Wednesday, June 10, 2009

شكرا للعم بو عبدالعزيز

.
.
.
.
لمدة ثلاث سنوات و أنا في حالة ريبه من
.
 النائب مرزوق الغانم
.
لأن كانت عندي قناعات أتجاهه..بس أدائه في المجلس
.
و أسلوبه و طريقته..خلت الشك يراودني..صار عندي
.
second thoughts
.
بس من بداية الفصل التشريعي هذا
.
بديت ألاحظ..أن فكرتي عنه كانت صحيحه
.
لما قام العم بوعبدالعزيز و تكلم عن قسم النائب
.
خالد السلطان..كلنا شفنا مرزوق لما قام يصارخ
.
أنا أول..أنا أول
.
من ذاك الوقت و أنا قاعده أقول في نفسي
.
أشفيه؟؟؟!!؟
.
عقب اللي صار أمس..وايد أرتحت
.
أن قناعاتي فيه كانت صحيحه
.
و طلعت شخصيته الحقيقيه
.
اللي نجح..بالنسبه لي على الأقل
.
بتغليفها بخطبه العصماء
.
و أدائه التمثيلي خلال حملاته الأنتخابيه
.
بو علي أمس صلّع
.
.
.
طبعا النائب علي الراشد..هذا قصه ثانيه
.
اللي اليوم و أنا أقرا جريدة الجريده
.
و هذا بالضبط اللي كان مكتوب
.
.
و دخل النائب علي الراشد على الخط بدون مايكرفون
.
مناصرا الغانم و منتقدا السعدون: ما يجوز هالكلام
.
كل شي مؤامرات و الناس عندك خونه
.
ما خليت لك صاحب
.
.
أنت يا علي الراشد تتكلم عن ما خليت لك صاحب؟!؟
.
العم بو عبدالعزيز ينقال له هالكلام
.
ترا..الطبع اللي بالبدن ما يوخره الاّ الكفن
.
و ما راح أزيد عن هالمثل 
.
.
.
فشكرا للعم بو عبدالعزيز
.
بمواقفه الصلبه..طلّع حقيقة ناس وايد
.
.
.
كلمه أخيره
.
أضرب الحطب بالحطب..ضعيف الحطب ينكسر

37 comments:

Anonymous said...

متى كان الراشد و المرزوق لهم اعتبار ؟
على الاقل عندي

الراشد تلزق بالسعدون حتى يعطي صبغة وطنية دستورية لليبراليته التي لاتمت بصلة للخطيب و النيباري

يعني تكسب من كل صوب ، صوب السعدون و صوب الليبراليين و صوب التجار ربع مرزوق

و تلومون الاسلاميين ليش واقفين ضده؟

للإنصاف .. البصيري كانت له مداخلة لصالح السعدون رغم انه وزير
لابد من اضافتها

ZwaiZ said...

Two thubs up ;)

الدســتور said...

محشوم يابوعبدالعزيز

nanonano said...

دستور 1962:

يا ريت تزودنا بمداخلة البصيري

لأني ما قدرت ألاقيها

شكرا

nanonano said...

ZwaiZ:

شكرا

nanonano said...

أبو الدســتور:

أكيد محشوم

لأن بو عبدالعزيز

MOODMAANI said...

شكو علي الراشد بالموضوع ؟؟!؟

الراشد دافع عن اعضاء اللجنه اللي اهو واحد منهم مو أكثر
واللي اكتبته الجريده شي متوقع من خلودي هلال

الراشد ماناصر الغانم . كل اللي سواء انه دافع عن اعضاء اللجنه اللي اهو منهم

مايصير تتهمون كل من يخالف السعدون بأنه متخاذل وسيئ, ترى السعدون انسان معرض للصواب والخطأ والدليل تصويته امس على الظواهر السلبيه

nanonano said...

