Friday, February 06, 2009

في شيْ بدّو يصير..في شي عمْ بيصير

.
.
هاليومين الكل قاعد يتكلم أن في شي راح 
.
يصير قريبا جدّا
.
توقّعاتي تقول أن الشي أذا بيصير
.
راح يكون الاسبوع الياي
.
يوم ١٠ فبراير
.
لا أسبوع بو أنس
.
و لا ٦ أسابيع حدس
.
يوم ١٠ فبراير راح يتم عرض 
.
خطة الأنقاذ على مجلس الأمه
.
و اعتقد أن الصعقره راح تبلّش 
.
من ذاك الوقت
.
.
فلي الثلاثاء اليايه راح تلاقوني هذا
.
موديلي..قاعده على باب بيتي
.
و أهتم بالحيوانات الأليفه اللي عندي
.
و أنطر نتيجة الجلسه

67 comments:

Anonymous said...

انا ابتلشت فيكم
يبا صقعره مو صعقره

انا من زمان احن اقول حل حل حل
حل بطني من كثر ما اقولها

Anonymous said...

اول مره اطلع الاول
ما عمري طلعت الاول:)))

فريج سعود said...

ان شاء الله بيصير الي تتوقعينه


الصعقره اهي السبب

غيريها بسرعة لان الشماتة وايدين

Anonymous said...

اهووووووووووو

فريج
يا اخي خلنا ناكل تبنا شفيك مناجرني بالشماته

Q8Sky said...

الكل ناطر هالجلسه والكل يبي يعرف اشبيصير فيها وربنا عالمفتري

Zaydoun said...

صرقعة ولا صعقرة؟؟

بعدين من وين لكم حيوانات أليفة؟ عسى مو حاطين قفص حمام قي البيت الجديد؟؟؟

Bloggerista said...

حيواناتج الأليفة موديلها تحوس بالبيت و لا تنحط بحوض؟

nanonano said...

maqhor:

أحنا نقولها يتصعقر تصعقرا صعقورا

مالك الا الطبيخه..حق حلّت بطنك
====

و طالع الأول مكرر بعد..عندي و عند الشريف

nanonano said...

فريج سعود:

أحنا في بيتنا نقولها صعقره

ما علي منكم

و أذا على الشماته..عليهم بالعافيه

المهم أنت

nanonano said...

Q8Sky:

ليش ربنا على المفتري؟

أن شاء الله ماكو مفتري..و الله يطخخهم..و يوصلون حق شي

nanonano said...

Zaydoun:

صعقره يا بوالزيد..يعني نجره بصوت عالي..ما أدري أحنا في بيتنا نقولها جذي

و بعدين بذمّتك..أنت خابرني زين

أنا ويهي ويه حيوانات أليفه

لزوم الصوره بس

nanonano said...

Fashionista:

والله يا فاشينستا يا عزيزتي ما أواطن الحيوانات الأليفه

بس زوجي يموت على الكلاب

و ناوي أييب لي واحد

بس أنا قلت أهتم بالحيوانات الأليفه..هذي شكلها بتصير هوايه يديدة..لين يتعدل السوق

الصج أنا أموت على الطيور

حسافتج يا كويت said...

أنا اتوقع اب تاريخ 16

وبعدها بيومين الطيارة تطير

علشان القرعة ترعة عدل

و

او تصير مفاجأة بس مو في 10
تو الناس






وبعدين شنو نوع الحيوانات اللي عندج وتربينهم؟؟

Zaydoun said...

ادري ما تواطنين لا الكلاب ولا القطاوة

بس حديقتكم الصغيرة يبيلها صخلتين بربريات

Snow White said...

أنا بعد أتوقع يوم 16/2 لأنه يوم مميز بالنسبة لي وهو عيدميلادي لول وايد متفائلة :) عالعموم اللي بالجدر يطلعه الملاس بنشوف شصير

تبين حيوان أليف حطي لج بالحديقة

Guinea Pig

لا هو فار ولا هو أرنب بس في شبه من الأثنين! وشكله حلو عيونه صغار جنها إتيل وأذونه بعد نتفه وشعره ناعم يونس

قانونى كويتي said...

