Wednesday, March 04, 2009

أحشوا


أنا ودّي أعرف..لي متى هالموديل
.
مع كل أزمه مع كل توتّر
.
نسمع فلان قال..و لا علنتان اللي عروقه بالماي سوا
.
ماشي..ماكو أحد بالكويت ما يدري أن أحنا في وضع محرج
.
ليش مخلينا جذي؟؟؟
.
قولوا لنا شنو في بالكم
.
الحكومه و غاسلين أيدنا منها
.
الحين النواب..وينكم؟؟
.
طلعوا..قولوا
.
صالح عاشور..يقول في حل
.
ناصر الدويله..يقول ما أقدر أصرح بمصادري
.
نسمع أن بو عبدالمحسن راح قصر بيان
.
عقب هم نسمع أن بو عبدالمحسن قعد مع النواب
.
لي متى؟؟؟
.
في شي...طلعوا وقولوا لنا
.
من حقنا كشعب أنتخبكم أن نعرف
.
بس جذي!!!!!!! حتى بهالمرحله قاعدين تحسبونها؟
.
حتى بالهالمرحله خايفين على مصالحكم؟
.
والله عيب عليكم
.
أحنا اللي أنتخبناكم ما نستاهل منكم جذي

42 comments:

abu eldestor said...

جذاب اللي يقول ادري
الامر بيده صاحب السمو

Enter-Q8 said...

بالذمة فارقه معاك
انا ما فرقت صار عندي مناعة

Dasmawee said...

عشون عيل

كل شي يحسبونله حساب

الكرسي مريح

Blog 3amty said...

قازرة على زين ومسجاتهم !

مبيوق said...

نانو بردتي جبدي

كنت بنزل بوست عن هالموضوع بس إستحيت وايد مصختها هاليومين

شوفي عزيزتي

الهيبة طارت بالكويت والسبة هالسياسة

تخبرين سنة يات هبّة بالتسعينات حق عبد المجيد عبدالله وراشد الماجد

ينزلون إغنية جلسة وسربونها بالعمالة من طقة (أحبك لية انا مدري وتغربنا تباعدناو يسإلوني ليه احبك)إلى أخر هالاغاني
كانوا ينزلونها يشوفون مستوى تقبل الناس لها وتالي تنزل بالشريط الرسمي وفي بعض الأغناي ما تنزل لأنها ما الكشت معاهم

هذا سلمج الله اللي قاعد يسوونة الربع اليوم بالكويت

متناسين إنها بلد ولها هيبة وقرار واحد

حسبالهم قاعدين يديرون شركة طربان ولا النظائر

مع الاسف في عهد ناصر المحمد زادت هالخنابيج لأن الريال ضعيف

موضوع مثل هذا ما يحتاج أسرة حاكمة لتجتمع
فالذي يحكمنا هو امير وليست أسرة

بدع قامت تطلع علينا من كل صوب

وبالنسبة للنائب التكانة ما يصرح إلا بشي ضامنة
وبما أن الحل بيد الأمير وحدة فالنائب الرقلة هو اللي يصرح ويلحس تصريحة


وعموما يبدوا أن الجميع في هذة الديرة أمتهن مهنة عبد المجيد وراشد اللي كانت بنظري مليقة وفجاة ينزل الشريط مافية الغنية اللي كنت اسمعها بالتسريب

لييييش؟؟

والله حس المغني إن الغنية ما اعجبت الناس

مع إنها عاجبتني


هذا حال سياسة النظائر أقصد الكويت


وعجبي

a7ibich yl KWT said...

ذكرتيني بأم عليوي

ان جأنك انسي
قوول
انطق
تحج
وان جانك مو إنسي
هم قوول
انطققق
تحجججججج.

أي والله تحج يمال الحجه

شـقـــــران said...

غاليتنا نانونانو

مساء زهرة السوسن صاحبة القلب الكبير

--------------

بالنسبة لنوابنا فأبشرك إننا أحسن منهم في الحصول على المعلومة...بالعربي ما عندهم إلآ تلاطيش كلام

يعني زي الاطرش في الزفة

لهذا تجدينهم ملتزمين الصمت!؟



عموما ماعاد تفرق معاي سواء كان الحل اليوم أو بعد أسبوع...لأن هناك ماهو أهم عندي


الأيام قادمة وسأتطرق لهذا الاهم إن شاء الله
.
.
.
.

سؤال خارج الموضوع

وددت أن أسألك عن صاحبة الصورة التي دائما ماتضعينها...هل هي ممثلة؟


وعلى طريقة الراحل توفيق الدقن

الوش مش غريب علــيّـه وكأني شايفه بس مش عارف فين..فين...فين..مع حكة على الخد وأنا أقول فين
:)



تقبلي مني أجمل تحايا المساء المعطرة بريح الخزامى والنفل

{~المباركية~} said...

