Monday, June 05, 2006

تخيلوا

اليوم وصلتني نفس المسج عدة مرّات...المسج تقول
يوم السبت 3/6 جاسم الخرافي عند زيارته لأحد دواوين دائرته ينكر استدعائه للقوات الخاصه لمنعنا من دخول مجلس الأمه
أنا لما قريت هالمسج...قلت حسبي الله و نعم الوكيل...أشكره جذي....عيب...دقيت على صديقتي و قاعده أسولف معاها...جان تقول لي...أنها تدري بهالشي...لأن أمس كان قايل نفس الشي بدوانيه ثانيه من ديوانيات الدائره الثالثه....قمت أطق على راسي....ما أصدق....أشوه أن أحنا غالبيتنا كنّا هناك يوم انمنعا من الدخول....و عقب ما وقفنا بالشمس...بالحر الموت معانا النواب...محاطين بالقوّات الخاصه...و سيارات المطافي عشان يرشونا بالماي......نفاجئ اليوم اللي وراه صوره بالجرايد قاعد يتمشى بالمجلس مع حفيده...هذا شنو يسمّونه؟

22 comments:

Zaydoun said...

صور القوات الخاصة موجودة على 50 بلوج

الظاهر بوعبدالمحسن ليلحين حسباله ماكو كاميرات ديجيتال* ولا بلوجات تنشر الأخبار أول بأول

وإذا مو هو اللي طلب القوات الخاصة خلي يقول لنا منو طلبهم ويرفع الحرج عن نفسه

موضوع القوات الخاصة لازم ما يموت إلى يوم الانتخابات

-----

حتى أم دعانوه عندها كاميرا ديجيتال*

ZORT said...

!الخرافي خرّف


Check email please

Anonymous said...

azeedich min ishi3ir bait...
He said he is against the five because all members of the ministerial committee are non bedouin sunnis and because of that they divided the districts to serve the interest of their social group alone while neglecting the interest of other sects such as the shiites and bedouins.

how dare he doubt the intentions of the committee members????

ZORT said...

Anonymous,

The dimwit never admitted he was against the 5 in public before!

q80_demon said...

الخرافي يتبع طريقة إكذب حتى يصدقونك.

مقولة عظيمة لإبراهام لينكولن:
You can fool some of the people all of the time, and all of the people some of the time, but you can not fool all of the people all of the time.

iDip said...

حفظ النظام داخل مجلس الأمة من اختصاص رئيسه, و يكون للمجلس حرس خاص يأتمر بأمر رئيس المجلس، لا يجوز لأي قوة مسلحة أخرى دخول المجلس أو الاستقرار على مقربة من أبوابه إلا بطلب رئيسه

المادة 118 من الدستور

إذن من "طلب" القوات الخاصة؟

إما الخرافي، فيكون قد كذب...
وإما شخص غيره، فيكون قد خالف الدستور

والحكم لكم

gahwah said...

ok بس

الشرهة مو عليه الشرهة على اللي كان بالديوانية ولا وقفوا عند حده... أنا ماسمعت الى الحين ان فيه أحد رد عليه.. غريبة؟؟؟ لو سمحتوا صلحوا معلوماتي اذا كانت غلط

ZORT said...

Q80_Demon,

“Make the lie big, make it simple, keep saying it, and eventually they will believe it” -Adolf Hitler

Also:

"The great masses of the people will more easily fall victims to a big lie than to a small one"

-Adolf Hitler

Soud said...

اى والله حسبنا الله ونعم الوكيل

اخذنا حمام شمس ويقول مو انا

يمكن مو اهوا صحيح، صدرت من جهات عليا واهو اللى ينفذ

سعود

nanonano said...

Zort:
I will tom.morning enshalla...thanx a lot dear

ZORT said...
This comment has been removed by a blog administrator.
ZORT said...

You're welcome..

Bil 3aks, thank you :-)

Alia said...

هذا اللي يقولون عنه
يجذب الجذبة ويصدقها

ما يستحي على ويهه

بس صحيح معقولة ما في أحد رد عليه؟؟ غربية؟؟؟
إلا إذا كان كل الحضور ربعه واللي ناقل اصواتهم

لمياء الحالمة said...

كان من الممكن للخرافي ان يقول للجميع بانه هو الذي أمر بذلك, بذريعة إنه لم يود ان تتحول الجلسة إلى سيرك (كما حصل بالسابق) , بهذه الطريقة يمكنه الحفاظ على ماء وجهه

هذا إن كان هناك ماء بوجهه أصلا

:)

هناك فيلم جميل إسمه

أنا لا اكذب ولكني أتجمل



يبدو أن عمليات التجميل (والتلميع) هي الدارجة بهذه الايام

neelaah said...

نانو

هذا اللي ينقال له

ان كنت تدري
فتلك مصيبه

و ان كنت لا تدري فالمصبيه اعظم

forzaq8 said...

gahwah

وايد ناس تقول انه عيب انك تكذب او تطرد واحد مضيفه فى ديوانيتك

mishari said...

انا ما ودى الخرافى يوصل لكن اذا كنا نتكلم بالواقع مو كل الساسين ينكرون كل الافعال المشينة لهم
30% على الاقل يصدقون هالجذبة وهالنسبة كافيةللنجاح

ORACLE said...

للأسف سينجح الخرافي في الشاميه لعدة عوامل تتعلق بنقل الاصوات وشراء الذمم وتقديم الواسطة والتعيينات
طبعا من المتوقع أن يلجأ في هذه الفترة الى الكذب والنفي وخاصة عند زيارته
لدواوين المنطقه
والتمثيليه الرخيصة اللي سواها خالد السلطان في اخر يوم للتسجيل في الانتخابات فضحت المستور

Anonymous said...

dam ma7ad e7ebah.. laish kila efoz????????????????????

Q8Maverick said...

هذي يسمونها قلة حيا

3AJEL said...

بعد الكلك شلون صاير حمر خضر صج ما يستحي الحين صار طيب وبرئ لكن شنو نقول؟ يا الخرافي احمل عارك

MaRMaRiKo said...

مو صج التناقظ إلي هو فيه عاد قلنا الناس تلف و دوووور بس مثل دوارتك أبد ما شفت ؟؟؟ إي مو منك يا بو محسن التناقظ و تضارب أقوالك !! معلش من كثر ما درت راسك دار و ما قمت تشوف إلا 25 دائرة و الود ودك بعد 35 !!!! بس إحنا لها إنشاء اللة

 
template by Purplecious