مساء الورد

بس الله يعينج على التفكير من الحين

جذيه راح يتجمد تفكيرج مرة وحدة

واذا تبين حيوانات اليفة

اشرايج بالارنب الهولندى

صدقينى وايد حلو مع حجمه الكبير


على العموم لا اتطولين التفكير مو زين علشانج

:))

أبو جيج يدور نعاله said...

ما راح يصير شى


مجلس الأمة راح يوافق على خطة الإنقاذ بعد ربطها بإعادة جدولة القروض الإستهلاكية للمواطنين


خطة الإنقاذ خط أحمر



مو بكيفهم ...غصبا عليهم يوافقون عليها

و لا علاقة لخطة الإنقاذ بإستجواب رئيس الوزراء....كل الكتل متفقة على ضرورة إنقاذ شركات الإستثمار لأن أغلب أعضاء الحكومة و المجلس مساهمين فيها

كويــتي لايــعه كبــده said...

واللي أكبر منه راح يصير بعد الاعياد الوطنية في مارس تقريبا بعد التحجج بـ"الصعقره" اللي بالمجلس بهدف ان يظهر المجلس سبب التردي اللي حنا فيه


مبيوق...
عجبني تعليقك
:)

وانت يا مقهور...
علامك!؟
توك طالع الأول عندي بعد وتقول عمري ما طلعت الأول؟

Anonymous said...

وااااااااااااي لأ سياسة ويع لأ :\ ماقدر ماقدر .. لالا انا بطلع بسرعة هالمواضيع بتموتني قاصرة عمر .. أووووف على هالطاري إلا تعبنا وإحنة نحجي فيه وزلا أكو فايدة :\ :\ :\ :\ عـ العموم نونتنا حبيبتي تراآنا ماشية بس حبيت أطل عليج دامني على درب:) .. لالا مرا ثانية إن شاء الله أشرب عصيري الحين أدق عليج آنا ;P

Anonymous said...

شفتي شلون قمت أقط بدليااااااااااااااااات
:(

kuwaitawy said...

الله يستر

enter-q8 said...

بقعد فوق السطح
اشوف شنو بيصير

enter-q8 said...

اي و ماني نازل الا لما يحلون القصة بكبرها
تهقين بطول بقعدتي فوق

الدســتور said...

أليفة
:))
ديري بالج بس

a7ibich yl KWT said...

انا اقوول ربي صخيلتج ابرك لج من ترقب الاحداث

السالفة مصخت

كلن طقت جبده

chandal/danchal!! said...

مش كاين هيك تكون
يا ضيعان راحوا شو ما صار لكن راحوا مش سامع غنيت راحوا!!!!! لالالالالالالالا
كان غير شكل الزيتــــــــون


الشي الوحيد اللي بصير يوم 10 ... بتنتهي صلاحية اللبن اللي عندي "بالفلاجة" غير جذي فششششي

اطالبج 3 متفرقات ب 3 مودات

nanonano said...

حسافتج:

ليش ١٦؟ أشمعنى؟!؟
===

ترا من الحين القرعه قاعد ترعى
===

أنا قاعده أتطنز على روحي..لأن اللي يعرفوني يدرون أني أموت من الخوف من كل الحيوانات..الأليفه و الغير أليفه

nanonano said...

Zaydoun:

ويــــــــــــي بوالزيد ذكرتني بأم صديقتي الله يرحمها..كان عندها صخلتين بربريات..عقب ما توفت أختفوا..يعتقدون عيالها أن أحد باقهم و باعهم..لأن هالنوع من الصخول غالي

طبعا أنت تدري منو اللي قاعده أتكلم عنها

nanonano said...

Snow White :

و ال
Guinea Pig

منين أييبه؟

يبيعونه بسوق اليمعه؟

لأن الحين عقب الأزمه الماليه ما فيني أييب حيوان أليف من برّه

nanonano said...

قانونى كويتي:

مساء النور و البنّور

لا تحاتيني

أنا من النوع اللي في مخي مليون سالفه و سالفه

بس قعدتي على باب البيت أهيه اللي متعبتني

ما أدري ليش الناس على بالهم طراره

مو راضين يصدقون أني قاعده أنطر

nanonano said...

