Wednesday, February 04, 2009

الموبايل+الطياره=مالها سالفه

.
.
.

أمس بيمعتنا البناتيه..قررنا 
.
ما نبي أنييب طاري الأزمه الأقتصاديه 
.
و لا الأزمه السياسيه اللي أحنا مقبلين عليها
.
فتم فتح موضوع الموبايلات
.
ترا شي مزعج الحين شلون الموبايلات
.
سيطرت على حياتنا
.
و أذا صار بالشبكه شي..تنشل حياتنا
.
طبعا غير أزعاج الناس..و عدم أحترامهم
.
لخصوصيات الآخرين..و يعطون نفسهم
.
حق أنهم يدقون بأي وقت..و على غير سالفه
.
المهم
.
وايد أستئنا من قرار بعض شركات الطيران
.
أنها تسمح باستخدام الموبايل بالطياره
.
و قلنا الحين الله يساعدنا على الأزعاج
.
فطرحت على البنات سؤال
.
شنو الشي اللي وايد مهم اللي
يخلي الشخص لازم يفتح الموبايل بالطياره؟
.
و أذا في حاله طارئه..شنو يسوي بعمره؟
.
ياخذ باراشوت و يطب فيه؟
.
عاد جان تقول وحده من البنات
.
جذيه الا و أهوه طاب بغابه
.
قلت لها و حظّه الأقشر
.
يطب جدام بيت الأسد
.
جان ترد صديقتنا الثالثه
.
و يطب فوق ظهر الأسد و تلجحه لبؤه
.
طبعا هالسيناريو ما ياز لنا
.
فحاولنا نلاقي مكان ثاني الواحد يطب فيه
.
هم يرد يتدخل الحظ الأقشر بالحسبه
.
و يطب بالباراشوت على قبيله آكلين لحوم البشر
.
و أهوه مجبّل بالباراشوت يلجح الجدور قاعده 
.
أتسخّن..هني قالت وحده من البنات
.
أنا وحده باحشم روحي..و آخذ جزرتين
.
و أطب بالجدر بكرامتي
.
.
و بعد نقاش حامي..وصلنا لنتيجه
.
أن حتى لو ياك تليفون طارئ جدا على الطياره
.
ما راح تقدر تسوي شي
.
فانثبر بمكانك..لما توصل
.
و من هنا نأتي للنتيجه النهائيه
.
الموبايلات ما لها سالفه بالطيارات

50 comments:

Zaydoun said...

لا تخافين على ربعنا... باجر تلاقين شيخ بوربع ولا وحدة ملسونة ولا نائب من إياهم تجيله مكالمة طارئة، ويقوم من مكانه ويروح للكابتن ويقوله ارجع الكويت حالاً

يرد عليه الكابتن: عفواً بس من صجك انت؟ ارجّع طيارة كاملة بركابها علشانك؟

يصرخ عليه صاحبنا: أقول لك ارجع أحسن لك ولا ترى والله استجوب وزير المواصلات وابهذل شركتكم في الجرايد



الله يستر وقولي انشاءالله الخط ما يلقط فوق بالسما

Mok said...

زبدون ههههههههههههههههه

هي مهمة عند الوصول بس

فريج سعود said...

انتي ليش خواافة

يعني اذا الواحد فتح موبايله الطيارة بتطيح ؟

قولي ليش الناس تفز فزة جماعية اول ما تواير الطيارة الخلفية تلمس القاع

هذا السؤال

ANGEL HEART said...

كلش ماله داعي والله

اصلا بتسبب تدوده ولويه وانشغال بال حق المسافرين

Q8EL5AIR said...

خوش قعدة جنها .. بس خيالكم جدا واااسع :)


رايي ان لها سالفة !!

لان الموبايل اداة لتوصيل معلومة .. فهو بالتالي مو لازم تسوين شي اذا يالج اتصال .. ولكن يمكن تساعدين غيرج بهالاتصال عن طريق معلومة :)



مع تمنياتي برحلات شيقة خالية من المطبات الهوائية :)



وتحياتي ..
ويسلموااااااااااااااااااا :)

مش انا said...

