ان شاء الله
بحيل اللي ما تنام عينه
يوم الجمعه الفجر
بنشيلها صفقه و يبّاب
أحنا أبتيدنا المشوار مع بعض
و مهما كانت النتائج
فاهو أنتصار
و راح نكمّل المشوار
هم مع بعض
و قولة العندليب
وابتدى المشوار
اليوم ٣٥٥: Samsung Tab S10+
1 day ago
Wednesday, June 28, 2006
Monday, June 26, 2006
الكويت نبيها لعيالنا
هذي عنوان ندوة المرشح عن الدائره السادسه
محمد العبدالجادر
و أنا شخصيا حدّي متحمسه لها
لأن المحاضرين راح يكونون
د.أحمد الخطيب
و د.الخطيب غني عن التعريف
و السبب الثاني
..لأن لأول مره
النائب السابق مشاري العصيمي
راح يحاضر
فخل نشوفكم هناك اليوم الساعه 9
بالفيحاء
للرجال بجانب صالة المعجل
و النساء في دوان المعجل
Sunday, June 25, 2006
Wednesday, June 21, 2006
صباح الخير....للأسف أنا مصابه بخيبة أمل كبيره هاليومين.....ما أدري ليش بس كنت حاسه و أنا في بداية حركة نبيها 5 و زيادة الوعي السياسي عند الكويتيين أن أخيرا ارتقينا بنفسنا و تعدينا خلافاتنا و صارت الكويت و مصلحتها...اهيه هدفنا الأساسي....بديت أتفاجأ مؤخرا....ان ردت ريما لعادتها القديمه...و ردينا على نفس السالفه...هذولا يدعمون هذا...وي ما نبيه....فلان يمثل هالمجموعه...خلوه....هم ما نبيه...هذا ناقل و هذا مو ناقل...هذا يدفع و هذا ما يدفع.....هذا يسوي خدمات و هذا ما يسوّي....ما قمت أسمع من أحد عن طرح المرشّح نفسه...عن موقفه السياسي...و اللي بعد زاد الطين بلّه...هالموديل اليديد اللي هابين فيه.....زوجة أو أم أو أخت أو طوايف أهل المرشح أو المرشحه حليوين و الآخرين مو زينين..على فكره لازم يصيرون حليوين لأنهم أهمه اللي محتاجينكم مو أنتوْ.....ترا يا جماعه المرشح أو المرشحه...بطرحهم و بفكرهم و بموقفهم السياسي مو بأي شي ثاني |
Thursday, June 15, 2006
Wednesday, June 14, 2006
Tuesday, June 13, 2006
ياجماعة الخير....صبّحكم الله بالخير....أعتقد آن الأوان أن كل واحد يقعد قعدة رواق مع نفسه و يسأل نفسه...شنو أبدا؟ الكويت و مصلحة الكويت ولاّ العلاقات الأجتماعيه و العائليه ما نبي عقب اللي صار كلّه نستمر في مسلسل المجامله و الخزعبلات الأجتماعيه اللي كنا فيه....بس عاد....مصخت....كل واحد أو وحده طول بعرض يقعدون ينظرون بالكلام و لما الواحد يواجههم...يقعدون يدورون مبرّرات و يتلعثمون...و تلاقي التليفونات تشتغل أن لا تييبون طاري جدّام الأشخاص المعنيين....فشله...أي ليش فشله...عبّر أو عبري عن قناعاتك الشخصيه بدون تردد....خو المرشحين مو قاضبين عصاة و مهددينكم فيها...مثل ما أنتو عندكم تحفظات من حق المرشح أو المرشحه أنهم يعرفونها....لي متى بتغلبون المجامله الأجتماعيه على الكويت....هذي سالفه و القصّه الثانيه اللي الحين هابين فيها بعد....لا والله أمّه و مرته حليوين...ذاك الأستقبال...و ذاك الحط...اللي ما عندك بأحلى منّه...انتوا من صجكم و لا أتقشمرون أنتوا ما راح تناسبونهم...أنتوا راح تختارون الأنسان اللي عنده مصلحة الكويت فوق كل أعتبار....أشفيكم؟ |
Saturday, June 10, 2006
Tuesday, June 06, 2006
Monday, June 05, 2006
تخيلوا
اليوم وصلتني نفس المسج عدة مرّات...المسج تقول يوم السبت 3/6 جاسم الخرافي عند زيارته لأحد دواوين دائرته ينكر استدعائه للقوات الخاصه لمنعنا من دخول مجلس الأمه أنا لما قريت هالمسج...قلت حسبي الله و نعم الوكيل...أشكره جذي....عيب...دقيت على صديقتي و قاعده أسولف معاها...جان تقول لي...أنها تدري بهالشي...لأن أمس كان قايل نفس الشي بدوانيه ثانيه من ديوانيات الدائره الثالثه....قمت أطق على راسي....ما أصدق....أشوه أن أحنا غالبيتنا كنّا هناك يوم انمنعا من الدخول....و عقب ما وقفنا بالشمس...بالحر الموت معانا النواب...محاطين بالقوّات الخاصه...و سيارات المطافي عشان يرشونا بالماي......نفاجئ اليوم اللي وراه صوره بالجرايد قاعد يتمشى بالمجلس مع حفيده...هذا شنو يسمّونه؟ |
Subscribe to:
Posts (Atom)
