Sunday, March 08, 2009

برافو هايف


.
.
والله برافو هايف
.
رئيس الحكومه ما خذا معاك..غلوه
.
عرفت تلعبها مضبوط معاه
.
و اللي واضح من تصريحات رئيس الحكومه
.
أنك خذيت اللي تبيه
.
برافو..صدت كلمة السر
.
طبعا كان في نواب غيرك صايدينها
.
بس مشكلتهم أن مطالباتهم ما كانت 
.
بوقاحة مطالبتك

31 comments:

Eng_Q8 said...

رئيس الحكومه جدد الثقه بمحمد البدر


اودي اقول كلمه بس خليني ساكت

ومساء الجينكو

حسافتج يا كويت said...

هايف ماشفش حاجة


أنا هذا من إسمة ما ارد علية

بس عجبتي الجاتنج اللي صار بينهم اول امسات

كل واحد يغازل الثاني

ناصر المحمد إكسبايرد خلاص
وهايف مرفوع عنة القلم

nanonano said...

Eng_Q8 :

مساء الجبرات

مهندسنا

ما ظل بيها حجي

nanonano said...

حسافتج:

الكويت كلها تدري أن أكسبايرد

الا أهوه مو راضي يفهم

عثماني said...

يا اخيتي

اذا كان عندنا نواب بوقاحة هالهايف

و رئيس حكومة بضعف ناصر المحمد

على الديرة السلام

حسافتج يا كويت said...

نانو

نودية بنك الدم علشان يحلل ويعرف

هذا إذا لقوا دم

nanonano said...

عثماني:

أول شي بشّرني شاخبار أمّون سكرتيرتك؟
=====

أهيه عليها السلا

لازم يصير تغيير جذري

أربع خطوط تحت كلمة جذري

لأن أذا ما صار التغيير حقيقي و سريع و جذري

راح تصير

عليها السلام
:(((((((

nanonano said...

حسافتج:

أشرايك نقول حق واحد من النواب

خل يصرح عن طريق كويت نيوز

النائب: أطالب باستقالة رئيس الحكومه و لا استجواب

كويــتي لايــعه كبــده said...

الهايف الأول يستاهل الهايف الثاني

الديرة اللي ما تستاهل ادارة معدومة هالشكل

حسافتج يا كويت said...

لا هذي جايدة

انا بقول حق بورمية يطالب بأن يشيلون كل اللي يبيعون بنك بالدواوير وإلا الإستجواب بصير بدوار الكرد

100 fils said...

مساء الخير

للأسف سمو رئيس الوزراء أضاع هيبة المنصب و راح يتعب الي راح يمسك هل منصب من بعده..الا اذا تم دمج ولايه العهد ورئاسه الوزراء مره اخرى و عودة من هم خارج الحكومه من شباب الاسره الي يمكن يكونون لوبي قوي وقادر على مواجه هل نوعيه من النواب الي وصل فيهم الابتزاز السياسي للحكومه الي حل المستوى المنحط
هذه مجرد وجهة نظر المتواضعه

:)

nanonano said...

كويــتي لايــعه كبــده:

لا والله الديره ما تستاهل

بس شنو نسوي

ما أردى من المربوط الا المفتلت

nanonano said...

حسافتج:

عاد كل شي و لا البنك

عاداتنا و تقاليدنا راح تمس اذا شلت البنك من الدواوير

nanonano said...

100 fils:

مساء الورد

مثل ما قلت حق أخوي عثماني

تغييــــــــــــــر جذري

Diver said...

انا لوقت طويل كنت اقول لا يمكن الريال منه طب
بس عقب الي سواه فيه هايف صار ما بذني ماي الحبيب منتهي

عشان جذي كتبت الي كتبته في مدونتي و تعليقج رديت عليه

nanonano said...

Diver :

بثلاث سنين ٥ وزارات...شلون منّه طب؟؟؟!!!؟؟

فريج سعود said...

اهيف منه الي خايف منه

الدســتور said...

اختصرتي الموضوع بكلمة السر
وانا اقولك مشكلتنا باليوزر
لازم انغيره و مانغير كلمة السر

nanonano said...