اعجبتني سالفة تخصيص موضوع للقعدة
عساها قعدة دايمة ومليئة بالخير باذن الله

ابخصوص موضوع التلفون داخل الطيارة هو فعلا تفلسف
ولكن بالامكان اني اسوي شئ بعدم حضوري تدرين شلون ... يمكن يكون عندي بعض الاسماء اللي صاحب المشكلة مايقدر يحل المشكلة الا بالتنسيق معاهم فأكون ضميت كم راس بالحلال لحل المشكلة الحاصلة

وتوتة توتة خلصت الحدوتة

lawyer said...

رفيجتي امس مسافره على طيران الوطنيه

تقول خدمه موبايلاااات و انترنت و كل شي عادي

بسسسسسس


والله زيودووووون خرعنااااااا

شكله يسوونها و جنه العيييييد






انا اقول بلا موبايلات بلا بطيييييخ

سكروا جهازكم و جابلوووو الموفيييي وايد احسن

ولاّدة سابقاً ... رانيا السعد ...رانية المنيفي حسب الأوراق الرسمية said...

ليش فكرتي بالأخبار الشينة؟

شخصياً فرحت

أذكر أيام الحب -اللاهب- كنت ما أستحمل 7 ساعات ما أكلم حبيبي وهو في الطيارة
مكالمة صغيرة...شوية غزل...يطفّي الشوق


وأيام الحب -اللي لك عليه- أنا أوسوس إذا تأخرت طيارة حبيبي فأتطمن بإني أتصل


وأيام الحنّة القادمة إذا بدأ ولدي يسافر مع ربعه ..أبي أتطمن عليه

chandal/danchal!! said...

لا و الف لأ للموبايلات... بروح الواحد قاعد على اعصابه وكل مالي يزيد خوفي من الطيارة... انا عادي ازف اللي ما يسكر تلفونه... طبعا مو قبل ما افتن عليه المضيفة لول بس هم يسمعله جم كلمة مني

واذا في ضرورة يستخدم موبايل الطيارة... وخل يقزرونها هاند و اونو وايد احسن

Q8iya said...

مالها اي داعي..من كبر الطياره..بصيير قمت الازعاج..لا من قرقت الاوادم و لا من الرنات البايخه الي هابين فيها...راح اتصير الطياره سوق جمعه

Unknown said...

1- sometimes you forget to arrange for things before your arrival and you wish you can call somehow.
2- it will be horrible specially if you are around someone on the plane (closed area ) who talks in a loud voice ( don't hate those people)

3- sometimes it gets boring, you had enough reading and watching a movie.

4- what also will be annoying is you will get 100 greeting messages from each country's mobile network

Diver said...

انا افكر جديا بعض الاوقات باني ما استخدم الموبايل بس تدرين حكم القوي


و انطلاقا من اخر جملة انتي كتبتيها انا اقول انه الموبايلات مالها سالفة مو بس مالها سالفة بالطيارات

الدســتور said...

أخالفج الراي
بالنسبة لي
احب المسجات المتعلقة في بورمية
احب اعيش الخيال نعاه

enter-q8 said...

طفارتي لما الطيارة توها ما انزلت و شعبك يشغلون التلفونات و تشتغل المسجات و الا اي انا وصلت
و الا الثاني اويه احنا اهو فوق المطار
شكو
صج شكو

حسافتج يا كويت said...