الوزير الإصلاحى الشاب الدكتور أبو جـيـج:

صاحب المعالي أسمح لي أني أختلف معاك بالراي هالمره

خطة الأنقاذ عليها مآخذ وايده

و ما أعتقد أنها راح تطوف

تعال سير علي و أشرب شويها معاي عند باب البيت

و ننطر يوم الثلاثاء

nanonano said...

كويــتي لايــعه كبــده:

لأ لي صار اللي أكبر منّه

راح تلاقوني فارشه بساحة الأراده و استقبل المهنئين

لأن عقبها صج ما يندرى شنو راح يصير

nanonano said...

killie thiqqa:

هووووووووووو

تعالي..وين رايحه

تعوّذي من أبليس

خلاص المره اليايه أوعدج ماكو سياسه

بس طخي

nanonano said...

kuwaitawy:

أهوه كل مره الله يستر..ما يندرى هالمره شو بدّو يصير

nanonano said...

Enter-Q8 :

بو وليد حط بالك لا تييك لفحة هوا

ياينا برد العيوز

والله أنا خايفه عليك لا تنطر فوق السطح وايد..لما تمل و تطب

تعال معاي بالأرض نفرشها أحسن و أئمن

nanonano said...

abu eldestor :

لازم تصير أليفه..خو الحين صفت الوحشيه الحيوانات تنازلوا عن هالصفه و صارت محصوره حق الأنسان

هذا الخوف..الحين الواحد لازم يدير باله من أخوه الأنسان

nikon 8 said...

الله يكتب اللي فيه الخير والصالح لنا
:)

nanonano said...

a7ibich yl KWT:

مو أنا خايفه من نتيجة طقّة الجبد هذي

ما يندرى شنو ممكن تسوي

حسافتج يا كويت said...

شوفي أحلى هواية إنج تربين حشرات

يوم كنت صغير ربيت نمل
وبعدين سويت مركب من اسفنج وحطيت كل النمل فية
وسويت لهم رحلة بالبحر

وجنهم واجهوا عواصف والموي بدى يكسر المركب وسويت قصة من مخي طويلة عريضة وقطيت النمل بالبحر يعني غرقوا لين بقت نملتين

واحد وحبيبتة أهم اللي خليتهم ينجون وخذيتهم لبيت النمل اللي عندي وكنت ابيهم يتزاوجون ويبون نمل وايد علشان ارد اعيد السالفة

بس مع الأسف طلعوا اثنيناتهم من نفس الجنس

وما تكاثروا وماتت نملة منهم عقب اسبوع
واطلقت النملة الاخيرة

صج كنت اوسوس وايد والعب العاب مينونة يوم كنت صغير

nanonano said...

chandal/danchal!! :

وااااااااااااي أموووووووت عليج

محد فاهمني كثرج

مود المتفرقات هالفتره معتفس

ماني قادره أركز

و بعدين خايفه أخمبق

ذاك الوقت شي فكني

nanonano said...

nikon 8 :

آميـــــــــــــــــن

بس أنا خايفه من هالمرّه..ما أدري ليش

حاسه..أن قاعدين على فوهة بركان

nanonano said...

حسافتج:

حدّك ياهل مبلتع

ذكرتني..بشي كمت أسويه و أنا صغيره بعد

أيمع أصباغ الأظافر مالت أمي

و اللي ألوانهم غامجه يعني أولاد و اللي ألوانهم فاتحه أهمه البنات

و وناسه لعبت بحسبة الأصباغ

لما يتني الزفه المعتبره من أمي..جان أتوب و ما أتعبث بأغراضها
====

الصج أنا أحب الطيور

و وناستي أني أوكلهم واهتم فيهم بس ما أحبهم بالقفص

لازم يكونون حرين

عشان أستمتع بحريتهم
===

بس ما عليك شكله زوجي راح أييب لي كلب

عشان الحمايه

و حياتك باقزرها بالسكه..لأن أعتقد أن الكلب راح تصير مهمته حماية زوجي مني

هاهاهاهاهاهاها

حسافتج يا كويت said...