انا اقول خل ينقعون المجلس ويشربون مايه

100 fils said...

مساء الخير نانو

حرام الي قاعد يصير بالبلد حرام الكل يضرب بالكويت هل الارض الطيبه

لا من نواب ولا من حكومه كل من يغني على ليلاه واخر همهم الكويت

والله العظيم حدي منقهر

:"(

nanonano said...

abu eldestor:

نبيهم يقولون لنا شنو الوضع..ما قلت يقولون لنا أكو حل و لا ماكو حل..والله العظيم ندري أن الحل بأيد صاحب السمو

بس أهمه قاعدين شنو يسوون

لا جلسات قبضنا منها شي
لا قوانين طلعت
لا لجان وصلت حق حلول
و بعدين؟؟؟؟؟؟؟؟

nanonano said...

Enter-Q8:

بو وليد أي فارقه معاي

عيل نقعد جذي

لا حامض حلو لا شربت؟

nanonano said...

Dasmawee:

للأسف..راحة الكرسي صارت أهم من راحة الكويتي

nanonano said...

Blog 3amty:

شفت شلون؟؟؟!!!!!!؟؟

طرق السديري على قولتهم

KQ8 said...

ولاهم حــــــــــــــولج

nanonano said...

حسافتج:

هاهاهاهاهاها

يمّمه منّك

شلون طرا عليك هالتشبيه!!؟

أنا من صجي محتره

النواب كأنه اللي قاعد يصير مو لهم..حق ديره ثانيه

والله أحس أحنا المدونين مهتمين و محترين أكثر منهم

أنزين يوم أن قلبكم بارد لي هالدرجه..قولوا لنا شالسالفه عشان أحنا نطخ

nanonano said...

a7ibich yl KWT:

واااااااااي

يا زينها أم عليوي

أموت على سوالفها

صاجّه

حسبي الله عليهم

خلوني أم عليوي من كثر ما أحتريت منهم

nanonano said...

شـقـــــران:

معلمي العزيز جدا

مسائك ورد و نسمات بارده
======

والله العظيم مو موضوع حل

موضوع شفافيه

أعتقد تجاوزنا عقدة الحل الحين عقب الأزمات السابقه

بس اللي أنا لي الحين ماني قادره أتجاوزه..هالتجاهل لنا

أحنا كشعب من حقنا أن نعرف شنو قاعد يدور الحين

مثلا..ليش كان في تسابق حامي بالتصريحات من النواب من خلال الصحف أو من خلال الفضائيات عن أي أستجواب ممكن أن يفكرون فيه ..بس الحين لما صارت الصجيه..كلهم خاموش..ليــــــــــــــــش؟؟

يعني يا خال يا بو ثنتين؟؟؟!!!!؟
أسمح لي معلمي شقران
بس مع الشطّه
هذا المثل الوحيد اللي طرا علي
أدري مش أد المئام
على قولة أخوانا المصريين
بس هذا اللي طلع معاي
======

هذي الله يسلمك ممثله
أسمها أودري هيبورن

من أشهر أفلامها

Sabrina
Breakfast at Tiffany's
My Fair Lady

و أنا من شفت فيلمها أيام المراهقه سابرينا و أنا متولعه فيها
طبعا..أودري هيبورن..كرست حياتها بعد هذا المجد كله..للأطفال..و خاصة أطفال مجاعات أفريقيا

عشان جذي أحب أنسانيتها

nanonano said...

{~المباركية~} :

أنزين نقعوه...و بعدين؟؟؟؟

شنو الأجرائات الحكوميه الخارقه اللي راح تصير

nanonano said...

100 fils:

مساء النور

أفتقدتك

شكلنا أن أحنا اللي قاعد بنفسنا من القهر و الحبايب ما علي جبدهم خبر

nanonano said...

KQ8 :

أدددددددددددددررررررررررري


هذا اللي غاثني..و محتره منهم بسببه

فريج سعود said...

بروحهم قاعد يعابلون بروحهم

خليهم بحالهم مابقى فيهم اظافر

عساهم على هالحال واردى

Eng_Q8 said...

الي تبينه راح يمشي بس قولي اشتبين


===


وبعدين انا احط كارجو تحت ابطي وامشي

قاعد افكر انافسه

مبيوق said...

عااااااااااااااااااااااااااااا



السوق بط


بط الله راس اللي في بالي


نانو

إذا رشحت نفسي تصيرين مفتاج إنتخابي؟؟

نون النساء said...

