Monday, March 16, 2009

عذر أقبح من ذنب

.
.
أمس كان فيه هالتصريح
.
.
الركيبي: لا شيكات من ديوان الرئيس لنواب
.
هناك طلبات مساعده بواسطة نواب لأسر متعففه
.
.
عندي كذا نقطه على هالتصريح
.
أول شي: في أعتراف أن في شيكات
.
ثاني شي: شكو النواب يايين حق الديوان..ليش ما 
.
راحوا بيت الزكاة؟
.
ثالث شي: يوم أن في أسر..ليش الشيكات ما طلعت 
بأسم الأسر..ليش بأسماء النواب؟؟
.
.
رجاء يا أخ نايف..بس عاد
.
حاولوا تتعبون شويه..على تصريحاتكم
.
لأن الشعب الكويتي..مل من طريقة التذاكي مالتكم

59 comments:

why me said...

طرق ملتويه لتضليل

Kwaitiyya said...

تعبنا منهم تعبناااااا !!!!
صار عندهم الجذب سهل وأشكرة عيني عينك ما يستحون !

الديرة رااحت واحنا انتطمش على عوير وزوير يلعبون فيها

enter-q8 said...

و المشكله ان البعض مشى عليهم الدور
و حياتك احلى شيك بنزله بعد اشوي

بس said...

صباح الخير

معروف عن ناصر المحمد كريم بطبعة ؟؟

ليش تعتبين على الركيبي اهو قال الصج
سالي نوابج ليش ما يروحون بيت الزكاة ؟ بعد انا يايني طرار وبعطيه
يالله من مال الله ؟ و الدليل ان الجيكات
من احسابة الخاص ؟؟

اللي فشلونا النواب و مو الحكومة ؟

اللي يطق الباب يسمع الجواب
وجواب الركيبي على قد سؤال
فيصل مسلم ؟

هذة اهيا الديمقرطية

nanonano said...

why me:

النقطه..من عليه؟؟؟؟

طرق قديمه

أكل الدهر عليها و شرب

nanonano said...

Kwaitiyya :

بالضبط ينطبق عليهم

أن لم تستح افعل ما شئت

nanonano said...

Enter-Q8:

يا هـــــــــــــــــلا

يا بو وليد

ما أييبها..الاّ رجالها

nanonano said...

بس:

صباح النور



مــــــــــــــــــــــــــــاشي

:)

why me said...

عبالهم احنا دقه قديمه بعد

عادي جدا


!

عاجـل said...

راح تنتهي على فضيحة

الدســتور said...

ثالث شي: يوم أن في أسر..ليش الشيكات ما طلعت
.
بأسم الأسر..ليش بأسماء النواب؟؟

و الله انها في بالي
الله يسامحج شلون بكتب البوست عنه

طيب ليش ماسلم الشيك لأحد وكلائه ومنهم الركيبي
يقوم بتسليمهم للمحتاجين
الا اذا في كومشن للنائب

Zaydoun said...

ما دام السالفة سايبة.. بعد هم انا خل أروح أقول لهم عندي أسر متعففة

nanonano said...

why me:

أذا على بالهم جذي

عيل خليهم على فالهم

والى مزيد من الخواره

nanonano said...

عاجــل:

واخزيـــــــــــــــــاه

ليش ما يفشلون؟!!؟

nanonano said...

abu eldestor:

والله أني نطرت لما نزلت بوست

لأني هقيت أنك راح تكتب عنه

بس لما شفت أنك ما كتبت

قلت أنا باثير هالموضوع

و لو أن طريقتك راح تصير وايد أحسن مني

بس يالله

الحين طلع موضوع الحكومه رفعت كتاب عدم التعاون

و السوق ين

nanonano said...

Zaydoun :

واااااااااي

بوالزيد...هاهاهاهاها

والله قبل شوي..الفكره طرت علي

يوم أن الموضوع سبهلله جذي

Eng_Q8 said...

مرحلة الغباء وصلت حمر

nanonano said...

