Sunday, March 01, 2009

مو راضي يركب الصنقل


.
.
بعد الأجازه القصيره
.
و خاصة أني صديّت هالمره..صدّه مضبوطه
.
لي الحين مو قادره أركّبْ الصنقل
.
.
يمكن من كثر ما الوضع سئ..مالي خلق
.
يمكن الناس اللي احتكيت فيهم بسفرتي
.
ورّتني الناس وين.. و أحنا وين
.
أنا مو قاعده أتكلم عن وضع بلد
.
قاعده أتكلم عن نوعية بشر 
.
أسبوع كامل..ما سمعت كلمه زعلتني
.
أسبوع كامل..ما سمعت جمله أزعجتني
.
يمكن لأني في وضع سائحه
.
بس قعدت مع وايد ناس من أهل البلد
.
نوعية المفردات اللي يختارونها غير
.
ماكو كلمه تكدّر
.
ببساطه
.
ناس واضحين و مرتاحين مع نفسهم
.
.
فوضعي لي الحين في مرحلة الرواء
..
.
بس قاعده أتزهب حق اللويه
.
اللي يايتنا

51 comments:

Anonymous said...

وين رايحه؟
مصر؟

nanonano said...

maqhor:

هاهاهاهاها
هاهاهاهاها
هاهاهاهاها

ما راح أقول لك
;p

حسافتج يا كويت said...

عليج بالف عافية وفوقهم قلاص ماي بارد يسرسح على قلبج


صحتين


والحين هل انتي مستعدة لما هو آت؟؟


انا شخصين غسلت جبدي وبقعد اردح لهم

Haneen said...

حمدالله عالسلامة
المهم رديتي فريش لأن الياي يبيله نفسية راااااايئه

Mok said...

هلالالا بالغالية

الحمدالله على السلامة

ونورتي

:)

nanonano said...

حسافتج:

غسلنا جبدنا

الحمدالله

و بلعت بلعه مو عاديه

فيعني سمنانه جم كيلو

و الحين تزهّبت حق اللويه

عشان أنزل الكيلوين

nanonano said...

Haneen:

الله يسلمج

المشكله أن الواحد يخلي روائه يكمّل معاه

العساره..تيي ركضه مع اللويه

nanonano said...

Mok:

هلا والله فيك

الله يسلمك
:)

منوره المدونات بوجودك

100 fils said...

مساء الخير

تو مانور ال
Blogger
الحمدالله على السلامه نانو و عوافي على قلبك..عاد ياني مزهب تعليقات حق البوستات اليايه شلون لا تسألين..محسوبج صاير زرقاء اليمامه هل اليومين

;)

كويــتي لايــعه كبــده said...

عاد انتي راده على توقيت لوية عدل

الله يعينك على الفارق والمقارنه

اصلا من باب الطيارة المقارنه تبدي من الجو الى الناس الى السياقة بالشوارع وانتي اللي رايحه

صدقيني اعرف الاحساس

الحمد لله على السلامة

ZooZ "3grbgr" said...

الحمدلله على السلامه

وحشتيني هااااااااااااالكثر

شكلج كنتي بايطاليا

هههههههه

عالعموم ركبي صنقلج

ترى مالنا غناة عنج

:**

ANGEL HEART said...

حمدلله عالسلاامه

ولاتسمحين لاي شي يطلعج من حاله الروئان لانها بديرتنا وبمجتمعنا مااتعووووض

enter-q8 said...

يا سلام عليك يا نانو
هليت و هلت معاك الاستجوابات
اول استجواب
المحور الاول
وين سافرتي و كم كانت مصروفاتك
المحور الثاني
للحين ما عرفه بس اكيد راح اقدمه

أبو جيج يدور نعاله said...

تونى بلير



ما عندى شى ثانى أقوله

kuwaitawy said...

الحمدلله عالسلامه



والحمدلله انج رديتي بهالتوقيت بالذات

;)

ولاّدة سابقاً ... رانيا السعد ...رانية المنيفي حسب الأوراق الرسمية said...

الحمد لله على السلامة

Unknown said...