لووووووووووول

شدعوة عاد والله حظيظ ريلج

ربي يهنيكم

nanonano said...

حسافتج:

هاهاهاهاهاها

لا تروالك

أنا والله اللي حظيظه فيه..و مستحملني

Unknown said...

this is the problem every one is ga3ed..no one is doing something

Snow White said...

إي تحصلينه بسوق اليمعه

ترا أهما من النوع يتكاثرون بسرعه يعني تييبين أثنينه ما توعين إلا صايرين درازن :)

nanonano said...

mosan mosan:

شنو نسوي؟

لي الحين ماكو شي الواحد يقدر يسويه غير نتفرج

nanonano said...

Snow White :

شكرا عزيزتي

عيل قريبا جدا راح تسمعون عن مزرعة حناحينو لتفريخ الأرانب

و يمي دكان صغير جنه مو لي يسوي ملوخيه بالأرانب..بس سفري..يعني تختار أرنبك..و عقبها تاكله..فريش

Zaydoun said...

اي الله يرحمها... اللي بيتهم في الخالدية؟

:-)

Snow White said...

حناحينو بصحح معلومه يبيعونه بسوق الحمام مو سوق اليمعه!

سوق الحمام يبيعون فيه الحيوانات أما سوق اليمعه يبيعون فيه الأشياء المستعمله :)

ولاّدة سابقاً ... رانيا السعد ...رانية المنيفي حسب الأوراق الرسمية said...

الأجواء تذكر بقصيدة خالد الفيصل

عوى الذيب يا ساري
وى ذيبها حذرا
يرد الظلام عواه
لضلوعه صياحي

ولاّدة سابقاً ... رانيا السعد ...رانية المنيفي حسب الأوراق الرسمية said...

تصحيح

عوى ذيبها حذرا

ما أدري وين راحت العين...ضاعت مع المعمعة

lawyer said...

مير ان هالحيوااااااان الاليف عنده عقل ابرررررررك من هالخرفان الي في مجلسناااااااا

Q8Sky said...

ابشرج يقولج بخلون مناقشة الخطه يوم الخميس بجلسة خاصه وعلى شرط اسقاط فوايد القروض .. هالحجي على ذمة جريدة الجريدة

Unknown said...
This comment has been removed by the author.
Blog 3amty said...

يا لاعب في ورق خسران

لا تفكر ابد تربح

لا تمثل علي الهيمان

ترا هالدور ماااااا يصلح

100 fils said...

صباح الخير

أنا عن نفس بغيبوبه مع السوق حتى اشعار اخر

;p

nanonano said...

Snow White:

شكرا جزيلا على التصحيح

بس اذا بسوق الحمام..ما راح أروح..ما أواطن الريحه هناك

nanonano said...

ولاّدة:

آسفه ولاده..بس أمون عليج

أنتي عارفتني

مالي شغل بالشعر

بس لما قريت تعليقج

حبك معاي التعليق

ياك الذيب و ياك وليده

nanonano said...

lawyer:

ما اقدر اقول الا ابتلشنا فيهم

nanonano said...

Q8Sky:

مشكوره على السبق الصحفي

عقب قريتها بجريدة الجريده

يا بختنا

nanonano said...

Blog 3amty:

ذبحتوني بالشعر

والله العظيم
ما أفهم

الحين اللي قلته زين و لا شين؟

عني و لا عن المجلس؟

nanonano said...

100 fils:

واللي شغله مجابل سوق شنو يسوي؟

100 fils said...

نانو كلنا بالهوا سوا
انا مجابل السوق لانها جزء من عملي لكن اطالعه بنظره فيها غيبوبه اشلون ماأدري..يمكن لاني حدي متفلع

:)~

mantovani said...

شنو عندج حيوانات اليفة

من باب الاهتمام المشترك ؟؟؟


و شكرا

مانتوفاني

KQ8 said...

اتصدقين عاد ...مليت كثر الربربه اللي مامنها فايده

بنطر .... بشوف لي وين بنوصل مع كرة الثلج

العرزالــــــه said...

ولا راح يصير شي

 
template by Purplecious