Wednesday, February 11, 2009

أشدعوه؟!!؟


أشدعوه..أشصاير؟
.
على قولة واحد من الزملاء
.
وين قاعدين؟
.
برالي دكّار؟
.
التربه من كل صوب تدخل علينا

60 comments:

Zaydoun said...

والله ما نمت من صوت الهوا الساعة 4 الصبح

والمزاج اليوم مغبر ومستعسر... وقد أعذر من أنذر

enter-q8 said...

اقول تركوا عنكم الدلع
و غنوا معاي
احبها بحرها ببردها بطوزها بحدسها
الكويت الكويت
انا انا أحبها

nanonano said...

Zaydoun:

بوالزيد ما شفت بيتنا عقب ما مشيتوا
======

لا يحوشك..سكّنهم بمساكنهم

nanonano said...

Enter-Q8:

هاهاهاهاها

أشعند بيبي اليوسف؟

حسافتج يا كويت said...

ليت من يلوص اللي في بالي فازلييين وحطه بالصفاة

قانونى كويتي said...

لا مو للدرجة الكبيرة عاد

الاوضاع مو عادية

بس طبيعية

تحياتى

nanonano said...

مبيوق:

هاهاهاها
هاهاهاها
هاهاهاها

اليوم المزاج قمّة النحاسه

nanonano said...

قانونى كويتي:

ما شاء الله

الظاهر ألمنيوم مبناكم وايد زين

أنا أشم الغبار

داخل حلجي أحس بطعم الرمل

الله يخليك قوم طل من الدريشه

100 fils said...

هذا كله من الحكومه و المجلس

heheheh :)

nanonano said...

100 fils:

لا من حكومه

و لا من مجلس

و لا من سوق

و لا من جو

الحمدالله على كل حال

KQ8 said...

احس ان الهوا داخل الحفيز ثجيل..والعيون بدت تحومر

nanonano said...

KQ8:

تدري شنو مضيق خلقي أكثر شي

سيناريو صيفيه 2008 راح يتكرر هالسنه بعد

نون النساء said...

أحلى
lose powder
حق الويه
الغبار



ما يحتاي ميك أب

ميك آبج من الجو على ويهج على طوول


:)

روحي المنظرة وجيكي على اطراف رموشج
هههههههههههههههههههه

كويــتي لايــعه كبــده said...

مقزرها اركب لليهال بيت الباربي الجديد بعد ما كنسلنا كل مشاوير اليوم

nanonano said...

نون النساء:

يقولون لج الفاونديشن الرمادي

أهوه مودة الربيع
********

رحت شيّكت على رموشي

هاهاهاها

مع الماسكرا صار

قيله

nanonano said...

كويــتي لايــعه كبــده:


و الله أحسن لك أنت و اليهّال

و لا التّنك صدورهم بهالجو

و تعال عابل

haifa said...

انا مكتبي صاير بالدور ال 12
فالمنظر مو صججججج .. قاعدة واغني

ايوا يادونيا ايوا كداااا
عمري ماشوفتك اورانج كداااا

nanonano said...

haifa:

ما ألومج على هالجو

شلون مزاجج ما يكون عالي و طربانه؟

chandal/danchal!! said...

لووووووووووول

اي والله اشدعوة!!! تصدقين من الصبح بطريقي من السيارة لي المكتب قاعدة اقرم حصم:(... ريوقي عبارة عن "طين خاوة" ... يا رب يكافينا شرها

nanonano said...

chandal/danchal!!:

هاهاهاهاها
هاهاهاهاها
هاهاهاهاها
هاهاهاهاها

طيــــن خاوه؟؟

وااااااااي
هاهاهاهاها

أشطرا عليج؟؟؟!!؟

ذكرتيني بخالتي من التنسى
تشتهي طين خاوه

ليش صار فيها حصوه من الطين

بس بيني و بينج
له طعم بـــارد

chandal/danchal!! said...

لووووووووول

حتى امي كل تقرم فيه بحمالها... حمدالله+ شكر لين حاشها فقر دم منه

حاولت احبه بس ما قدرت

ودج اطلع بنت خالتج!!! لووووووول كويت از سمووووول.... بس مو بهاللون يالشيخة

nanonano said...

chandal/danchal!!:

هاهاهاهاها

لأ أدري أنج مو بنت خالتي

على طاري الكويت صغيره

ذكرتيني بسالفه

باكتبها بعدين
***

يو أنج ما حبيتي الطين خاوه

ليش أنا حبّيته

جنّي فشلت من روحي

chandal/danchal!! said...

ولا فشله ولا شي... هذا اكل اورجانيك لوووول يعني كشخة... امي لي يومج اتنطع فيه

JooJ o MaJooJ said...

انا الجيوب لاعبه فيني لعب
:(
بس الحمدالله غباار ولا زلزال او أعاصير قولو الحمدالله
جووج

Anonymous said...