1- wlcm bak
2- I thought you were gonna stay in town
3- you still can hang around with happy/postive friends
4- these short trips are very hard to recover from

a7ibich yl KWT said...

الحمدالله عالسلامة

انصحج تصدين زود

تو مابدت اللوية
وشكلنا ريض

chandal/danchal!! said...

حمدالله على السلامة
:)

نييبلك حسونة العجلاتي يركبلك دبل صنقل... يا شين اذا فج الصنقل و اختل توازني... شفكنا من الشماتين
-------------

اكيد رايحة تزورين مشهد عند الامام الرضا لووووووووووووول

ما راح تفهمين شي من رطينتهم وبالتالي ما راح تسمعين الا اللي يسرك

:)

قاعدة اتغشمر لا تشبون علي يا خواتي واخواني


بس يقوووللك عندهم
out/let
زل ايراني ما صااااااااار

ميتة ازور ال
out/let

بس خايفة من منوشهر... انا من اطب ديرة يصير فيها مصيبة!!!

مركبنا said...

الحمد لله على سلامتج
واستعدي
حق

زعلتيني ما قلتي انج مسافره
زعلتيني ماجبتي الي وصيتج عليه

وهلم جرااا

KQ8 said...

ولكم بك

ماطافج شي

ولا راح يطوفج شي


لو تروحين وتغطين ستين مليون سنه هم ماراح يطوفج شي الحال نفسه والوضع نفسه

الدســتور said...

حمد الله على السلامة
واهلا فيك بديرة الازمات

nikon 8 said...

الحمد الله على السلامة
وهذي ميزة الإجازات صدة وتغيير مزاج
:)

فريج سعود said...

ضيعتي الصقلة بالصنقل

الحمدلله على السلامة

شقران said...

غاليتنا نانونانو

مساء الشوق والاشتياق لعودتكم


أشرق التدوين بطلتك الجملة
:)



فقدناك بالحيل يالغالية من غير شر

وأأكد لكِ إن مكانك كان فاضي ولم يستطع أحد أن يشغله...فقلبكم الكبير يسع الجميع ولن نجد مثيل له






ألف الحمدلله على السلامة


كل التحايا الجميلة والطيبة لكم ولأسرتكم الكويمة

nanonano said...

100 fils:

الله يسلمك..والله يعافيك

و بما أنك صاير زرقاء اليمامه..يا ريت تقول لي

شنو موضوعي الياي

لأن مثل ما قلت لكم مو قادره أركب الصنقل

nanonano said...

كويــتي لايــعه كبــده:

الله يسلمك

تصدق أنا من النوع اللي ما يحب المقارنه

أو بمعنى أصح..تعودت على الوضع الحين

بس هالمره..جمهور المطار لما وصلنا

مــــــــــــــو معقول

والله العظيم..من طبيت مكان الجوازات و أنا صاكه خشمي من الروائح

هني صج ضاق خلقي

nanonano said...

ZooZ "3grbgr":

الله يسلمج

ويـــــــــــــــي أم الزوز أنا وين و أيطاليا وين

يا ريت..خبرج عارف الأزمه الأقتصاديه و بهذلتها

شوي..شوي..قاعده أزيت الصنقل

و يايتج ركضه

nanonano said...

ANGEL HEART:

أهلا و سهلا

للأسف..طلعوني من الروئان عقب يومين بالدوام

هاهاهاهاها

رديت استشرّيت

nanonano said...

Enter-Q8 :

بو وليد...يا هلا..يا هلا

مصاريفي خط أحمر

مالي خلق يدري زوجي عن مصاريفي

أكيد راح يطلب أعفائي من مسئولية الزواج

nanonano said...

الوزير الإصلاحى الشاب الدكتور أبو جـيـج:

صاحب المعالي

كافي بالنسبه لي

توني بلير

بس للأسف ما كان تــــــــــــــــــــوني

كان توفيق ولد موفق

nanonano said...