Eng_Q8 :

مهندسنا..ما أظن أكو هالكم الهائل من الغباء

أعتقد قاعدين يتغيبون..على بالهم راح يفلتون منها

Q8EL5AIR said...

والله وقاعدتلهم عدل :)

على راسي لا تخلينهم يتذاكون على افانه .. سيري ونحن من ورائج :)


وتحياتي ..
ويسلمواااااااااااااااااااا :)

nanonano said...

Q8EL5AIR :

ما أحب أحد يقلل من قدرات الشعب الكويتي

أحنا شعب واعي و عارف

فخل يعرف نايف اللي على باله أن جايب الديب من ديله

أن هالزمن ولّى

Zaydoun said...

خارج الموضوع خالص

شفت على الأخبار المظاهرات ضد الرئيس في جزيرة مدغشقر، وقصر الرئاسة لونه أحمر غامق محدد بالأبيض... الظاهر ان بيت جيرانكم مستوحين الفكرة منه

بس حبيت اشاركج بهالمعلومة

مركبنا said...

كان المريب ان يقول خذوني

ثبتوا التهمه على انفسهم !

nanonano said...

Zaydoun :

هاهاهاهاها
هاهاهاهاها
هاهاهاهاها

بوالزيـــــــــــد

طلعت فيها

ممكن جدا..لا تستبعد..و خاصة لما تشوف سكان البيت

nanonano said...

مركبنا:

أشكــــــــــــــره

و على بالهم أنهم صايدين السالفه

و بنصدّق

كويــتي لايــعه كبــده said...

اي مو الركيبي مسطرة للشرف والصدق

اعتراف مبطن وايجاد خط رجعه

لا والحكومة اللي رافعه كتاب عدم التعاون!؟
يستاهلون النواب ما فعلوا 102 على راسه

حسافتج يا كويت said...

عاد هاذا ينوخذ منة حجوة؟؟

والنواب انتخبناهم علشان يدورن الاسر المتعففة؟؟

أنا اقول إذا ظل الوضع جذي الكويت كلها بتصير متعففة

enter-q8 said...

مبيوق و كويتي لايعه كبده
البشارة ابيها منكم
تراها بتحديث البلوق

:p

المقوع الشرقي said...

الركيبى يبيله توبيخت جم كاري فى ايس فينتورا
:)

KQ8 said...

سألي نفسج هالسوال

ليش شيكات...ليش مو كاش

Joonna said...

اكــــــــره شي عندي الي يتذيكى على مخوخ الاوادم على باله ذكي والناس اغبيه.... فما بالج اذا كان غبي و على باله الناس مصدقته!

100 fils said...

مساء الورد

يا يبي يكحلها جان يعميها..الدير تغرق لكن الامل بالله و من ثم و حكمه
ولي الامر

البلد للخلف در بسرعه التربو ..حسافه عليج ياكويت

:"(

ANGEL HEART said...

وااي ماني مصدقه كميه الاستخفاف

وسهووله الموضوع

احتريت ودي اروح دام السالفه جذي


:(

Unknown said...

أولا شوفي تعليقي عندج مو الموضوع اللى طاف اللى قبله مال الشم والخشم
سري باتع
المهم

وبعدين شنو الجديد في موضوع الشيكات وخليهم يحجون واللي ياي الله يستر منه
امنيتي في عام 2009
بناء مستشفي وافتتاحه بسنة وحدة بس

mantovani said...

هذا علباله الناس معاتيه ؟؟

و الله مشكلة

Unknown said...

هناك بند للمصروفات الخاصة ضمن ميزانية الديوان يتم الصرف منه بشيكات خاصة لا تمر بالدورة المستنديةأسوة ببقية مصروفات الديوان
ومن هذا البند يتم صرف شيكات خاصة لمساعدة من يتم التوسط لهم من قبل النواب المرضي عنهم

بند المصروفات الخاصة يدرج بالميزانية فقط للوزارات السيادية

وهذا الأجراء معمول به منذ مدة طويلة ومعروف لدى وزارة المالية

فريج سعود said...