نانو

انا أستخدمت تلفون الطيارة مرتين في حياتي

مرة كمرافق مريض وفعلا احتجت مساعدة من دكتور

ومرة لاني مسوي مفاجأة لأهلي اني برد الكويت وهم ما يدرون متى فأتصلت من الطيارة قبل الوصول بساعة علشان يستبعدون اني بالكويت
ويومها امي بجت واخترعت ووووو هههههه


عموما اذا ياني تلفون وأنا بالطيارة والخبر مو زين مثلا ولا اقدر اسوي شي؟؟

بالعكس عندي هذي فرصة اني افكر بالمشكلة لين اوصل وتفكيري بكون بدون انفعال لان ما باليد حيلة
وفرصة اني ادعي ربي واتباصر بالمشكرة والتفكير بعمق فيها

ويمكن لا وصلت احلها افضل من الحل الفوري

وهم ممكن اطرش احد يحل المشكلة مو بالضرورة انا

التلفون مهم

بس صج انا من الناس اللي التلفون قام يعور قلبي وساعات مع كل رنة اقول الله يستر

Anonymous said...

LOOOOOOOOL

:D

آنا عجبتني سالفة الحوار إلي مازال مستمر جنة سوالفنا لمن نحط على الشغلة .. تعالي سكتينا ماتقدرين خلاص دشينا بالموضوع عاد شطلعنا بعدييييييييين
:D

وصج السالفة سخيفة موبايل بالطيارة مالها لزمة .. رجال أعمال إلي هم رجال أعمال مولازم يشغلون الموبايل بالطيارة هذا وهم على أبديت مع جهات كثيرة ويمكن هم أحوج ناس للموبايل " بس " مو تفققو مثل البعض .. أموت وأعرف خلصو القرارت بالديرة عشان يخططون لهالشغلة التافهة
:\

بس المرة الثانية قوليلي متى الزومة البناتية أبجر عشان ألحق
:D

تسلمين على هالبوست الحلو حبوبة :)

100 fils said...

بما اني مدمن تكنولوجيا لكن شغله التلفون الي بالطياره دلع زياده بس ممكن تفيد رجال وسيدات الاعمال..و بعد الحين ال بلاك بري و تكنلوجيا الedge شغالين بالطيارات

بعدين هي فرصه تزيد فيه شركات الطيران ارباحها

:)

nikon 8 said...

أنا شايفة إن له عازة أحيانا وبالذات إذا كنا نحاتي شي ونبي نتطمن
:)

قانونى كويتي said...

انا عن روحى

بس ادخل المطار واركب الطيارة راحج اصكر جهاز النقال

وصدقونى متعة ماكو احلى منها

جربوهاااا نص يوم وشوفووو الفرق

تحياتى

LiL ALiEN said...

متى انعزم على قعداتكم؟

Sn3a said...

حده ماله سالفه الموبايل
وانا انزعج منه صراحه
يعني حتى ماحب ازعج الناس واتكلم يمهم

Anonymous said...

وليش بالله ما عزمتوني؟

honey said...

لوووووول والله صاجييين يعني إذا اكو خبر مهم اللي داق ما يحشم نفسه لما أنزل الأرض حتى بالسما ازعاج

ماني من ربع الموبايل وايد عادي شهر مكالكاتي اقل من 10 دنانير

بس احس لما إصير عندي عيال من لبحتهم بدبس الموبايل باذني
;p

nanonano said...

Zaydoun:

اذا صارت هالخدمه بالطيارات

ما راح أركب و لا خط طيران محلي

لو شنو

خابرتهم أش من سكّه

nanonano said...

Mok:

ليش مهمه عند الوصول؟

nanonano said...

فريج سعود:

يعني معلقه بين السما و الأرض

ما تبيني أخاف؟؟!!؟

nanonano said...

ANGEL HEART:

شكرا..بالضبط ماله داعي

nanonano said...

Q8EL5AIR:

شكرا..بس بذمتك هالمعلومه المهمه اللي لازم توصل ماكو ألا أنا اللي عندي اياها؟ و لا ما تقدر تنطر شوي على ما أوصل؟

nanonano said...

المجهوول :

اذا في مشكله و أنت مو طرف فيها ليش التكدر؟

nanonano said...

lawyer:

أي والله أشفيها الأفلام ما يجابلونها؟

لازم هذره؟

nanonano said...

