيعه؟؟!!؟؟

عقب زلزال تشيلي الأرض بكبرها تحركت 8 سم على قولة ناسا..الطبيعه قاعده تتغير..و الحبايب لو تنقز ما يتغيرون

قرمت said...

عندنا أزمة في تقبل الآخر، محد يبي يسمع من الثاني، الرجل تدفعه اللقافة، أو حب إثبات الذات أنه فهم من قبل لا تخلصين جملتج، أما المرأة فهي تدور و تدور بس علشان توصل للنتيجة إلي تبي تسمعها

She always wanted to say HAAA! GOT YOU THEIR!

البحث عن الشرعية

nanonano said...

قرمت:

البحث عن الشرعيه

يــــــازت لي

بس السؤال..ليش هالصراع؟

ليش مبدأ
take it or leave it

ولاّدة سابقاً ... رانيا السعد ...رانية المنيفي حسب الأوراق الرسمية said...

عوداً حميداً نانو


جواب السؤال الأول
لأنه ما سمع الجملة أصلاً فظنها خلصت

اجتهاد السؤال الثاني
غالباً wishfulthinking

nanonano said...

ولاّدة:

شكرا صديقتي ولاده

تهقين مرض الصمخ يحوشهم لما بس أحنا نسولف و لا مع الكل؟


عادة أستنتاجاتهم كله خطأ..و توديهم في داهيه

سلمان السعدون said...

بسم الله الرحمن الرحيم
اللهم صل على محمد وآل محمد
السلام عليكم ورحمة الله وبركاته

تحياتي وصباح الغبار


من الصعب تعميم السؤال على كل رجال الكويت وكل إناث الكويت وإنما هي نسبة وتناسب

فمثلا بعض الرجال يوجد بهم سنسر المقاطعة وبعد النساء بهن فراسة بالمقلوب
طبعا بالكويت وليس خارجها


ومثلا بعض الرجال بهم عداد الضغط العالي والذي بمجرد أن تنظر إليه نظره بريئة تجده يرفع يده ويومئ إليك إلى ماذا تنظر ؟!!!!!!!

وبعض النساء كأنهن من كوكب آخر من شدة الأنفة التي عندهن أو أنهن مخلوقات من ذهب وباقي الناس من طين

حقيقة هناك كثير من الأسئلة والتي تتعدى السؤالين فمن الممكن أن نطرحهم على المجتمع الكويتي

تحياتي وآسف عالتطفل

nanonano said...

خادم العترة:

و عليكم السلام و رحمة الله و بركاته

طبعا..مو الكل..بس تقدر تقول الغالبيه العظمى فيهم هالسوله

أتفق معاك بملاحظاتك..و أصلا في مدونتي راح أطرح الكثير من الأسئله..و نخليها موضوع للنقاش..و تبادل وجهات النظر..من غير مقاطعه و من غير لقافه و تسرع

مدونتك و مكانك

حسافتج يا كويت said...

الله يعافي الغبار اللي ردج


بعتقادي اننا ككويتيين نعاني من ازمة عدم تقبل الطرف الآخر في جميع المجالات

ونعاني من التسرع

فالرجل مثل ما قلتي مايخلي المراة تكمل والمراة تقفز للنتائج

كلانا متسرع

nanonano said...

حسافتج يا كويت:

يـــا هلا

لا والله ماله شغل الغبار..بس من كثر ما فاض بيّه و ملّيت

ليش هالتسرّع؟؟!!؟
ترا بس أحنا

قرمت said...

Its either take it or leave it, its a full package, no one wants to step down.

بمعنى أصح الحياة تفرض على الإنسان أن يتنازل عن بعض الأشياء لتمضي الحياة، إلا أن إصرار الأثنين
والعناد يؤدي إلى الهاوية.
و عاد أووه العناد لنا مافي أحسن منا يعاند

لازم الواحد يلين شوي..

أما بالنسبة حق الحريم

راح تبقى جذي دام أنها ما تعرف تسوي كريب سوزيت

nanonano said...

قرمت :

كريب سوزيت..عاد؟؟!!؟

بطاطس بالصينيه مو زين؟
;)

بالنسبه لي الحل بالأحتواء..شلون تقدر تفهم نفسية الشخص اللي جدامك و تفهمها مضبوط..و تبتدي مرحلة الأحتواء..عشان يمشي المركب..سواء مركب الزوجيه أو مركب الشغل أو المركب العائلي

esetch said...

لأن الرجل الكويتي عارف بكل شي

والمرأة الكويتية عبقرية

nanonano said...

esetch:

أهلا..أهلا..أهلا

كالعاده..الزبده..عندك

الدســتور said...

انتي وين
؟؟؟؟

تدرين ليش مانخلي يكمل
لاننا نبي نجاوب على كل حبة

كويتي شعبي said...

يطبقون نظرية "الحوار البيزنطي" الكل يدعي المعرفه على الهبني

The Simper said...

نظرية النقص و ما تؤدي اليه
درو ان اكو نقص ولا ما درو سييم سيييم

كويــتي لايــعه كبــده said...

اللقافة الكويتية ظاهرة سلبية غير دخيلة


حياك الله

واشكري لي الملقوف(ة) اللي استفزك وتسبب برجعتك للكتابة

فريج سعود said...

من شروط الحصول على الجنسية اللقافة

enter-q8 said...

لأنه و لأنها كويتين

nanonano said...

أبو الدســتور:

موجوده طال عمرك..بس من بعيد لي بعيد

و بعدين ما يصير تجاوبون على كل حبه..لأن مو كل شي بالدنيا أنتو تعرفونه

nanonano said...

كويتي شعبي:

هاهاهاها

تبي حوار بيزنطي..تعال يمعة بنات..و شوف التفنن بالحوارات البيزنطيه

nanonano said...

The Simper:

آسفه بس ما فهمت التعليق..أتفق معاك أن أهوه كله سيم سيم..لأن ماكو نتيجه حق ولا شي

nanonano said...

كويــتي لايــعه كبــده:

يـــــاهــــلا

أنا اللي أستشفّه ظاهره دخيله يديده

الفهاميه..هذا اللي حارني

nanonano said...

فريج سعود:

اللقافه..و الفهاميه..لا تنسون هالحيثيه ترا أهيه اللي باطه جبدي

nanonano said...

Enter-Q8:

حلوين..و طيبين..و بنحبهم

 
template by Purplecious