MOODMAANI :

شكرا

مثل ما تفضّلت


شكو علي الراشد بالموضوع ؟؟!؟

ليش علي مسوي روحه محامي الدفاع حق مرزوق؟؟

قلت..دافع عن أعضاء اللجنه

أهوه ما ياب طاري اللجنه أصلا

اللي سوّاه أن هاجم

العم بوعبدالعزيز

و الصوره واضحه

MOODMAANI said...

لوووول الصوره ماتتكلم

النقاش كان بين مرزوق والسعدون بدون تدخل احد , لين تعرض السعدون الى اللجنه وقرارها
هنيه تدخل الراشد ورد على السعدون انه مايصير اتهام اعضاء اللجنه بهذا الشكل واذا كان خلاف السعدون على مسمى الحاله فأحنا كأعضاء اللجنه ماعندنا مانع نغيرها

يعني مداخلة الراشد هي للرد على الشبهات وانهاء الموضوع

ولاهمه الغانم او غيره

حسافتج يا كويت said...

في نظري

هناك ادب في التحاور
ولكن أن ننتقد أحمد السعدون او غيرة فهو حق
فلا السعدون ولا غيرة فوق النقد

السعدون كلامة اللي قالة امس أكبر من النائبين

مع العلم أن منحقهم يبدون رايهم في هذا الموضوع ولكن هناك اسلوب وخصوصا مع رجل مخضرم مثل السعدون


مرزوق على

اذكى من ان يقول ماقالة وبهذا الاسلوب
لكن في شي صاير

وعلى الراشد بوصلتة انقلبت

beezo said...

نانو

كنتي مثل اللي واقف بمحطة القطار تنطرينه يمر

متى؟؟


ماتدرين


بس لابد ان يمر


وكاهو مر جدامج وشفتيه بعينج ومعاه مقطوره اضافيه
:)

بو حامد said...

أضرب الحطب بالحطب..ضعيف الحطب ينكسر

nanonano said...

MOODMAANI :

هذي وجهة نظرك..و أنا أحترمها

بس أعتقد أن علي الراشد لازم يبذل مجهود مضاعف

عشان يقدر التغير الفكره الموجوده عنه الحين

شي واحد لازم يركز في مخ النائب علي الراشد

أهوه مو محتاج مرزوق الغانم

بالعكس يمكن مرزوق أهوه اللي محتاجه عشان تزيد شعبيته

nanonano said...

حسافتج:

شنو تهقى؟

شنو صار؟؟؟

nanonano said...

beezo:

أصلا بديت أئيّس من النطره

بس تحسفت على المقلوص

nanonano said...

بو حامد:

و اللي بالجدر يطلعه الملاّس

ولاّدة سابقاً ... رانيا السعد ...رانية المنيفي حسب الأوراق الرسمية said...

مرزوق توه داخل القصر أمس العصر وبدأ بتطاول

في مقابلته من كم يوم مع يوسف الجاسم كان بمنتهى الوقاحة مع عبدالمجيد الشطي والعوضي


الاحترام حسب مفهوم مرزوق أنه يبوس راس أمه في الندوات...وما عدا ذلك سلامتك

nanonano said...

ولاّدة:

الاحترام حسب مفهوم مرزوق أنه يبوس راس أمه في الندوات...وما عدا ذلك سلامتك



هاهاهاهاهاهاها
هاهاهاهاهاهاها

فاهمتني مضبوط

100 fils said...

ياجبل مايهزك ريح يا بو عبد العزيز

شوفي بو عبد العزيز و رده بالفديو الي تحت ,اتحدي اي نائب ان يقدر
يسوي و يتصرف مثله..كبير يالسعدون

http://www.niceq8i.tv/videos/546/

كويــتي لايــعه كبــده said...

مرزوق الغانم هو الاصدار الجديد و"المطور" من الخرافي بكل سلبياته

معروفة من سنين

والتمثيل بالغلاف البسيط ما كان مغطي نقله للاصوات (قبل الخمس) ولا الترويج لخاله بديوانه في تجميع النواب كالماشية

nanonano said...