فريج سعود:

بالضبط

أبو الفرجان الحين في نواب أنضموا حق الهايف العود و مأيدينه!!!..مجلس الهيافه

nanonano said...

abu eldestor :

أفا عليك

كلمة السر ما تتغير

هذا حقنا و ما راح نتنازل عنه طال عمرك

اليوزر يبيله نقاف

Mok said...

من ناحيتي وصل سيل الزبى

KQ8 said...

لا فعلا فعلا الوضع لا يطاق ومسخره

اذا وصلت السوالف كإستجوابات لي الشينكو

باجر وهذا شي مهم واكيد بيطلع لنا استجواب لــــــــيش مو لابس قحفية

شقران said...

الغالية نانوناو

مساء الأتوار المعطر بالنوير


غاليتنا ماحدث أمس من تراشق بالمسجات أمر مضحك مبكي علي واقع سطحية العقول...للأسف!؟

الكل يريد جنازة ليشبع فيها لطما

والطرف المقابل لامشكلة عنده من أن يقدم تنازلات من أجل لاشيء



لاحصافة ولاكياسة


.
.
.


تنشد عن الحال...هذا هو الحال
!!



تقبلي مني أجمل تحايا المساء

المقوع الشرقي said...

نانو
سموالريس



الا كرسيى
ما اقدر اخليه
الا كرسيى
دنيتى فيه

a7ibich yl KWT said...

باااااط جبدي محد يصدق شكثر

فووق شينه قوات عينه

موكافي كاسر القانون وداش المجلس بفرعية


وتالي بكللللل معنى لقلة الادب يقلل من احترام السلام الوطني ويلعب بموبايله ولابهز طووله ويفتي بانها بدعة "مابدعة الا وجودك ووصولك للمجلس ياشقول"

والحين يبي يثبت وحوده جدام ناخبينه
سليمة تصك ناخبينك مادري شمسقيهم يوم انهم انتخيوك



رحم الله رووح ابووك يوم انه سماك هايف لان ماكو اسم ثاني يركب عليك

nanonano said...

Mok:

صدقني مو بس أنت...الكل..عقب هالويكند

الشق عـــــــــــــــــــــــــــــــــود

nanonano said...

KQ8 :

بو طارق....ياينا ياينا أستجواب ليش مو لابس قحفيه؟

رئيس الحكومه شلون يقرر يلغي و يجمد قوانين بناء على مسج

واااااااااااااااااااااااااااي

كل ما استوعبتها زياده

مت من الخوف
و
مت من القهر

nanonano said...

شـقـــــران:

مساء الفل و الياسمين

(أخترت هالورديتين لأن لونهم أبيض..بسبب خوفي من السواد اللي مقبلين عليه)
=====

معلمي العزيز

تدري شنو المبكي بالموضوع


تصريح النائب محمد هايف: 'لم نطلب من المحمد بناء المسجد على نفقته الخاصة فنحن دولة مؤسسات ننشد تطبيق القانون'.

تخيّـــــــــــــــــــــــــــــل

نحن دولة مؤسسات

هذي بلوه..أذا هذا أسلوب أدارة المؤسسه

والله قلبي يعوّرني

nanonano said...

almaqwa3 alsharqy:

سمو الرئيس

اللـــــــــــــــــــــــــــه يخليك

قدم أستقالتك

لأنك فشلت

و الويكند اللي فات

أكبر دليل للأسف

nanonano said...

a7ibich yl KWT :

تبين الصج

أنا أثنيناتهم باطّيــــــــــــــــــــــــــــــن جبدي

بموت من الحره منهم

و آخر الفيلم يانا قويعان بعد


كملت

واللع ودي أروح ساحة الصفاة و أصارخ من قمة راسي من القهر و الحره

بركة said...

انا مو هامتني السياسة

بس على سالفة الخشم
عندي نفس اللي عندج

خشم يش اللي يصير بالجو قبل ما يصير

بس حبيت اسئلج

اذا شفتي شي في التلفزيون مثلا اي شي اكله او غيرها
تشمين ريحتها

ودي اعرف
baraka009.blogpost.com

و الله يعينا على هالخشم

 
template by Purplecious