ولاّدة:

الله يسلمج عزيزتي
:)))

nanonano said...

kuwaitawy :

آســــفــــــــــــــــــــه

ما كان قصدي أطوف تعليقك

بس الظاهر الجت لاق

الله يسلمك

حــــــــــــرام عليك..هالوقت بالذات

حق اللبحه و الدحره

nanonano said...

mosan mosan:

1). thanx darling

2). nop i didn't i've been planning for leaving this holiday..u know that i needed a break

3). where are they????????!!!??

4). i know what r u talking about darling

nanonano said...

a7ibich yl KWT :

الله يسلمك

تصدّق أي..شكلها ريّض

أو هذا الأستنتاج اللي وصلت له اليوم

تونا في بداية المعمعه

nanonano said...

chandal/danchal!! :

الله يسلمج

دبل صنقل؟؟؟؟؟؟

حرام عليج عشان أصير زقيد

و قبضي طيحات

و هم على الطيحات هينه..تعال أخذ زلوق

و الدوا الأحمر حق التبقع

تدرين شلون

خليني طرق روحي أعابل بالصنقل

أحسن لي

nanonano said...

مركبنا:

الله يسلمك

لا أنا أكثر وحده أعلن أني باسافر

لأني ما أواطن التشرّه

و عشان أفتك من الحنه

nanonano said...

KQ8:

ثــــــــــــــانك يو دير

لا ما طافني شي أدري

مريت على مدونة العزيز

مقهور و قريت ملخص الأسبوع

خبرك الأسبوع اللي فات الكل كان طاش

محد حول الديره..و احتفالاتها بالأعياد الوطنيه

nanonano said...

abu eldestor :

الله يسلمك

أيـــــــــــــــــي والله ديرة الأزمات

ملّينا من هالوضع

متى نصير ديرة القرارات؟
أو ديرة الأنجازات؟؟

متعب الموضوع

nanonano said...

nikon 8:

الله يسلمج

عليــــــــــــج نور

و أحلى شي أنها تكون ناجحه

و أدت الغرض المرجو منها

nanonano said...

فريج سعود:

ضيعتي الصقله بالصنقل

همممممممممم

هذي منو مغنيها

الله يسلمك

ولهت على أبداعاتك

nanonano said...

شـقـــــران:

المعلم شقران

لما يقولون

ختامها مسك

بالنسبه لي تعليقك أهوه المسك اللي ختم تعليقات العوده

ما تفقد غالي

شكرا جزيلا..و أنا أفتقدتكم وايد

كنت قاعده أتغلى شويه
;)

لا والله أتغشمر

بس هالمره بأجازتي فقدتكم بالضبط

كثر ما فقدت أهلي

يعني

وايـــــــــــــــــــــــد

Zaydoun said...

يا زينها من ديرة ويا زين أهلها.... اللي شفناهم وتعرفنا عليهم على الأقل

حتى المطر اللي العادة ما أحبه، هالمرة ما ضايقني

nanonano said...

Zaydoun :

واااااااي بوالزيد ما أينّنون

لما اتولّع فيهم من شويّه هالشله

و بالنسبه للمطر...تصدق فكرت فيك يوم السبت قلت بوالزيد أكيد بيتعسّر

بس أشوه طمنتني

honey said...

حمدالله على السلامة

اكيد ما كنتي بلبنان
;p

Unknown said...

انتى توج تكتشفين أن الناس غير ؟
يا يبه أهنا الناس منفسة خلقة ما تعرف تبتسم كل من مبوز وكل من شايل نفسه
علي شنو ؟؟؟؟؟؟؟؟؟؟
ما ادري
المهم زين سويتي انج سافرتي

Blog 3amty said...

يبيلة شعب يديد ما يتحجى عربي !

lawyer said...

حمدلله على السلامه

دووووووم انشاء الله في روااااااء






انا بدا يروح مني مود السفره من الجووووو

Unknown said...

mawjoudeen

SKY said...

الحمدلله على السلامة وإنشاءالله دوم فرييييش ومرتاحة

و الله يعنييج على اللووية

حسافتج يا كويت said...

نانو


صنقل الحكومة جيم

وصنقل المجلس تفلش


وصنقلج شصار علية

 
template by Purplecious