هذيل ربع سموه يا العضيدة تلومونا

nanonano said...

المقوع الشرقي:

بس؟؟!!؟

هذا اللي يبي له الركيبي

nanonano said...

KQ8 :

عشان يصير في مستمسك على النواب

nanonano said...

Joonna:

هذا يؤكد أنهم ما يدرون وين ربهم حاطهم

nanonano said...

100 fils :

صباح الورد

اليوم كلنا قاعدين ننطر

ما لنا الاّ حكمة صاحب السمو الأمير

nanonano said...

ANGEL HEART :

لا تروحين و لا تيين

الله لا يحوجنا حقهم

الله كشفهم

و ما يصح الاّ الصحيح بالنهايه

nanonano said...

Mishari:

هاهاهاها
هاهاهاها

قريته

أمس الروائح كلها أختلطت علي

صح موضوع الشيكات مو يديد

بس ليش يلعبونها بهالغباء؟

nanonano said...

mantovani:

صباح الورد

اليوم ما حطيت توقيعك بنهاية التعليق..نيو لوك؟

;)

مشكله لما يعرفون نوعية الشعب

nanonano said...

ABC:

شكرا على الأضافه المهمه هذي

بس أنا اللي أعرفه أن في مثل هذي الحالات يتم صرف الشيكات بأسم الأسر نفسها

مـــــــــــــــــو

النواب

nanonano said...

فريج سعود:

بئس الربع و بئس المستشارين

======

ترا أنا بالله و بيك

الحلم..بدا يقلب علي

مالي خلق يوبخني

Blog 3amty said...

مو ملينا متنا !

Miznah said...

الله يلعن هالزمن اللي صار فيه الركيبي يصرح
!!!!!!

بنت الشاميه said...

نانو ....لا تعورين قلبج

الاخ نايف طاير قلبه وميت من الخوف لانه هو اول المدفع..... وهو الخاسر الاكبر بسقوط رئيس الوزراء وراح يخسر صلاحيااااات كثيره وكبيره
حط اخوه صعفق وزير التجارة الا شيئ

فلازم يدافع بل يقاتل بالدفاع عن ربعه وولي نعمته

mantovani said...

والله يا نانو من الضيم

كل يوم مشكلة و توتر

انا بروحي اللي فيني كافيني


و لا يهمج


مانتوفاني

:)

Unknown said...

في ناس تنصاد بمسج
خالد السلطان
وفي ناس بجيكات
عرفتي الاسامي والا بعد
انا عن نفسي عرفتهم
الله يستر عليهم
وانلعبت بهالغباء لأن نفس مدرب الكرة
اذا ما يعرف يلعب لي اخر دقيقة يخسر
واهم تخسبقوا وما لقوا تخريجة
وعلى قولة المثل الصيني
من حبك كل عشاك

عفره said...

اليوم فيني طفحه سياسه
احس النواب كل واحد قام يفتن عن الثاني

kuwaitawy said...

مشكلتنا احنا

بالتصاريح الحكومية التي


تصرح وتتكلم وكأن الشعب

جاهل ولا يعرف شئ

nanonano said...

Blog 3amty:

ويـــــــي

تو الناس على الملل

الدرب طويل

nanonano said...

Miznah:

أيــــــــي والله

هذي صــــــــــــج

nanonano said...

بنت الشامية:

يا الله يا ربي..روحه بلا رجعه

أخوه دهوك البورصه

و يا أهوه و عفس الديره

nanonano said...

mantovani :

والله الكل

بس أحس أن مو أنت اللي معلق أذا ما شفت توقيعك


شكرا

nanonano said...

Mishari:

هالنواب لعبوها بمنتهى الغباء

و طاحوا بالفخ بسهوله

nanonano said...

عفره:

هاهاهاها
هاهاهاها

من ناحية يفتّن

فالواحد مو قادر يلحّق معاهم من كثر التفتّن

nanonano said...

kuwaitawy :

تصاريح ودّت أهلها بداهيه

من طقة الركيبي
و الشمالي

و أن شاء الله باقر

 
template by Purplecious