100 fils :

ما تتخيل أشكثر أنا مستائه

العم بو عبدالعزيز مو محتاج أن أحد يتكلم عن أنجازاته

بس

مرزوق أمس تمادى

nanonano said...

كويــتي لايــعه كبــده:

أنا معاك أن

مرزوق الغانم هو الاصدار الجديد و"المطور" من الخرافي بكل سلبياته

بس أنا هقيته أكثر ذكاء من جذي

حنطفيس said...

اتحفظ على طريقة رد الغانم
واعتقد بان رد الراشد كان في محله , الريال كان يدافع عن لجنته وحاول انه يتعاون مع السعدون بخصوص الكلمه اللي كانت سبب الخلاف وهي الحاله
بس السعدون ربط مشادته مع الغانم الى هجوم على اللجنه ككل , وكان من حق الراشد الدفاع عن قرار لجنته

Blog 3amty said...

مالي خلق أسب !

nanonano said...

حنطفيس:

وجهة نظرك أحترمها

بس ما أقدر أئيدها

nanonano said...

Blog 3amty :

لا تسب

طخ..أظن يبيلك مالد عشان نقدر نطخخك

حنطفيس said...

ماقاله الراشد في جلسة اليوم : أحمد السعدون رمز وطني ونحن أخوانك الصغار نتعلم منك , و إذا حدث خطأ فى مصطلح أنت تصلح لنا و تعلمنا , لا يجوز أن نشكك فى بعضنا البعض, و هو بالنسبة لي مرجع لاي موضوع اجهله , لا بد أن تكون الصورة واضحة ليس فيها لبسا فيما يتعلق بالوحدة الوطنية.
______________________________

bo bader said...

كفيتي ووفيتي

ما أقدر أزيد عليك بحرف

بو عبدالعزيز جبل ما يهزه ريح

===

حسدوا الفتى إذ لم ينالوا سعيه
فالناس أعداء له وخصوم

كضرائر الحسناء قلن لوجهها
حسدا وغيظا إنه لذميم

===

إي والله لن ينالوا سعيك

enter-q8 said...

ممــــزوق

فريج سعود said...

انا مثلج بس الشك ما راودني

وحسنته الوحيده واقف عظم ببلعوم احمد الفهد واخوانه وشراكاه

nanonano said...

حنطفيس:

شكرا جزيلا على مجهودك

و صدقني أنا أقدر متابعتك لمدونتي

و بعدين أذا مو كلنا آشتغلنا مع بعضنا.. و بيّنا... و وضحنا المواقف حق بعض

ما راح نقدر نسوي شي حق ديرتنا

و أحنا بالنهايه على أختلاف توجهاتنا و أختلاف معتقداتنا و أختلاف أرائنا

يجمعنا خوفنا و حبنا للكويت



مو؟

nanonano said...

bo bader :

صباح الخير و النوير
===

شكرا جزيلا

والله كنت قاعده أكتبه و أنا في قمة الأستياء

و أنا عادة ما أكتب لما أكون محتره

لأني أخاف أخوره
===

تعليقك ريحني

لأني عرفت أني ما خرته

nanonano said...
This comment has been removed by the author.
nanonano said...

Enter-Q8:

ممزوق

مرزوق

الله يهديه

nanonano said...

فريج سعود:

صـــــــح واقف عظم في بلعوم بو فهد

لأن في صراع على الرياضه بينهم

خل نقول هالصراع تم حلّه

شنو يصير الوضع؟؟؟

هل كيف said...

صح أحيانا الواحد يحتار بمعدن الشخص اللي جدامه ومرزوق وعلي منهم, أوهموا الناس انهم وطنيين

يسلمو

Unknown said...

الأخت الكريمة
7anna7inno

بما أنك مناصرة ومؤيدة "درجة أولى" للنائب الفاضل أحمد السعدون... حبيت أستفسر عن الآتي

ما هو توجّه العم بوعبدالعزيز؟؟

العم بوعبدالعزيز (مع) أم (ضد) انشاء لجنة الظواهر السلبية؟ ولماذا؟

وشكراً

 
template by Purplecious