أقولج شي وتضحكين


حلمانة البارح اني كنت مضطهدة مع مجموعة نساء من قبل دميثير اللي كان شايل مددس المهم ولا تهمس لي وحده اني الحس صبعي عشان ينتقل لي فيروس الكات وومن
وجان اصيرلج كات وومن ويهفني دميثير ويصرخ بويهي ليش سويتي جذي
عاد انا بما اني صرت كات وومن جان امسكه من دشداشته وارفعه واحذفه وانحاش
واتسلق طوفة بناية( بالحلم هاذي مجلس الأمة )
جنها روضة بلقيس من عشر طوابق هاهاها

ويوم اوصل السطح ولا اشوف لعبة عوودة بلاستيك اللي يتفخونها
على شكل الخرافي بس كان لابس ملابس كلاون وكانت بالحلم تعويذة أعضاء مجلس الأمة
هاهاهاها

جان يقعد يزئر على بو إنه يخرعني عشان انزل عن السطح
قلتله لو انت ريال تعال عندي
ويلا ينط عندي جان امسكه وادوس بمردانه ومسكت سدادة الهوا اللي كانت موجوده بويهه
وفششته وما اسمع من عقب زئيره وصراخه علي غير

تسسسسسسسسسسسسسسسسسسسسسسسسسسسسس


اشوى ماحلمت اني جاسم يعقوب

اتهقين شنو التفسير


؟؟؟؟؟؟؟؟؟؟؟؟؟؟؟؟؟

نون النساء said...

^
^

ترا هذا مختصر

nanonano said...

فريج سعود:

مو قد الشغله..قدموا استقالاتكم

عيل جذي

جنهم خلال بطبق

nanonano said...

Eng_Q8 :

حـــــــــــــرام عليك أشياب الصين حق الطين؟؟؟

أصلا أنا ما أسمح لك أنك تنزل بمستواك و تنافس الكارجو

خل يستريح

قام يصرّح من الواهي اللي فيه

ما له خلق ينق فلوس مره ثانيه

nanonano said...

حسافتج:

أصير مفتاح و قفل و اللي تبي

بس أنت هدّي شويه

و الله خايفه على صحّتك

nanonano said...

نون النساء:

هاهاهاهاهاهاهاها
هاهاهاهاهاهاهاها
هاهاهاهاهاهاهاها

من زمان ما ضحكت جذي

تسسسسسسسسسسس
ذبحتني

تفسيره
أن السالفه كلها بتصير بالنهايه

تسسسسسسسسسسسسسسسسس

مبيوق said...

نووون النساء ونانو

الساله مو بتصير

السالفة صارت وخلصت

صارت فسسسسسسسسسسس

Diver said...

هليام وايد اردد هلبيت

اسمعت لو ناديت حيا و لكن لا حياة لمن تنادي

lawyer said...

انزين احنا اشذمبنا في عمليه لعب الاعصااااب هذي؟؟؟

كويــتي لايــعه كبــده said...

"
ما نستاهل منكم جذي
"

الا نستاهل ونص

خل الناس تختار اللي كفو أمانه
مو بس ولد عمها
والا هذا اللي يصوت له كشخه
وهذاك حاط لحية أكيد زين
وغيره من خراب بيوت

الناس مأمنه أغلى أمانه بيد من لا أمانه لديهم
(بأغلب الحالات)

وبعدين الكل يفاقق "شوفوا الوضع"!؟

عثماني said...

يا اخيتي

هيك شعب بدو هيك نواب

:(

nanonano said...

حسافتج:

لا تعليق عندي على تعليقك

لأن أستحي

nanonano said...

Diver :

والله أنا بانادي لين يختفي صوتي

ما راح أمل

لأن أكيد راح أيي يوم و أحد يسمعني

nanonano said...

lawyer :

ما لنا ذنب

عشان جذيه أنا محتره

nanonano said...

كويــتي لايــعه كبــده:

والله العظيم أن أختياري ما كان على و لا شي من الأشياء اللي ذكرتها

عشان جذيه أنا حاز في نفسي سكوتهم

توقعت منهم وايد

و للأسف خيبوا أملي فيهم

nanonano said...

عثماني:

صــــــــــــح

الظاهر أن بجيناتنا الردى

نحاول أن نسنع بنفسنا

بس بالنهايه الجينات أهيه اللي تغلب

kuwaitawy said...

والله مادري شقول

بنت الشامية said...

تعتقدين احد منهم
يعرف شيئ ..او فاهم شقاعد يصير..؟؟؟
.كل من يصرخ من راسه
هذا يسمونه بالعرف السياسي
لعبة البروووووي

ما لنا الا رب العالمين
ننطر ونشوف ...وبعدين يمكن نفهم

Diver said...

عيل هم اقولج هلامثل الي اردده هليام وايد و اعتقد انج تعرفين قصته

اقبض من دبش

 
template by Purplecious