ولاّدة:

على بالج أذا ولدج وصل السن اللي بيسافر فيه مع ربعه و شاف رقمج راح يرد؟

nanonano said...

chandal/danchal!!:

هاهاهاهاها
هاهاهاهاها

أنا بعد مره صارت لي..و كنت راجعه بروحي من القاهره

و اللي يمي مشغل تليفونه

عطيته كلمتين بالعظم

بس الله وكيلج الله ستر علي

لأن الحبيب كان مكثّر شوي

nanonano said...

Q8iya:

عليـــــج نور

سوق اليمعه..بالضبط

nanonano said...

mosan mosan:

أنا بالنسبه لي..أني أكون محكوره بمكان..و في أنسان يمي أو وراي..ما يحترم هالشي و يقعد يقرق..هذا شي قاتل

nanonano said...

Diver:

أسكت..مابي أفتح هالموضوع

لأني بديت أحس أن الموبايل جنّه وحش..يلحقني من مكان لي مكان

nanonano said...

abu eldestor:

و نسيت مسجات تصريحات الدويله

وايد أهم

nanonano said...

حسافتج:

ليش ينقلون لي أخبار مو زينه..و أنا بالطياره..كلشي يقدر ينطر..هالعيله اللي أحنا فيها..ما راح تفيد

nanonano said...

Enter-Q8 :

بو وليد

آسفه

آسفه

ما كان قصدي أخطرك

شفت شلون..مالها سالفه

بس ملاحه

nanonano said...

killie thiqqa:

أهلا و سهلا

مشكوره عزيزتي
***

عاد الله يزيد النعمه على نوعية رجال الأعمال اللي عندنا..لا عندهم مصانع متعطله عليهم..و لا أسواق عالميه..تنطر الأشاره منهم

nanonano said...

100 fils:

بالنسبه لي

هي فرصه لزيادة الضوضاء بالطياره

nanonano said...

nikon 8:

أنزين..أنتي تحاتين..و ما تطمنتي..شنو بتسوين بعمرج..و أنتي معلقه؟

nanonano said...

قانونى كويتي:

أنا الحين..أبي أجازه..قاعده أدور أروح ديره ما فيها سيرفس..بس عشان أطخ شويه

nanonano said...

LiL ALiEN:

حيّاك الله أي وقت

nanonano said...

Sn3a:

لأنج سنعه..بس مشكلتج..بقل السنع اللي منتشر هاليومين

nanonano said...

maqhor:

عيزنا و أحنا نعزم فيك..و أنت اللي التغلى

nanonano said...

shahad:

ما شاء الله عليج مفتكه من الفواتير

بس أن شاء الله يايج الخير مع العيال

chandal/danchal!! said...

loooooooooooool

الله ستر عليج... بل بل بل هذيله ما فيهم ملح بالطيارة... اذكر مرة علبريتيش و رحلة 13 ساعة و الشسمونه صاير سبيل... عساج ما تتلفتين يمين يسار الشعب البيطاني كله يدردب غير اللي يلفزونه بهاند باجاتهم :( واي ما شفت على هلاقتهم هسترو قلبوا الطيارة قلاب ... صارتلج آيريش بوب... المفروض مو بس الموبايل ممنوع حتى مذهبات العقل يمنعونها

الظاهر يا نانو انا معاج نفس الطينة .. انزف بدون ما نتمقل بويووه اللي نزفهم!!! تهقين علامات شيخوخة!!

nanonano said...

chandal/danchal!!:

هاهاهاهاها
هاهاهاهاها

لا والله من حرارة القلب

ما نوهّل و ندرس الموضوع

قول يا لساني و انا اقول

Blog 3amty said...

أقترح ان يكون التلفون بالطيارة أرضي بويار، ليش الخساير والمكالمات !

nanonano said...

Blog 3amty:

هاهاهاهاها
هاهاهاهاها
هاهاهاهاها

خـــوش اقتراح

 
template by Purplecious