Friday, June 26, 2009

مايكل جاكسون...مات

.
تحديث
.
.
.
شخصيا..ما أدري ليش..بس ضاق خلقي
.
مايكل جاكسون..كان لي ذكريات وايد مع أغانيه
.
بيلي جين..ثريلر..و جاكيته الأحمر الجلد
.
طيرة بوهتنا فيه و برقصه
.
كل هذا...خلاص
.
و أهم حيثيّه
.
جيلي بدا يتحتحت

*******
.
علشان ولاّده و أم الجنادل
.
لما أقول جيلنا
.
مو قصدي أن أحنا نفس السن
.
قصدي اللي كانوا يمثلون شي 
.
بوقتنا بدوا يتحتحتون
.
.
خو الكل يدري أن
.
أنا و ولاّده و أم الجنادل
.
مواليد التسعينات
;)
.

33 comments:

ولاّدة سابقاً ... رانيا السعد ...رانية المنيفي حسب الأوراق الرسمية said...

آنا بعد ضاق خلقي وااايد
وما راح أذكرك بالمدرسة الداخلية في سويسرا اللي علمونا زملاؤنا فيها رقصة من رقصات مايكل


moon walk
مايكل مو من جيلك مواليد 1958..ارحمينا

-mate said...

جهنم وبئس المصير

Anonymous said...

أكثر انسان بنظري أنه خسر سعادة الدنيا والآخره

chandal/danchal!! said...

ولو ان عليه بلاوي وقصص تسود الويه

بس فنيا... ما طلع وما اظن بيطلع مثله

ما تقطين ولا اغنية من اغانيه



@@

ام النوانو... شنو جيلج بدى يتحتحت!!!

اطالب بتصحيح البوست

:p

nanonano said...

ولاّدة:

لا ذاكره زين سويسرا

بس هم أنا أذكرج

ال
moon walk
أيام الفنادق منو يسويها أحسن

لما يصير تحدي بين الشباب


رحمتج...و حطيت توضيح

nanonano said...

-mate :

أكيـد

مايكل كل حياته غلط

بس هم كان له أثر في على الأقل حياتي و حياة المحيطين فيني

nanonano said...

4 :

مسكين...على كل اللي سواه و وصل له

ما قدر يوصل للسعاده

هذا يؤكد

أن الفلوس مو كل شي

أصلا لما كان أقل ثراء و توّه بادي

تحسّه كان مستانس أكثر

آخر ١٠ سنين صار جنّه مينون

nanonano said...

chandal/danchal!!:

صلّحت..عشان أفتك من لسانكم أنتي و ولاده

خو من التدوده و الساعه ٢ بالليل

خانني التعبير
====

أتفق معاج

مايكل خاره خواره في حياته

بس أقول لج أم الجنادل

و الله العظيم

كان عندي أحساس أن بيموت قريبا

لا تسأليني ليش

بس لما كنت أسمع عن أخبار رحلته اللي راح يسويها

و الحفلات اللي في لندن

كنت أدري أن ما راح يوصل هالتاريخ

ساره النومس said...

توني ادري @@

Anonymous said...

تدرين عاد

مادري ليش ربنا رحيم

لأن من اسبوعين قريت بالأخبار أنه اعلن اسلامه وتالي ماقيت للخبر حس فيمكن مجرد اشاعه

واخوه معروف انه مسلم ... وقال عطاه القرآن هدية ..

يمكن لله أحسن خاتمته

من يدري!!

TruTh said...

حتى انا كسر خاطري حيييل مع اني ما اتابعه ولا لي شغل فيه

ولاّدة سابقاً ... رانيا السعد ...رانية المنيفي حسب الأوراق الرسمية said...

فخورة بذاكرتك ..ما الحكاية أوميغا 3 أم كالسيوم وفيتامين دال؟


شكراً على الاستجابة
بعد ما صرنا جيل مايكل ومادونا
تسعينات!! قوية بس منعشة

Icarus said...

من أول ما أعلنوا الخبر الفير وأنا ضايق خلقي
:(

وبالنسبة للي يقول بجهنم أقوله ترى رحمة الله واسعة

يعني بذمتك منو أحق بالجنة واحد مثل بن لادن يصلي ويصوم؟ وله واحد مثل جاكسون؟

مركبنا said...