انتوا عندكم غبار منحكرين

واحنا عندنا عاصفة ومطر وبردي ... وهم منحكرين

الحمد لله على كل حال

nanonano said...

chandal/danchal!!:

تهقين ألاقي في
دين أند دلوكا
طين خاوه

nanonano said...

JooJ o MaJooJ:

ألف حمد و شكر

صح كلامج

بس هم الغبار مع اللي عنده جيوب و اللي عنده تنك واللي معاه صداع نصفي
يملّل..أنقزرها
pain killers

nanonano said...

دروازة:

أنا عندي حكرة المطر أهون من حكرة الغبار

الغبار يقمّت على قلبي

why me said...

يعني يوم قررت اقز

جذي يصير الجو

:(

chandal/danchal!! said...

لوووووول يسويها البخت واخوانه وعمامه... عاد ما يحتاي اعرف منو بخيت الكويت لول


عند العيايز كل شي جايز

:)

فريج سعود said...

اول مرة احس بلوعة جبد صجية من الغبار

بالشتا غبار هذي وين صارت

ANGEL HEART said...

اي والله شي مو طببيعي

العاده اتيي هالاجواء المغبره بشهر 3 بس هالسنه مبجره:(

ماقدرت انام من اصوات الهوا والتكسير والاصوات المرعبه

الله يعينا عاد مادري تالي الليل بيخف ولابيستمر

ZooZ "3grbgr" said...

نانو حبيبتي

يقولون هالسنة بيكون الغبار اكثر من 100 يوم

وناسه

كل يوم غبار بطلع اصور
لين احب طعمه



chandal/danchal!!

لووووووووووووووووووول
ههههههههههههههههه
كومنتج فصله
موتني من الضحك

الدســتور said...

ههههههههههههه

nanonano said...

why me:

لأن العكوسيات و الحظ البايخ حقنا

أيام الجو اللي أينن تلاقينا محكورين بالدوام
===

لا تقزّين و لا شي..ماكو شي راح يطوفج

غير الغثى بكل مكان

nanonano said...

chandal/danchal!! :

هاهاهاهاهاهاها
هاهاهاهاهاهاها

يا حسرتي منو العيايز..عسى مو أنا و أنتي؟

nanonano said...

chandal/danchal!! :

منو أم خمّاس فينا؟

nanonano said...

فريج سعود:

و مو أي غبار...غبار الأحمر ما أدري الأصفر

مال شهر ٦ و ٧

الله يساعدنا على الصيفيه

nanonano said...

ANGEL HEART :

أهوه المفروض أن بيخف

بس عقب شنو..عقب ما أنحشرت صدورنا

أستغفر الله

بايخ الجو

nanonano said...

ZooZ "3grbgr" :

خلاص راح نتوقع منّج السنه
review
عن أحسن نوع غبار و مناسبة تقديم كل نوع و لون

عشان نقدر نقزّرها هالصيفيه

الله يساعدنا

و صح نسيت..من فوائد الغبار

ما فيه كالوريز وايد

nanonano said...

abu eldestor:

:)))))))))))

و الله أنحشرت صدورنا..لو أنا قاعده بالصحراء الغربيه..جان ما ياني هالأحساس

مثل الحين

Mok said...

وانيت احمر

chandal/danchal!! said...

اسم الله علينا... لا يا نانو احنا دايما "جريــــن" تو الناس على التقرقم

انا احب ام سعيد لول لأني من عشاق القهوة العربية والمكاسر لول

وهم يلوق علينا ام علاوي... اية يوم اللي عندي بيكسر اللاب توب على راسي... بسبب حالة التسبه اللي تحوشني وانا مجابلة المدونات

زووووزززز انشاءالله دوم رايئة
:)
اي تعليق بالضبط!!... انا قازة مدونة العزيزة نانو قززز... رايحة و رادة عليها... المفروض ما تسوينها تول فري يا نانو لول

ZooZ "3grbgr" said...

هذا

handal/danchal!! said...

لووووووووووول

اي والله اشدعوة!!! تصدقين من الصبح بطريقي من السيارة لي المكتب قاعدة اقرم حصم:(... ريوقي عبارة عن "طين خاوة" ... يا رب يكافينا شرها



خخخخخخخخخخخخخخخخخخخخخخ
ليلحين اضحك
هههههههههههه

nanonano said...