تصدقين حده ضاق خلقي )=

مرة شفت المقابله مع اخوة المسلم

وكان يقول ان مايكل جاكسون وايد حاب الاسلام بس الي حواليه كلهم يهود وماسكينه عدل وخصوصا اموالهم


انا ماقهرني الاجريدةا لان ...

اغلب الوكالات والقنوات الاخبارية يقولون انه مات بسبب مرض مزمن عنده ونقص بشي

الا جريدة الان ! اقهروني حاطينه بسبب الايدز !!

حسبي الله عليهم من وين جايبين الخبر مدري !

moodart.net said...

على قولة ابوي :
بالنار المشتبه

Spicy Pepper said...

LOOOOOOOOOOOOOL muwalaeed il 90s moo 3alainaa :P

He will be missed :(

chandal/danchal!! said...

LOL


ربنا يجبر بخاطرك

:)

الحين أقدر أقول

may he rest in peace

ساره النومس said...

4



سبحان الله تلقين وايد كانوا غافلين عن الدين وبيوم اسلامهم الله يتوفاهم رحمة والله


نسأل الله حسن الخاتمة انا هالايام شوي اتابع هالامور لأن كل ماقريت عن الموت اخاف يالهوي

Blog 3amty said...

إنا لله وأنا إليه راجعون !


وين الدفان ؟

enter-q8 said...

يقولون حوبة الشيخ البحريني
اللي دفع له فلوس و ضربهم عليه مايكل

aChar said...

4 said...

أكثر انسان بنظري أنه خسر سعادة الدنيا والآخره
4:52 AM

لخصت الي اباي و قلبي اب كلماتك!!


jacko:

عشن ايدش الجنة لزم ايكون مسلم
:)
والله رحمة واسعة نعم.. لكن لا يغفر يوم القيامة ان يشرك به سيئ

aChar said...

I was sad to learn he died. I was infact VERY sad.

This man wasn't happy in his life. I dont think he is happy with the next. He lost this life and the next.

يالله حسن الخاتمة!

This made me more to want to live as simple a possible, although many desire fame and richs, or just power. ;/

aChar said...

Correction: I read on many news reports that he ''might'' have converted to Islam in 2008.

Probably kept it a secret so not to have media frenzy go even more crazy.

الدســتور said...

الله يرحم طلال مداح

المقوع الشرقي said...

تحتحتو
والصبوحة للحين
صامدة
:(

100 fils said...

مساء الخير

والله ضاق خلي على الخبر ..كثر ماكان لي ذكريات و انا صغير مع الجاكيت الاحمر و الجل على الشعر..وبوسترات و باجات حدي كنت مراهق..بس نانو ليه يومج ماني قادر اضبط ال
Moon walk :)~

حسافتج يا كويت said...

أموت وأعرف ليش يربط ربطة على ايدة اليمين

فريج سعود said...

يقولون مغني مرة ظبي سباني

بس ما كان مصورها علشان جذي ما طلعت للعلن

lawyer said...

واااااي انا وايد تأثرت و جابلت الاخبااااااار


مراهقتي اصلااااااا كلها مايكل

وبعدين يوم كنا صغااااار كانت الكشييييش عجيبه اشووف اهلي و الشباااااب

الي يدرسون في امريكا يردون لنا بكشييييييش و سلاسل


اصلااااااااا انا واحد من اهلي مسوي نفسه نسسسسسسخه مايكل


لا تقووولوووووون ما اثر في احد

اثر في العالم كله


الكل كان يحبه

والي الحين ما يحبونه اكيد مر عليهم في مراهقتهم ومرت عليهم اياااااام معاه




مدري ليش احبه

بس احبه


امس قاعد اقول حق امي الله يرحمه موته اعفست الدنيا جنه دياناااا

شي فجأه

ذكرنا فيها

وكلا بالصييييييف

كويــتي لايــعه كبــده said...

راح فن البوب الأصيل

Gee™ said...

اي وعليه
ميخالف
رحمة الله واسعه
الله يرحمه

beezo said...

كانت موته غامضه

ولاّدة سابقاً ... رانيا السعد ...رانية المنيفي حسب الأوراق الرسمية said...

نانو

الكريمة حمّضت أسرع مما توقعنا
:)))

 
template by Purplecious