Mok:

على هالغبار...هم بيغرّز

nanonano said...

chandal/danchal!!
و
ZooZ "3grbgr":

وااااااااي
وهلوني

ماني معبره ألحق عليكم

nanonano said...

chandal/danchal!!:

من عشّاق القهوه العربيه؟؟؟؟؟

مثلي

أنا أنطر الويكند نطره عشان أشرب قهوه عربيه

لأني ما أعبر عليها القهوه الوحيده اللي أمووووت عليها

بس غريبه..محد من هالقهاوي كلها اللي فتحوها

يقدم قهوه عربيه

أشرايج؟؟

خوش مشروع

دكان صغيّر ما يبيع الا قهوه عربيه و تمره

و نخلي ستايله تقليدي كلّش
====

على تسبّه المدونات

أنا ساعات أحس مخي صار قلّيلبه من الفراره

nanonano said...

ZooZ "3grbgr":

تعرفين طين خاوه؟؟؟

ZooZ "3grbgr" said...

طين خاوه

هو طين لونه أخضر فاتح كان يجلب من الدول المجاوره للكويت و يباع عند الحواج او العطار و عند البقالين و كانت النساء يقبلن على استعماله اكثر من الرجال اعتقادا منهن ان غسل الشعر به يطيله و يزيده نضاره و لمعانا
و بعض الحوامل كن يأكلنه في اثناء وحمهن و يقلن انه يبرد الكبد و المعده
لذا فقد كان ينصح من يعاني من الحارج اي حموضة المعده الزائده بتناوله
و كان يستعمل مذابا في الماء دهنا ملطفا شافيا لالتهابات الجلد التي قد تصيب الاطفال الرضع

طبعا هالحجي بالكويت قديما


هذا منقول من قوقل
i needed to google it
لاني كنت سامعه عنه بس ما اعرفه

Blog 3amty said...

الحمد الله شي أحسن من شي .....

nanonano said...

ZooZ "3grbgr":

كاتبين عن الطين خاوه بالغوغل؟؟؟؟

هاهاهاهاهاهاهاهاها
هاهاهاهاهاهاهاهاها
هاهاهاهاهاهاهاهاها

المشكله أن صــــــــــــــــح

أنا كنت أبوق منه من خالتي

صـــــــــــــــج يبرّد على الكبد

و يقول لج حريم قبل..مساكين

من يتنسّون..مقزرينها عند طوفة البيت

و يشلعون منها و يدعسونه بحلوجهم

و يقولون أيام قبل حلوه

ZooZ "3grbgr" said...

عاد انا ان بيوم من الايام تنسيت

بعضض ريول كراسي

من صجهم مساكين يتنسون على طوفة البيت

انا قريت عنه انه زين حق الشعر

بروح اخذ شاور واخلي شعري مبلل

وبطلع بالحوش

طين خاوه فريششششششششششش

ههههههههههههه

nanonano said...

Blog 3amty:

الحمدالله ألف مرّه

بس صدورنا أنحشرت

متنا من الرمل

nanonano said...

ZooZ "3grbgr":

لاااااااااااااا

لا التهورين

طين خاوه..ينشف الشعر

عقب راح تصيرين زوز أم كشه

عاد تكمل حسناتج

هم ضاربج عقر بقر و كشّه

chandal/danchal!! said...

لوووووووووووول وصل قوقل
هذي من علامات الساعة الكبرى
الله يرحمج ويغمدج الجنة يا ممولة الطين خاوة

قلبج على قلبي يا نانو... من زمان وانا اقول ليش الشايع ما يحط ركن قهوة عربية في ستاربكس مع اجود انواع التمور... على الأقل في موسم الخلال... شاطرين بس بالتوفي نت لاتي اللي تحمس اقصى الجبد وما فيها من الحلاة ولا نتفة

توني ياية من رامز اند ديلوكا... مالج مقز ابرة... بس طلعت بفايدة... عندهم شاي اسمه

love love tea looooooooooool

وتغليفته فوشيا... شوقني قلت الا بجربه

عاد تييج الأخبار

سوينا عليج زحمة بهالبوست
:)

honey said...

أخخخ يا حلو البطالة ما تدرين عن جو و لا غيرة

بس هم اعيد نحن في صحراء قاحلة

nanonano said...

chandal/danchal!!:

صباح الورد

تصدقين أني اقترحت على مجموعة الشايع

حقروني..الظاهر مو شغل زقرت..ما
ايوز لهم

راح أنطر أخبار الشاي..أنا يمكن اليوم الظهر أروح اشوفه

بس أشرايج بطين خاوه بغوغل

هاهاهاهاها
هاهاهاهاها
هاهاهاهاها

وايد ضحّكني الموضوع

باحط ساره العضاضه بغوغل

باشوف شنو يطلع


لا زحمه و لا شي

مدوني مدونتج

ما أحب حجي المجاملات هذا
زحمه..و فشله

nanonano said...

shahad:

عليــــج بالعافيه

أجازه؟؟؟؟

قاحله و قبلنا فيها

بس بنموت من النشفان

KQ8 said...

خير خير كله خير

nanonano said...

KQ8:

من أي كتر؟؟

 
template by Purplecious